Na comparecencia na que Marco A. Reboredo fixo balance do traballo desenvolvido como concelleiro nos dous últimos anos, fíxose acompañar de outro ex-concelleiro e ex-responsable do consello local do BNG, Xosé Dobarro.

"Estou aquí na miña condición de militante inactivo do BNG para mostrar o meu apoio a Reboredo polo traballo que fixo tanto como responsable local no seu momento como concelleiro durante estes últimos anos, e lamentar a actitude que tivo o BNG en relación a este asunto", dixo Dobarro.

Pola súa parte, Reboredo tamén lamentou chegar a esta situación e pedíu disculpas aos votantes do BNG "e tamén aos que persoamente me votaron por non poder rematar este mandato".

Asegurou o xa excconcelleiro carballiñés que a súa intención en todo momento foi a de seguir formando parte do grupo municipal do BNG dende que fai 9 meses decidíu darse de baixa na nesta formación política "en varias ocasións intentei reconducir esta situación, pero eso non foi posible, e incluso se foi enquistando co paso do tempo, polo que penso que o mellor é renunciar á acta de concelleiro e facilitar que entre a persoa que considere oportuno o BNG", subliñou.

Tras abandonar o BNG, éste pedíulle que renunciase á acta, aínda que Reboredo optou por continuar como concelleiro non adscrito, agora, finalmente, decide retirarse da vida política municipal "aínda que seguiréi participando en política", manifestou Reboredo.

A conselleira de Infraestruturas e Vivenda, Ethel Vázquez, xunto co alcalde de Beariz, Manuel Prado, supervisaron as obras de mellora da seguridade viaria executadas na estrada OU-212, que comunica a localidade da Ermida co Concello de Beade a través dos municipios de Beariz e Avión, actuacións nas que o Goberno galego investiu máis de 250.000 euros.

A Xunta levou a cabo actuacións de reforzo de firme en varios puntos da estrada nun treito de 6 km, desde a travesía de Beariz cara ao norte, ata o enlace coa estrada N-541.

Estes traballos contaron cunha achega dun importe duns 157.000 euros. Nesta mesma estrada, en xaneiro tamén quedou finalizada a mellora localizada do firme nun treito de 2 quilómetros e medio, entre a saída de Beariz e a entrada a Liñares, xa no termo municipal de Avión.

Esta infraestrutura viaria, pero neste caso, xa no núcleo de Avión, entre a travesía desta localidade e a intersección coa estrada provincial, tamén foi obxecto dunhas obras de rehabilitación do firme e da mellora da sinalización.

O cine club Carballiño organiza en colaboración co Instituto Goethe de Madrid un ciclo de cine alemán para a vindeira fin de semana. Os días 17, 18 e 19 de marzo o Auditorio Municipal do Carballiño albergará una extensa programación composta por seis obras emblemáticas do cine alemán das últimas cinco décadas.

A entrada a todas as sesión será gratuíta grazas á colaboración co Instituto Goethe, que cedeu os dereitos e as copias de xeito desinteresado. O ciclo iniciarase o venres 17 ás 20:00 horas cun dos maiores éxitos de crítica e público do do cinema xermano: Bagdad café, de percy Adlon, que consagrou á súa actriz protagonista, Märianne Sagebretch. Ás 22:30 proxectarase Alicia en las ciudades, primeira dunha serie de películas que o director Win Wenders rodou nos USA.

Precisamente o segundo día do ciclo iníciase coa que probablemente sexa a obra máis coñecida deste director, París Texas, obra mestra dun dos directores máis prolíficos e interesantes da historia do cine. O seu pase será ás 20:00 horas. A continuación, ás 22:30 poderemos ver Freistatt (Refugio). Trátase dunha oportunidade case única no noso país, xa que esta película do 2015 non se estreou comercialmente én España e só se poido ver en festivais.

O domingo 19 rematará o ciclo con dúas películas máis: La vida en obras (18:00 horas) e Contra la pared (20:00 horas). A primeira é una deliciosa comedia dramática de 1996 coa que W. Becker (Good bye Lenin!) acadou sona e recoñecemento internacional, así como un gran éxito de público. A segunda é un drama de Fatih Akin que trata sobre a inmigración, coa que acadou o Oso de Ouro no Festival de Berlín do ano 2004, o premio Goya á mellor película europea, 5 premios do cine alemán (entre eles mellor película), o Premio á mellor película Europea.

Todas as sesión serán en versión orixinal en alemán subtituladas ao castelán. Durante o ciclo farase tamén una colaboración coa Asociación protectora de animais do Carballiño, recollendo comida para cans na entrada do auditorio. Todos aqueles que queiran poderán colaborar aproveitando que a entrada é gratuíta.

