Vendo o que está a suceder no Carballiño, pregúntome en máns de quen estamos?
Que ten que suceder para que a Xunta e os concellos impidan que empresas teñan ó seu cargo os nosos maiores e as nosas traballadoras?
Nada, non lles importa nada o máis mínimo. A culpa nunca é deles.
Está claro que nin a xunta nin os concellos son a clase política que precisamos .
Precisamos políticos que fagan o seu traballo sen importar custes electorales e amiguiños locais
Precisamos políticos que teñan vergoña, que se mollen e se impliquen.
Se unha empresa non xestiona ben nun concello malamente o vai facer ben no teu. Inhabilitar e penalizar este tipo de empresas é fundamental .
Estar atentos ós concursos, velar que se cumpran os convenios e facer a xestión necesaria cando non se cumpre .
Cando sacas un concurso a un prezo abusivo, que esperas que vai pasar ?????ou esperas milagres ?claro, como non eres ti o que non cobra o soldo, escurres o bulto.
Non somos un bulto, somos persoas e traballamos con persoas.
Políticos que valoran máis un asento que a eficacia sobran
Teñan vergoña Xunta , alcaldes e concelleiros
A Confederación Empresarial de Ourense celebrou hoxe no restaurante A Carballeira de Santa Cruz de Arrabaldo o acto de entrega dos seus premios anuais, entre eles este premio "Excelencia" á responsablidade social empresarial, que foi para recoñecer á Cooperativa de Santa Mariña de Loureiro, no Irixo, "polo seu compromiso constante cos seus socios, familias e a comunidade na que se ubica".
Fundada en 1966 polo que foi o párrroco -xa falecido- Antonio González Bernárdez, sumando xa 58 anos de actividade, e a pesar de non poucas dificultades que mesmo puxeron en perigo a súa continuidade, continúa na actualidade elaborando os seus productos lácteos, que tanto recoñecemento teñen no mercado local e galego.
Foron nove as propostas recibidas unha vez que remataba o prazo para presentarse a esta licitación, unha delas resultará adxudicataria do contrato.
As empresas que presentaron as súas ofertas foron Acciona Agua Servicios, Espina y Delfín, Gestagua, GS Inima Environmet, Sacyr Agua e Viaqua, asi como as UTE Copasa-Geseco-Espina obras hidráulicas, Aqualia-Petrolam e Facsa-Oreco Balgón.
Cun orzamento base de licitación de 60.873.004,11 euros, impostos incluidos,o contrato extenderáse por un periodo de 20 anos. A xestión incluirá operacións, mantemento e modernización de infraestruturas hidráulicas, así como a implementación de tecnoloxías avanzadas, e comprende a xestión integral dos servizos de abastecemento de auga potable e saneamento no termo municipal do Carballiño, tanto no casco urbano como nas parroquial do rural.
As tarefas abarcan desde a operación de estacións de tratamento de auga potable e depuración, ata a detección e reparación de fugas en redes. A adxudicataria tamén será responsable da atención ao usuario, actualización de censos, facturación e elaboración de plans estratéxicos, como un Plan Director a cinco anos para optimizar recursos e infraestruturas.
En canto á oferta de melloras, a empresa adxudicataria poderá ofertar diferentes solucións innovadoras, como sistemas de telecontrol e xestión comercial dixitalizada, co fin de garantir a calidade da auga fornecida conforme a normativas vixentes. Así mesmo, comprometerase a realizar investimentos obrigatorios para renovar e ampliar infraestruturas, incluíndo a sectorización de redes e a instalación de novos contadores con telelectura.
A Deputación de Ourense reforza o programa EsquiOU, unha iniciativa para que nenos e nenas da provincia aprendan a esquiar na única estación de montaña de Galicia, Manzaneda, pero tamén permite que teñan a oportunidade de realizar diferentes actividades lúdicas e deportivas. Este programa liderado pola institución provincial aumenta para a próxima edición o número de prazas, ata superar por primeira vez a barreira das mil prazas (1.050), para dar resposta a altísima demanda das familias que apostan dende 2015 por este programa para os seus rapaces.
