O Carballiño celebra este domingo 6 de marzo a 27 edición da Festa da Cachucha, que se degustará tanto nos fogares carballiñeses como nos 23 restaurantes e mesóns da localidade que servirán o menú típico da festa, a base dun cocido galego con carne de cacheira e postres de entroido, como as filloas e orellas.

Dende o concello do Carballiño aconséllase reservar mesa para unha mellor organización dos hosteleiros, e tamén para non quedarse sen sitio, o concelleiro de turismo Manolo Dacal informou en COPE O Carballiño que xa este pasado xoves algunhos restaurantes xa tiñan o aforo completo para este próximo domingo e as reservas xa superaban ese dia o 60% da capacidade total dispoñible no conxunto dos restaurantes participantes.

Dacal tamén comentou que "o concello agarda que moi pronto esperamos que a festa da cachuxa obteña a declaración de interese turístico galego, de igual maneira que agardamos que tamén pronto sexa unha realidade a internacionalidade da festa do pulpo".

Animarán este domingo as rúas carballiñesas coa súa música as charangas CLK, Doctor Anchoa e Castro Bello. Ademáis, o ambiente de entroido terá continuidade pola presenza dos Liborianos, que como amantes da boa mesa tampouco queren perderse outro ano máis a festa da cachucha.

Os puntos de recollida  son o local de Cáritas Parroquial, no baixo da casa rectoral do Carballiño -Rúa Evaristo Vaamonde,3- en horario de 11:00 a !3:00 horas, e no Templo da Veracruz en horario de 18:00 a 20:00 horas.

Pídese a doazón de enseres (mantas, sacos de dormir, cueiros para nenos, toalliñas húmidas, compresas, calcetíns e gorros para mulleres e nenos, calcetíns e gorros escuros para homes, guantes de latex, muletas ou sillas de rodas). Comida instantánea non envasada en cristál, conservas, café soluble e te. Tamén medicamentos tales como apósitos, vendas de todo tipo, auga oxixenada, yodo, clorhexidina, analxésicos, antiqueimaduras, antibióticos, protectores gástricos, torniquetes ou set de curas.

O párroco de San Cibrán do Carballiño, por medio dunha carta dirixida a toda a poboación carballiñesa, fai un chamamento á colaboración con esta campaña solidaria e da conta dos detalles de organización da mesma.

Podes ler a carta do párroco Jorge Juan Pérez Gallego abrindo o arquivo adxunto:

O Concello de Maside colabora nunha iniciativa solidaria coa posta a venda de Xabons Solidarios, unha campaña que ten como destinatarios os refuxiados pola guerra en Ucrania.

A xabonería artesanal De Lú, ubicada en Maside foi a encargada xunto con voluntarios da elaboración de Xabons Naturais saponificados. Xabons como os que facían as nosas Aboas. Para a elaboración dos xabóns, doaron aceite varios restaurantes sitos no Concello de Maside : Restaurante O Barazal, Os Pitelos, A Casiña do Bardelás, Restaurante Os Amigos de Garabás.

Para o seu embalaxe contouse coa colaboración da Asociación Cultural de Mulleres Santa Agueda de Maside. Cada Xabón irá acompañado dun recetario de produtos de limpeza ecolóxicos que se poden facer coa base das pastillas dun peso de 200gramos. Estas terán un prezo en concepto de donativo de 5€.

Estarán a venda nos establecementos comerciais do Concello de Maside. A recadación irá íntegramente destinada á adquisición de mercadurías (medicamentos ou calquera produto necesario) que serán enviadas a través de transporte solidario, as familias desprazadas da dramática actual situación humanitaria.

Recordamos tamén que A Asociación Cultural A Casa Aberta puxo en marcha unha recollida de material médico e alimentos non perecedeiros e ten como punto de recollida O Colexio Vello de Maside en horario de 17.00 a 20:00 horas.

Figueiroa é un lugarciño da parroquia de Cameixa, no concello de Boborás, onde encontrarás ata o domingo 6 de marzo un xenuíno ambiente do entroido de sempre, con mecos e mecas cheos de retranca a algunhas das noticias máis parrandeiras dos últimos meses, como a historia de Manolo de Xaniño, afortunadamente rescatado despóis de pasar horas atrapado nun pilón tras unha noite de esmorga. 

