Comisións Obreiras afirma que o goberno municipal "non fai máis que dar bandazos na política de persoal, vulnerando leis e acordos que van producindo danos nas relacións laborais cos empregados municipais".
Fan referencia a varios incumprimentos do Convenio Colectivo en vigor no concello do Carballiño, que data xa do ano 2018.
Desde o sindicato agardan que desde a concellería de persoal e a alcaldía adopten "as medidas oportunas para solventar todos estes incumprimentos o antes posible". Entrre os mesmos, estarían a non contratación de seguros de accidentes e incapacidades, o retraso no pago de nóminas e os abonos da productividade, a Lei de Prevención de Riscos Laborais, ou a falta de recoñecementos médicos en tempo e forma, entre outros.
Podes acceder ao comunicado íntegro de CC.OO abrindo o arquivo adxunto:
Dende fai un tempo está claro que este goberno debe de querer que os nenos estén lonxe do Carballiño...por iso está o parque da alameda no estado LAMENTABLE que está, para ver se se fan dano e non volven. Por se iso non é suficiente agora poñen a decoración de Nadal na praza cheo de clavos, grapas, madeiras en mal estado...e así está na primeira semana....insisto ten algún interés en que os nenos se fagan dano e que marchen a outro sitio? e que ninguén no concello ve estas cousas?
A conselleira do Medio Rural, María José Gómez, recibiu esta tarde no seu despacho de San Caetano ao alcalde de Leiro, Francisco Fernández. A reunión serviu para avanzar, entre outros asuntos, no desenvolvemento do polígono agroforestal de Barzamedelle, situado neste concello ribeirao e que suporá a recuperación de máis de 145 hectáreas.
A conselleira puxo en valor que a día de hoxe xa se rozaron máis de 73 hectáreas neste polígono, para xestionar as acacias, e tamén que están moi avanzados os labores de investigación da propiedade.
Actualmente, esta iniciativa atópase na fase de redacción do proxecto básico, un documento técnico que elabora a Axencia Galega de Desenvolvemento Rural unha vez que se produciu a declaración de utilidade pública do polígono.
Ni hay ni se les espera, bus directo a Santiago Vigo, para estudiantes, por ejemplo. O que pasa todo tiene que ir a ourense.
Por cierto, preguntado a Monbus, dicen que es "cosa" de cada concello pedir el servicio
En fin O Carballiño, como en otras cosas en caida libre y sin freno .
Nos vemos en la Intermodal de Ourense. Cuando se ponga de moda politica se hara, . Tema de tertulia, no todo bailes politicos.
Outra das grandes entradas da tempada no Espiñedo, acaso a mellor do que vai de liga, con preto de 2000 espectadores para ver este partido correspondente á xornada 15 da Primeira Federación.
Despois de 7 partidos consecutivos chegou a derrota para os verdes, castigados pola súa falta de acerto ante a portería azulgrana, desperdiciando varias ocasións de gol, unha efectividade que si tivo o filial do FC Barcelona, dominado na maior parte do partido polo Arenteiro, pero esto vai de goles e os culés fixeron dous por tan so un do Arenteiro.
A xogada polémica chegou na mellor ocasión do Arenteiro para empatar o partido, primeiro o meta do Barsa rexeita coa cabeza, pero o posterior remate é despexado coa man a córner por un defensor cando o balón collía dirección de portería, penalti moi claro, que non sinalou o árbitro.
Video resumen do partido:
https://www.youtube.com/watch?v=uBK_9IyKjtM
Cronica do partido en La Voz de Galicia:
https://www.lavozdegalicia.es/noticia/ourense/2024/12/02/arenteiro-estre...
Cada municipio goza cada ano de dous días festivos de carácter local, que son os elixidos por cada respectivo concello. Dentro do noso ámbito son os seguintes para o ano 2025:
Avión: 4 de marzo (martes de entroido) e 4 de agosto (Lúns que coincide coas festas patronais)
Beade: 3 de febreiro (San Brais) e 2 de xullo (Santa Sabela).
Beariz: 13 de xuño (San Antón) e 4 de agosto (Romaría de Santo Domingo)
Boborás:13 de xuño (San Antón) e 19 de setembro (Romaría da Saleta)
O Carballiño: 4 de marzo (martes de entroido) e 17 de setembro (Dia do Patrón)
Cenlle: 4 de marzo (martes de entroido) e 11 de xullo (San Benito)
O Irixo: 4 de marzo (martes de entroido) e 13 de maio (Festividade de Fátima)
Leiro: 4 de marzo (martes de entroido) e 11 de novembro (San Martiño)
Maside. 4 de marzo (martes e entroido) e 27 de agosto (San Vitorio)
Piñor: 4 d marzo (martes de entroido) e 11 de novembro (San Martiño)
Punxín: 4 de marzo (martes de entroido) e 28 de abril (San Wintila)
San Amaro: 4 de marzo (martes de entroido) e 15 de xullo.
