Deportes

O deste Arenteiro é "para mirarllo" como se dí popularmente, está empeñado partido a partido en encaixar gol nos primeiros minutos, é como se lle quixera comezar os partidos dándolle ventaxa ao rival, e asi volveu suceder esta tarde no campo da Senra de Ribadumia.

Apenas ían 11 minutos cando os locais se adiantaron no marcador, aínda que en realidade xa tiveran polo menos dúas ocasións para facélo incluso antes. 

Iván Rubio lograba empatar ao pouco tempo, apenas 3 minutos despois. Pero o Arenteiro seguíu empeñado en dar facilidades defensivas e se ao final da primeira parte chegouse con empate a un gol foi en gran parte mérito dun enorme Rui Santos, de largo o mellor do Arenteiro, que ata en 3 ocasións gañou o man a man cos dianteiros locais cando a afección local xa cantaba o gol.

O porteiro portugués do Arenteiro conseguíu que o partido seguise igualado no marcador ata 3 minutos para o final, cando o Ribadumia logrou o gol da victoria (2-1) e cando o Arenteiro xa estaba con 10 xogadores no campo tras a expulsión de Padrón no minuto 85 de partido ao ver o segundo cartón amarelo.

Con éste e o resto de resultados que se deron esta tarde, o Arenteiro cae a postos de descenso por primeira vez no que vai de liga.

Para ver a ficha do partido sigue o seguinte enlace: http://www.futgal.es/pnfg/NFG_CmpPartido?cod_primaria=1000120&CodActa=45...

Unha mala primeira parte e a falta de pegada tras a reanudación motivaron a derrota dun Arenteiro que acabou con 9 xogadores polas expulsións de Rober e Fajardo. O equipo da Terra Cha, que gañou 0-1, levouse 3 valiosos puntos do Estadio de Espiñedo, que rexistrou unha boa entrada.

O outravolta temperán gol do equipo contrario puxo o partido moi costa arriba para os verdes, que en toda esta primeira parte so inquietaron a meta visitante nun tiro lonxano de Ross, e puco máis, xa que a zona ancha foi durante os primeiros 45 minutos do Vilalbés, que xogou moi cómodo e sobre todo despóis de adiantarse no marcador.

Na segunda parte o Arenteiro intentouno, mellorou coa entrada no campo de Noguerol e Adil, e de feito xerou ocasións ante a portería do Villalbés, pero a falta de pegada dos verdes impedíulles polo menos o empate, que sería o máis xusto.

Ademáis das citadas expulsións de Rober e Fajardo, que se perderán o partido en Ribadumia, haberá que estar atentos a evolución de Portela e Martín, que tiveron que retirarse lesionados,asi como Ross, mancado nunha man.

Tampouco parece que Cassio chegará a tempo para ese partido, igual que Rubio. 

Para ver a ficha do partido sigue a seguinte ligazón: http://www.futgal.es/pnfg/NFG_CmpPartido?cod_primaria=1000120&CodActa=45...

Quizás o resultado sexa algo abultado de máis, pero nada que obxetar á victoria dos coruñeses pola súa superioridade no transcurso do partido, sobre todo durante a segunda parte na que marcaron os 3 goles, xa que ao descanso chegouse co 0-0 inicial que facía albergar aos verdes esperanza de lograr algo positivo.

Pero todo se torceu aos 20 minutos da reanudación co primeiro gol local e á media hora desta segunda aproveitou o Laracha un penalti ao seu favor para poñer o partido moi de cara aos seu favor ao transformar a pena máxima dende os once metros. Xa co tempo cumplido redondeou o resultado o equipo larachés, xusto gañador do encontro.

E é que interpretacións aparte, no fútbol se concedes facilidades atrás e non estás fino adiante, pouco ou nada tes que facer. 

Para ver a ficha do partido sigue a seguinte ligazón: http://www.futgal.es/pnfg/NFG_CmpPartido?cod_primaria=1000120&CodActa=45...

O Arenteiro desperdiciou ante o segundo clasificado da categoria, o Bergantiños CF, a oportunidade de seguir sumando puntos despois dun partido igualado e no que os erros defensivos dos verdes propiciaron que o equipo de Carballo se levase un triunfo do campo da Regueiriña de Barbantes, que rexistrou un gran ambiente.