Ademais, o EsquiOU contará con importantes novidades, como o avance no compromiso coa inclusión social, xa que haberá prazas reservadas para menores con discapacidade, co obxectivo de que estes rapaces poidan acceder ao deporte e a diversión sen barreiras de ningún tipo.
A vicepresidenta primeira da Deputación, Marta Nóvoa, e o director de Turismo de Galicia, Xosé Merelles, firmaron hoxe no Pazo Provincial o convenio de colaboración para a próxima edición do programa EsquiOU, cuxa inscrición se pode realizar a partir de hoxe a través dun formulario electrónico, dispoñible na web da Deputación. O prazo para presentar as solicitudes remata o 27 de decembro ás 14,00 horas.
Durante a firma do convenio, Marta Nóvoa puxo en valor o aumento de prazas "para dar resposta ás familias" e o "compromiso social" coa novidade de reservas para menores con discapacidade.
Pola súa banda, Xosé Merelles, amosou a súa "satisfacción por ver fortalecida a demanda da estación de montaña na época de menor demanda, durante a semana".
Prezo moi reducido
O prezo da estancia por participante será de 30 euros, xa que a Deputación subvenciona o resto do custe do programa. Neste sentido, o orzamento adicado ao EsquiOU 2025 alcanza cifras históricas, con 102.000 euros de inversión, un 45% máis que o adxudicado en anos anteriores, como solución ao crecente interese das familias da provincia por anotar aos seus rapaces no programa.
A selección dos beneficiarios farase por estrita orde de inscrición. Se algún participante quedase sen praza na quenda que lle corresponde, pasaría a unha lista de agarda para ser inscrito no caso de quedar prazas baleiras noutras quendas.
As 1.050 prazas do EsquiOU están destinadas a nenos nacidos entre o 1 de xaneiro de 2013 e o 31 de decembro de 2016 na provincia de Ourense. O total de prazas estará dividido en 10 quendas de 105 prazas cada unha. De estas, cinco estarán reservadas para menores con algún tipo de discapacidade. Os rapaces, ademais de estar permanentemente supervisados por monitores formados e cualificados no tratamento de nenos con algunha dificultade física ou intelectual, tamén poderán ir acompañados dun pai, nai, titor ou membro do centro educativo ao que pertenzan.
Tres días en réxime completo
A duración da estancia é de tres días e dúas noites, sempre de luns a mércores, e inclúe aloxamento, pensión alimenticia completa, curso de esquí e as demais actividades complementarias, como poden ser tiro con arco, sendeirismo ou natación. Ademais, se as condicións meteorolóxicas non foran favorables, substituirase o programa de esquí pola oferta de actividades de montaña, como multiaventura ou rocódromo.
O programa desenvolverase por quendas, nas que se fai un reparto dos nenos por proximidade xeográfica para lograr grupos máis homoxéneos. A primeira quenda será do 20 ao 22 de xaneiro de 2025, para os nenos das comarcas de Terra de Celanova e Baixa Limia; do 27 ao 29 de xaneiro será a quenda dos de O Ribeiro e O Carballiño; do 3 de febreiro ao 5 de febreiro, Verín e Viana; do 10 ao 12 de febreiro, Valdeorras; do 17 ao 19 de febreiro, Allariz-Maceda-A Limia; do 24 ao 26 de febreiro, Terra de Caldelas e Terra de Trives; do 3 ao 5 de marzo, Ourense; do 10 ao 12 de marzo, Ourense rural: do 17 ao 19 de marzo, segunda quenda da zona de Ourense e, por último, do 24 ao 26 de marzo, a segunda quenda de Ourense rural.
A Deputación de Ourense, na súa aposta pola cultura, traballa na posta en marcha dunha páxina web renovada onde se poderá atopar o catálogo editorial da institución, que recolle todo o que publicou ata o momento a Deputación. Trátase dunha nova ferramenta que facilitará o acceso a obras científicas, artísticas, literarias ou musicais, tanto de autores ourensáns como de outros divulgadores da realidade de Ourense.
A Deputación ten editados case 600 títulos, que reflicten o importante esforzo que o organismo provincial dedica a este tipo de difusión. A web pretende facilitar a compra online destas obras, que ata agora se podían mercar a través de librarías ou da propia oficina de Publicacións.
