Nin Barbadás nin Arenteiro demostraron esta tarde ser dous dos equipos que forman parte do pelotón que loita por meterse nos postos de privilexio desta liga. Os locais, moi lonxe do equipo sempre perigoso dos últimos anos, e o Arenteiro na súa liña de irregularidade á que xa nos tén acostumados esta tempada, cun primeiro tempo no que foi tan malo coma o Barbadás, e algo mellor na segunda parte, curiosamente cando se quedou con dez xogadores no campo por doble amarela ó defensa Padín. Foi entón cando mellor controlaron o partido os carballiñeses, que tiveron unha inmellorable ocasión para adiantarse no marcador nun balón que, co porteiro local batido, non lograron cabecear nin Tacón nin tampouco Fran. A dez minutos do final, Juan José -que acababa de entrar no lugar de Fran- protagonizou outra curiosa xogada: desde caseque o centro do campo vé adiantado ó porteiro do Barbadás e lanza un chupinazo sobre a porteria local que vai por enriba do traveseiro por moi pouquiño, de tal maneira que o efecto óptico fai que pareza que o balón acabase dentro da portería, incluso o linier dá o gol e provoca unha curiosa confusión, que logo aclara o árbrito sinalando saque de portería. Tivo que quedarse o Arenrteiro con 9 xogadores no campo, por expulsión de Gil, para que o Barbadás lograse fabricar unha clara ocasión na portería de Iván, pero cando xa os seguidores locais cantaban o gol, apareceu providencial baixo paus Nacho Currás para despexar o balón. Malia acabar o Arenteiro o partido con dous expulsados a arbitraxe foi correcta e o reparto de puntos fixo xustiza os poucos méritos de unhos e outros, nun partido malo que pudo gañar ou perder calquera dos dous.
A asociación ecoloxista considera que houbo manifestas irregularidades tanto na licitación da obra coma na posterior execución do proxecto, levado a cabo polo Concello do Carballiño na construcción da canceira muncipal. Según o grupo que lidera o activista Julio Fernández, non está claro que existese un proxecto do que se contratou, nin tampouco as modificacións feitas e as cantidades licitadas, polo que "temos indicios de serias irregularidades no manexo dos fondos que se concederon para estas obras durante o ano 2006, e a relación dos feitos parecen indicar o gasto de case 300.000 euros que deberían adecuar as intalacións á normativa, sen que tales fins fosen cumpridos". Os ecoloxistas tamén entenden que é moi sospeitosa a rapidez coa que se executaron as obras, que "permitíu que unha obra licitada en setembro de 2006, adxudicada en outubro e modificada en decembro, fora certificada e pagada nese mesmo mes de decembro de 2006". "Matar Por Matar Non" decide agora remitir toda a documentación da que dispón -non aclara qué tipo de documentación- á fiscalia de Ourense, e á vista de que "se están dando largas á tan cacareada comisión de investigación, aprobada por unanimidade no pleno do Concello do Carballiño de data 26 de marzo de 2009, ou sexa, hai case un ano e medio". Finalmente, o grupo ecoloxista recorda que "o único claro atá o momento é que a pesar de todo o diñeiro que se moveu, a maioria dos cans foron eliminados e tirados nun enorme burato nas instalacións da canceira". A obras da polémica, executadas polo Concello Carballiñés, foron financiadas pola Consellería de Medio Ambiente, durante o ano 2006, sendo daquéla o seu titular Pachi Vázquez.
RECORD DE PARTICIPACION: 105 mushser y 105 perros se dieron cita en MADRID. El domingo 14, a las 11,30 al pié de los cordeles de la sierra del GUADARRAMA, en MORALZARZAL,tomaron la salida los 105 equípos participantes en la séptima carrera de la LIGA NACIONAL DE CANICROSS. En una mañana soleada, los equipos procedentes de distintos puntos de la geografía nacional y con una temperatura de -4 grados,( ideal para la práctica del canicross), pudieran disfrutar de un circuito que estaba en perfectas condiciones , siendo llano en casi su totalidad, pues solo tenia una pequeña cuesta en el medio del recorrido, hacia que éste fuera
rápido..Por otra parte destacar la amplitud de los caminos, en donde era muy fácil adelantar, así como también recordar que gran parte del circuito,transcurria por una CAÑADA REAL (camino que en su momento se usó para la trashumancia) En esta ocasión el equipo de CARBALLIÑO, tuvo que conformarse con el
tercer puesto, siendo el protagonista el perro LEO que en los últimos 500 metros llevó en volandas a sú mushser y así adelantar a un rival directo,llevandole al tercer cajon del podium, y poder continuar en ese
segundo puesto en master-50 de la LIGA NACIONAL DE CANICROSS.