E outra vez máis, o Arenteiro volve encaixar gol nos primeiros compases do partido, apenas ían 7 minutos cando o Berganitños se aproveitou do primeiro desaxuste defensivo dos verdes.

Pero en apenas 8 minutos o Arenteiro foi quen de darlle a volta ao marcador, con dous golazos de Fajardo, o primeiro cun zapatazo que se colou como un misíl na portería do Bergantiños e o segundo ao executar unha falta, o balón acabou dentro da portería visitante tras dar no poste.

Cando parecía que o Arenteiro chegaría en ventaxa ao descanso, no último minuto desta primeira parte, empatou o Bergantiños.

Os de Carballo lograron o gol da victoria no minuto 75 dende os 11 metros, penalti transformado por Rubén Rivera.

Ademáis da derrota, o partido deixa outro xogador lesionado, Casio que tivo que abandonar o campo mancando nun xeonllo cando apenas ían desputados 15 minutos, e xa co tempo cumplido resultou expulsado Maxi, ao ver o segundo cartón amarelo. Outras dúas baixas seguras para o partido de Laracha.

Para ver a ficha do partido sigue a seguinte ligazón: http://www.futgal.es/pnfg/NFG_CmpPartido?cod_primaria=1000120&CodActa=45...

Partido aberto ata o pitido final, un empate (1-1) que deixa satisfeitos aos dous equipos porque calquera dos dous pudo gañar, pero tamén pudo perder, xa que ocasións, para desnivelar o empate houbo ante ámbas porterias no transcurso da tarde.

E outra vez, outra máis, o Arenteiro ten que remar contra corrente ao volver encaixar por teceira xornada consecutiva  gol na súa portería no inicio de partido, pasoulle no Barco, tamén en Boiro, e nesta ocasión ante o Choco cando apenas ían 5 minutos de xogo, nunha xogada a balón parado que non acerta a despexar a defensa do Arenteiro, o balón vai ao poste da portería de Ruí e finalmente no rebote, para dentro.

Tardaron en reaccionar os verdes, e non o fixeron ata consumida a primeira media hora de partido, cando deron un paso á fronte e dispuxeron das mellores ocasións, unha moi clara de Hugo Sanmartín, que rematou fora por pouco tras a mellor xogada do Arenteiro nesta primeira parte, na que o premio chegou en forma de empate no minuto 42 tras un tiro cruzado a media altura de Hugo Samnartín.

Nos primeiros minutos da reanudación, outra boa combinación en ataque dos verdes culminou nun tiro de Fajardo dende a frontal da área, pero o balón foise un chisco alto, unha mágoa cando se cantaba o gol.

Certo é que a outra gran ocasión de desnivelar o marcador desta segunda parte foi dos visitantes, que perdonaron o gol, xa nos minutos finais.

Adil tivo que abandonar o campo no minuto 12 cunha lesión nun xemelgo, e Rober no descanso por molestias nun pe.

Bo ambiente, non notable afluencia de afeccionados no campo da Regueiriña de Barbantes, unha auténtica alfonbra, unha pena que non teña unhas dimensións un pouco máis grandes.

Este lúns o club decidirá se o partido ante o Bergantiños do próximo domingo se xoga xa en Espiñedo ou volve a facélo en Barbantes.

Para ver a ficha do partido sigue o seguninte enlace: http://www.futgal.es/pnfg/NFG_CmpPartido?cod_primaria=1000120&CodActa=45...

Os verdes conseguiron un importante triunfo no campo do Boiro, ao que derrotaron por 1-3, tras adiantarse os locais cun gol de Changui, Hugo Sanmartín por dúas veces e Carlos de Dios, voltearon o marcador.

E eso que o Arenteiro entrou moi mal no partido, o que propiciou un inicio no que as ocasións se sucederían ante a portería de Rui Santos, pero tras marcar o mítico Changui aos 12 minutos, o Arenteiro tivo a fortuna de empatar no primeiro disparo entre os 3 paus, e chegar ao descanso con táboas no marcador tras unha primeira parte con pouca historia, e na que sobraron as reiterdas mofas dun sector do público para Hugo Sanmartín, un dos xogadores que a tempada pasada denunciou ao Boiro por impagos.

