A alcaldesa de Boborás, Patricia Torres, mantivo unha reunión co Conselleiro de Educación, Román Rodríguez co fin de solicitarlle diferentes obras de mellora para o colexio de Boborás, e "de acordo as demandas trasladadas polo equipo directivo do centro con quen o diálogo e constante e directo, traballando man a man pola educación e o benestar de toda a comunidade educativa", subraian desde o concello de Boborás.

Engaden que que "xa podemos confirmar, que a Consellería acomenterá entre este ano 2025 e o 2026 obras de reforma dos baños da planta primeira e os exteriores, o cambio das portas da entrada e todas as persianas do edificio, que son moi antigas e atopanse en mal estado". Todo isto "súmase a diferentes obras xa feitas nos últimos anos, como o cambio da cuberta do centro, a zona de patio cuberto ampliado, a reforma dos baños da planta baixa, a reformar enerxetica…entre outras melloras menor índole", manifestan desde o concello de Boborás.

A CEO presentou nas instalacións de Frigoríficos Arcos, no parque empresarial do Carballiño, unha nova etapa do programa exportou 2025, un ambicioso ecosistema que reforza o seu compromiso coa internacionalización, a sustentabilidade e a transformación dixital das empresas da provincia.

O acto tivo lugar na sede dunha empresa familiar que participou nas actividades e programas desta iniciativa desde a súa creación en 2017, e que destacou pola súa traxectoria e compromiso coas súas orixes, ata alcanzar hoxe, desde as súas instalacións no polígono A Uceira, unha posición de liderado no seu sector.

Pepe Casto-Gil, tenente alcalde do Carballiño, foi o encargado de dar a benvida á visita, acompañado do concelleiro de Industria e Promoción Económica do cocnello carballiñes, José Manuel Dacal, e destacou ‘a importancia que para a economía local ten programas como exportou e exemplos como o da empresa na que estamos’.

Durante a súa intervención, a presidenta da CEO, Marisol Nóvoa, destacou que Exportou "non só evoluciona, senón que se transforma nestes momentos nunha plataforma máis potente e útil, pensada para que ningunha empresa, por pequena que sexa, quede sen aproveitar o seu potencial internacional". Á súa vez, puxo en valor o papel exemplar de Frigoríficos Arcos como unha firma que "demostra que a innovación, a sustentabilidade e a internacionalización poden ir da man con resultados admirables". A presidenta tamén agradeceu o firme respaldo da Deputación de Ourense, destacando a importancia da colaboración público-privada como motor de transformación do tecido empresarial local. “Exportou 2025 é unha aposta polo coñecemento, a tecnoloxía e a cooperación, e consolida o compromiso cun futuro onde as nosas empresas non só estean presentes no mundo, senón que o fagan con voz propia e con impacto positivo”, concluíu.

O presidente da Deputación, Luis Menor, participou tamén nesta presentación, destacando a aposta do goberno provincial por emprendedores como Frigoríficos Arcos, e por facilitar aos empresarios ‘ferramentas para que poidan crecer e internacionalizarse, a pesar das dificultades e trabas para comercializar os seus produtos nun mercado global en constante evolución’, dixo o presidente provincial. #Luis Menor describiu como ‘valente’ proxectos como exportou que actúan fronte ás trabas e aranceis que marcan a actualidade, ademais de ser unha iniciativa ‘útil, competitiva, dixital e innovadora’ que serve para que o tecido empresarial afronte os desafíos do mercado internacional e reforce a súa ‘posición competitiva’.

Pola súa banda, o xerente e socio de Frigoríficos Arcos, Camilo González Atanes, lembrou os inicios da empresa e a substitución xeracional que protagonizaron el e o seu irmán Daniel dunha firma iniciada polo seu pai hai máis de 60 anos, así como o traslado ao polígono A Uceira fai máis dunha década. A súa aposta polo produto, e unha forma que foi pioneira na cocción e o envasado, fixo que conquistasen tanto a canle Horeca como países dos cinco continentes. Na súa intervención agradeceu a participación neste tipo de proxectos e iniciativas da man da CEO para lograr esta apertura ao exterior. Hoxe en día, desde a súa localización na nova nave, pasaron de 2 empregados a máis de 30, e tras visitar feiras nacionais e internacionais posicionáronse desde hai unha década en 20 países de todo o mundo, con Reino Unido como destino máis fiel ao produto que venden. A CEO recoñeceu esta traxectoria co primeiro premio José Manuel Pérez Canle á Exportación.

Exportou naceu en 2017 co obxectivo de facilitar o acceso das empresas de Ourense ao comercio internacional. Nestes oito anos, o proxecto logrou cifras destacables: máis de 300.000 usuarios rexistrados de 41 países e 700.000 visitas á plataforma dixital, máis de 770 encontros comerciais realizados con 312 visitas e 458 encontros comerciais, 58 empresas no directorio internacional ‘Marca Ourense’ con 102 referencias en español, inglés e francés, e a utilización de ferramentas innovadoras como as visitas virtuais 360º.

A edición 2025 vén acompañada de novas iniciativas como exportou>COMEX, exportou>GASTROEVOLUCIÓN e exportou>SOSTIBLE, dirixidas a impulsar a competitividade e posicionar os produtos de Ourense no mercado global. O obxectivo marcado nesta etapa é que polo menos 120 empresas benefíciense do programa este ano, e que a sustentabilidade se converta nunha verdadeira vantaxe competitiva.

