Este ano, dentro da promoción turística da Semana Santa do Carballiño decidiuse apostar pola colocación de duas vallas publicitarias de empresas distintas na rotonda da Fontela. Tendo en conta que o material elixido para a impresión foi en papel, que estas empresas facturan por periodos mensuais e sabendo as datas da Semana Santa, non é difícil supor que a contración destes servizos foi do 16 de Marzo o 16 de Abril. A día de hoxe un dos anuncios xa desapareceu hai máis de duas semanas e o outro leva camiño de non chegar o mércores Santo. Non teño nada en contra destas actuacións, nin tampouco con calquera cousa que se faga ca intención de beneficiar e promocionar o meu pobo, Os responsables da contratación destes servicios deberían velar polo cumplimento do contratado con estas empresas e reclamar o que pertence, os contribuintes non temos porque pagar por un cartel que nin votou posto 5 días.
O presidente do Goberno galego, Alberto Núñez Feijóo, afirmou que o Goberno galego remitirá ao Parlamento unha Lei de augas termais de uso lúdico para definir, organizar e ordenar todas as capacidades do sector e poñelo en valor; unha lei, que segundo aseverou, permitirá planificar termalmente a provincia de Ourense.
Durante unha visita ás instalacións do balneario Caldas de Partovia, o titular da Xunta referiuse ao termalismo como un modelo de calidade, estable, descentralizado e desestacionalizado. “Calidades todas que nos configuran como destino único”, asegurou, lembrando que Galicia é a comunidade con máis balnearios, un negocio que move preto de 60 millóns e xera máis de 1200 empregos directos.
Feijóo insistiu no compromiso co sector, a través do Plan de turismo termal, unha estratexia que recolle as liñas fundamentais para o desenvolvemento do sector: para planificar; para facer infraestruturas termais- creación, mellora e diversificación-; para integrar produtos termais; para potenciar o coñecemento neste eido, e para promover o termalismo.
Máis polo miúdo, subliñou que nestes dous anos este plan permitiu levar a cabo actuacións como: a recuperación de balnearios abandonados ou de nova construción como o balneario de Cortegada ou a conversión da fortaleza de Monterrei en parador; e obras de rehabilitación e acondicionamento como as do mosteiro de San Clodio en Leiro, a ampliación das termas en Lobios e unha piscina termal en Laias.
“E tamén crearemos o Club do Produto Turístico da Auga de Galicia e tamén seguiremos traballando no Plan de turismo de saúde de Galicia”, abundou.
O conselleiro de Política Social, José Manuel Rey Varela, mantivo no seu despacho de San Caetano un encontro co alcalde de San Cristovo de Cea, José Luís Valladares Fernández.
Os dous dirixentes abordaron a necesidade de seguir incrementando a cobertura da atención a persoas dependentes. Ao respecto, Rey Varela recordou que se vén de aumentar en 840 horas anuais as dispoñibles dentro do Servizo de Axuda no Fogar (SAF), que a Xunta presta en colaboración co concello, ata alcanzar un total de 11.268 ao ano.
Este incremento permite ter na actualidade unha ratio de cobertura próxima ao 95% neste municipio de Ourense. Así mesmo, o titular de Política Social lembrou a achega económica que realiza a Administración autonómica ao Punto de Atención á Infancia, así como o concerto que mantén coa residencia de iniciativa social “La Saeta” e ao que destina máis de 140.000 euros para o financiamento de 12 prazas.
Por último, Rey Varela e o primeiro edil de San Cristovo de Cea manifestaron a súa vontade de seguir afondando nas liñas de colaboración entre as dúas administracións co compromiso de buscar conxuntamente unha política social axeitada que se adapte as necesidades da devandita localidade.
Sr. Fumega, estiven escoitando a súa entrevista de hoxe na Cope. Non vou entrar no resto da súa propaganda e autobombo, limitareime a falar do que vostede denominou un modelo discutible en relación aos convenios de colaboración social.