E sería precisamente Hugo Sanmartín o que no minuto 61 fabricou o segundo gol noutra enorme acción persoal, seguida dunha celebración que axitou ainda máis á bancada local. Nesta segunda parte o Arenteiro foi superior e merecedor dunha victoria que certificou xa co tempo cumplido cun terceiro gol, obra de Carlos de Dios.

Para ver a ficha do partido sigue a seguinte ligazón: http://www.futgal.es/pnfg/NFG_CmpPartido?cod_primaria=1000120&CodActa=45...

Crónica do partido en" La Voz de Galicia": 

https://www.lavozdegalicia.es/noticia/barbanza/boiro/2019/01/20/polemica...

Foto: "La Voz de Galicia".

O CD Arenteiro-CD Choco do próximo domingo xogaráse na Regueiriña de Barbantes

O motivo son as obras que se levaron a cabo no terreo de xogo de Espiñedo, coincidindo co parón navideño, pero que complicaron as xeadas das primeiras semanas do ano. A RFGF autorizou a celebración do partido no campo da Regueiriña de Barbantes, onde terá lugar a partir das 16:30 horas deste próximo domingo dia 27 de Xaneiro.

Un punto no campo do terceiro clasificado non é pouco, pero o premio pudo ser maior porque o Arenteiro púxose por diante no marcador e os valdeorreses non conseguiron igualar o partido ata 7 minutos do final cun golpe de fortuna nun tiro dende dende fora da área que pegou en Portela e foise envenenado ao interior da portería de Rúi.

E eso que pronto o partido se puxo costa arriba para os verdes, xa que con tan so 6 minutos o Barco marcaba o 1-0. O certo é que a partir de entón foi o Arenteiro o que levou máis perigo ante a portería rival, e nesta primeira parte Rober por partida doble e Maxi a punto estiveron de marcar, antes e despóis de que o fixera Hugo Sanmartín nunha gran acción persoal no minuto 29.

Na segunda parte -minuto 51 de partido- volvía a marcar Hugo Sanmartín cun dereitazo dende fora da área por toda a escadra, que fixo inúltil  a estirada do porteiro vasco do Barco. Un gol que deixou noqueado durante moitos minutos aos locais e nos que o Arenteiro pudo sentenciar o partido, pero non o fixo.

E asi chegou o gol do empate definitivo, se ben antes os locais xa enviaran un balón ao longueiro e Rui Santos sacara a bocaxarro un balón cando a bancada de Calabagueiros xa cantaba o gol.

Ao final, xusto reparto de puntos, entre un Barco que segue outra semana en postos de promoción de ascenso e un Arenteiro que deixou unha moi boa imaxe neste partido.

Para ver a ficha do partido preme na seguinte ligazón:http://www.futgal.es/pnfg/NFG_CmpPartido?cod_primaria=1000120&CodActa=45...

Volvía á casa de Espiñedo o Arenteiro polo nadal, e tamén volvía gañar un partido deses nos que decimos que se xogan máis alá de 3 puntos, aínda que o Porriño Industrial non o puxo nada fácil e tan so xa preto do final do partido a afección verde pudo respirar tranquila cando o 2-0 subíu ao marcador.

O Arenteiro levou a batuta do partido dende o inicio, aínda que o maltreito terreo de xogo non axudaba ao fútbol combinativo que querían propoñer os verdes, e que conseguiron levalo á práctica por momentos, e así precisamente naceu o primeiro gol tras unha xogada con internada final de Róber pola dereita e o seu centro tan so tivo que empurralo Pol para mediada a primeira batir ao bo meta do Porriño, Fernando.

Na reaunudación, o Arenteiro seguía coa mesma proposta, pero o Porriño non baixaba os brazos e intentaba o empate, aínda que as mellores ocasións seguían a ser do Arenteiro, como unha asistencia de Fajardo que rematou Hugo Sanmartín pero Fernando desviou a córner nunha gran intervención.

E por eso tocou sufrir porqu o Arenteiro non conseguíu cerrar o partido ata o minuto 87, co segundo gol da tarde, anotado por Hugo Sanmartín.

Con este resultado o Arenteiro suma 3 valiosos puntos antes do parón navideño, e o inicio das vacacións que se prolongarán ata o dia 2 de Xaneiro.

