Deportes

O C.D. Arenteiro conseguíu os tres puntos na súa visita ao campo de San Rosendo, nun encontro que gañaba por 0-3 no minuto 64 e complicou despois con dous fallos defensivos que meteron ao Sporting no partido.

C.D. Arenteiro: Pachi, Carlos Escudero, Diego López, Pablo Dabarca, Oscar Portos, Alex, Victor Gallego, Canexón, Bardelás, Martín e Quiroga. No transcurso da segunda parte tamén xogaron Manu, Omar, Adrían Núñez e Cancelas.

Goles:

0-1. Minuto 30, Martín, moi atento, aproveita un fallo da defensa local e tras regatear ao porteiro marca a placer.

0-2, Minuto 56, Pablo Dabarca de falta directa.

0-3. Minuto 64, Quiroga, de cabeza tras un centro de Martín.

1-3. Minuto 69, Georgio.

2-3. Minuto 74, Diego.

O Partido: O Arenteiro pudo acadar unha goleada ao seu favor, con múltiples ocasións para ampliar a ventaxa no marcador, e cando todo parecía finiquitado dous despistes defensivos condenaron aos carballiñeses a sufrir no último cuarto de partido. Ao final o marcador fixo xustiza co equipo que esta tarde saíu a gañar dende o primeiro minuto de partido.

O equipo carballiñés xogou dende o minuto 67 con 10 xogadores por expulsión do defensa Lois, que víu doble amarela, dous minutos despois chegou o gol dos locais, a zaga verde quedase parada pedindo fora de xogo pero o árbitro concede o tanto no medio das protestas dos xogadores e dos seguidores do Arenteiro.

C.D. Arenteiro: Pachi, Escudero, Lois, Diego López, Dabarca ( Marcos Sotelo, m. 63 ), Alex, Canexón, Victor Gallego, Quiroga ( Cancelas, m.66 ), Bardelás ( Omar, m.63 ) e Oscar ( Núñez, m. 70 ).

O Partido: O Arenteiro pudo e debeu sentenciar na primeira parte do encontro, cando dispuxo das mellores ocasións do partido, sobre todo unha nas botas de Oscar, que enviou o balón fora cando estaba so ante a portería e outra nun potente tiro de Quiroga, que repeleu o meta local. Na reanudación, cando parecía que o Arenteiro acabaría facendose cos 3 puntos, chegou a expulsión de Lois e a continuación o polémico gol do Taboadela, e a partir de entón o Arenteiro xa non tivo capacidade de reacción.

Ata o minuto 88 non pudo cerrar o Arenteiro un partido no que se adiantou no marcador o equipo visitante por medio dun golazo de Benito, despois os carballiñeses deronlle a volta ao marcador, índose ao descanso xa con un 2-1 ao seu favor.

C.D. Arenteiro: Pachi, Carlos, Oscar, Diego López, Dabarca ( Lois ), Alex, Canexón ( Prada ), V. Gallego, Martín ( D. Quiroga), A. Núñez ( M.Sotelo ) e Bardelás.

Goles: 

0-1. Minuto 16, Benito cun trallazo dende fora da área.

1-1. Minuto 28, Victor Gallego coa "colaboración" do meta visitante, Roi.

2-1. Minuto 44, Canexón tras un magnífico pase de Victor Gallego.

3-1. Minuto 88, Prada tras un centro dende a dereita de Diego Quiroga.

O Partido: Sufríu máis do que era de esperar o Arenteiro para sentenciar no marcador, tivo ocasión de facélo, sobre todo en ocasións bastante claras nas botas de Martín e V. Gallego, e non o fixo, polo que o partido estivo vivo atá os minutos finais, atá en dúas ocasións na segunda parte pudo empatar o AT. Vilariño, pero nunha delas o desacerto do dianteiro visitante e noutra unha gran intervención do meta local Pachi, evitarono. 

Os dianteiros Walter Martín e Diego Quiroga, éste último chegado  ao Arenteiro procedente do Club Lemos, adestraron xa con normalidade esta semana, polo que ambos poden entrar na convocatoria para o partido deste domingo -17,30 horas- en Espiñedo ante o AT. Vilariño.

