Os alcaldes do Pacto de Pedre retomaron a súa actividade reivindicativa unha vez rematados os periodos pre-electorais e electorais cunha xuntanza realizada na Casa Consistorial do Carballiño á que asistiron rexidores e representantes dos concellos de Boborás, Beariz, Punxín, O Irixo, Maside, O Carballiño e Cerdedo-Cotobade.
Nun ambiente de máxima cordialidade e colaboración institucional os asistentes acordaron seguir impulsando xestións políticas e reunións ao máis alto nivel para continuar reivindicando ante o Goberno de España a mellora integral da estrada nacional N-541, como administración titular deste vial estratéxico que une e comunica as provincias de Pontevedra e Ourense.
Entre os acordos adoptados por unanimidade polos asistentes figuran a solicitude dunha xuntanza cos subdelegados do Goberno en Pontevedra e Ourense e Delegado do Goberno en Galicia, Pedro Blanco, co fin de facerlle chegar de xeito directo e “desde o máximo respecto instituciona as reivindicacións dos alcaldes do Pacto de Pedre", manifestan nun comunicado feito público despóis desta reunión.
O alcalde do concello de San Amaro repasou nos micrófonos de COPE O Carballiño a actualidade municipal neste municipio.
Podes escoitar a entrevista íntegra no PODCASTS:
Esta foto denuncia e para q o Sr. alcalde . Hay q delimitar as plazas para aparcar ben porque hay moito egoísta sinvergüenza
Tomo prestado o título da anterior denuncia para referirme á situación do rural en case todo Galicia, e por suposto tamén na comarca nosa. Semella que o camiño está bloqueado e non hai futuro posible. Aos nosos queridos políticos éncheselle a boca falando de medidas de apoio ao rural, aos emprendedores, aldeas modelo, etc, pero despois o día a día é outra cousa.
Esto ven a conto das cartas que está remitindo o concello do Carballiño para limpeza das parcelas arredor dos núcleos, acción máis que necesaria para evitar riscos de incendio e coa que concordo plenamente. Sen embargo, non sei se os nosos queridos políticos saben cal é a situación do rural (igual teñen que sair dos despachos e darse unha volta ou andaina polos núcleos e falar coa pouca xente que neles habita), situación de abandono pola xente nova que marcha en busca de traballo e comodidades ás vilas e cidades, persoas maiores, en moitos casos, con mobilidade reducida, cando non é o caso de aldeas e pobos xa completamente deshabitados.
Toda esta situación, fácilmente comprobable, vese agravada porque as empresas e autónomos adicados á limpeza e desbroce non dan feito ante a abalancha de encargos recibidas nestes últimos días.
Seguindo coa acertada opinión do comentario anterior, non será que o concello debería limpar os camiños para poder acceder ás parcelas e para ter vías de acceso no caso de ser necesario o paso de equipos de extinción?
Está moi ben esixir e cumprir as leis, pero as administracións deben atender a súa parte, especialmente as administracións locais por ser as que están máis preto dos cidadáns.
O noso rural esmorece, e os nosos queridos políticos, na súa realidade paralela, parece que non se dan ou non se queren dar conta. Pero que máis dá, agora estamos na véspera do verán, ven ahí outra festa do pulpo, na que contaremos os miles de visitantes que se achegan ao Carballiño, virán orquestras, celebracións, festas, etc. Pan e circo.
Mentres tanto, os "catro vellos" que aínda resisten na aldea vense moi preocupados porque lles chegan unhas cartas ameazantes con multas e non saben como van facer para evitalas, os fillos están lonxe, non atopan a quen chamar e eles non o dan feito.
Que facemos entón?
Señores políticos, non se esquezan do rural e de quen aínda reside nel (aínda que sexan poucos votos). Non lles quiten a dignidade olvidándose deles. Vostedes deberían estar ahí para solucionar os problemas da xente e non para crealos.
Saúdos.
O Partido Popular arrasou nestas eleccións 2024 ao Parlamento Europeo no municipio carballiñés, ao obter máis votos que a suma de todas as candidaturas xuntas, dándolle a volta aos resultados das eleccións de 2019, daquéla o PSOE fora o máis votado no concello do Carballiño, xa que obtivera 3.022 votos, nas eleccións deste domingo os socialistas desplomáronse ata os 1.163 votos.
Pola contra, os populares -que en 2019 tiveran 2.481 votos- foron agora os máis votados ao sumar 3.052 sufraxios no concello do Carballiño, cunha porcentaxe do 56% do voto escrutado.
