O Tribunal Superior de Xustiza da Galiza vén de acordar a suspensión cautelar de seis novos parques eólicos ao considerar o alto risco de que a súa construción cause "danos irreversíbeis", amparándose no principio de "periculum in mora", entre os seis proxectos paralizados cautelarmente pola xustiza figura o de Valdepereira, que se reparte entre os concellos do Irixo e Lalín.

No seu veredicto, a sección terceira da Sala do contencioso-administrativo do TSXG manifesta que "a prevalencia da protección ambiental non significa que se a actuación incide no medio ambiente teña que ser suspendida de forma automática". A Sala considera que se acreditaron os prexuízos que a instalación podería ocasionar a valores ambientais sensíbeis, así como a presenza nesas zonas de especies vulnerábeis ou en perigo de extinción.

Ademáis, no caso concreto do proxecto deste parque eólico denominado Valdepereira, o alto tribunal galego indica que a distancia á que se proxectan construír as instalacións polo menos un dos aeroxeradores está situado a 610 metros da aldea da Ermida, no concello do Irixo é "susceptíbel de ocasionar unha perturbación significativa sobre a saúde das persoas e o benestar dos animais, que constitúe un dano de difícil reparación, ao incidir, en relación aos humanos, sobre os dereitos fundamentais á integridade física e á vida privada e familiar dentro do domicilio".

O proxecto conta co apoio do concello de Maside e xa está avanzada a tramitación da autorización do Ministerio de Transportes, que é o titular da vía na que se ubica esta rotonda da Fontela, á entrada do Carballiño aínda que dentro do termo municpal de Maside.

A obra ideada polo arquitécto carballiñés Fernando Blanco Guerra é "un cruceiro tridimensional de 9 metros de altura, inspirado no Templo da Veracruz", pasará a ser o cruceiro máis grande do mundo, según acredita o seu autor. Construiráse en pedra azul de Pena Corneira, superpoñendo varias pezas, coroado cunha cruz de catro brazos.

Escoita no PODCAST a entrevista de Xan Pinal a Fernando Blanco, no que da conta dos diversos detalles da obra, que agarda estea culminada antes de rematar este ano 2024.

A terceira edición do "Rallye Comarca do Carballiño" terá lugar os próximos dias 21, 23 e 23 -do venres ao domingo- desta semana do mes de xuño na que andamos.

Baixo organización da Escudería O Carballilño Motor Sport, será puntuable para o campionato da Xunta de Galicia de Rallyes, contando con 98 equipos inscritos, correráse por distintas estradas dos concellos do Carballiño, Amoeiro, Boborás, Maside, San Amaro, Leiro, Piñor e San Cristovo de Cea.

Para acceder a toda a información preme na seguinte ligazón:

https://www.fga.es/project/carballino-2024/

A parroquia de San Pedro de Mandrás, no concello de San Cristovo de Cea, celebrará as súas festas patronais os próximos dias 28, 29 e 30 deste mes de xuño no que andamos.

A actuación estelar do programa festivo será a actuación da gran orquestra galega "Paris de Noia", que amenizará a verbena o venres dia 28, xunto á disco móbil Infinitty.

O sábado 29, ademáis do espectáculo da disco móbil Infinitty, estará en Mandrás o gruupo Gloss. Finalmente, o domingo dia 30 o grupo musical "Os Galeguiños" animarán os pobos da parroquia, á unha da tarde celebraráse a misa solemne na honra ao patrón da parroquia San Pedro, e pola noite animará a última verbena destas festas de Mandrás o trio Vaivén.

O conselleiro de Cultura, Lingua e Xuventude, José López Campos, salientou que os Premios Antón Losada Diéguez “reflicten a vixencia do espírito da Xeración Nós”. Fíxoo no acto de entrega dos galardóns da XXXIX edición ao que asistiu co delegado territorial da Xunta en Ourense, Manuel Pardo, e no que tamén estivo o director xeral de Cultura, Anxo M. Lorenzo. Os premios recaeron no ensaio A Vera Cruz de Antonio Palacios, de Rafael Otero Janeiro, e na novela Quen escribirá a miña historia?, de Iria Morgade.

López Campos puxo en valor o prestixio destas distincións que convocan cada ano os concellos de Boborás e O Carballiño e que foron entregados no Pazo de Moldes, onde naceu o intelectual galeguista. O conselleiro apuntou que estes premios se teñen convertido, ao longo das súas case catro década de vida, “nunha das citas máis emblemáticas do panorama literario galego”.

O responsable do departamento de Cultura, Lingua e Xuventude destacou a “inmensa honra” que lles debe supor para os autores e autoras premiadas estar tar vencellados ao nome de Losada Diéguez, do que enxalzou o seu o compromiso galeguista como membro da Irmandades da Fala, impulsor da revista e grupo Nós e correspondente da Real Academia Galega. De igual xeito, encadrou estes galardóns como unha “merecida e xusta homenaxe” ao labor que desenvolveu a prol do recoñecemento e valor da cultura galega.

