Dende SOS O Carballiño fan balance do traballo feito nestes case 6 meses dende quese diron os primeiros pasos para constituír esta plataforma orientada a recoller as demandas cidadás que entenden importantes para O Carballiño, entre as que destacan as seguintes:

- Beirarrúas e mellora da iluminación no entorno do IES Chamoso Lamas coa finalidade de mellorar a deficitaria seguridade vial na zona

 - Estudo sobre a presenza de gas Radón en edificios públicos e en diferentes zonas da comarca.

- Melloras na sinalización viaria, facendo especial fincapé na sguridade dos peón.

- Eliminación de tuberías vellas (con amianto) no sistema de canalización de augas e separación de augas residuais e pluviais nas rúas nas que se fagan obras.

- Ampliación da atención pediátrica no PAC. -

Melloras no parque municipal e nos ríos da comarca, coa finalidade de convertilos nun motor de dinamización económica e social.

 Apuntan dende esta Platarforma que "a día de hoxe observamos con mágoa que as nosas demandas foron atendidas con pouco ou nulo interese por parte dos nosos representantes políticos", e poñen como exemplos os seguintes:

- O alumnado do Chamoso Lamas segue a desprazarse a pé por unha estrada que carece de beirarúas para poder acceder ao seu centro de ensino, continuando ademáis a mesma insuficiente iluminación.

- As persoas que traballan en edificios públicos como o concello ou os colexios seguen sen saber a que niveis de exposición de gas Radón está sometidos na súa xornada laboral. Igualmente ocurre cos alumnos deses centros de ensino. - Os vecinos seguimos cruzando as rúas por pasos de peóns mal sinalizados e iluminados, o que os converte en inseguros. - Seguen asfaltándose rúas sen que se substitúan as tuberías vellas.

- Seguimos sen ter servizo de pediatría polas tardes, o que implica para moitos pais pagar unha consulta privada ou desprazarse a Ourense cando os cativos se atopan mal. - O parque municipal segue a esperar por un plan que nunca chega. - As árbores mortas seguen caendo nos leitos dos ríos, amoreándose en pontes e presas, algunhas cun valor patrimonial a protexer. - O río Carrás segue a ser unha cloaca na que verte á rede de sumidoiros sen control.

 Manifestan "crer que moitos deses problemas non foron solucionados por falta de tempo e que os nosos políticos están a traballar para solucionar estes e outros moitos problemas que sufre o noso concello".

A pesar de que os problemas en moitos casos continúan estando aí, a valoración que fan da inciativa é positiva por unha serie de razóns que que explican asi:

- que en boa mediada acadamos a finalidade principal coa que naceu esta plataforma, que non é outra que o dereito que temos os cidadáns a agruparnos e participar na vida pública e política do noso concello dende fóra das institucións.

- Ao mesmo tempo, reivindicáronse nestes meses unha serie de melloras que repercutirían de xeito positivo na vida dos veciños á marxe de individualismo e personalismos.

- Conseguiuse neste curto periodo de tempo instaurar no pobo unha certa cultura do ben común, que consideramos imprescindible para conseguir que O Carballiño e comarca prospere e se convirta en aquilo que todas e cada unha das persoas veciñas queremos que sexa.

Tras facer balance anuncian que "agora toca facer unha pausa. Esta plataforma decide abrir unha paréntese nas súas demandas respectando os tempos democráticos para non interferir directa ou indirectamente nos procesos electorais abertos" En todo caso, engaden que a "Plataforma manterase viva na sociedade carballiñesa e retomará a súa actividade pública tan pronto como a entendamos necesaria".

E finalmente, fan un chamamento "aos veciños e veciñas que se presenten nas listas das diferentes candidaturas políticas que aspiran a gobernar este concello. Demandarlles que o fagan escapando de personalismos e de intereses individuais de calquera tipo e que pensen que o presente inmediato e sobre todo o futuro do noso concello pasará polas súas mans, e polo tanto o futuro de todas as xentes que aquí vivimos. Esixirlles pois que traballen por un Carballiño mellor", remarcan.

