A alcaldesa do Irixo, Susana Iglesias manifestou hoxe no transcurso dunha intervención en COPE O Carballiño que leva meses de tensión e que se sinte liberada, porque desde o pasado mes de novembro xa sabía que o seu compañeiro de grupo e concelleiro de Cultura e Deporte Juan Manuel Villanueva "en vez de traballar o que nos daba era traballo".

Acusouno de deixadez nas súas responsabilidades no goberno municpal "nin xiquera aparece polo concello", asegurou a rexedora municipal.

Susana Iglesias defendeu a xestión da alcaldía e do traballo "da miña compañeira Tamara e os dous concelleiros do PSOE, que sí estamos no dia a dia traballando polo Irixo".

En relación ao rexeitamento dos orzamentos presentados ao pleno, al alcadesa ten claro que "si os 9 concelleiros que formamos a corporación lle quixeramos ao Irixo, eso non tería acontecido".

E culpou dese bloqueo non so a Juan Manuel Villanueva senón que tamén fixo responsable ao portavoz do grupo popular e exalcalde Manuel Cerdeira, ao que advertíu que "igual ten que dar explicacións no xulgado" e mesmo acusouno de intentar que o propio Villanueva o apoiase na sesión de investidura a cambio dalgunhas contraprestacións. A alcadesa asegurou en COPE O Carballiño ter probas destas afirmacións.

Escoita a intervención da alcaldesa no PODCAST de COPE O Carballiño:

O Consello da Xunta de Galicia aprobou, na súa reunión desta semana un convenio de colaboración co concello de Piñor por importe de 1.199.849 euros, que se achegarán en dúas anualidades a partes iguais (2024-2025) para financiar a consturcción dunha residencia para persoas maiores neste municipio.

O proxecto, según o avanzado meses atrás polo alcalde José Luis González, contará con 41 prazas para residentes, e contruiráse aproveitando en parte unha vella edificación de titularidade municipal.

A aportación económica tramítase a través dos fondos europeos do mecanismo de recuperación e resilencia do programa Nextgeneration.eu

Prevese que entre este mes e o que ven, formalícese este convenio entre Xunta e concello de Piñor, que permitirá a construcción deste futuro servizo residencial para persoas maiores neste municipio.

O concelleiro de Xuntos polo Irixo, Juan Manuel Villanueva, clave para manter a maioria do grupo de goberno municipal, xa que esa maioria está collida con pinzas, con cinco concelleiros -sumados os dous do PSOE- fronte aos catro do Partido Popular, advirte á alcaldesa do Irixo que non vai dimitir -tal como lle pedíu a rexedora- e afirma que "é hora de facer valer a miña acta de concelleiro e traballar polo Irixo e polos nosos veciños porque desde logo nestes nove meses pouco se fixo".

Aínda que as diferencias da alcaldesa co concelleiro eran evidentes no dia a dia, foi no pleno de aprobación dos orzamentos cando a gota de auga colmou o vaso "atrévese a levar a pleno unhos presupostos sen xiquera saber o que pensan dos mesmos os seus compañeiros de goberno, leva nove meses de alcaldesa e leva nove meses gobernando como se houbese gañado as elección con maioria absoluta, e non é asi", recordalle Villanueva á alcaldesa Susana Iglesias.

Continúa nas súas críticas manifestando que "en nove meses fixo o que lle deu a gaña, desde que houbo as primeiras discrepancias entre nos, fixo unha campaña de desprestixio cara a miña persoa, agora estorbo, pero que lle quede claro que non vou dimitir, hai que roerme". Xustifica o seu voto en contra dos orzamentos no pleno da pasada semana "o que tiña que haber feito é reunir o grupo e tratar con nos o presuposto e escoitar as nosas propostas, pero o único que lle importa non é o que din os seus asesores, o concello non se xestiona nos bares como fai a alcaldesa", dixo.

Juan Manuel Villanueva dí que a súa decisión está tomada e non hai volta atrás "neste momento rompo as miñas relacións co grupo de goberno, xa pode falar co Partido Popular, a ver se consigue os apoios necesarios para para sacar adiante os presupostos".

E lánzalle un desafio directamente á alcaldesa "gobernar asi vaise ser moi complicado, ten os dis contados nesa silla, foi un total fracaso como amiga, como persoa e como alcaldesa, empezamos moi ben pero somos un total fracaso" e pregúntase "cá foi o cámbio que nestes 9 meses ofrecimos o concello do Irixo". E foi taxante cando afirmou que "non penso dimitir, tan so o faría se antes dimites tí e Tamara (a outra concelleira de Xuntos) cando dimitadas, eu vou detrás", asegurou.

Finalmente, Villanueva deixa claro que desde este momento non vai apoiar por máis tempo á alcaldesa "faga o que queira coas miñas competencias, e que lle quede moi claro que non vou dimitir por min e por toda a xene que confiou en min e me sigue apoiando".

Escoita no PODCAST de COPE O Carballiño a intervención radiofónica de Juan Manuel Villanueva.

A Serra de Pena Corneira converteuse hoxe no cuarto monumento natural de Galicia en contar cun plan de xestión no que se identifican os valores a protexer, os posibles riscos, as normas de uso de aproveitamento do solo e dos recursos naturais así como as condicións de uso público deste espazo.

O Diario Oficial de Galicia publica hoxe, tralo seu paso polo Consello Galego de Medio Ambiente e Desenvolvemento Sostible (Cogamads) e a súa aprobación polo Consello da Xunta, o decreto polo que a Serra de Pena Corneira -situada entre os concellos ourensáns de Carballeda de Avia, Leiro e Avión- se suma á Praia das Catedrais, ao Souto da Retorta e á Fraga de Catasós como monumentos naturais que contan con este instrumento para garantir a conservación e boa xestión dos seus valores naturais.