Na web pódese consultar o catálogo editorial de diferente formas: por palabras chave, por autor, título ou ano de publicación. Ademais, pódese acceder a diferentes categorías ou temas aos que se refiren as publicacións, como a provincia en imaxes, biografías e personaxes de Ourense, compilacións de artigos publicados en prensa, emigración, patrimonio ou termalismo.
Obxectivo de dar cabida a traballos inéditos
Ademais, tamén poden consultar as revistas editadas pola Deputación e tamén outras que, sen ser editadas pola institución provincial, pertencen a entidades sen ánimo de lucro que deron autorización para que se poda acceder a elas dende a web da Deputación.
“Pretendemos que, nun futuro, esta páxina sirva tamén de repositorio no que teñan cabida traballos inéditos de interese para a nosa provincia cuxos autores busquen unha difusión dixital”, engade Ana Malingre, responsable da Sección Arquivo e Publicacións da Deputación.
Outra das novidades nas que se traballa é na posibilidade de que os autores, cuxas obras estean esgotadas, dean o seu consentimento para dixitalizar os seus traballos en PDF e poñelos dispoñibles nesa nova páxina web.
Un servizo con historia
A Deputación comezou a publicar en 1976, a través do “Instituto de Estudios Orensanos Padre Feijoo”, cuxos fins eran realizar, promover, subvencionar e coordinar as investigacións e estudos de natureza científica, histórica, literaria e artística referida á provincia ou rexión que redundasen no prestixio e honra de Ourense e asesorar á Deputación en materia cultural.
Disolto o instituto, creouse o Servizo de Publicacións. Hoxe, existe un Negociado, dependente da Sección de Arquivo e Publicacións, desde o que a institución continúa co mesmo obxectivo, afanándose en profundar no coñecemento da provincia.
Cada ano, elaborase dende a Deputación de Ourense un Plan de publicacións e tamén se pon en marcha un concurso, para elixir as obras que se publicarán ao longo do exercicio.
Todos os títulos editados pola institución chegan de forma gratuíta á rede de bibliotecas públicas da provincia, ás máis importantes do resto de Galicia e a calquera outro punto de lectura que o solicite.
Esta nova canle permitirá achegar aínda máis a cultura aos cidadáns e a todos aqueles interesados na realidade da provincia, no seu sentido máis amplo.
--
Una pregunta sencilla, para no complicarcal concello, no vaya a ser que no la entienda, debido a los aparcamientos en la zona de la Iglesia, del centro, bocacalles, supermercado, doble fila para ir a por pasteles, zona de carga y descarga, encima de aceras, ert, y la pregunta es ..
¿Se puede aparcar ahi, o asi?
Facil de contestar, porque da la sensacion que una parte de la poblacion se vuelve loca para aparcar bien y otra pues.....
O aparcamos todos asi , quizas es eso.
O PSdeG-PSOE de Leiro acusa ao alcalde de Leiro, Francisco José Fernández, de estar instaurado na “mentira constante” en relación ao servizo de abastecemento de auga municipal. As e os socialistas denuncian que a día de hoxe seguen producíndose “importantes” e “graves” fugas de auga na rede e sinalan ao rexedor e a Xunta de Galicia por “manipular a realidade” con anuncios a bombo e platillo para tratar de tapar as súas “graves” neglixencias”.
Dende o Grupo Municipal Socialista consideran que a “manipulación” e as “mentiras” do PP, con respecto a realidade do servizo de abastecemento municipal de auga, “forman parte dunha campaña de publicidade do alcalde como xa fixo cas obras da ponte da Esperela ou o mosteiro de San Clodio, co único fin de agochar a súa nefasta xestión ao fronte do consistorio”. Tal e como relatan as e os socialistas de Leiro “estamos a decembro do 24 e as fugas persisten, xa que tal e como puidemos comprobar as fugas entre 2022 e 2023 supuxeron a perda de 293.629 metros cúbicos de auga, fronte a un consumo por parte da veciñanza de 177.322 m³”.
