Asi o anunciou nunha intervención en COPE O Carballiño o portavoz desta formación política de ámbito local no concello de Punxín.

Joaquín Moldes anunciou á audiencia desta emisora de radio que "a decisión é firme, decidimos non presentarnos a estas elecciós, porque entendemos que é o momento de deixar paso a outras persoas".

O líder de "Cámbio Intelixente", que acadou dous concelleiros nas eleccións de 2015, considera que "o mesmo paso deberían facer moitas persoas que levan anos e anos na política local, non falta falta máis que ver as fotos de boa parte das candidaturas das Comarcas do Carballiño-O Ribeiro que mesmo parecen fotos de excursións do Inserso, hai que deixar paso a xente nova"

Moldes defendeu o traballo feito durante todo o mandato municipal no concello de Punxín "somos unha oposición peculiar, xa que ademáis de fiscalizar ao goberno sempre tratamos de traer recursos para Punxín de outras administracións, buscando o mellor para os nosos veciños e veciñas".

O Gran Desfile-Concurso de Comparsas do Entroido, que estaba previsto para a tarde deste martes, 5 de marzo, suspéndese por causa do mal tempo e trasládase ao próximo domingo de piñata, 10 de marzo, no que se celebra a 25 Festa da Cachucha.

Así mesmo, suspéndese a verbena coa orquestra Aramio, que se ía celebrar na Praza Maior, e actuará o Domingo de Pascua, 21 de abril.

Tras consultar aos integrantes das comparsas, e ante a negativa previsión climatolóxica, que apunta a chuvia forte e persistente desde as 5 de tarde de mañá martes, optouse pola alternativa de trasladar o concurso para o próximo domingo, no que, a día de hoxe, a predicción do tempo resulta máis favorable.

As 16 comparsas inscritas para participar no desfile, o farán o domingo 10 de marzo, e tamén desfilarán os folións de Fradelo, Arrieiros de Petín e Tameirón. Así mesmo, neste desfile participará a comparsa de Amoeiro, e animarán as rúas durante todo o día cinco charangas: Castro Bello, Doctor Anchoa, Noroeste, Ardores e CLK.

Os premios do concurso entregaranse, conxuntamente cos correspondentes á Ruta dos Mil, ao remate do desfile, durante o baile que amenizará na Praza Maior ESE domingo 10 de marzo a orquestra-espectáculo Principal.

O concello pide disculpas por este aprazamento, que ven obrigado por forza maior, e para evitar calquera tipo de incidente cos integrandes e material das comparsas e da orquestra, así como do público.

ENTERRO DA SARDIÑA

O Enterro da Sardiña do mércores, 6 de marzo, mantense en principio como estaba programado, e celebrarase baixo a carpa instalada na Praza Maior.

A parroquia de Feás recuperou este ano a figura do Felo de Feás, que data dunha antigüidade de preto de 200 anos. Foi a concelleira de cultura do concello de Boborás Patricia Torres quen este ano tomou a iniciativa e invitou á veciñanza desta parroquia a recuperar esta tradición do entroido.

Un numeroso grupo de Felos, coa súa vestimenta tradicional, como pode verse na foto, percorreu no sábado de entroido os pobos de Feás, Vilachá, Cardelle, Becoña e A Fenteira.

O Carballiño

A presentación da históricia comparsa dos Liborianos é a actividade máis salientable do domingo carballiñés de entroido, cantarán as súas coplas á tardiña na carpa instalada na Praza Maior.

Para o lúns, tamén na Praza Maior, está programada unha verbena de carnaval amenizada pola orquestra "Olimpus".

O Martes, que será festivo local, e con permiso do tempo, o plato forte da xornada será o gran desfile de comparsas a partir das 5 da tarde seguindo o recorrido tradicional. Trátase dun dos concursos con mellores premios de Galicia, repartiránse máis de 7.000 euros entre as mellores comparsas incritas no concurso da concellería de cultura. O fin de festa na Praza Maior correrá a cargo da orquestra "Aramio".

Maside

O lúns é o dia grande do entroido masidao. A primeira hora da tarde farán acto de presenza os tradicionais Felos de Garabás, e a partir das 5 da tarde celebraráse o gran desfile de Maside no que participarán varias comparsas da comarca, entre elas as de Maside e Dacón, e tamén as carrozas de Parada.  Ao final, chocolatada na Praza Maior da localidade.

Cea

A vila de Cea ven celebrando distintas actividades dende o pasado sábado. Para este lúns de entroido, ás 4 da tarde, na Praza Maior será o recibimento ás carrozas do entroido de Parada, Mandrás e Cea. Dende as 5 da tarde en adiante, unha gran festa infantil no centro multiusos de Cea.

O mércores dia 6, dende as 20:30 horas Cea celebrará o tradicional enterro da sardiña, con procesión polas rúas do pobo, música de charanga e sardiñada gratuíta na Praza Maior.

A Consellería de Medio Ambiente, Territorio e Vivenda colaborará co concello de Boborás na execución dunha actuación de humanización de rúa no marco do chamado Plan hUrbe.

