Saúde, sustentabilidade e coñecemento son os piares da estratexia de alimentación consciente desenvolvida por Cruz Vermella Española e na que se basea ‘Creamos Saúde Tour’, un proxecto de Cruz Vermella en Galicia en colaboración coa compañía galega de distribución alimentaria Vegalsa-Eroski. Dirixida a persoas de 65 e máis anos,

‘Creamos Saúde Tour’ é unha iniciativa de sensibilización coa que Cruz Vermella busca promover ferramentas e coñecementos sobre o papel esencial da alimentación na saúde. Así, a través de sesións divulgativas da man de profesionais da cociña e baixo a premisa dunha alimentación saudable e dun consumo responsable, Cruz Vermella ofrece consellos, receitas e degustacións fundamentados nas claves dunha alimentación consciente e do seu impacto na saúde.

A bordo dunha foodtruck, profesionais e alumnado de escolas de hostalería como o CIFP Carlos Oroza de Pontevedra, CIFP Vilamarín de Ourense, IES Sanxillao de Lugo e CIFP Paseo das Pontes A Coruña, compartirán xunto ao voluntariado e persoal técnico de Cruz Vermella os principais detalles esenciais para poñer en práctica unha alimentación saudable desde os 65 anos.

Só en 2023, Cruz Vermella atendeu a un total de 44.810 persoas con 65 e máis anos en Galicia a través de iniciativas enmarcadas nas áreas de intervención de saúde e persoas maiores. Itinerario ‘Creamos Saúde Tour’

Este martes 15 de outubro a foodtruck de Cruz Vermella estará situada na Praza Maior do Carballiño, entre as 10:30 e as 13:00 horas. O xoves 17 de outubro, no mesmo horario, o circuíto chegará a Ourense, e instalarase diante dos xardíns de Pai Feijóo. En ambos os casos contarase coa participación e colaboración do CIFP Vilamarín. (A ter en conta: de 10:30 a 11:30 estarán a elaborar as receitas)

Partido para enmarcar, para gardar na memoria dos bos afeccionados do Arenteiro e para a historia de Espiñedo, o visto neste domingo 13 de outubro, unha sinfonía futbolística dos verdes ante o Nástic de Tarragona, un dos equipos máis potentes desta Primeira Federación.

Un partido coral do Arenteiro, comezando por Raúl Jardiel que apostou de inicio pola titularidade de Enol, do asturiano saíu o primeiro e serio aviso para a portería do Nastic, provocou o penalti que abríu o marcador e do mesmo fútbolista foi o cuarto e último gol da tarde.

Antes, Baselga regalou a afección do Arenteiro un "Hat Trick" que xa non se recordaba en Espiñedo desde a tempada do ascenso do Arenteiro á terceira división, maio de 2017, con triplete de Dani Chimpin naquel 5-0 ao Caselas.

O primeiro desta tarde, de penalti. O segundo cunha enorme xogada na que participaron Jordan e Diego Gomez, con asistencia de Jordan para que rematara finalmente Baselga, fútbol de salón en Espiñedo. E o terceiro, tras resolver dous rexeites consecutivos ante o gardameta catalán.

Con éste e o resto de resultados desta oitava xornada no campionato da Primeira Federación, o Arenteiro ocupa posto de promoción de ascenso, que defenderá na súa visita ao estadio do Couto, o próximo domingo ás 19:30 horas ante o Ourense C.F.

Video resumen do partido cos catro goles do Arenteiro:

https://www.youtube.com/watch?v=-Op-M04Pj7s

Cronica do partido en "La Voz de Galicia:

https://www.lavozdegalicia.es/noticia/ourense/2024/10/14/mejor-arenteiro...

O delegado territorial da Xunta de Galicia en Ourense, Manuel Pardo, acompañado do alcalde de San Cristovo de Cea, José Luis Valladares, supervisou as obras para a creación da ruta Serra Martiñá, nas que a Consellería de Medio Ambiente e Cambio Climático investiu preto de 25.000 euros.

O delegado territorial explicou que con esta actuación preténdese promover a creación e adecuación en cada Zona de Especial Conservación (ZEC) das infraestruturas de uso público necesarias para achegar a poboación local e os visitantes aos valores do espazo natural, de forma ordenada e compatible cos obxectivos de conservación.

Manuel Pardo, destacou que a Xunta concedeu máis de 1 millón de euros a axudas para recuperar, preservar e mellorar a biodiversidade da rede Natura 2000 na provincia de Ourense sendo os beneficiarios os concellos da Gudiña, Larouco, San Cristovo de Cea, Chandrexa de Queixa, O Irixo, O Bolo, Manzaneda, Laza, Nogueira de Ramuín, Parada de Sil, Montederramo, Vilar de Santos, Monterrei, Beariz, Vilar de Barrio, A Veiga, A Mezquita, Porqueira e Quintela de Leirado; que reciben máis de 400.000 euros; as persoas físicas -preto de 60.000 euros-, e entidades como asociacións sen ánimo de lucro e comunidades de montes veciñais en man común, que se reparten máis de 600.000 euros.