O visitante que se achegue estes dias ata Figueiroa poderá repostar un grolo de licor café ou augardente na taberna ou na propia  gasolineira da zona, botar un baile na recuperada discoteca Isis Pharia, e ata un motel para recuperarse e que non haxa problemas cos controis de tráfico. Despóis de pasala noite no motel, poderán comprar algo no mercadiño da feira, con boas ofertas,  e tomarlle un viño da zona, por suposto, da adega Pazo Tizón. 

Xogo, humor, gastronomia e moita imaxinación, e todo elo saído do maxín de José Luis Sotelo "O Rubio de Cameixa" e veciños, mantendo vivo o espírito da festa do entroido no noso rural, sen dúbida, entre o máis auténtico de toda a comarca.

Felos, comparsas, charangas e as carrozas de Parada animaron a tarde do lúns de entroido na vila de Maside, que rexistrou un abarrote de público, a maioria con máscara de protección na primeira gran concentración que vive Maside en tempos de covid. Levantaou grandes  aplausos ao seu paso as carrozas do entroido de Parada, desfilaron 22 unidades nunha comitiva integrada por máis de 300 persoas.

A gran cantidade de público algunhas incidencias nas primeiras horas da tarde na entrada ao casco urbano masidao, e mesmo por momentos causou retenciós no tráfico nos accesos, sobre todo na entrada dende a autovía, na rúa da Friela, na que tivo que intervir a Garda Civil para organizar o tráfico..

O PSdeG-PSOE de Leiro abandona o pleno extraordinario celebrado esta mañá ante a falta de transparencia do goberno municipal e as políticas “clientelares” e “caciquís” do alcalde do Partido Popular, Francisco José Fernández. Os socialistas amósanse especialmente críticos coas “malas artes” do rexedor que optou por converter un pleno ordinario en extraordinario e deste xeito impedir debate o debate de mocións dos grupos da oposición e tratar de “coartar” a súa liberdade de expresión, nun exercicio propio das “ditaduras”.

Dende o Grupo Municipal Socialista aproveitaron a súa intervención para explicar os motivos polos que ían abandonar o pleno e relataron que levan 4 anos tentando “fiscalizar” a xestión deste Concello, pero segundo apuntan “foi imposible xa que as contas anuais aprobadas non pasan a fiscalización do interventor”. Os socialistas amósanse especialmente críticos coa “externalización” da maioría dos recursos públicos, que segundo afirman “se delegan sen seguir o máis mínimo control real e honesto por parte do alcalde e senador do Partido Popular”.

No pleno extraordinario celebrado hoxe, o goberno municipal presentou a aprobación dos pagos a Mancomunidade do Ribeiro de 2021 e o orzamento de 2022, pero tal e como afirman dende o PSdeG-PSOE de Leiro “non houbo opción de que a oposición poida pedir aclaracións ante as mentiras e manipulacións do alcalde”. Os socialistas fan fincapé nas “continuas mentiras de Fernández nos medios de comunicación”, onde tal e como afirman “pregoa iniciativas e medidas que finalmente nunca cumpre”.

Para o voceiro do PSdeG-PSOE en Leiro, Manuel Rodríguez Vázquez, esta decisión de abandonar o pleno ven motivada por “hixiene democrática”. O edil socialista afirma que “tomamos esta decisión en defensa dos dereitos dos veciños e veciñas de Leiro, xa que se están pisoteando aos mesmos e tamén os meus dereitos como membro da oposición”. Denuncia que a actitude de “soberbia, arrogancia, prepotencia e obstinación do alcalde teñen sumido a Leiro no absoluto desleixo e abandono”, motivo polo que esixe que “democracia” e pór fin as políticas “clientelares e caciquís que afogan o noso concello”.

Rodríguez Vázquez aposta por un xiro “total” nas políticas municipais e nas que prime a transparencia que “permita arroxar luz á actuación dos poderes públicos e sexa un instrumento fundamental para previr un mal goberno como o do señor Fernández, no que priman a opacidade, o segredo e a ocultación de información”. O voceiro socialista tamén lle esixe ao alcalde do PP “exemplaridade” para “fortalecer os valores colectivos e que opte por condutas que promovan a decencia política no noso concello”. Manuel Rodríguez lémbralle tamén ao rexedor que “o abuso de poder consiste precisamente en exercelo á marxe das normas para favorecer ilexitimamente determinados intereses” e remarca que o “uso indebido dos orzamentos públicos, sen controis, é un claro exemplo de malas prácticas e do mal goberno”.