San Cristovo de Cea: 10 de xullo (San Cristovo) e 22 de setembro (Festas da Saleta)
Sebas Lamazares, Fátima Gómez, José Antonio Barge e Manuel Nogueira, protagonizan xunto a Xan Pinal unha nova entrega da Tertulia de COPE O Carballiño, correspondente a este venres 29 de novembro de 2024.
Podes escoitala no PODCAST adxunto:
Isto xa é inaguantable. Pasan os meses. Outro mes mais e outro pleno mais e sigue sen levarse a pleno por ningún dos grupos que forman a corporación a adhesión do Carballiño ao plan de transporte metropolitano da Xunta para a provincia de Ourense.
Que sí. Que xa sabemos que aínda non está funcionando dito plan pero iso non foi excusa para que outros concellos xa pedisen a súa integración fai bastante tempo (anos incluso). Aquí estamos como estamos. Preferimos levar a pleno mocións repetidas e duplicadas no tempo como a de Espazo Común da ampliación do túnel de Rapariz (xa aprobada nun pleno anterior fai anos). Que os políticos do Carballiño non usan o transporte público é unha realidade. Tampouco vamos a ser inxenuos e pensar que aos do fotogoberno PP-PSOE lles importa moito o tema xa que eles están cos seus soldos e as súas fotos.
Pero aos de Espazo Común e ao BNG estando na oposición non deixa de extrañar que non leven tal proposta. Parece que nin os mozos nin os vellos (principios usuarios do transporte público) somos un bo caladeiro de votos. E sin embargo votamos coma os demais. Ver para creer. Ao final os perxudicados somos os de sempre que non temos coche particular.
O PSdeG-PSOE de Leiro amosa a súa “fonda” preocupación polas obras da ponte da Esperela que acumulan “importantes” retrasos dende que se pechou a mesma o tránsito o día 8 de xullo. As e os socialistas tamén critican o “mutismo” da Xunta de Galicia ante as preguntas rexistradas polo PSdeG-PSOE no Parlamento de Galicia e que 5 meses despois “seguen sen resposta”.
O grupo municipal socialista lembran que xa no mes de xullo amosaron a súa “desconformidade” ante a “falla de previsión” do concello e a Xunta de Galicia, xa que as obras foran iniciadas en plena época estival, coincidindo co aumento da veciñanza que reside en Leiro e coa chegada dun maior número de turistas. Unha situación que en palabras da veciñanza “supuxo un gran trastorno á veciñanza, aos comercios, hostalería e negocios e a cidadanía en xeral”.
Tal e como apuntan os concelleiros do PSdeG-PSOE de Leiro, Pedro José González e Manuel Rodríguez Vázquez, explican que a veciñanza “está farta da demora nas obras e de que unha das vías principais de comunicación do municipio, como é a Ponte da Esperela, continúe pechada 5 meses despois”. Neste senso, os edís socialistas apuntan que “a demora nas obras, súmase a ausencia total de información por parte da Xunta, que opta polo mutismo, ante as preguntas rexistradas polo PSdeG en relación a esta actuación”.
González e Rodríguez subliñan que o concello, “actor principal de todo este asunto, ten tamén a súa responsabilidade”, xa que tal e como apuntan “debe esixir a apertura da ponte, o cumprimento de prazos ou incluso trasladarlle á Xunta a necesidade de que a obra fora feita noutras datas”. Os concelleiros socialistas subliñan que “o prexuízo para Leiro está sendo moi grande a todos os niveis para veciñanza, comerciantes, hostaleiros e cidadanía en xeral, xa que a arteria principal de entrada a capitalidade municipal segue pechada e sen trazas de que vai abrir pronto”.
O “silencio e mutismo” da Xunta de Galicia é para o PSdeG-PSOE de Leiro síntoma da “desidia a falla de interese” do Goberno autonómico por unha obra nunha infraestrutura “clave” para o municipio. As e os socialista pídenlle ao concello que “defenda os intereses de Leiro e esixa o cumprimento do prazo das obras” e á Xunta de Galicia que “dea resposta das preguntas feitas polo PSdeG en relación as actuacións na ponte da Esperela”.
As preguntas formuladas e que seguen sen resposta foron as seguintes:
1. Cal foi a causa de que as obras na ponte da Esperela, no municipio de Leiro, se realicen en plena época estival?
2. É coñecedora a Xunta de Galicia dos trastornos que está ocasionando a comerciantes e veciñanza?
3. Cando foi contratada a obra pola Xunta de Galicia?
4. Vai a Xunta de Galicia realizar unha planificación axeitada en relación as
obras a acometer no futuro no Concello de Leiro?
Quen é o responsable das podas?
Quen son os 3 que están martirizando ós acebos na avenida. Chapodandos fora de época cando teñen froito e sen continuar coa formación que claramente se lles observaba.
Porque non é forma de cortarlle así as ramas 3 persoas sen vestimenta adecudad nin de seguridade e a saber se teñen seguro.
E non son as únicas árbores con este agravio.
Aquí ten que haber un respondable claro.
Que de a cara.
Páxinas
- « primeira
- ‹ anterior
- …
- 20
- 21
- 22
- 23
- 24
- 25
- 26
- 27
- 28
- …
- seguinte ›
- última »