E teño que decirlle que amosa vostede unha ignorancia radical con respecto a estes convenios. Cando vostede di que é a Xunta a que envía o que vostede chama traballadores, e que realmente son desempregados que cobran prestacións, minte vostede. Minte vostede por ignorancia ou por vontade de engano. Mire Sr. Fumega, a oficina na que vostedes presentan estes Plas de colaboración social, é o mesmo tempo Servizo Galego de Colocación (dependente da Xunta de Galicia), e SEPE (Servizo de Emprego Público Estatal, o que era o antigo INEM). Non sei se vostede está ao tanto, pero vostede ten que solicitar estos Plas ao SEPE, e non ao Servizo Galego de Colocación. Non sei se vostede está ó tanto pero cada un destas institucións teñen o seus funcionarios diferenciados. Non son o mesmo, e vostede solicita estes plas ao director da oficina do SEPE,que é a mesma persoa que a do Servizo Galego de Colocación, , pero esta persoa cando lle manda os desempregados para que vostedes os elixan pra realizar eses traballos está actuando como director do SEPE, polo tanto non é a Xunta de Galicia quen lle envía estes traballadores. Se non lle queda claro esto, non estaría de máis que consultase un pouco de lexislación.
Esto que vostede chama un modelo discutible (lémbranos a Zapatero cando decía que o concepto de Estado era un concepto discutido e discutible), realmente é unha auténtica chapuza. Mire, imaxine que cando a recadación se remunicipalice, a empresa que a leva, por ter menos carga de traballo despide a traballadores, e unha das traballadoras despedidas é a súa dona que pasa a cobrar o paro. Imaxine que o novo alcalde pide estes Plas (os traballadores que son enviados polo SEPE pra entrevista non poden negarse, volve a mentir), e é a súa dona a que elixe o Concello despois de realizar a entrevista ¿Chamaríalle vostede modelo discutible?
Outra cousa, non comparar cos obradoiros de emprego. Non teñen nada que ver. Eso sí que é un proceso no que intervén o Servizo Galego de Colocación. E hai moitas diferencias, establécese cos traballadores (estes deixan de ser desempregados) un contrato de aprendizaxe, a seguridade social págaa ao 100% a Xunta de Galicia así como os salarios. A celebración deste contrato interrumpe o cómputo e o pago das prestacións tanto contributivas como non contributivas, que estes traballadores seguirán cobrando o rematar o obradoiro de emprego. É un modelo que efectivamente pode ser discutible, pero está a anos luz das colaboracións sociais. Non as confunda vostede porque nada teñen que ver. Este modelo forma parte das políticas activas de emprego transferidas as CCAA que teñen transferidas competencias en emprego. Pero o outro non é un modelo, é un RD socialista de dudosa legalidade que nada ten que ver co emprego, senon co desemprego. Se vostede fai unha aposta ambiciosa e decidida polo desemprego, sen dúbida as colaboracións sociais son o modelo axeitado pra vostede.
Os vinteún locais hostaleiros integrados na Ruta das Tapas ofrecerán este venres unha ampla gama de brochetas nunha nova xornada desta iniciativa gastronómica.
O evento foi presentado este mediodía no restaurante Don Paco e contou coa presencia dos concelleiros de Turismo e Cultura, José Manuel Dacal e Diego Fernández, respectivamente; do presidente e da xerente do Centro Comercial Aberto, Julián Garriga e Noelia Mares, respectivamente; da xerente da bodega Pazo Tizón, Cristina Mouriño e dunha boa representación dos vinteún locais hostaleiros que forman parte da Ruta das Tapas.
Brocheta de pulpo con puré de garbanzos e zanoria; brocheta de lomo de porco adobado, piña, mazá e salsa oli-oli; brocheta de langostinos con piña e ensalada, e outras modalidades de borchetas poideron degustarse hoxe na presentación desta ruta que está adicada ás brochetas e que é a penúltima xornada desta tempada.
O concelleiro de Turismo, así como a representante do CCA, fixeron fincapé na extraordinaria oferta gastronómica que hai para visitar este venres os locais hostaleiros e participar no concurso de premios final, coa entrega de vales por un valor total de 2.000 euros para gastar no comercio local.
Dacal ensalzou o protagonismo dos cociñeiros e cociñeiras, que son o mellor reclamo do Carballiño para atraer visitantes.
Pola súa parte, a representante da bodega Pazo Tizón que patrocina o evento, lembrou a consecución do primeiro premio da cata oficial na última edición de Vinus Terrae, o que supón un novo aliciente para percorrer os mesóns, bares e restaurantes para degustar unha brocheta por 2 euros e acompañala cunha copa de Pazo Tizón.