Pedro José González e Manuel Rodríguez Vázquez, concelleiros do PSdeG-PSOE en Leiro, afirman que esta situación pon de manifesto que ao alcalde “non le interesa o benestar e a calidade de vida da veciñanza”. Neste senso tamén se amosan críticos coa “campaña publicitaria” que está levando a cabo o rexedor “ocultando a verdade a veciñanza coa situación da rede de abastecemento de augas, como xa fixeron antes noutras obras xa mencionadas”.
“Estamos ante un novo exemplo de deixadez e de abandono de funcións por parte dun alcalde máis pendente de saír na prensa a vender falsas inauguracións, que de solucionar os problemas da veciñanza”, apuntan González e Rodríguez. Os concelleiros socialistas lembran o informe do Consello de Contas de Galicia no que se valora a xestión do alcalde e presidente da mancomunidade do Ribeiro. “No mesmo recóllese a esixencia de xestionar e axustar ao coste real os servizos públicos financiados por taxas, é dicir pagados pola veciñanza, e que no caso da taxa da auga son das máis altas da comarca, a pesar dos problemas de fugas”.
Cronoloxía das “chapuzas” do PP na rede de abastecemento de auga
Dende o Grupo Municipal Socialista lembra que xa en lexislaturas anteriores advertiron da problemática da rede de auga, que no período de 2015 a 2021 perdeu uns 973.333 m³ de auga, fronte a un consumo de 535.087 por parte da veciñanza. Ante esta denuncia do PSOE, o alcalde de Leiro e a alcaldesa de Boborás trataron de tapar a súa “neglixencia” na xestión do servizo municipal de auga, pedindo á Xunta que incluíse no plan de colaboración con ambos concellos a financiación do arranxo das fugas.
A Xunta de Galicia, por falta de orzamento no 2021, incluíu nos orzamentos de 2022 esta actuación, licitándose a obra en maio de 2022, cun investimento de 360.000 euros. Na licitación, a Xunta argumentou a financiación da obra aludindo por mor “da antigüidade da condución que xera frecuentes roturas no tramo de captación de auga no Viñao e na propia ETAP, provocando fallos de subministro á poboación”. Situación que en palabras das e dos socialistas “tirou por terra as mentiras do alcalde, que xustificaba os cortes de auga polo aumento da poboación en época estival”.
En novembro de 2022 a Xunda adxudica a obra ao servizo municipal de abastecemento de auga de Leiro, un ano despois dun delito medio ambiental que non estaba resolto. Chegados a 2024, as fugas persisten e a rede segue sen funcionar correctamente polo que o PSdeG-PSOE de Leiro esixe “solucións urxentes ante esta problemática”.
Un grupo de traballadoras do Servizo de Axuda no Fogar no concello do Carballiño concentráronse ás 14:30 deste xoves para protestar polo retraso no abono dos seus salarios.
Trátase dun servizo municipal que xestiona GESMEDICAL DIS, empresa á que pertencen as traballadoras que atenden este servizo de Axuda no Fogar, que está financiado pola Xunta e o propio concello do Carballiño.
As reivindicaciós de Comisións Obreiras feitas públicas esta semana en materia laboral no concello do Carballiño e as protestas das traballadoras do Servizo de Axuda no Fogar acapararon gran parte da Tertulia de COPE O Carballiño deste xoves 5 de decembro.
Na mesma, participaron Sebas Lamazares, Fátima Gómez, e Manuel Nogueira, xunto a Xan PInal, e desta vez coa intervención do concelleiro de persoal do concello carballiñés, Alberto Otero.