A liga non se reaunudará ata o domingo 13 de Xaneiro co partido que xogarán os verdes en Calabagueiros ante o CD Barco, aínda que o domingo anterior, o dia 6 de Xaneiro o Arenteiro xogará un partido amigable ás 18:30 horas co equipo da SD Sarriana, da Preferente Norte, no campo de fútbol da localidade lucense.

Para ver a ficha do partido sigue o seguinte enlace: 

http://www.futgal.es/pnfg/NFG_CmpPartido?cod_primaria=1000120&CodActa=45...

Empate a dous goles -todos na segunda parte-  no Estadio do Couto entre UD Ourense e Arenteiro, nun partido no que os verdes tiveron ata dúas claras ocasións de gol para adiantarse no marcador antes de que o fixera  os vermellos por medio do ex-Arenteiro Rubén Arce, en dubidosa posición, pero o gol subíu ao marcador.

Futbol-control do Arrenteiro durante toda a primeira parte sen conceder nin xiquera unha ocasión de perigo aos locais, de feito o Ourense non tirou a portería durante os primeiros 45 minutos, nos que a única ocasión foi para o Arenteiro pero cando Carlos de Dios ía a rematar sobre a portería de Pato un inoportuno charco no maltreito terreo de xogo do Couto freou a pelota e impedíu que o xogador verde poidese culminar con éxito a xogada.

Nada máis comezar a segunda parte Hugo Sanmartín tivo nas súas botas outra vez a oportunidade de adiantar ao Arenteiro, pero o dianteiro non estivo fino. 

Despois, no primeiro disparo da tarde entre os 3 paus da portería de Rui chegou o gol de Arce. E despois, a entrada de Mitogo foi determinante, xa que revolucionou o partido cando pior estaba para o Arenteiro. Primeiro, forzando un penalti que él mesmo se encargou de executar pero Pato adiviñou a dirección do balón e conseguiuno rexeitar.

Lonxe de descompoñerse o Arenteiro seguíu con fé no partido, e obtivo premio cun centro medido de Hugo Sanmartín ao segundo pau que Cassio -enorme, o mellor xogador do partido-cabeceou fora do alcance de Pato. Pouco durou a alegría porque aos poucos minutos un desaxuste defensivo dos verdes permitíu a Hugo volver adiantar aos unionistas.

Ata que volveu aparecer Mitogo na área local, enganchaando un potente disparo que se colou por toda a escadra. E daquéla o marcador xa non se movería ata o final dun partido no que todos os futbolistas do Arenteiro fixeron un enorme derroche físico, merecedor dunha mellor recompensa.

Para ver a ficha do partido sigue a seguinte ligazón: 

http://www.futgal.es/pnfg/NFG_CmpPartido?cod_primaria=1000120&CodActa=45...

O Arenteiro caeu derrotado ante o Racing de Ferrol por 0-4 nun partido no que o equipo departamental aproveitouse dos erros locais e da súa efectividade para golear na súa visita ao Estadio de Espiñedo.

Visto o resultado final poidera levar a pensar que o Racing foi unha apisonadora, para nada, marcou catro goles porque neste partido o Arenteiro concedeu demasiádas facilidades, e se enfronte tes a xogadores de tanta calidade como os ferroláns, os erros son determinates.

De feito ata o primeiro gol, que chegou pasado o primeiro cuarto de partido, o Racing fora incapaz de tirar á portería do Arenteiro.

Pero chegou o primeiro erro de bulto na liña defensiva e o primeiro gol visitante. Xa no tramo final áinda da primeira parte, outro mal despexe, e despois si, Pablo Rey culmina unha gran acción personal para irse ao descanso con 0-2 e deixar xa o partido moi encarrilado para o Racing.

Na reanudación, o terceiro gol dos ferrolanos –tamén de Pablo Rey- chega tras outra imprecisión verde, e o cuarto e último da tarde obra do ourensano Diego Seoane, que cabecea a placer na área.

En definitva, unha tarde para esquecer, e a pensar xa no partido do sábado ás 18:30 horas no Couto ante a UD Ourense, un partido no que o Arenteiro perderá a Ross, que víu o quinto cartón amarelo., e que se sumará para ese partido ás baixas dos lesionados Fajardo, Jaime Noguerol e Igor Sevivas.

Para ver a ficha do partido sigue o seguinte enlace: http://www.futgal.es/pnfg/NFG_CmpPartido?cod_primaria=1000120&CodActa=45...