A incorporación de ambos pode ser un alivio para o adestrador Miki López, xa que os outros dous dianteiros dos que dispón, Cancelas e Manu, non poideron adestradar durante toda a semana, o primeiro por motivos laborais e o segundo aqueixado de molestias, que xa lle impediron xogar o pasado domingo en Ramirás. O resto do plantel está dispoñible, incluido Alex, que comezou a semana con molestias.

Trala derrota do pasado domingo, ao Arenteiro so lle vale a victoria ante o AT. Vilariño para non perder de vista os primeiros postos da clasificación, onde debe estar o equipo carballliñés nesta competición da 1ª Autonómica.

O de Santa Isabel de Ramirás sigue sendo un campo maldito para o Arenteiro, e tamén o foi desta vez, o equipo carballiñés non se adaptou ao terreo de xogo de terra e sufre unha derrota no segundo partido de liga na 1ª Autonómica.

C.D. Arenteiro: Pachi, Carlos, Diego López, Dabarca, Oscar Portos ( Omar, m. 70 ), Alex, Canexón ( Meji, m. 76 ), Victor Gallego, Marcos Sotelo ( Cancelas, m. 86 ), Adrián Núñez e Prada ( Bardelás, m. 60 ).

O Partido: Gañou o equipo que máis intensidade puxo, e éste foi o C.D. Ramirás. Dous tantos de Alberto en cada tempo, o segundo deles un golazo, chutando dende fora da área grande por toda a escadra, supuxeron unha derrota que debe servir ao Arenteiro para aprender ben a lección e saber que nesta competición vaise encontrar con este tipo de partido en máis dunha ocasión.

Comezou a liga nun Espiñedo cun remozado aspecto na súas intalacións, incluido o terreo de xogo, que presentaba un magnifíco aspécto. Os verdes, que comezaban o campionato coas baixas dos dianteiros Cancelas, Diego Quiroga e Walter Martín, lograron tres goles que lle valen a primeira victoria na 1ª autonómica.

C.D. Arenteiro : Pachi, Carlos, Diego López, Dabarca, Lois ( Oscar Portos ), Omar ( Alex ) , Victor Gallego, Adrián Núñez ( Bardelás ), Canexón, Manu e Marcos Sotelo ( Prada ).

Goles: 

1--0. Minuto 43, Adrián Núñez.

2-0. Minuto 46, Victor Gallego.

3-0. Minuto 89. Manu.

O Partido: Tardou o Arenteiro en facerse co control do partido e crear perigo na portería da S.D.C. Arrabaldo, ata que mediada a primeira media hora o adestrador local Miki López fixo unha variación táctica e situou de segundo dianteiro a Adrián Núñez, que sería precisamente o autor do primeiro gol local. Na segunda parte, o C.D. Arenteiro fíxose co control absoluto do partido e chegaron as ocasións na área rival, sobre todo nos últimos 20 minutos, cando o Arenteiro pudo incrementar aínda máis o marcador ao seu favor.

No primeiro partido de liga, o dia 1 de Setembro -17,30 horas-  os carballliñeses recibirán en Espiñedo a ún dos equipos recén ascendidos á 1ª autonómica, a SDC Arrabaldo.

O primeiro desprazamento para o C.D. Arenteiro será ao campo de Santa Isabel, onde se enfrontará ao Ramirás o domingo dia 8. No terceiro partido do campionato de liga o C.D. Arenteiro regresará a Espiñedo, o domingo dia 15, en plena celebración das festas do Setembro, para medirse ante outro dos recén ascendidos, o AT. Vilariño.

Despois, os carballiñeses xogarán dous partidos seguidos como visitantes, desplazandose nas seguintes xornadas aos campos do Taboadela e  Sporting Celanova.

RESULTADOS NOS PARTIDOS DE PRETEMPADA

C.D. ARENTEIRO - U.D. BARBADÁS     0-1

C.D. ARENTEIRO - C.D. CEA ( 45 Minutos )  0-1

C.D. ARENTEIRO- MASIDE F.C. ( 45 Minutos)  2-1

C.D. CEA - C.D. ARENTEIRO  1-5

BARBADÁS B - C.D. ARENTEIRO ( 45 Minutos)   3-2

POLÍGONO - C. D ARENTEIRO ( 45 Minutos )   0-2

MELIAS - C.D. ARENTEIRO   1-1

F.C. LEIRO - C.D. ARENTEIRO   1-6

O equipo panadeiro gañou o triangular de futbol  desputado na tarde-noite deste venres no municipal de Espiñedo, dentro da programación festiva do polbo carballiñés.

