O director xeral de Comercio e Consumo, Gabriel Alén, visitou esta mañá a praza de abastos do Carballiño, unha das beneficiarias na pasada edición das axudas de diagnose para a dinamización das prazas e mercados, coa vontade de continuar na súa modernización e revitalización. Esta visita, coincide coa apertura hoxe do prazo de solicitudes para optar ás achegas da nova convocatoria da Consellería de Emprego, Comercio e Emigración orientada a potenciar as prazas de abastos de Galicia e impulsar a súa certificación como Mercados Excelentes.

O Director Xeral estivo acompañado pola concelleira carballiñea de comercio Diana González, o primeir tenente alcalde Pepe Castro Gil, a xerente do CCA Noelia Mares, exercendo como portavoz dos praceiros carballiñeses, Eligio González.

Nesta visita, Gabriel Alén —que estivo acompañado por representantes municipais— destacou que estas achegas poden solicitarse ata o vindeiro 14 de abril e a elas destínanse 3,3 millóns de euros, o que supón o triplo do orzamento da anterior convocatoria para poder dar resposta á previsión do incremento de solicitudes para a realización de obras de mellora—tras aumentar en 2024 os apoios solicitados para a elaboración das diagnoses previas—. Ademais, como novidade, os concellos contarán cun período de gasto bianual entre 2025 e 2026 para garantir que conten con máis tempo de execución para as actuacións solicitadas.

As achegas, que poden solicitar municipios, asociacións, cooperativas ou federacións, promoven accións que van desde o mantemento e mellora dos Mercados Excelentes xa existentes na comunidade —cunha contía máxima de 112.000€— consolidando unha rede no marco deste distintivo que impulsa a Xunta para recoñecer aquelas prazas de abastos que están a responder de xeito diferencial e destacado aos retos da modernización e a innovación sen perder a súa autenticidade e tradición, ata accións de diagnose, formación ou obras de rehabilitación —neste caso con 320.000€ de axuda máxima— para aqueles que desexen solicitalo.

As asociacións de prazas de abastos e mercados, así como as cooperativas de vendedores —que se introducen como potenciais beneficiarias este ano— poden solicitar axudas para o mantemento dos seus marketplaces, material promocional ou servizos de fidelización de clientela, entre outras, ata un máximo de axuda de 11.200€. Por último, as Federacións de Prazas de Abastos poden optar a apoios para a realización de campañas comerciais ou eventos, ata un máximo de 40.000€.

Plan Estratéxico do Comercio 2025-2030
Esta convocatoria encádrase nas medidas de impulso ao comercio promovidas pola Xunta, implementadas cun investimento á alza para seguir potenciando un sector clave na xeración de emprego, no marco do futuro Plan Estratéxico do Comercio 2025-2030, que tras un proceso de escoita activa e de coñecemento da situación real do sector, estará rematado a finais deste mes de marzo.

A ela súmanse outras ordes abertas para fortalecer o ecosistema comercial, como os apoios dirixidos aos centros comerciais abertos (2,5M€), ou os orientados a impulsar a modernización, dixitalización e sostibilidade do comercio retallista e dos obradoiros artesanais galegos (3,9M€).

O presidente da Deputación de Ourense, Luis Menor, participou esta mañá na presentación oficial dun sistema pioneiro de dixitalización de viñedos no Ribeiro, proxecto subvencionado pola institución ourensá con 20.000 euros, no marco das axudas destinadas á promoción do viño no conxunto da provincia, que neste mandato actual ascenden a máis de 200.000 euros de investimento para diversas actividades.

O proxecto presentado hoxe permitirá ao Consello Regulador dispoñer de distintas aplicacións conectadas a unha única base de datos central, que vinculará tódolos procesos dixitalizados e será ampliable a medida que a D.O desexa abrir servizos a viticultores e bodegas. Deste xeito, simplifícanse os procesos actuais e favorécese a disposición da máxima información posible das parcelas -incluso das abandonadas-, nun único sistema.

Ademais, esta nova ferramenta permitirá maiores facilidades na cesión, o aluguer ou a compra de terreos para os viticultores, xa que se trata de tecnoloxía de vangarda que ofrece unha visualización das parcelas óptima.

Durante a presentación no Consello Regulador da Denominación de Orixe Ribeiro, o presidente provincial aproveitou para poñer en valor a “cooperación” como a senda a seguir dende a Deputación, para que sectores coma o do viño dean “un salto cualitativo” con ferramentas novidosas coma a que se estrea, “pioneira en Galicia”, resaltou.

O presidente provincial, acompañado pola presidenta do Consello Regulador do Ribeiro, Concepción Iglesias; alcaldes da zona, viticultores e bodegueiros, percorreron viñas en Barxalonga, Beade, onde o responsable informático, Antoni Antés, explicou aos asistentes o funcionamento desta aplicación dixital, que é a primeira vez que se implanta nunha denominación de orixe galega, tralo seu éxito en zonas vinícolas de Cataluña.