Tal e como lles explicou a directora xeral de Patrimonio Natural, Marisol Díaz, aos alcaldes de Carballeda de Avia, Luis Milia; Leiro, Francisco José Fernández, e Avión, Antonio Montero, nunha reunión que mantiveron hoxe, na que tamén estivo o delegado territorial da Xunta en Ourense, Manuel Pardo, este instrumento de regulación inclúe dúas liñas estratéxicas.

A primeira céntrase na mellora e restablecemento do estado de conservación dos valores xeomorfolóxicos, da paisaxe, dos hábitats e especies deste espazo, apostando por accións de conservación mentres que a segunda incide no aproveitamento sostible do monte, no uso público e na difusión dos valores deste espazo promovendo unha xestión ordenada e favorecendo unha maior sensibilización ambiental.

A directora xeral subliñou que o documento prevé distintas actuacións con este obxectivo como a realización dun inventario dos valores xeomorfolóxicos existentes no ámbito deste monumento, o establecemento de acordos coas mancomunidades de montes para o fomento da súa conservación, o mantemento silvícola sostible e a mellora da conectividade dos hábitats naturais así como a análise da compatibilidade dos usos públicos.

Nesta liña, a zona conta con importantes masas forestais de uso privado nas que tradicionalmente se realizan actividades como a recollida de castañas, piñas ou cogumelos. En canto ao uso público dos espazos integrados no monumento natural, adoitan realizarse distintas actividades de lecer ou deportivas pois conta, entre outros, con sendeiros, área recreativa, área de descanso, miradoiro e distintos sectores habilitados para a práctica da escalada.

A maiores, Díaz salientou que o Plan de xestión do monumento natural Serra de Pena Corneira terá unha vixencia indefinida, sen prexuízo da posible actualización de acordo coas necesidades e coas medidas de seguimento que correspondan. De feito, o propio documento establece un programa de seguimento que permitirá determinar o nivel de desenvolvemento e o grado de cumprimento así como a eficacia das actuacións incluídas mediante a análise e valoración de distintos indicadores.
Espazo protexido

A Serra de Pena Corneira foi declarada monumento natural no ano 2007 e forma parte da Rede de Espazos Protexidos de Galicia, conformada por 97 enclaves. De feito, con 997 hectáreas de extensión, é o monumento natural de maior extensión da comunidade.

A importancia deste espazo radica na súa peculiar xeomorfoloxía, especialmente na diversidade da composición e cristalización dos granitos que provocou neste macizo, unha evolución da paisaxe caracterizada por formas rochosas. A serra conta cunha complexa asociación de formas xeolóxicas que teñen un interese especial pola singularidade e importancia dos seus valores científicos, culturais e paisaxístic

A casa da cultura do Carballiño acolleu a homenaxe a quen durante moitos anos foi o director do Orfeón do Carballiño, ademáis de mestre, compositor e veciño do Carballiño, José Luis Reza Cabano.

O alcalde do Carballiño Francisco Fumega e o concelleiro de cultura Diego Fernández representaro á institución municipal nesta homenaxe, e tralo acordo do concello do Carballiño de dar o nome do homenaxeado ao salón de actos da casa da cultura do Carballiño, en recoñecemento da meritoria traxectoria artística e a súa contribución á cultura da musica no Carballiño.

Reza Cabano estivo rodeado de familiares e amigos, asi como compañeiros do Orfeón do Carballiño, que interpretaron varias das súas composicións musicais de canto coral e polifónico.

A Tertulia de COPE O Carballiño abordou os dous acontecementos políticos da semana na comarca, o acordo de goberno entre PSOE e Partido Popular no Carballiño e os orzamentos muncipais do Irixo, que foron rexeitados inesperadamente ao votar en contra dos mesmos un dos concellerios do propio grupo da alcaldesa do Irixo.

Nos estudos de COPE O Carballiño participaron esta tertulia Sebas Lamazares, Fátima Gómez, Manuel Nogueira e María Luisa Rodríguez, actuando como moderador Xan Pinal.

Escoita aquí o podcast:

A Asamblea Local do PSOE no Carballiño deu, cun único voto en contra e unha abstención, o seu apoio en relación ao acordo que suscribiron esta semana os grupos municipais do PSOE e Partido Popular por gobernar xuntos O Carballiño.

A última hora da tarde deste pasado xoves, unha trintena de afiliados acudiron a esta asemblea celebrada na sede que ten o PSOE da comarca do Carballiño, na rúa Perfectino Viétiez.

O alcalde do Carballiño e Secretario Xeral  da Agrupación Socialista do Carballiño, Francisco Fumega, obtiña un amplo respaldo a súa decisión desta alianza co PP, coa que se mostrou en desacordo o órgano de dirección do PSdeG, e o seu Secretario Xeral, Besteiro.

A fenda aberta no seo do  goberno do concello do Irixo, que preside a alcaldesa Susana Iglesias, ao votar un dos concelleiros do seu propio grupo en contra do orzamento municiipal no pleno deste pasado xoves, abre unha etapa de total incerteza política neste municipio.

O concelleiro díscolo, Juan Manuel Villanueva, que criticou con moita belixerancia a compañeira de grupo e alcaldesa, dixo neste pleno que a súa paciencia estaba agotada debido as grandes diferencias coa "actitude dictatorial da alcaldesa".

No PODCAST de COPE O Carballiño, o portavoz do grupo popular, achéganos o seu punto de vista sobre a actúal situación política no concello do Irixo.