Nesta edición, premiouse na modalidade de ensaio A Vera Cruz de Antonio Palacios, de Rafael Otero Janeiro, editada polo Centro de Estudos Carballiñeses, sobre o arquitecto Palacios. Na categoría de creación literaria, premiouse a obra Quen escribirá a miña historia?, editada por Galaxia e escrita por Iria Morgade e que está ambientada no Mosteiro de Oia.

A Asociación Carballiño CCA organiza este venres 14 e sábado 15 de xuño unha nova edición dos Días Locos, con descontos, premios, animación de rúas e actividades para os cativos . Os comercios ofrecerán importantes descontos nun ambiente de festa e diversión.

Trinta e dous establecementos asociados a Carballiño CCA participan nesta campaña e estarán sinalizados cunha decoración especial para a ocasión.

Sorteo de vales de compra: Os clientes que realicen as súas compras durante as xornadas do venres e sábado sábado terán a posibilidade de entrar no sorteo de 200€ en vales de conmpra, repartidos en catro vales de 50€ cada un deles. Para elo terán que rexistrar os tickets das compras realizadas en www.comerciocarballino.com. O sorteo levarase a cabo o vindeiro luns 17 de xuño ás 12h nas redes sociais da asociación.

Atracción infantil: Os negocios participantes entregarán aos clientes, coas súas compras, convites para que os cativos da casa poidan desfrutar da atracciónco do toro mecáni que estará situado na praza do Concello durante a tarde do venres e sábado.

Animación de rúa : Correrá por conta do grupo de baile moderno do Centro Sociocultural de O Carballiño con diferentes coreografías polas distintas rúas da vila, ademáis de visita de zancudos que invitarán a veciños e visitantes a disfrutar dos descontos que ofrecen os comercios adheridos á campaña.

Os Días Locos de Carballiño CCA contan coa colaboración do Concello de O Carballiño e esta campaña está cofinanciada pola Xunta de Galicia.

As vilas da Arnoia, Cenlle e Castrelo de Miño acollerán a edición 2024 do Festival "Espírito Ribeiro", unha marca experiencial que se articula ao redor de tres días de actividades (música, gastronomía, viños) e unha selección de expositores de Artesanía de Galicia nos tres concellos os próximos 28, 29 e 30 xuño.

Tras o éxito das anteriores edicións, este consolidado Festival presentouse onte, por primeira vez, en Madrid na Casa de Galicia, onde reuniu a máis de douscentos convidados entre os que se atopaban autoridades, medios de comunicación, así como representantes do sector enolóxico e gastronómico. Non faltaron a esta cita autoridades como o director da Casa de Galicia en Madrid, Javier Vázquez; o director xeral de Comercio e Consumo, Gabriel Alén Castro; o director xeral de Gandería, Agricultura e Industrias Agroalimentarias, José Balseiros Guinarte, e os alcaldes de Castrelo de Miño, da Arnoia e de Cenlle, Avelino Pazos, Rodrigo Aparicio e, Rebeca Sotelo, respectivamente.

Seguidamente, o viño D.Ou. Ribeiro e unha degustación dalgúns dos seus produtos gastronómicos locais mostraron o rico patrimonio enogastronómico da rexión. Rebeca Sotelo, alcaldesa de Cenlle, apunta que “o obxectivo deste festival é dar visibilidade aos viños e aos produtos artesanais de produtores locais, así como os valores patrimoniais, culturais e paisaxísticos do municipio. Isto é o que realmente fai diferente a Espírito Ribeiro, un único evento que permite poñer en valor todo o talento, o potencial e a riqueza de Cenlle”.

Rodrigo Aparicio, alcalde de Arnoia, sinala este festival permite “a promoción dos viticultores e adegas do municipio, á vez que permite dar a coñecer o noso concello e os nosos produtos, como o aceite ou os emblemáticos pementos de Arnoia.”. Ademais destaca que “Espírito Ribeiro” permite “unir a tres concellos diferentes para, xuntos, dar a coñecer os nosos viños, a nosa gastronomía, os nosos produtores locais así como a beleza dos nosos espazos naturais”.

Finalmente, Avelino Pazos, alcalde de Castrelo de Miño, destacou que “somos tres concellos irmáns que imos da man para promocionar e potenciar o viño DO Ribeiro das nosas adegas e viticultores, motor económico dos nosos municipios. Xuntos somos máis fortes e loitamos por honrar o legado de sacrificio e traballo nesta terra por parte dos nosos devanceiros”. Ademais, puxo en valor o formato deste festival porque “permite gozar da cultura do viño e os nosos produtos locais na mellor contorna posible”.

Espírito Ribeiro, que sumará a súa cuarta edición, naceu coa vocación de reunir o mundo da enoloxía, a través dunha mostra significativa de adegas da D.Ou. Ribeiro, e da gastronomía local para difundir o patrimonio cultural da Denominación de Orixe máis antiga de Galicia. Un exemplo de panca da economía local, que asocia calidade, compromiso social, tradición e arraigamento á terra.