Despois de probar a aplicación sobre terreo, os asistentes reuníronse na sede do Consello Regulador, en Ribadavia, onde Luis Menor sinalou o apoio da Deputación ao sector vinícola, “unha das actividades económicas estratéxicas da nosa provincia”.

O presidente provincial destacou os beneficios que suporá esta nova ferramenta para os profesionais do sector e a “aposta pola modernidade e o progreso” que supoñen esta e outras iniciativas, nunha zona histórica como O Ribeiro, da man do Consello Regulador.

Un sistema novidoso para 17.000 parcelas

A presidenta do Consello Regulador da D.O Ribeiro, Concepción Iglesias, amosou o seu agradecemento á Deputación de Ourense por subvencionar este sistema. Iglesias destacou as “dificultades” que supón dixitalizar unha zona vinícola coma O Ribeiro, sinalando que son “máis de 17.000 parcelas as que se beneficiarán desta ferramenta”.

Este proxecto dixitalizador do rexistro vinícola vai permitir xestionar información actualizada de todas esas parcelas, facilitando a modernización do sector.
--

Comisións Obreiras manifesta que esta falta de negociación colectiva "tradúcese en constantes vulveracións por parte do concello do Carballiño dos acordos de condicións laborais do funcionariado e e do convenio colectivo do persoal laboral".

Aseguran desde CCOO que "seguese sen facer caso dos escritos que presentamos os representantes dos traballadores e traballadoras, denunciando o cobro de nóminas con retraso, o superar sempre o periodo marcado tanto no acordo como no convenio".

Abrindo o arquivo adxunto podes acceder ao comunicado do Comisións Obreiras:

A festa gastronómica do inverno no Carballiño volveu demostrar que está xa consolidada como o evento maís destacado en Galicia no chamado domingo de piñata. e por segundo ano consecutivo, máis de 2.300 persoas degustaron nos resturantes da vila e arredores o menú da festa, a base do exquisito cocido de cachucha. 

A pesar da amenza de chuvia, que caeu nalgunhos momentos deste domingo, non se suspendeu ningunha das actividades festivas programadas polo concello carballliñés, incluidos os dous desfiles de comparsas, folións, charangas, e as sempre espectaculares carrozas do entroido de Parada de Amoeiro, que coa súa presenza animaron ao numeroso público ao seu paso polas rúas máis céntricas do Carballiño.

A orquestra Gran Parada puxo o fin de festa na Praza Maior, completando asi o programa desta XXX edición da Festa da Cachucha, despendindo tamén o ciclo festivo do entroido no Carballiño que se prolongaba desde o pasado 28 de febreiro.  

A Deputación de Ourense culminou este sábado 8 de marzo, Día Internacional da Muller, a campaña que desenvolveu durante todo o ano, titulada “8M, mes a mes”, centrada en visibilizar ás mulleres que desempeñan profesións altamente masculinizadas.

No acto institucional, celebrado no Centro Cultural Marcos Valcárcel, o presidente provincial, Luis Menor, puxo en valor a vontade da institución provincial para “visibilizar a igualdade entre homes e mulleres durante todo o ano, tomando como exemplo as vidas profesionais das mulleres en todos os ámbitos laborais”. Para Luis Menor, a igualdade debe ser “unha loita conxunta e sen hostilidades”. Referiuse tamén ás mulleres protagonistas da campaña que se desenvolveu durante todo o ano: Cintia Piña (camioneira); Inés Rodríguez (empresaria e artesá); Lorena Quintas (empresaria con discapacidade); Raquel Biscaia (viticultora); Zaira Vidal (cosmética natural e marketing); Montserrat Dafonte (farmacéutica); Isolina Morais (praceira de Praza de Abastos); Julia Carballo (investigadora); Victoria Diéguez (sector forestal); Julia Vázquez (conductora) e María Fernández (científica).

Para o presidente provincial, a experiencia de todas as protagonistas “é de de suma importancia para contribuír a unha sociedade máis igualitaria onde as mulleres poidan ser o que desexen ser”. Luis Menor advertiu tamén que as administracións públicas “temos que poñer unha parte importante do noso foco na procura da igualdade”, lembrando accións desenvolvidas pola Deputación de Ourense que foron merecentes de recoñecemento, como o II Plan de Igualdade que en 2023 resultou finalista nos Napolitan Victory Awards na categoría de “Campaña Gubernamental do ano”. Un plan con 35 accións a desenvolver en dez áreas de traballo baixo tres principios fundamentais: a perspectiva de xénero, a transversalidade e a atención á diversidade.