Auxiliares de Policia que os últimos anos foron contratados polo concello carballiñés por medios de subvenciós concedidas para esta finalidade pola Xunta de Galicia consiguen agora mediante sentencia xudicial que se recoñeza a súa condición de traballadores indefinidos discontinuos.
Xa son dúas as sentencias neste sentido, do Xulgado do Social nº 2 de Ourense, que estiman as demandas interportas por Auxiliares da Policia Local do Carballiño e condenan ao concello do Carballiño a recoñecer a estes traballadores como indefinidos discontinuos con antiguidade dende o mes de Xullo de 2011.
O alcalde Francisco Fumega recoñeceu no transcurso dunha internveción nesta emisora de radio que estas sentencias comprometen seriamente a contratación de Auxiliares de Policia para este ano 2017.
Fumega dixo que o concello do Carballiño recurrirá estas sentencias, pero no caso de que non prosperen os recursos, o concello poderíase ver obrigado a renunciar á contratación de Auxiliares de Policia, o que agravaría a precariedade do servizo tanto no verán como nos meses posteriores.
Veciños e veciñas de Arcos celebraron o remate das obras de consturcción do novo aparcamento e acceso peonil dende a estrada do Irixo á zona termal do Bañiño.
O alcade, Francisco Fumega, así como os concelleiros de Turismo e Medio Rural, José Manuel Dacal e Rosarío González, respectivamente, asistiron a este evento informal no que tamén participaron os operarios que levaron a cabo a reforma.
O proxecto foi financiado pola Deputación provincial dentro do plan de infraestruturas termais e consistiu na construcción dun aparcamento para vehículos e a continuación do camiño peonil pola vella piscifactoría de Carinsa.
O concello do Carballiño ten previsto promover unha segunda fase para acondicionar a carballeira e a estrada de acceso dende Arcos.
O concelleiro de Leiro, Luis Pérez "Ficol", volve asumir a máxima responsabilidade no organigrama do BNG na comarca do Ribeiro tras resultar elixido como responsable comarcal e comunicación pola asemblea comarcal da formación nacionalista.
Como vice-responsable comarcal e vicesecretaría actuará Cristalina Álvarez Olleros e como secretaria de organización e novas tecnoloxías, Adiana Rojo Domínguez.
Outra muller, Raquel Fidalgo Martínez, asume a responsabilidade de finanzas e intendencia, mentres que Xacobe García Souto ocuparáse de acción municipal.
Completan o novo consello comarcal do BNG ribeirán, Henríque Álvarez, responsable de formación e publicacións; Ana Isabel Paz será a responsable de acción feminista; Xacobe Ribeiro, en cultura e deporte; Yolanda Rodríguez, de educación; e Marcelino Sanmarful ocuparáse do agro e medio ambiente.
Ademáis, a este novo consello comarcal do Bloque Nacionalista Galego incorporánse próximamente un representante de Galiza Nova, e os responsables locais dos 10 concellos da comarca do Ribeiro.
Fai dous días perdeuse unha gatiña na Rúa Francisco Castelló ,chamase Micha e é moi mansiña, e moi medrosa se alguén a ve ou sabe dela por favor que deixe recado na COPE.Moitas grazas
Non é tempo de perder a orientación. O cecais, sí, cando as preocupación son orgánicas e non públicas. Algo está a pasar no goberno municipal do Carballiño. Cando o alcalde, como responsable de obras, pacta uns orzamentos valeiros de contido cun só concelleiro da oposición. Ou a edila de medio ambiente promove talas e podas fóra de tempada mentres esquece as análises de fontes e mananciais. E o delegado de cultura externaliza actividades e ameaza o traballo a unha das entidades senlleiras desta vila. E ó de turismo e festas pon fin a unha ruta das tapas ó subir o prezo destas. Onde están os investimentos para a promoción do emprego, a planificación do noso Parque, o mantemento do paseo fluvial a Pazos e as actividades de lecer? Cecais sexa máis importante para eles mirar ó sur preparando as primarias e perder o norte. Dous anos despois, os votantes do PSOE preguntámonos: ónde está a brúxula?
Páxinas
- « primeira
- ‹ anterior
- …
- 529
- 530
- 531
- 532
- 533
- 534
- 535
- 536
- 537
- …
- seguinte ›
- última »