Agradecer a ,los colaboradores:GIMNASIO ESPARTA, ARION Y AGROBOTICA, por sun colaboración con el equípo de ACADE. FELICITAR al ayuntamiento de MORALZARZAL Y A LA ORGANIZACION , por el gran
trabajo que hicieron.
saludos ANUBIS
Atá tres veces foron requeridos os servizos do Grupo de Intervención Rápida e Protección Civil do Carballiño, durante a xornada deste xoves dia 18 de febreiro, atá tres intervencións un intervalo de apenas 17 horas no casco urbano do Carballiño. O incendio máis grave, afectou de madrugada á tintoreria "La Única", na rúa Astureses,onde os danos materiais foron bastantes cuantiosos, e ademáis foi preciso desaloxar ós veciños da zona. Pola mañá, os servizos de emerxencia acudiron á rúa Maside, ante o aviso dun incendio nunha vivenda, que finalmente resultou ser unha falsa alarma. E finalmente, ás 8,30 das tarde recibiron un novo aviso, que daba conta dunha nova incidencia, desta vez no piso dun edficio da rúa Martinez Avellanosa, no número 39 desta rúa carballiñesa. O lume prendeu na campa extractora da cociña, da que saía unha densa fumeira que provocou a lóxica alarma entre a veciñanza. Tamén desta vez, a rápida intervención foi eficaz e evitou que o lume se propagase ó resto da vivenda. A Policia Local regulou durante media hora o trafico na zona para facilitar o dispositivo ós vehículos de bombeiros e emerxencias.
A colaboración cidadán foi clave para evitar males maiores, asi o destacou o xefe da Policia Local do Carballiño, Francisco Valeiras. Foi un veciño quen unhos minutos despois das 3 desta pasada madrugada deu aviso á Policia Local e de inmediato procedeuse a mobilizar ós servizos de emerxencia e extinción de incendios, "pasaba por alí a esa hora e víu o fume como saía do local, de non ser polo aviso e a rápida intervención seguramente a esta hora estariamos falando dun suceso doutro alcalce", salientou o responsable da policia carballiñesa. O lume orixinouse no interior da tintoreria "La Única", sita na rúa Astureses, un establecemento que, pola súa actividde, utiliza productos inflamables. O incendio deuse por controlado en apenas media hora, participando nos traballos de extinción tres bombeiros de Protección Civil, que acudiron cunha motobomba urbana. Foron desaloxados todos os veciños, tanto do edificio afectado como dos colindantes, que regresaron ós seus domicilios con normalidade ó cabo dunha hora, sen que rexistrase ningunha outra incidencia.
Ningunha empresa optou a facerse coa concesión da explotación do novo balneario de Berán, ningunha oferta se presentou ó concurso público convocado pola Entidade Local Menor de Berán e a incertidume sobre o futuro destas instalacións balnearias non parece ter fin. Mentres nos últimos dias, o Presidente da Entidade José luis Rodríguez, e o vocal socialista Tomás Lorenzo culpábanse mutuamente do retraso na apertura do balneario, agora, a esta polémica, súmase o Bloque Nacionalista Galego, que reparte as culpas entre socialistas e populares. Luis Pérez "Ficol" denuncia "publicamente o bloqueo deste proxecto pola actitude intransixente e obstruccionista do vocal do PSOE, respaldado pola dirección provincial deste partido", e tamén fai responsable desta situación ó Presidente da Entidade Local Menor de Berán "pola actitude pasiva levada a cabo desde fai 2 anos, sen sacar nada de proveito para os veciños e veciñas de Berán". O portavoz nacionalista na Corporación Municipal de Leiro, recorda como "fai 2 anos había varias empresas moi interesadas no balneario, algunha delas contemplaba unha inversión superior ós 5 millóns de euros, e a creación de 40 postos de traballo, e agora nada de nada, en plena crise económica". Ficol considera ó vocal socialista como culpable "por non haber ningunha empresa interesada en poñer en funcionamento ditas instalacións, que foron construídas con cartos púlblicos". Por eso, considera o concelleiro do Bloque, "é o momento de esixir responsabilidades polo mal funcionamento da Entidade , pola mala xestión levada a cabo, e por deixar tan mal ó pobo de Berán e ó Concello de Leiro"
Tres goles de Martín e pouco máis, ésta pode ser a frase que resume o visto nesta neste domingo de antroido en Espiñedo. O Arenteiro volveu ofrecer unha tarde rácana de fútbol á súa parroquia, menos numerosa do habitual, fose plo frio ou pola celebración do antroido, ou porque este equipo non engancha, o certo é que espiñedo rexistrou a pior entrada da tempada. O resultado pode resultar moi engañoso, xa que malia o 3-0, nin moito menos o Arenteiro fixo un partido de bó nivel, e moito terá mellorar se quere aspirar a chegar ás xornadas finais do campionato con opcións ós postos de ascenso. O Arenteiro gañou este partido, e atá con certa comodidade, porque desta vez tivo o santo de cara. Martín inaugurou o marcador cando se consumiía o primeiro cuarto de partido, e fixo o segundo no sempre sicolóxico minuto 45. O Tomiño non foi capaz de marcar nin de penalti. Có 2-0 no marcador os visitantes poideron meterse no partido á media hora da segunda parte, pero impedíuno o meta Iván, despexando o balón. Ó pouco, o trigoleador Martín, finiquitaba o partido. O Arenteiro quedabase cos tres puntos aproveitandose dos erros en defensa do Tomiño. Con esta victoria, os carballiñeses sitúanse quintos na táboa, a dous puntos do 2º e a 4 do líder Choco.