O Consello da Xunta deu luz verde onte ao convenio de colaboración co rexedor deste municipio e en virtude dos cal a Xunta investirá case 270.000 euros –o 70% do custo total das obras- mentres que o 30% restante correrá a cargo do concello.

A Delegada Territorial da Xunta, Marisol Diaz Mouteira, achegouse ata Boborás onde analizou coa tenente alcalde, Patricia Torres, os traballos que se executarán ao abeiro do convenio, co que se ratifica e concreta o compromiso do Goberno galego con este concello.

O proxecto ten por obxectivo a recuperación dunha parte do espazo do núcleo tradicional de Boborás, identificado como rúa Cristobal Colón. O convenio establece un orzamento por importe de máis de 383.000 euros, dos cales a Xunta achegará un 70%.

O Irixo ten a maioría das súas fontes caídas en total abandono e desleixo e en moitos casos case desaparecidas ante a pasividade do goberno municipal, denuncian dende o PSdeG.

Algunhas incluso non se da chegado pola maleza, ou non existe un acceso pavimentado que permita con facilidade chegar a elas... fontes en pobos que en moitas ocasións os propios veciños foron arranxando ante "a falta de iniciativa e parálise do goberno municipal", advirten.

Fontes ás que tampouco se analizan as súas augas como xa puxo se manifesto o portavoz socialista ante o pleno da corporación municipal.

"Lamentable que o Grupo de goberno despilfarre miles de euros en cousas non necesarias e non sexa quen de conservar o patrimonio e neste caso de conservar, rehabilitar e poñer en valor as fontes dos distintos pobos do noso concello", afirman.

O Portavoz do Grupo Municipal Socialista do Concello de O Irixo, Iago Fariñas Valiña, presentou o pasado 20 de febreiro, unha MOCIÓN PARA A POSTA EN MARCHA DUN PLAN DE REHABILITACIÓN, CONSERVACIÓNE POSTA EN VALOR DAS FONTES DOS POBOS DO IRIXO, con esta exposición de motivos:

PRIMEIRO.- Que é responsabilidade do Concello de O Irixo a recuperación e posta en valor do patrimonio deste concello para evitar que éste se deteriore de forma irremediable e incluso chegue a desaparecer co paso do tempo.
Que o noso concello como administración máis próxima ó cidadán, debería traballar arreo polo futuro e o progreso do noso concello e para proporcionar unha mellor calidade de vida e benestar dos seus veciños e veciñas.

SEGUNDO.- Que como xa temos manifestado en outras ocasións, a recuperación e conservación do patrimonio do concello debe ser,ademais, unha obriga canto menos moral dos dirixentes deste concello;na actualidade esta obriga tradúcese en deixadez e abandono deste noso patrimonio.

TERCEIRO.- Que dentro de ese patrimonio, que ademais ten unha función en moitos casos importante ou esencial para a vida da nosa veciñanza, encóntranse as nosas fontes, as fontes que os nosos pobos dende tempo inmemorial teñen para uso dos seus veciños. Moitas destas fontes, na actualidade, caídas en total abandono e desleixo e en moitos casos case desaparecidas ante a pasividade do goberno municipal.

CUARTO.-Que hai ó longo de todo o noso concello moitas fontes abandonadas, e a algunhas incluso non se da chegado pola maleza, ou non existe un acceso pavimentado que permita con facilidade chegar a elas... fontes en pobos que en moitas ocasións os propios veciños foron arranxando ante a falta de iniciativa e parálise do goberno municipal.

QUINTO.-Fontes ás que tampouco se analizan as súas augas como xa pedimos noutra moción traída a este pleno, pero en algúns casos xa da o mesmo, porque non se sabe onde está a fonte por atoparse tapada pola maleza ou sendo imposible o acceso á mesma.

SEXTO.-Que é lamentable que o Grupo de goberno despilfarre miles de euros en cousas non necesarias e non sexa quen de conservar o patrimonio e neste caso de conservar, rehabilitar e poñer en valor as fontes dos distintos pobos do noso concello.

SÉTIMO.- Que existen fontes no Irixo desaparecidas entre a maleza e sen acceso, a maioría en estado lamentable, incluso algúns casos para coller auga hai que poñerse de xeonllos ou non dispoñen dun acceso digno nin accesible. Outras, ademais, debido a anos de abandono,fixeron que incluso perderan o seu manancial.
Os socialistas creemos que se debe facer unha intervención urxente para a conservación e mantemento das nosas fontes para que recuperen todo o seu esplendor e restablecendo así e poñendo en valor unha peza máis do gran patrimonio do noso concello para orgullo dos veciños e veciñas de O Irixo e desfrute de toda a veciñanza.

Que dito todo o anterior, o Grupo Municipal Socialista do Concello de O Irixo presenta para a súa consideración e dada a importancia da conservación e posta en valor das fontes dos pobos do Irixo como parte tamén do patrimonio do noso concello, insta ó Pleno municipal á adopción dos seguintes ACORDOS:

1º.-Que o Concello de O Irixo poña en marcha un plan de rehabilitación, conservación e posta en valor das fontes dos pobos do Irixo.