Dende Move Boborás non queren confirmar esta decisión que non obstante dan como practicamente pechada na Executiva Provincial do PSdG-PSOE, de maneira que a que fora candidata a alcadía en 2015 podería selo agora baixo as siglas do PSdeG-PSOE.

O actúal portavoz desta formación política de ámbito local no concello de Boborás, José Benito Trigás, asegurou a esta emisora de radio "que a dia de hoxe aínda non temos unha postura do que imos facer nas eleccións, nin xiquera temos convocada a asemblea, asi que non temos nada decidido, nos aprobamos todo en asamblea".

Trigás afirma que manteñen contactos con todos os partidos, "escoitamos a todos, salvo o PP local, témonos reunido con todos, e en época electoral sempre aparecen este tipo de comentarios e rumores", subliñou.

Na eleccións municipais de 2015, Move Boborás acadara 368 votos, o 23,48% do total de voto rexistrado, obtendo 3 concelleiros na corporación municipal.

Pola súa parte, os socialistas conseguiran 101 votos, o 6,45% do voto neste municipio, quedandose fora da corporación do concello.

Enfermeiras do Servizo de Atención Primaria de O Carballiño organizan unha novidosa intervención comunitaria para promover o coñecemento mutuo entre a enfermaría e o colectivo xitano, mellorar súa educación sanitaria e saúde proporcionando as ferramentas precisas para levar unha vida mais saudable, por medio de obradoiros que se celebrarán no poboado de A Fontenla en Maside.

A iniciativa, que se iniciou este lúns 11 de Marzo co primeiro dos obradoiros previstos, parte da necesidade detectada polos profesionais sanitarios, destes centros de saúde de mellorar seu contacto co colectivo de A Fontenla e A Pena, asi como coas familias residentes en diferentes pisos dos concellos de Maside e Carballiño, establecendo unha comunicación mais periódica e directa, que permita realizar unha labor sanitaria continuada, fomentando seu autocoidado e seguimento.

Para poder artellar os talleres, as enfermeiras que promoven os cursos contactaron coa Fundación Secretariado Xitano, establecendo vías de comunicación, nas que contaron co apoio dos concellos de Carballiño, Maside e Dacón, traballadoras sociais, mediador intercultural, a técnica de intervención social do secretariado xitano de Vigo, psicóloga da mancomunidade do Carballiño, o Pastor da Igrexa e toda unha rede de persoas voluntarias, fondamente implicadas coa necesidade de establecer un traballo conxunto, para mellorar a saúde deste colectivo que, pese a súa xuventude, presenta unha maior incidencia dalgunhas patoloxías e unha menor esperanza de vida que o resto da poboación.

Pese ao que puidera parecer, tendo en conta prexuízos ou ideas preconcibidas moi extendidas, a receptividade do colectivo ante os cursos foi mais que positiva, superándose rapidamente o aforo previsto, para os primeiros catro talleres, polo que se fixo unha preselección das persoas asistentes, para tentar incluír ao máximo número de familias posibles.

As temáticas de cada curso establecéronse de acordo coas necesidades de saúde detectadas, en base a bibliografía e estudos clínicos publicados, así coma á propia experiencia dos centros de saúde de referencia. Por elo, priorizáronse catro áreas de traballo iniciais: Alimentación; Atención a Saúde; Hixiene e conservación dos alimentos; e Adicións.

O sistema de traballo será moi práctico, por medio de obradoiros que contarán con material moi visual que axuden a comprensión e posta en común, desmontando mitos e falsas crenzas sobre, por exemplo, a nutrición; sobre os riscos para a saúde dunha alimentación pouco equilibrada ou o sedentarismo, ou sobre hábitos que, pese a estar moi extendidos, non son saudables, como o tabaquismo ou o consumo de alcool.