O acto institucional do 8M, foi presentado pola deputada de Igualdade, Teresa Barge, e contou coa participación da profesora da Universidade de Vigo Yolanda Rodríguez Castro; da influencer Ro_Meiry; da representante da Asociación de Mulleres con Discapacidade (ACADAR), Laura Quintas; e da actriz Mariana Carballal, que falaron das súas respectivas experiencias profesionais. As participantes relataron as dificultades que atoparon nos seus respectivos sectores e reivindicaron a igualdade coma un “dereito”. Pola súa banda, Teresa Barge agradeceu ás poñentes a súa participación no acto e puxo en valor o traballo da Deputación de Ourense para “seguir avanzando no camiño da igualdade” e agradeceu ás mulleres que “loitan”, pero tamén “aos homes que nos acompañan para conseguir esta igualdade”.

Nova entrega da Tertulia dos Venres, a deste 7 de marzo, con Luis Tosar, María Luisa Rodríguez, Manuel Nogueira, Fátima Gómez e Sebastián Lamazares, xunto a Xan PInal nos estudios de COPE O Carballiño.

Escóitaa aquí:

O alcalde de San Amaro anunciou hoxe e no transcurso dunha intervención radiofónica en COPE O Carballiño a suspensión das actividades do entroido de San Amaro previstas para este sábado dia 8 na localidade.

Fernando Redondo lamentou esta decisión ao non poder garantir a organización dun desfile no que estaban inscritas un total de 16 comparsas debido ao empeoramento do tempo previsto para o sábado, cunhas condicións meteorolóxicas adversas, con previsión de chuvias xeralizadas e mesmo probabilidade de neve nas zonas máis altas da comarca.

Mentres, o concello do Carballiño mantén a celebración de todas as actividades programadas para este próximo domingo dia 9 con motivo da XXX edición da Festa da Cachucha.

O concelleiro de turismo, Manolo Dacal, avanzou en COPE O Carballiño que en principio vaise manter o programa previsto, incluidos os dous desfiles de carrozas, folións, comparsas e charangas, con 30 agrupacións inscritas. Tan so no caso de condicións meteorolóxias que asi o aconsellasen, suspederíanse estas actividades.

Onde non haberá problema, independientemente do tempo que faga, para o xantar nos comedores da hostalaría carballiñesa, que rexistrarán un cheo total, aínda con alguhas prazas dispoñibles -xa poucas- e coa previsión de completar un aforo que -igual que o ano pasado- agárdase tamén este domingo superar as dúas mil persoas degustando o menú da festa, a base dun cocido de cachucha.

Auténticas xoias rodantes, ata 60 vehículos históricos verémos este próximo sábado dia 8 de marzo participando no Rali do Lacón Históricos, unha proba de regularidade organizada pola asociación Clásicos Arenteiro.

A Praza da Veracruz acollerá o parque pechado, no que poderán verse os vehículos ata as 15 horas e á súa chegada despòis de completar o rali ás 20:30 horas. A entrega de premios será no transcurso dunha cea de confraternización no restaurante Fuchela.

O rali recorrerá por estradas dos concellos do Carballiño, Maside, Leiro, San Amaro, Punxín, Boborás e O Irixo.

Nos audios adxuntos podes escoitar a Pepe Castro Gil, concelleiro de deportes do Carballiño e a José Manuel Mosquera, secretario da asociación Arenteiro Clásicos:

Un ano máis O Carballiño congregará a centos de participantes no concurso-desfile do entroido, este martes dia 4 -festivo local no municipio- a partir das cinco da tarde, un entroido que conta cos maiores premios de toda Galicia, por exemplo, o primeiro premio é de 1.300 euros e tamén hai un premio que outorgan as propias comparsas participantes.

Entre as comparsas concursantes repiten varias do Concello do Carballiño coma Partovia, As Flores da Costa, Aspadisi, Entroula ou Lumareda, destaca tamén Maside que contará con tres representantes, tamén contan con representación San Amaro, a cidade de Ourense ou os gañadores da pasada edición, unha das comparsas do Irixo.

O desfile, que ademais de contar cas comparsas concursantes, tamén contará ca presenza da batucada do Conservatorio de Música do Carballiño, os incombustibles Liborianos ou os 100 Tolos, comparsa espectáculo que conta con banda de música propia e chegan desde Poio.

En total, serán 15 comparsas as que desfilarán ás 17h no percorrido tradicional, que ten a súa saída na Rúa Otero Pedrayo, seguindo polas rúas Conde Vallellano, Julio Rodríguez Soto, calvo Sotelo, Tomás María Mosquera e Rosalía de Castro.

Ao remate do desfile, sobre as 19h aproximadamente, terá lugar un baile de disfraces na Praza Maior a cargo da Orquestra Alkar, á espera de dar a coñecer os premios do concurso do carnaval carballiñés, un momento rodeado sempre de gran expectación.