No primeiro partido, o C.D. Cea venceu ao C.D. Arenteiro por 1-0. Despois, Maside F.C. e C.D. Cea empataron a dous goles, e no terceiro partido, o Arenteiro impúxose ao Maside por 2-1. Desta maneira, o equipo ceano gañou o torneo.

OS PRÓXIMOS PARTIDOS DO ARENTEIRO SERÁN EN CEA, NO CUADRANGULAR DE BARBADÁS E EN MELIAS.

O equipo continúa a pretempada, no campo do Lodairo e nun novo enforntamento co Cea,. o C.D. Arenteiro venceu aos locais por 1-5. Os próximos compromisos serán o domingo 18 e o mércores 21 de Agosto. O domingo no campo de Os Carris de Barbadás, nun cuadrangular no que competirá con Barbadás, Barbadás B e Polígono. O mércores desplazaráse atá Melias.

O domingo 25, festa da vendima en Leiro, os carballiñeses xogarán un novo partido amigable  co equipo da vila ribeirán no campo do San Bartolomé de Leiro.

Serán tres partidos de corenta e cinco minutos cada un os que se xogarán neste triangular de fútbol no municipal de Espiñedo, dende as oito e cuarto da tarde deste venres 9 de agosto. Ás nove e cuarto xogaráse o segundo partido do triangular, e finalmante, ás dez e cuarto o último e definitivo

O torneo servirá para seguir avanzando na pretempada para os tres equipos. C.D. Cea e Maside F.C. con vistas á súa posta a punto pensando na competición na que a próxima tempada volverán ambos coincidir, na 2ª autonómica, mentres que C.D. Arenteiro competirá na 1ª autonómica.

C.D. Arenteiro 0 Barbadás 1

No primeiro partido da pretempada xogado este pasado domingo en Espiñedo, o equipo da terceira división gañou aos carballiñeses por un solitario gol, acadado cando estaba a piques de cumplirse os primeiros 45 minutos, antes, Óscar e Marcos Sotelo tiveron ocasións para adiantar ao Arenteiro. Na reaunudación o marcador xa non se moveu.

O C.D. Arenteiro, que chegaba a este partido con apenas 4 sesións de adestramento, deixou boas sensacións, sobre todo na primeira parte. Neste encontro aínda non poideron xogar, por diversos motivos, Walter Martín, Prada, Manu, Omar, nin tampouco as novas fichaxes Adrián Núñez e Diego Quiroga.

Exentos na primeira ronda da COPA

O C.D. Arenteiro quedou exento na primeira eliminatoria da Copa Deputación, tras o sorteo celebrado na Delegación Provincial de Fútbol. 

O equipo ourensano da terceira división será o rival do C.D. Arenteiro no primeiro amigable da pretempada, que os carballiñeseses comezaron este pasado lúns, e tras catro sesións de adestramento que completarán durante a semana, o domingo 4 ás sete da tarde chegará o primeiro amigable de agosto. O venres dia 9 xogaráse un triangular dende as oito da tarde, tamén en Espiñedo, no que participarán C.D. Cea, Maside F.C e C. D. Arenteiro.

A primeira sesión de adestramento faltaron Prada e Escudero, que se incorporan ao grupo no transcurso da semana. Un total de 23 xogadores tomaron parte nesta primeira sesión baixo a dirección de Miki López e Borja Quintas. Ademáis dos xa confirmados anteriormente, sumaronse ao grupo Diego López, que xogou nos últimos anos no Barbadás, e os xogadores locais Oscar e Marcelo. 

Antes de comezar a sesión, gardouse un minuto de silencio en memoria das víctimas da traxedia ferroviaria de Santiago. Logo, o presidente do club, Xan Pinal, deu a benvida a todos os que inician este novo curso "que comezamos co obxetivo de situar ao Arenteiro entre os mellores da categoria", dixo. Pola súa parte, o responsable técnico, Miki López, solicitou o apoio da afición e anunciou "traballo e máis traballo",