En terceira posición -igual que nas anteriores eleccións europeas no Carballiño- sitúase a candidatura da que forma parte o BNG, aínda que retrocede en votos, pasando dos 702 que acadara en 2019 aos 606 deste domingo.
En cuarta posición sitúase nestas eleccións no municipio carballiñés VOX, que adianta a Podemos que nas anteriores europeas obtivera 302 votos e tan so logrou 52 votos este domingo, mentres que VOX pasa dos 181 votos de fai cinco anos aos 298 nestas europeas de 2024 no Carballiño
Sumar apenas chega aos 42 votos nestes comicios no Carballiño, e o resto de candidaturas suman todas elas 178 votos. Ademáis contabilizáronse 39 votos en branco e 31 nulos.
A participación acadou un 48,30 do total do censo electoral, acudiron as urnas 5.451 electores carballiñeses do total de 11.306 que podían facélo.
No arquivo adxunto tes os resultados nas 19 mesas electorais do concello do Carballiño:
Estes dias recibin unha carta do Concello do Carballiño pra que limpie unha finca. Pois ben, asi me atopo o camiño de acceso a esa finca, o cal me imposibilita pasar para levar a cabo o desbroze. Se os propietarios temos que limpar, o Concello ten que facer o mesmo, e cumprindo os mesmos prazos. O 31 de maio xa pasou. Pra toooodos.
Un mes, de pérdida de agua. Bien tan necesario.
O Centro Cultural Marcos Valcárcel acolleu esta mañá a entrega de premios do proxecto “A Deputación escoita” co que a institución provincial implicou á mocidade no desenvolvemento do territorio a través das súas propostas.
A deputada provincial de Mocidade, Teresa Barge; a directora xeral de Ordenación e Innovación Educativa, Judith Fernández; e o director da Área de Cultura da Deputación, Marcos Vázquez, foron os encargados de entregar os premios ás mellores propostas deste certame que estivo dirixido ao alumnado de 2º de Bacharelato dos centros educativos de toda a provincia.
O xurado do certame destacou “a alta calidade” das propostas presentadas e acordou por unanimidade conceder o primeiro premio a Marcos Fernández González do IES Chamoso Lamas; o segundo premio recaeu en Rocío Rodicio González do Colexio Plurilingüe Santa Teresa de Jesús; o terceiro premio foi para David Crespo Nogueira do IES Chamoso Lamas; e o cuarto premio recaeu en Hugo Pereira Fernández do IES Chamoso Lamas. O premio consiste en dúas entradas para o concerto de Ed Sheran que terá lugar o 6 de xullo no monte do Gozo en Santiago de Compostela.
A maiores, estableceuse un premio de dúas entradas para “O Gozo Festival” ao resto dos participantes no concurso: Carlos Valiñas Rivas, Ismael Santiago Rodríguez, Martín Claudio Cerdeira Varela, Rubén Pedrouzo Bernárdez e Tamara Janeiro Vinhal, do IES Chamoso Lamas.
O xurado estivo integrado polo vicepresidente segundo da Deputación e deputado de Cultura, César Fernández -que actuou como presidente-; Teresa Barge, Montse Lama e Jesús Castrillo, na condición de vogais; e Aurelio Gómez Villar, como secretario do mesmo.
Como cada venres os estudos de COPE O Carballiño foron o escenario da Tertulia semanal, na que desta vez estiveron Manuel Nogueira, Maria Luisa Rodríguez, Fátima Gómez e Sebas Lamazares, con Xan Pinal como coordenador da mesma.
A Asociación de Familias e Mulleres do Medio Rural -AFAMMER- convoca ás mulleres do rural do Carballiño-Ribeiro a participar na xornada gratuíta "Apostamos polo rural, futuro e benestar das mulleres. A muller como impulsora do desenvolvemento".
Terá lugar este sábado dia 8 de xuño desde as 10 da mañá en adiante en Arnoia Caldaria Hotel Balnerario, na vila ribeirán da Arnoia. Ás 14:30 horas faráse un intermedio para o xantar, e lolo pola tarde continuarán as distintas intervencións, ponencias e relatorios nos que se achegarán varios proxectos que son unha realidade no rural de ambas as dúas comarcas.
A xornada pretende, ademáis, servir para revitalizar o movemento das mulleres rurais, e os diversos colectivos e asociacións que forman parte de AFAMMER.
No PODCATS de COPE O Carballiño podes escoitar a entrevista a Maria Asunción Fernández Alberte, portavoz da organización.
Páxinas
- « primeira
- ‹ anterior
- …
- 54
- 55
- 56
- 57
- 58
- 59
- 60
- 61
- 62
- …
- seguinte ›
- última »