A edición nº 25 da Festa da Cachucha celebrada este domingo 10 de Marzo rompe barreiras de participación e afluencia de público, con cifras que se disparan ata superar as 25.000 persoas según estimacións feitas a COPE O Carballiño dende a Xefatura da Policia Local do Carballiño.

A convocatoria festivo-gastronómica do inverno no Carballiño acada un gran éxito, coa máis alta participación que se recorda dende que se ven celebrando fai 25 anos, e desta maneira suma un novo impulso para consolidarse como un referente no calendario das festas gastronómicas e do entroido en Galicia.

Os 24 de restaurantes que serviron o menú oficial da festa, a base do cocido de cachucha, conseguiron colgar o cartel de completo nos seus comedores, algunhos deles de gran capacidade, con máis de 300 comensais. Según os datos recollidos por esta emisora de radio a hostelería carballiñesa servíu este domingo 2.700 menús co plato da festa.

A afluencia de público, non só nos restaurantes, senón tamén en mesóns, bares e cafeterías foi unha constante dende media mañá ata a noite.

Xa no desfile matinal, con charangas, folións e as carrozas de Parada foi considerable a animación nas rúas maís céntricas do Carballiño, non obstante foi despois do xantar e as primeiras horas da tarde, e durante as máis de 3 horas que durou o desfile de comparsas, cando se acadou unha asistencia de público multitudinaria nas rúas, como nunca antes se recorda nos desfiles do entroido carballiñés.

Neste desfile-concurso de comparsas que fora aprazado o pasado martes por causa do mal tempo, participaron 1500 comparsistas, que competiron por repartirse os case 8.000 euros en premios concedidos polo concello do Carballiño.

En canto ao concurso, a comparsa dos Azucarados de Maside alzábase cos primeiros premios,obtendo tanto o primeiro premio do xurado como o premio especial concedido polos polas propias comparsas.

Asi quedou a táboa de premios:

1º PREMIO de 1.300 EUROS: Asoc. Sta. Águeda de Maside
2º PREMIO de 1.000 EUROS: Asoc. Os Arrieiriños de Dacón
3º PREMIO de 800 EUROS: Asoc. Entroula
4º PREMIO de 400 EUROS: Fantasía Mundo Fénix de Partovia
5º PREMIO de 350 EUROS: Asoc. Lumareda
6º PREMIO de 300 EUROS: Asoc. Cult. Castro de San Amaro
7º PREMIO de 250 EUROS: Air polo Aaire de Aspadisi
8º PREMIO de 200 EUROS: Chegaron os que faltaban

- Accésits de 120 € cada un ás comparsas:
Asoc. Cultural e carnavalesca Os nevadiños
Os silleiros rubeiros de Maside
Os picapezas de Cea. Cea Grease
Os invencibles Charlestón
Dios nos pille confesados

Os desfiles deste domingo, 10 de marzo, poden ser un dos máis concurridos dos últimos anos no Carballiño. O feito de que se tivese que aprazar o Concurso de Comparsas do Martes de Entroido a causa do mal tempo, contribuiu a que este domingo de piñata, celebración da 25 Festa da Cachucha, os dous desfiles previstos vaian a contar cunha participación récord de agrupacións.

Así, pola mañá, a partir das 12,00 h., farán un pasarrúas por Curros Enrríquez e a rúa do Paseo as charangas Doctor Anchoa, Castro Bello, Noroeste, Ardores e CLK, así como os folións de Fradelo, Tameirón e Arrieiros de Petín, e nove comparsas de Amoeiro.

E pola tarde, a partir das 17,30 h., con saída da rúa Otero Pedrayo e o recorrido habitual por Conde Vallellano, Xullo R. Soto, Calvo Sotelo e rúa do Paseo, terá lugar o Desfile-Concurso de Comparsas no que, ademáis das 16 comparsas que competirán polos casi 8.000 euros que hai para premios, tamén desfilarán fóra de competición outras moitas comparsas, así como os tres folións da mañá.