Escóitaa aquí:
NADAL CULTURAL 2024
CONCURSO DE DECORACIÓN DE NADAL
Prazo: ata o 13 de decembro
Domingo, 1 ás 20 h no Auditorio
TEATRO. Rede Galega de Teatros e Auditorios (RGTA)
TALÍA TEATRO – “UNHA INIMIGA DO POBO”
Venres, 6 ás 20 h no Auditorio
CONCERTO. Deputación de Ourense
CORAL POLIFÓNICA CASINO DO CARBALLIÑO E A BANDA DE VILATUXE
Sábado, 7 ás 19 h no Auditorio
CONCERTO. reaOU
ALFONSO MEDELA – JAZZ AD LIBITUM
Domingo, 8 ás 18 h no Auditorio
MAXIA. Rede Galega de Teatros e Auditorios (RGTA)
MAGO TETO – “MAGIC ROCK”
Público: familiar
Venres, 13 ás 20.00 / 22.30 h VOS no Auditorio
CINE – CROSSING - Cineclub O Carballiño
Sábado, 14 a partir das 10 h no Auditorio
1ª XORNADA DE MÚSICA DE CÁMARA DE FRAUTA TRAVESERA. CMUS do Carballiño
deBiselas CUARTETO
Domingo, 15 ás 18 h no Auditorio
CONCERTO INFANTIL - Rede Galega de Teatro e Auditorios (RGTA)
A GRAMOLA GOMINOLA – “O APALPADOR”
Público: infantil e familiar
Martes 17, ás 20 h no Salón de Actos do IES Chamoso lamas
AUDICIÓN DE NADAL DO CONSERVATORIO E ESCOLA DE MÚSICA
Venres, 20 ás 20.00 / 22.30 h VOS no Auditorio
CINE – EL TEOREMA DE MARGUERITE - Cineclub O Carballiño
Sábado, 21 ás 18.30 h na rúa
PERFORMACE TEATRAL CONTRA VIOLENCIA DE XÉNERO. Teatro de Sagra-Teatro Dar Trela e veciños do Carballiño
“SAÍR CORRENDO”
Domingo, 22 ás 19 h no Auditorio
CONCERTO DE MÚSICA GALEGA
FRANCISCO CASTRO- VES COMO SABES? - Rede de Dinamización Lingüística
Domingo, 22 ás 19 h no Templo da Vera Cruz
II EDICIÓN FESTIVAL “NADAL CORAL”. Organiza Coro infantil Xuvenil EnHarmonía
Martes, 24 de 18 a 20 h na Praza Maior
VISITA DE PAPA NOEL
Mércores, 25 ás 19 h no Auditorio
CONCERTO DE NADAL - ORFEÓN DO CARBALLIÑO
Venres, 27 ás 1 h no Auditorio
MUSICAL INFANTIL – “EL MUNDO DE LOS MUÑECOS”. Discobery Producciones
Público: infantil e familiar
Sábado, 28 ás 19 h no Auditorio
TRIBUTO A MACHÍN – “TODA UNA VIDA” con TONY VERGARA. Pares o Nones Producciones
Domingo, 29 ás 19 h no Auditorio
CONCERTO DE MÚSICA – XOVE ORQUESTRA OURENSANÍA. Deputación de Ourense
“STARS WARS SYMPHONY”
XANEIRO
Venres 3, ás 18 h no Auditorio
TRIBUTO DEL REY LEÓN. Pares o Nones Producciones
Sábado, 4 ás 19.00 h no Templo da Vera Cruz
CONCERTO DE ANO NOVO - CORO DE CÁMARA MÚSICA VIVA
Domingo, 5
GRAN CABALGATA DE REIS
Luns, 6 no ás 18 h no Templo da Vera Cruz
CONCERTO DE REIS – CORAL POLIFÓNICA CASINO DO CARBALLIÑO
Sábado, 25 ás 18 h no Auditorio
TEATRO INFANTIL. Rede Galega de Teatro e Auditorios (RGTA)
REDRUM TEATRO – “OS CONTOS DE LOBICÁN”
OUTRAS ACTIVIDADES
EXPOSICIÓNS FOTOGRÁFICAS DE A. F. O Potiños DECEMBRO e XANEIRO
CASA DO CONCELLO – Sombras de A. F. O Potiños
BALNEARIO – Azul de A. F. O Potiños
ASADOR VERACRUZ – Óxido de A. F. O Potiños
CASINO – Premios Concurso 2023
CASA RAMÓN GARCÍA – Poti Expo 23
CAFÉ PLAZA – Fotos Concurso 2024
CAFETERÍA MANXARES - Mixta
HOTEL ARENTEIRO – Fotos Concurso 2022
Páxinas
- « primeira
- ‹ anterior
- …
- 19
- 20
- 21
- 22
- 23
- 24
- 25
- 26
- 27
- …
- seguinte ›
- última »
