Na derradeira Tertulia dos Venres deste mes de maio, participaron na mesma nos estudos de COPE O Carballiño Sebas Lamazares, Fátima Gómez e José Antonio Barge, con Xan Pinal moderando este tempo de debate, xunto as aportacións dos e das oíntes desta emisora de radio.

Podes escoitála no PODCAST:

A caseta do Xeodestino do Ribeiro O Carballiño presentouse na Feira Internacional de Galicia (Turexpo) en Silleda. Un acto ao que asistiron o conselleiro de Emprego, Comercio e Emigración, José González Vázquez; o director xeral de Comercio e Consumo, Gabriel Alén; o alcalde de Ribadavia, Cesar Fernández; e o alcalde de San Cristobo de Cea, José Luis Valladares Fernández.

Este ano as auténticas protagonistas son as Feiras de Interese, tanto gastronómicas como turísticas, dos diferentes municipios que compoñen o Xeodestino O Ribeiro-O Carballiño.

Con máis de 50 anos de historia, destacamos a tradicional e multitudinaria “Festa do Polbo” do Carballiño. Unha festa de interese turístico internacional que se celebra cada ano no mes de agosto no Carballiño. Unha festa gastronómica acompañada de música e tradición que recibe cada ano a máis de 50.000 persoas con ganas de gozar e degustar a auténtica receita de polbo á feira de Galicia.

Continuamos coa “Festa dá Istoria” de Ribadavia, unha festa de interese turístico nacional que, tras o gran esforzo do pobo, en 1989 conseguiuse recuperar co obxectivo de retomar a tradición e vivir unha auténtica celebración medieval no municipio. Desde aquela continúa celebrándose cada ano a última fin de semana de agosto. Xa se está preparando a nova edición, que terá lugar os días 30 e 31 de agosto. Durante esa fin de semana o centro de cidade transfórmase nun verdadeiro pobo medieval, onde a xente disfrázase con traxes antigos mentres se pasean polas rúas cheas de mercadillos.

Outra gran festa que reina no Xeodestino O Ribeiro O Carballiño é a “Feira do Viño do Ribeiro”. É a festa vitivinícola máis antiga de Galicia e nela poderanse realizar catas de diferentes adegas acompañas con showcookings, actuacións musicais, talleres de maridaxe… toda unha experiencia para os amantes do viño. A feira, declarada de interese turístico Nacional, reúne a miles de persoas en Ribadavia no mes de maio. Para a seguinte edición teremos que esperar un pouquiño.

Descubrindo o Xeodestino O Ribeiro O Carballiño tamén se presentaron na caseta de Turexpo as feiras de Interese Turístico de Galicia: a Festa da Vendima de Leiro, a Festa do Pemento de Arnoia e a Festa do Pan de Cea. Acompañando estas 6 grandes feiras destacan: a Festa Mexicana (Avión), 1809: A Batalla de Pazos de Arenero (Boborás), a Festa do Chuletón (Garabás - Maside), a Festa do Viño Novo (Cabanelas - Carballiño), a Festa dá Anguía (Barral - Castrelo do Miño), a Festa dá Cachucha (Carballiño), a Festa do Cabalo (Puzo do Lago - Maside) e a Festa do Licor Café (Berán - Leiro)

O sábado 1 e domingo 2 de xuño celébrase a "18 Festa do Viño de Cenlle", con diversas actividades nas que o viño é o gran protagonista.

O sábado ás 19:30 horas será o pregón que este ano estará a cargo do exalcalde de Cenlle e gran impulsor desta festa, Antonio García Montero. A charanga "Bandiños Band" amenizará a ruta das adegas, nas que os visitantes degustarán os viños de seis adegas. A partir da medianoite a animación correrá por conta da disco-móbil "Gramola".

O domingo a amenización musical correrá a cargo da charanga "Castro Bello", con apertura das adegas a partir das 11 da mañá en adiante. Os visitantes encontraránse na Praza da Tenencia de Cenlle con exposición de maquinaria agrícola e tractores históricos, e a partir das 14:30 horas o xantar organizado cun menú a base de polbo, carne ao caldeiro, pan, sobremesa e os mellores viños de Cenlle.

Escoita no PODCAST a entrevista de Xan Pinal a José Antonio Rodríguez Fernández "Rodri":

A Xunta realizou esta mañá un novo exercicio de adestramento cun simulacro de emerxencia para comprobar a coordinación durante a activación do Plan de Emerxencia Exterior (PEE) de Gasib Sociedade Ibérica de Gas Licuado S.L.U. no concello ourensán de Maside.

Contou coa participación do director xeral de Emerxencias e Interior, Santiago Villanueva, como director do PEE que, unha vez recibida a información do Centro Integrado de Atención ás Emerxencias (CIAE) 112 Galicia e se decide a activación do plan e o disparo de sirenas de aviso á poboación asume a dirección das operacións e accións a realizar. Tamén asistiu o delegado territorial da Xunta en Ourense, Manuel Pardo.

Este simulacro, que aparece contemplado dentro do PEE, consistiu na activación do plan por un accidente de categoría 2 producido por unha fuga en tubería fase líquida (FL) 6” de bomba de caudal, brida conexión entrada de líquido en bomba, charco de gas propano con formación de xeo e fuga con goteo continuada. Pese a non deflagrar e non incendiar, ao non cesar pola presión da liña e darse risco de deflagración foi preciso refrixerar para controlar e vaporizar o charco de gas, así como pechar válvulas das liñas FL13 e FL14 para reducir presións e que purgase a fuga.

Por mor desta situación, resultaron feridos dous operarios e, ademais, a sobrepresión no interior da planta e a radiación térmica afectaron ás vivendas anexas á planta.

Unha vez avisada á poboación coas sereas constitúense os centros de mando e control para coordinar a intervención -o Centro de Coordinación Operativa (CECOP), o SACOP e o Posto de Mando Avanzado (PMA)- coa correspondente mobilización dos efectivos, o perímetro de seguridade da zona ou o control de tráfico.

De feito, o director xeral de Emerxencias encargase de dirixir o CECOP constituíndose o comité asesor do que forman parte entre outros o subdirector de Planificación e Protección Civil, José Antonio Grandas, o alcalde de Maside e representantes da industria. A dirección do PMA foi asumida polo xerente da Axencia Galega de Emerxencias (Axega), Marcos Araújo.

Entre os efectivos desprazados destacan os bombeiros do parque de O Carballiño-Ribeiro, integrantes do Grupo de Emerxencias Supramunicipais (GES) de Ribadavia e do servizo de emerxencias de Ourense, así como axentes de forzas e corpos de seguridade -Garda Civil e Policía Autonómica- , persoas voluntarias da agrupación de Protección Civil de Maside e o Grupo de Apoio Loxístico e Intervención (GALI) da Axega.

Para a atención sanitaria mobilizouse ao servizo territorial de Sanidade en Ourense, ao 061 e ao Grupo de Intervención Psicolóxica en Catástrofes e Emerxencias (GIPCE). No seguimento da intervención participaron responsables da empresa Gasib Sociedade Ibérica de Gas Licuado S.L.U, xunto con representantes do Instituto de Seguridade e Saúde Laboral de Galicia (Issga) e de departamentos da Xunta relacionados coas áreas de economía e industria, medio ambiente e sanidade.

A realización deste exercicio permite mellorar a coordinación dos organismos participantes e que a poboación da zona de Maside afectada por un suposto accidente, se familiarice co son da sirnea e sexa capaz de identificalo no caso de activación do Plan de Emerxencia Exterior.