Este desfile irá encabezado, coma sempre, pola murga Os Liborianos, e ao remate, ás 19,00 h., terá lugar na Praza Maior a actuación da orquestra-espectáculo Principal, en cuxo escenario se entregarán os premios do concurso, así como os correspondentes á Ruta dos Mil celebrada o pasado sábado.

RESERVAS PARA DEGUSTAR A CACHUCHA

A día de hoxe, tamén están prácticamente completas as prazas para o xantar da cachucha nos 24 establecementos hosteleiros que servirán este menú, polo que prégase que aquelas persoas que ainda non teñan feita a reserva o fagan o antes posible.

REGULACIÓN PARA O TRÁFICO CON MOTIVO DA FESTA DA CACHUCHA

Este domingo, 10 de marzo, establecerase un sistema restrictivo de tráfico que afectará tanto a circulación como ao aparcamento nas rúas máis céntricas así como nas adxacentes a Otero Pedrayo.

O desfile-concurso de comparsas da tarde do domingo suporá que, a partir das 10 da mañá, non se poderá aparcar nas rúas Otero Pedrayo, Xosé Fariña Jamardo, Ben Cho Sey e Conde Vallellano.

E a partir das 5 da tarde, e mentres dure o desfile, non se poderá circular polas rúas Conde Vallellano, Xullo R. Soto e Calvo Sotelo.
Así mesmo, a rúa Martínez Avellanosa cortarase á altura de Marcelino Parrondo, e a rúa Aldara quedará cortada na praza do Cercis pola ubicación do escenario da orquestra Pincipal fronte ao concello e a Praza Maior.

Desde o concello pídese a colaboración veciñal e de visitantes para contribuir ao desenvolvemento dos actos da Festa da Cachucha, procurando aparcar e circular fóra destas céntricas rúas polas que descorrerá o desfile das comparsas e folións.

Centros educativos, asociacións e veciñanza participaron esta mañá nos actos celebrados no salón de plenos do concello e na Praza Maior polo Día Internacional das Mulleres.

En ambos eventos demandouse a plena igualdade entre mulleres e homes, e rexeitouse calquera tipo de discriminación por razón de sexo así como calquera tipo de violencia machista.

No acto, que tivo lugar ás 12 no salón de plenos do concello, e que foi presentado pola actriz do grupo de teatro “Dar Trela”, Clara Vázquez, interviñeron o alcalde, Francisco Fumega; a concelleira de Igualdade, Marina Ortega; os centros educativos Bo Día Familia, Escola Infantil Trastes e Instituto Chamoso Lamas, así como os colectivos Aspdisi, Asdifica e Cruz Vermella.

Tras o saúda do alcalde, a concelleira de Igualdade diu lectura a un manifesto, e posteriormente interviñeron representantes dos colectivos e centros educativos presentes que, en todos os casos, puxeron de manifesto a necesidade de seguir avanzando na igualdade real de mulleres e homes, rexeitando calquera tipo de discriminación laboral, social ou de calquera outra índole por razón de sexo.

Finalmente, como peche, interpretaron unha canción composta para esta ocasión a cantante Marta Bravo e o guitarrista Héctor Lorenzo.
A este acto asistiron concelleiras e concelleiros do grupo de goberno, do grupo do Partido Popular, do BNG e de Alternativa Veciñal AV-SON, así como moitas veciñas e veciños que abarrotaron o salón de plenos do concello.

Ao termo deste acto, ás 12,45 h., tivo lugar unha concentración na Praza Maior de apoio á folga e á mobilización de hoxe polo 8 de marzo, e na que leron unhas proclamas a prol das mulleres dúas alumnas do Instituto Chamoso Lamas.