A nova rúa Alexandre Bóveda convertiráse próximamente nunha importante arteria para o tráfico urbano no Carballiño, xa que evitará ter que circular polo centro da vila para os vehículos que accedan desde a Estrada de Ribadavia atá ás rúas Alberte Vilanova e Ourense. O que era un antigo camiño de carro nunha boa parte do seu percorrido, e de dirección única, pasará a ser agora unha rúa apta para a circulación en doble sentido, con beirarrúas e unha calzada que terá entre 10 e 12 metros de ancho, dependendo do tramo. O Alcalde, Carlos Montes, prevé que a obra, que se está executando, quede rematada o vindeiro dia 28 deste mes de febreiro, de tal maneira que a partir de marzo poderá xa abrirse ó tráfico. Tamén coincidíu con estas prrevisións o Concelleiro de Obras e Urbanismo, Manuel Amil, que recordou como este proxecto, que conta cun orzamento de 400.000 euros, corresponde o Plan E do pasado ano 2009. O novo vial xa estaba contemplado no Plan Xeral de Ordenación Municipal en vigor desde o ano 1999, e tal como aparece no mesmo, cun ancho de 10 metros nun dos tramos, mentres que noutro chega atá os 12. Algunhos veciños e propietarios da zona están sendo moi críticos có proxecto,xa que "é unha chapuza que a rúa non teña o mesmo ancho". Ademaís, aseguran que unha parte da mesma vai quedar sen saneamento, "algo que non se entende cando se fai unha obra así, deixar unha rúa sen saneamento".
O Grupo Municipal do Partido Popular no Concello de Boborás, que lidera o Alcalde Cipriano Caamaño, presentará no vindeiro Pleno ordinario que celebre a Corporación, unha moción na que propón un debate que pretende trasladar á vida pública e política, con distintas propostas de aforro e contención do gasto público para facer fronte á crise. Na moción, o Partido Popular de Boborás expón que "sendo conscientes da grave fractura existente entre a clase política, moi ben remunerada, e a meirande parte da sociedade con dificultades para chegar a fin de mes, propoñemos o estudio e debate dunha série de medidas de aforro e austeridade no gasto". Entre esas medidas, estarían a retirada inmediata dos plus dos altos cargos das distintas administracións, a reducción á metade dos case 700 asesores que tén o goberno central, a disminución nun 5% dos salarios de todos os funcionarios e traballadores das empresas públicas, e dun 20% nos salarios do persoal de libre designación e dos cargos eléctos, Deputados, Senadores, Parlamentarios Autonómicos, Provinciais, Alcaldes e Concelleiros, quedando excluidos desta medida aqueles funcionarios, persoal e cargos electos mileuristas. Outras medidas que se propoñen, son a diminución dos privilexios dos altos cargos políticos, que con 7 anos no posto, teñen dereito á pensión máxima a efectos de xubilación, asi como a reducción á metade dos subvencións públicas ós partidos políticos e sindicatos. Finalmente, tamén se propón a adopción de medidas axeitadas para combater o fraude fiscal e as bolsas de diñeiro negro, un tratamento fiscal adecuado e fluidez no crédito a pequenas e medianas empresas, e un acordo urxente e consensuado para a reforma do mercado de traballo. As medidas expostas, aclara o grupo municipal de goberno do Concello de Boborás, "só pretenden xerar un debate entre a clase política para solucionar os gravísimos problemas que asolan ó País". E subliña que con ese diñeiro podería "paliarse a situación dos sectores da sociedade maís salvaxemente golpeados pola crise, esto é, parados, mozos, xublidados e dependentes".
Un total de 24 desempregados do Concello do Carballiño, 23 mulleres e un home, recibiron esta mañá os diplomas que acreditan que remataron con éxito o obradoiro de emprego "Arenteiro IV". O acto desenvolveuse na casa do Concello do Carballiño, e estivo presidido polo Delegado Territorial da Xunta de Galicia en Ourense, Rogelio Martinez, acompañado polo Alcalde Carlos Montes e o 1º Tenente Alcalde, Manuel Amil. A Consellería de Traballo e Benestar aportou 503.222 euros ó desenvolvemento deste obradoiro de emprego, que tivo unha duración de 12 meses e que contou con tres módulos de especialidades, albanelería, carpinteiría e xardinería. Entre as actuacións que se levaron a cabo durante este tempo, atópanse as obras que realizaron nas piscinas municipais, a construcción de vestiarios no campo de fútbol da Uceira, o axardinamento da área recreativa dos Catro Camiños, a construcción dun muro no campo municipal de Espiñedo, e actuacións diversas no parque municipal do Carballiño. Durante o acto de clausura, o Delegado Territorial da Xunta, Rogelio Martinez, salientou que "este tipo de obradoiros supoñen unha importante ferramenta de formación para que os desempregados consigan acceder ó mercado laboral".
Páxinas
- « primeira
- ‹ anterior
- …
- 746
- 747
- 748
- 749
- 750
- 751
- 752
- 753
- 754
- …
- seguinte ›
- última »