Ademais, fixáronse outros obxectivos estratéxicos como impulsar a transformación dixital e sostible do tecido empresarial, especialmente das pemes e empresas rurais; ampliar e diversificar a presenza das empresas ourensás en mercados nacionais e internacionais; crear comunidades colaborativas e dinámicas, como a Comunidade exportou>ESG, fomentando a aprendizaxe compartida e as sinerxias intersectoriales.

Tamén se persegue nesta nova traxectoria posicionar os produtos ourensáns na gastronomía contemporánea mediante iniciativas como exportou>GASTROEVOLUCIÓN, fomentar a adopción de prácticas empresariais responsables e sostibles, acompañando ás empresas nos seus procesos de diagnósticos, implementación e comunicación de estratexias ESG e, en definitiva, reforzar o papel de exportou como servizo público avanzado e referente provincial no apoio á internacionalización e a competitividade empresarial, contribuíndo a un tecido económico provincial máis resiliente, innovador e preparado para os desafíos do futuro.

O delegado territorial da Xunta en Ourense, Manuel Pardo, reuniuse esta mañá coa alcaldesa do Irixo, Rosa Dalama.

A alcaldesa acudíu a este acto acompañada da concelleira Dolores Fariñas, que xunto á rexedora -ambas do grupo de non adscitos- gobernan o concello, e tamén do portavoz do Partido Popular, Manuel Cerdeira cos que analizou as principais demandas do municipio en relación á Administración autonómica.

Manuel Pardo, despóis de repasar coa rexedora e concelleiros asuntos de interese mutuo para as dúas administracións e avaliar posibles vías de colaboración, trasladoulle “o compromiso da Xunta de acometer os investimentos necesarios e traballar de forma conxunta para garantir o benestar de todos os veciños do concello do Irixo”.

O pasado 25 de marzo a Comisión Europea daba a coñecer os 47 proxectos considerados prioritarios na estratexía para a extracción de minerais  críticos da Unión Europea, entre eles está o proxeto mineiro coñecido como o da mina de litio de Doade, no concello de Beariz.

Desde ese mesmo dia, veciños da zona mostráronse excépticos ante este proxecto, e afirman que veñen demandando unha información á Xunta que, de momento, non teñen, polo que entenden están nunha situación de incerteza e indefensión. 

No PODCAST de COPE O Carballiño podes escoitar a entrevista a Victor Gil, da Plataforma SOS Suido-Seixo e presidente da Xunta de Comuneiros do Monte Veciñal en Man Común de Framia, en Beariz:

Clownómadas coróase como gañadora da Primeira Edición do Clownconcurso co seu espectáculo “Sen destino"

Tras unha emocionante e desputada votación por parte do público, resultou que esta compañía chegada desde Mallorca, alzouse co primeiro posto grazas ao seu espectáculo “Sen destino”, unha proposta cargada de humor, emoción e talento que conquistou ao público asistente a este festival celebrado durante esta semana santa no auditorio carballiñés.

A decisión non foi doada: a votación estivo moi axustada e reflexou o altísimo nivel de todas as compañías participantes, que ofreceron funcións moi aplaudidas e ben recibidas polo público. Aínda así, Clownómadas conseguiu destacar pola súa orixinalidade e entrega enriba do escenario, deixando unha fonda pegada nesta edición do Clowncurso.

Desde a organización, a cargo da Escola Galega de Clown, felicitan a todas as compañías participantes polo seu traballo, creatividade e paixón, e agradecen ao público a súa implicación e entusiasmo en cada función.

O cine de referencia para as comarcas do Ribeiro e O Carballiño, oferta na súa programación para estes dias ata catro películas, e un novidoso espectáculo en vivo que combina imaxe e música. 

Na carteleira podes consultar títúlos e horarios.

O vindeiro luns 21 de abril presentarase en Frigoríficos Arcos, no Parque empresarial do Carballiño, o proxecto "Exportou 2025". O obxectivo do mesmo é consolidar un ecosistema intelixente que facilite a internacionalización, dixitalización e sustentabilidade das empresas da provincia de Ourense, promovendo a súa competitividade e adaptación aos desafíos globais.

"Exportou 2025" afiánzase como unha ferramenta clave para apoiar ás empresas na súa expansión internacional mediante solucións dixitais avanzadas e estratexias sostibles.

Están previstas as intervencións do alcalde do Carballiño, Francisco José Fumega, a presidenta da CEO, Marisol Novoa, asi como os representantes de Frigoríficos Arcos, Daniel González Atanes e Camilo González Atanes. Tamén intervirá o presidente da Deputación Provincial,Luis Menor.

Desde a súa posta en marcha no ano 2017, "Exportou" consolidouse como unha iniciativa estratéxica clave para impulsar a internacionalización do tecido empresarial da provincia de Ourense. Ao longo destes anos, a súa evolución foi constante, adaptándose aos novos desafíos e oportunidades dos mercados globais.

Frigoríficos Arcos participou en "Exportou" desde os seus inicios en 2017, aproveitando activamente este programa para a súa internacionalización a través de misións inversas, logrando clientes internacionais, e recibindo asesoramento especializado en comercio exterior.

En 2025, "Exportou" transfórmase nun ecosistema intelixente e colaborativo, integrando a internacionalización, dixitalización e sustentabilidade como eixos fundamentais para reforzar a competitividade das empresas da provincia de Ourense.