José Luis Valladares Fernández (San Cristovo de Cea, 1946) encabezará a lista que o Partido Popular presentará en San Cristovo de Cea para as municipais de maio, aspirando a un novo mandato que o candidato cualifica como “o do benestar e o da creación de emprego”, especialmente este último apartado logo da posta en marcha do parque empresarial. Un proxecto, sinalou o presidente provincial, Manuel Baltar, que reafirma “a credibilidade dun político, sempre co apoio maioritario dos seus, que foi quen de poñer todo o seu empeño en converter esta infraestrutura nunha realidade”.

Alcalde desde 1991 e cunha longa experiencia municipal anterior como concelleiro, José Luis Valladares debuxa rápidamente a evolución do seu concello en todos estes anos, destacando a dotación de infraestruturas básicas para os 86 núcleos de poboación, a construcción do edificio multiusos, as piscinas, o pavillón deportivo, o tanatorio municipal ou os locais veciñais en case todas as parroquias.

Na actualidade, e xunto co acondicionamento de todas as pistas do concello, o candidato destaca a prestación de servizos sociais como a axuda a domicilio, con todas as solicitudes prácticamente atendidas, e a previsión de seguir a formar persoal para ampliar a cobertura do servizo.

Unha ampla e variada actividade, tanto no que se refire á xestión do concello como para a veciñanza, “que sería impensable se non houbese traballo e nesas estamos, tratando de impulsar a creación de emprego”, subliña Valladares, facendo mención así ao parque empresarial promovido desde o propio concello e que, coa axuda das administracións, “hoxe é unha realidade con dúas empresas xa instaladas e outras que amosaron o seu interese por desenvolver aquí a súa actividade”.

Todas estas, engade, “son razóns máis que suficientes para pedirlle aos meus veciños que sigan a confiar na miña candidatura e do meu equipo para que fagamos da próxima etapa o mandato do benestar e do emprego”.

O presidente provincial do PP, Manuel Baltar, non dubida que José Luis Valladares obteña de novo unha ampla maioría “porque os seus logros e os do seu equipo, tanto como alcalde como pola súa experiencia anterior de concelleiro, son garantía de éxito”. Durante este tempo, dixo Baltar, “foi quen de converter en realidade iniciativas que non só tiñan que ver con infraestruturas, senón tamén cos ámbitos social, cultural e deportivo”.

Manuel Baltar agradeceu o paso adiante dado polo candidato “nun momento político de máxima visibilidade e coa responsabilidade que supón traballar por un concello que ten, como poucos, unha gran riqueza patrimonial e arquitectónica como Oseira, e un sector agroalimentario puxante, representado no pan de Cea”.

A veciñanza, declarou por último, “ve en Valladares a unha persoa de moita confianza, na que recoñecen lealdade, traballo e compromiso, neste momento con novas forzas culminar importantes infraestrutras como o parque empresarial, no que puxo todo o seu empeño”.

O actúal concelleiro e portavoz de Alternativa Veciñal no concello do Carballiño repetirá como candidato á alcaldía nas eleccións municipais do 26-M, asi o ven de confirmar esta formación política nun comunicado informativo difundido esta mañá.

No mesmo, tamén se pon de manifesto que durante o proceso de primarias conformouse unha única lista de consenso que foi ratificada este pasado sábado polo 81% dos inscritos, obtendo o respaldo do 88% das persoas que participaron nesta votación, según a información aportada pola propia organización.

A candidatura que presentará Alternativa Veciñal é a seguinte:

1. Bernardo García Novoa

2. Lucía España Fariñas

3. Manuel Nogueira Pérez

4. Chus Álvarez Canitrot

5. Carlos Pereira Fernández

6. Matilde López Fernández

7. Carlos Miguélez Val

8. Gloria Chao Lamas

9. Emilio Cao Mota

10. Asunción Testas Fortes

11. Juan Manuel Cangado Castro

12. Dori Martínez Goñi

13. Albert Brull Gracia

14. Carmen Barros Barco

15. Ernesto Atanasio Iglesias

16. Concha González Arias

17. David Carballeda Troncoso