2º.-Que se solicite das distintas administracións unha subvención destinada para a posta en marcha desta iniciativa.

O exalcade e exlider do PSdeG presentou nun hotel de Ourense o seu novo proxecto político "Espazo Común", coa idea de presentar un mínimo de 20 candidaturas na provincia nas vindeiras elección municipais do 26-M.

Pachi Vázquez asegurou que a nova formación política conta cunha base de 400 persoas que xa están involucrados no proxecto, entres eles os excooncelleiros socialistas do Carballiño, Piñor, San Cristovo de Cea e San Amaro, no ámbito comarcal.

Tamén avanzou que non se presentará como candidato en Ourense pero non desbotou a posibilidade de facélo no Carballiño.

Mentres, o alcalde do Carbaliño Francisco Fumega aproveitaba unha intervención en COPE O Carballiño para referirse a posta en escea do "Espazo Común" manifestando que "o tempo a cada un vaille dando as razóns"

Fumega recordou que cando perdeu a confianza en Adolfo Nogueira e retiroulle as competencias delegadas como concelleiro de persoal, seguridade e promoción económica "foi porque tiña datos evidentes e xa o dixen no seu momento, de toda unha série de accións e de feitos que estaban nesta liña".

O rexedor municipal deu "por zanxado este tema" e manifestou sentirse moi a gusto no PSOE "coa xente que é de partido, que creen no partido e continúan no partido".

Eso si, admitíu que no caso de presentarse Pachi Vázque como rival para desputarlle a alcaldía será "unha situación que non me agrada, porque botamos anos traballando xuntos e ás veces pesa máis o persoal que o político, pero está claro que no político non podo desexarlle sorte".
 

A escultura é obra da artísta canteira Laura Rodríguez, e xa foi instalada na ubicación elexida, na Praza Maior do Carballiño

A escultura representa a figura dunha pulpeira con todos os elementos característicos do seu oficio: caldeira, táboa, pratos, aceiteira, pimenteira, tesoiras, pincho e, por suposto, un pulpo cocido.

Trátase dunha escultura realista de gran tamaño, colocada no xardín central da Praza Maior coa finalidade de que poida ter certa protección, xa que, se ben nun pricipio valorouse situala na parte alta da praza, fronte á rúa do Paseo, houbo que desbotar esta idea polo perigo que entrañaban algúns dos elementos da peza para os rapaces, así que, para maior seguridade, optouse por ubicala neste xardinciño.

Non cabe dúbida que as pulpeiras son as verdadeiras protagonistas dun dos oficios máis ancestrais e representativos da feira e do Carballiño, polo que este proxecto, que foi promovido polo alcalde, Francisco Fumega, ten un gran significado histórico e na actualidade, sendo como é O Carballiño un referente da tradición pulpeira en Galicia, en España e no mundo.

Os catorce establecementos hostaleiros integrados na Ruta das Tapas celebran este venres, 1 de marzo, unha nova xornada de degustación de pinchos que, nesta ocasión, están dedicados aos Sabores do Entroido.

O evento, xunto coa Ruta dos Mil, que é o concurso de disfraces de peñas que organizan para este próximo sábado vinte locais hostaleiros da vila, foi presentado este mediodía no xardín da Praza Maior, nun acto ao que asistiron o concelleiro de Turismo, Manuel Dacal; o concelleiro de Alternativa Veciñal, Bernardo García; a xerente do Centro Comercial Aberto, Noelia Mares; a representante da adega Pazo Tizón, e representantes dos mesóns, bares e restaurantes integrados nesta iniciativa.

Manuel Dacal amosou o seu agradecemento aos hostaleiros, ao CCA, á adega Pazo Tizón e ás demáis entidades e marcas comerciais que fan posible esta demostración da gastronomía local, e que nesta ocasión se dedica aos produtos do entroido. Dixo que era unha iniciativa que estaba a ter moito éxito, e que, de feito, estábase manifestando como un gran espectáculo gastronómico que atraía a moita xente da vila e tamén de fóra.

Noelia Mares recordou que a consumición dun pincho conleva a posibilidade de obter premios directos, e que na app “quedamosdetapas” ofrécese toda a información da oferta de cada un dos establecementos. Así mesmo, fixo fincapé na gran variedade e calidade das tapas que elabora a restauración carballiñesa, e que nesta ocasión leva por lema Sabores do Entroido. Convidou a disfrazarse e percorrer os locais hostaleiros tanto este venres como o sábado na Ruta dos Mil.

Finalmente, un representante dos hostaleiros convidou á cidadanía a achegarse aos locais e degustar os seus pinchos.

Guiso de entroido, cocido de entroido, filloas de cocido, brocheta de chourizo e cacheira, as dúas orellas (douce e salada) e outras variedades culinarias baseadas en produtos propios deste tempo de entroido poderán degustarse ao prezo de 1,50€ este venres a partir das 20,00 h., en calquera dos catorce locais integrados na Ruta das Tapas.