Na tertulia deste venres 22 de novembro acompañan a Xan Pinal nos estudios de COPE O Carballiño, María Luisa Rodríguez, Manuel Nogueira, Fátima Gómez e José Antonio Barge.

Entre os asuntos tratados está o interés do alcalde de Ourense, Gonzálo Jácome, por emitir a súa televisión Auria no Carballiño, tras o cese nas súas emisións de Badal Novas fai unhos meses atrás.

Escóitaa aquí.

O persoal da residencia pública de mairoes do Carballiño, que xestiona a empresa GESMEDICAL DIS SL, concentrouse este xoves ás portas do centro convocado polo Comité de Empresa, para demandar melloras tanto nas condicións de traballo como na atención asistencial.

O Comité de Empresa valora moi positivamente o apoio a esta primeira protesta, asegurando que "tivo o apoio de preto do 100% dos traballadores e traballadoras" desta residencia pública, que ten unha capacidade asistencial de 80 prazas, a maioría de persoas dependentes.

O xerente do Servizo Galego de Saúde, José Ramón Parada, anunciou esta tarde no Parlamento de Galicia a inminente ampliación do persoal de enfermería nos Puntos de Atención Continuada (PAC) do Carballiño, asi como nos do Barco de Valdeorras, Xinzo de Limia e Ourense, con 12 novos profesionais desta especialidade.

Así, e no marco da Comisión 5ª de Sanidade, Política Social e Emprego, o responsable do Servizo Galego de Saúde explicou que desde xaneiro de 2025 estes centros sanitarios de atención primaria verán incrementados os seus recursos humanos de acordo á demanda asistencial que rexistran na actualidade.

En resposta a unha pregunta parlamentaria, José Ramón Parada remarcou que a planificación do persoal dos PAC realízase en función da poboación e das cargas de traballo, e non da equiparación entre persoal sanitario.

Neste sentido, apuntou que no caso da provincia ourensá “a súa dotación é semellante á do resto das áreas sanitarias galegas”. Actualmente, a área sanitaria de Ourense, Verín e O Barco de Valdeorras conta con 14 Puntos de Atención Continuada, aos que se engaden dúas Zonas Especiais (A Gudiña-Mezquita e A Veiga-O Bolo).

Sobre este particular, e en alusión ás novas incorporacións de persoal, precisou que os PAC de Ourense, O Barco de Valdeorras, Xinzo de Limia e O Carballiño “terán unha equiparación completa”, no que atinxe á ratio médico-enfermeira.

Polos estudios de COPE O Carballiño pasou o técnico do Polo de Emprendemento, Javier Pegito, un servizo da Xunta de Galicia que está ubicado no antigo Centro Comarcal, no Cornubal.

Presta asesoraramento personalizado gratuíto a todas a persoas que decidan emprender un proxecto empresarial, tamén contan cun escaparate de negocios minoristas dispoñibles para aquelas persoas que xa buscan iniciar un proxecto xa consolidado, facilitando a transmisión de empresas establecidas en Galicia.

Ademáis, tamén forman parte da Estratexia Retorna da Xunta, un paquete de medidas co obxetivo de favorecer a integración no mercado laboral das persoas retornadas, asi como a creación de empresas por persoas galegas retornadas.

Ecoita aquí a entrvista a Javier Pegito:

Para a próxima semana dan comezo as obres de construcción da futura residencia de maiores promovida polo concello de Piñor, no antigo centro social, unha edificación que será reformada e ampliada.

Ademáis, o alcalde piñorense repasa o resto da actualidade neste concello, facendo referencia ás obras de adecentamento da contorna do novo albergue de peregrinos no Arenteiro, o inminento inicio da activadede no Obradoiro de Emprego Ruta da Prata conxuntamente cos concellos de Vilamarín e San Cristovo de Cea, ou o proxecto de embelecemento da rotanda de acceso á autovia, no Reino.

Escoita a entrevista a José Luis González no PODCCAST de COPE O Carballiño:

O concelleiro de Espazo Común acudíu aos estudios de COPE O Carballiño para aclarar a postura do seu grupo en relación á polémica suscitada polo procedemento que está a seguirse no concello carballliñés para a constitución da mesa de contratación para licitar a adxudicación do servizo do ciclo da auga no concello do Carballiño.

Sen dúbida, o contrato máis importante da historia do Carballiño, xa que ascende a 60 millóns de euros para os próximos 20 anos.

Podes escoitar a entrevista íntegra a Pachi Vázquez no PODCAST de COPE O Carballiño.