Un grupo duns trinta alumnos e alumnas do colexio Vila do Arenteiro visitaron hoxe o punto limpo, dentro da campaña de promoción desta instalación posta en marcha hai uns meses pola concellería de Medio Ambiente.

Precisamente, a concelleira Érika Paz acompañóu aos escolares no percorrido que realizaron xunto con profesoras do centro. Técnicos do servizo de recollida do lixo explicaron nunha aula da mancomunidade as distintas fases do proceso de recollida e tratamento de lixo, así como a necesidade de reducir, reciclar e revalorizar os residuos sólidos urbanos, facendo especial fincapé no servizo do punto limpo.

Posteriormente, dirixíronse á zona de depósito de residuos perigosos ou contaminantes como pinturas, pilas, etc., que se atopan en contenedores nunha caseta pechada, e á zona de contenedores de depósito de residuos voluminosos como mobles, electrodomésticos, etc., que conta con seis grandes contenedores descubertos.

Está previsto que o próximo xoves visiten estas mesmas instalacións alumnos e alumnas do colexio Sagrado Corazón, e nas semanas seguintes o farán outros demáis centros educativos do Carballiño.

Con esta campaña, que se desenvolve co lema O Carballiño, vila limpa e sostible. Depende de ti, inténtase promover o uso do punto limpo pola cidadanía. A través de charlas, folletos e diverso material de difusión, a campaña pretende informar e concienciar á poboación sobre as posibiidades deste servizo municipal, que é gratuito, e que está acondicionado para albergar obxectos domésticos inservibles como mobles, colchóns, electrodomésticos e similares, e residuos perigosos do fogar como aerosoles, fluorescentes, disolventes, pinturas, etc.

O punto limpo atópase na estrada do Carballiño a Cea, fronte ao matadoiro, está operativo de luns a venres, en horario de 10,00 a 14,00 h., pero tamén permite que ese tipo de obxectos se depositen á beira dos contenedores da rúa calquera xoves non festivo, chamando previamente ao teléfono 662199635 para dar aviso.

O Bañiño de Arcos contará nas próximas semanas cun aparcamento para uns vinte vehículos. É a primeira fase da remodelación desta área termal, que soporta unha gran afluencia de tránsito, sobre todo durante o verán, para buscar auga deste manantial.

Precisamente, co obxectivo de facilitar o aparcamento e mellorar a seguridade das persoas que acuden a pé dando un paseo, incluiuse este proxecto dentro do plan para este ano 2017 da Deputación provincial de mellora das zonas termais.

O proxecto consiste na construcción dun muro de pedra de contención que limita a calzada da carballeira, e o hormigonado e empedrado da zona do aparcamento. Así mesmo, tamén se acondiciona un tramo do camiño de acceso ao Bañiño dende a Ponte de Veiga, na zona da piscifactoría, que vai hormigonada e empedrada.

O custe desta obra é duns 60.000 euros, que sufraga íntegramente a Deputación provincial.

A habilitación deste aparcamento, que permitirá estacionar a uns vinte coches en batería, tamén contriburá a ordenar o tráfico na zona, xa que a menudo se producían problemas debido á dificultade de aparcar e na saída e entrada de vehículos.

Nunha segunda fase procederase ao acondicionamento da área recreativa da carballeira, mellorando o mobiliario e construindo un camiño peonil para acceder á fonte dende a cima do parque, sen ter que baixar pola estrada.

O Centro Comercial Aberto do Carballiño celebra a Feira do STOCK de inverno os dias 10,11 e 12 de marzo na Praza Maior do Carballiño.

A iniciativa do comercio local, que chega a súa 10ª edición, foi presentada polos responsables desta asociación carballiñesa de comerciantes e o concelleiro de promoción económica e comercio, Adolfo Nogueira. O Concello carballiñés colabora coa asociación coa instalación dos stands onde os comerciantes ofrecerán a súa oferta, con descontos nalgunhos casos de ata o 80%.

Unhos 20 establecementos participan nesta actividade, destacando o sector da moda, tanto infantil como xuvenil e de adultos, e tamén cunha representación doutros sectores, o fogar e decoración, complementos, libraría ou florería, entre outros.

O horario de apertura será de 17 a 21 horas na xornada inaugural do venres, logo tanto o sábado como o domingo, o horario irá de 11 a 14 horas, e de 16 a 21 horas.

A esta Feira do STOCK, únese desta vez a Feira da Artesanía que organiza os segundos domingos de mes a asociación Agarimos do Arenteiro, cunha edición extraordinaria de tres días de duración para facéla coincidir coa dos comerciantes locais.

Ademáis dos postos habituais, haberá algunhos novos, como un artesán que fabrica xoguetes feitos con madeira. Neste caso, ubiraránse, como sempre, na rúa Tomás María Mosquera, na zona máis próxima á Praza dos Liborianos.