Figura Destacada: Pancho Varona

O artista, coñecido por ser a man dereita e músico de cabeceira de Joaquín Sabina, e tamén por participar en éxitos de artistas como Ana Belén, Víctor Manuel, Luz Casal, Quique González ou Christina Rosenvinge, será o embaixador desta edición 2024. A súa experiencia e traxectoria enriquecerán o festival, ofrecendo ao público unha conexión especial coa música e a cultura galega.

Patrocinadores

Este evento conta co patrocinio principal da Xunta de Galicia, Colabora a través de Agacal, dirección xeral de Gandaría, Agricultura e Industrias Agroalimentarias, tamén conta co apoio da Deputación de Ourense, a Fundación Artesanía de Galicia, e outros colaboradores.

PROGRAMACIÓN

Venres 28 de xuño, A Arnoia 20:30 - MICALIP'S Grupo de músicos portugueses que actualmente residen en Tui. Tres irmáns con quince anos de existencia, cun proxecto musical dirixido aos amantes da música retro. Fan unha versión clásicas cancións de distintos xéneros como Pop Rock, Country, Rumba e Rock and Roll, cun acústico moi potente e interactivo, transmitindo aquelas sensacións proporcionadas soamente por un directo. 22.00 - Elton Song Mellor banda de covers de Elton John, fará un repaso ás grandes cancións deste artista revolucionario e influente. Un show inesquecible grazas á voz e o piano de Mauricio Torres Baltierra, considerado o mellor tributo mundial a un dos máis influentes compositores do pop rock internacional.

Sábado 29 de xuño, Castrelo de Miño 18:00 - Uxía Lambona e a Banda Molona Esta banda de música infantil recolle os clásicos populares galegos co seu toque particular, desde "A Carolina" rapeada ata "Ou Jato" rockeiro, pasando por moitos outros temas tradicionais, todos eles moi dinámicos, facendo que os nenos sexan partícipes de leste "deas-concerto" cheo de bailes, xogos, coreografías e algunha que outra sorpresa. 20:30 - Pancho Varona O seu legado como compositor, guitarrista e produtor moldeou a escena musical española. Colaborador de xigantes como Joaquín Sabina e artífice de éxitos para Ana Belén ou Miguel Ríos, Varona é un verdadeiro mestre da música. Fará as veces de mestre de cerimonias e embaixador desta edición, compartindo as historias que deron vida a cancións inesquecibles, ofrecendo unha experiencia que vai máis aló da música. Un verdadeiro diálogo entre o artista e o seu público. 22:00 - The Bigüis Nada en 2012, esta banda viguesa formouse para amenizar ceas do Nadal de empresa pero creceu ata consolidarse na escena musical. Interpretan versións de rock clásico e alternativo, desde os icónicos The Beatles ata Franz Ferdinand, pasando por un pouco de pop. É a conxunción perfecta de humor, bo ambiente e moito rock and roll.

Domingo 30 de xuño, Cenlle Durante toda a tarde - Sesión divertida e refrescante para os máis novos A tarde estará dedicada aos máis novos, cunha sesión divertida e refrescante que incluirá tobogáns de auga e piscinas inchables, garantindo unha experiencia lúdica e refrescante para todos os asistentes. 19:15 - ISIUS O cuarto traballo da banda viguesa chega baixo o selo Ernie Records. Studio 2 foi gravado en directo nos estudos londinienses Abbey Road, reinventando o seu son cunha nova etapa máis cañera e auténtica. Un disco especial, non só por nacer no icónico lugar de The Beatles, senón tamén polo que supón na súa traxectoria. 20:30 - Pancho Varona Repetición do concerto de Pancho Varona, que continuará facendo as veces de mestre de cerimonias e embaixador do festival, compartindo as súas historias e cancións. 21:45 - Dr. SLUMP Grupo formado por catro músicos con influencias musicais moi diversas, ofrecendo un exhaustivo repaso polas gloriosas décadas dos 80 e 90. Unha experiencia chea de diversión e espectáculo, onde o público participa activamente.

A Xunta de Galicia salienta o compromiso do Concello de Beariz coa protección da paisaxe e o fermosismo, tal e como lle trasladou o director do Instituto de Estados do Territorio (IET), Enrique de Salvador, co alcalde da localidade, Manuel Prado.

No encontro avaliaron as obras que o Concello levou a cabo ao abeiro da convocatoria de axudas do ano 2023 para a corrección de impactos paisaxísticos. En concreto, recibiu dúas subvencións, por un importe total de 14.200 euros, que se destinaron á mellora dun depósito de auga e dun muro de peche perimetral na travesía de San Pedro.

Nesa liña, o rexedor trasladoulle ao director do IET o interese municipal por continuar con estes traballos a prol da mellora paisaxística do concello. De feito, comunicoulle que xa ten previstas dúas novas actuacións, cun orzamento inicial estimado de 23.500 euros: unha na fonte da Figueira, na Bouza, e outra na fonte-lavadoiro da Cavada, en Doade.

A maiores, no encontro Enrique de Salvador puxo en valor o proxecto do Concello para inventariar os muíños que hai no termo municipal e proceder á súa restauración como elementos fundamentais do patrimonio etnográfico da contorna.