O representante do Goberno galego lembrou que o obxectivo desta orde de axudas, cofinanciada co Fondo Europeo Agrícola de Desenvolvemento Rural (Feader) no marco do Plan estratéxico da PAC 2023-2027, é subvencionar proxectos que contribúan ao mantemento das condicións ambientais necesarias para a conservación e recuperación de especies relacionadas co medio agrario e os seus hábitats así como á mellora da paisaxe rural tradicional.

A travesía urbana da N-541 continúa acumulando accidentes de tráfico con persoas feridas, o útimo deste suma e segue rexistrábase nesta mañá de sábado na Avenida 25 de Xullo, esta vez en forma de atropelo a altura do paso de peóns do restaurante Fuchela.

O 112 mobilizou á Policia Local e unha unidade de Urxencias Sanitarias de Galicias 061, que trasladou en ambulancia á persoa ferida.

Mentres, o "Pacto de Pedre" que integran os concellos polos que percorre esta estrada N-541 continúa denunciando a alta sinistralidade desta estrada e demandando do Ministerio medidas que melloren a súa seguridade, precisisamente este tramo entre Dacón e Boborás figura entre os máis perigosos para os accidentes de tráfico en toda a rede viaria española.

A Deputación de Ourense colaborará cos empresarios da área industrial da Uceira, no Carballiño, para potenciar o asociacionismo e facilitar a prestación de servizos ás firmas instaladas no parque empresarial.

O presidente da Deputación, Luis Menor, comprometeu esta cooperación no transcurso do encontro de traballo que mantivo no Pazo Provincial coa directiva da Asociación de Empresarios da Área Industrial do Carballiño, encabezada polo seu presidente, Manuel Carballeda, que estivo acompañado por Daniel Atanes, membro da xunta directiva.

Os representantes da asociación explicaron a Luis Menor a realidade dun parque empresarial que acolle na actualidade a 57 empresas, con 1.400 traballadores e unha facturación do entorno dos 300 millóns de euros anuais.

Na entrevista tamén se expuxeron as necesidades que teñen os empresarios instalados neste espazo, tanto en cuestións que son competencia doutras administracións como aspectos nos que pode colaborar a Deputación.

Luis Menor lembrou que o pulo ao desenvolvemento das áreas industriais na provincia forma parte dos compromisos adquiridos no seu discurso de investidura como presidente provincial, "estratexia que encaixa perfectamente cun dos polos de emprego máis importantes da provincia".

O fomento do asociacionismo, engadiu, tamén redundará "na prestación de máis e mellores servizos aos empresarios da Uceira, fortalecendo este pulmón industrial que xera riqueza, emprego e mantén poboación na comarca".

Na Tertulia deste venres 11 de outubro contamos coa participación nos estudios de COPE O Carballiño de José Antono Barge, Manuel Noguiera, Fátima Gómez e Sebas Lamazares, moderados por Xan Pinal.

Como en cada tertulia tamén achegaron o seu punto de vista numerosos oíntes, sobre os asuntos que foron obxeto de debate.

Aquí podes escoitala íntegra, no PODCAST de COPE O Carballiño:

O concello de San Cristovo de Cea presentará unha demanda contra Naturgy-Unión Fenosa Distribución por ter a Cea 27 horas sen subministro eléctrico, tras unha incidencia desde as 10 horas deste pasado mércores dia 9 que non se resolveu ata primeira hora da tarde de hoxe xoves.

Asi a anunciaba nunha interveción o alcalde José Luis Valladares nunha intervención radiofónica en COPE O Carballiño, na que ademáis invitaba a todos os veciños perxudicados, especialmente a empresas e comerciantes, a sumarse a esta acción xudicial promovida pola institución munipal.

Escóitao aquí:

O secretario xeral da Emigración, Antonio Rodríguez Miranda, visitou aos participantes do programa Reencontros con Galicia na residencia de tempo libre do Carballiño. Miranda estivo acompañado polo delegado territorial da Xunta en Ourense, Manuel Pardo, para coñecer de primeira man as experiencias dos 94 galegos que recibíu a residencia carballiñesa.

Os beneficiarios deste programa, no que colabora a Consellería de Política Social e Igualdade, teñen unha media de idade de 78 anos e proceden da Arxentina, do Brasil, do Uruguai, de Venezuela e de Cuba. Entre eles destaca a persoa de maior idade, de 96 anos, que chegou desde O Uruguai para participar no reencontro coa súa terra de orixe, e a máis nova, que conta con 66 anos e procede da Arxentina.

Ademais, é significativo que unha decena de persoas non volveran a Galicia desde que emigraran, e algunhas levaban máis de 70 anos sen pisar a súa terra natal. Miranda puxo en valor a importancia deste programa, que busca non só facilitar o reencontro familiar, senón tamén permitir que os participantes coñezan a Galicia actual e o seu patrimonio cultural e natural.

Durante a visita, destacou a emoción que viven moitos dos participantes, especialmente aqueles que regresan despois de tantas décadas. O secretario xeral reafirmou o compromiso da Xunta de Galicia de seguir apoiando iniciativas que, como Reencontros con Galicia, manteñen vivos os vínculos entre os galegos do exterior e a súa terra. “Para a Xunta é unha prioridade facilitar estes reencontros, que permiten que os nosos maiores revivan as súas raíces e manteñan unha conexión emocional coa Galicia que deixaron atrás, pero que nunca esqueceron”, sinalou Miranda.