O concurso de ideas para o proxecto integral do Parque Municipal, convocado pola concellería de Medio Ambiente a finais do mes de xullo pasado, entra na recta final. Restan pouco máis de tres semanas para que remate o prazo previsto para a recepción de propostas, fixado para 15 de novembro.

Dende o 1 de agosto, data na que se abriu este prazo, producíronse numerosas entradas na páxina web do concello (www.carballiño.gal) na que se informa desta iniciativa e se ofrece un modelo de instancia para presentar as propostas, que se deberán formalizar a través do Rexistro do concello.

Hai xa propostas rexistradas pero espérase que neste tempo que resta se presenten moitas máis. A iniciativa, que fora aprobada polo pleno da Corporación Municipal a finais do mes de outubro do pasado ano, intenta facer partícipe a toda a sociedade carballiñesa deste proceso que ten por obxecto mellorar o entorno do parque municipal, tendo sempre en conta que se trata dunha superficie de 32 hectáreas de arbolado e zona verde, con prazas, avenidas e camiños que debe conxugar o respeto medioambiental co disfrute.

Así, invítase a todos os sectores da población, persoas físicas, asociacións legalmente constituídas, centros educativos, entidades e persoas xuridicas a realizar as súas propostas. En todo caso, debe respetarse dun xeito especial a esencia medioambiental do parque, procurando un uso sostible dos recursos naturais cos que conta, sen que as actividades de ocio e disfrute poñan en perigo a súa conservación.

Unha vez remate o prazo, avaliaranse as propostas coa finalizade de que poidan formar parte do Proxecto Integral de Reforma do Parque Municipal que se redactará no transcurso do próximo ano. Dende a concellería de Medio Ambiente, que sirixe Érika Paz, anímase aos veciños e asociacións a expresar as súas opinións e ideas sobre o mellor xeito de conservar e valorizar este entorno natural do Carballiño que pronto cumplirá os cen anos de existencia.

Precisamente, o concelleiro non adscrito da corporación carballiñesa Marco Antonio Reboredo, presentou un escrito dirixido á concellería de Medio Ambiente no que solicita darlle a maior difusión posible a esta esta recepción de propostas por parte da veciñanza para a mellora do parque municipal carballiñés.

Tamén se interesaba Reboredo polo estado na tramitación da solicitude, no seu dia aprobado en pleno, para incluir algunhos exemplares existentes no parque no catálogo de árbores senlleiras de Galicia e tamén a solicitude para a declaración do parque como Espazo Natural Protexido de Interese Local.

Este curso pretende formar na multifuncionalidade do monte e nos cultivos alternativos ós tradicionais que na actualidade teñen máis valor de mercado. Con respecto á edición do ano pasado nesta farase en dúas fins de semana e consta tamén dun obradoiro de cociña e conserva de cogumelos.

O programa destas xornadas estaría formado por clases teóricas e cun gran componente práctico, tentando así transmitirlle ós participantes unha idea clara e sinxela dos métodos de cultivo e da riqueza micolóxica do monte galego.

A idea fundamental é a de que os discentes comprendan a importancia que teñen as producións de cogumelos a nivel agrícola así como a colleita no monte, facendo fincapé no aproveitamento de cogumelos como ingreso complementario á producción de madeira de calidade mediante a plantación de frondosas autóctonas ou coníferas micorrizadas. No referente ós cogumelos silvestres o principal obxectivo é o de ensinar ós participantes as principais especies de cogumelos que medran no monte e conciencialos da importancia do aproveitamento sostibel da productividade micolóxica, así como a importancia dunha colleita e identificación axeitada dos cogomelos no monte.

Os discentes aprenderán as diferentes técnicas para o cultivo en sacos e en madeira ou restos forestais. Deste xeito realizarase unha práctica para a produción dun saco de cultivo, seguindo todo o proceso dende a inoculación ata a incubación e produción final, así como a recoleción e transformación dos cogumelos. A conservación e cociñado de cogomelos é outra faceta moi interesante do mundo da micoloxía para poder sacar proveito a este manxar que nos da o monte ou ben o noso propio cultivo ecolóxico na casa.

O curso terá un gran compoñente práctico e dinámico. Ademais da base teórica, no curso realizaranse prácticas de cultivo de cogumelos sobre palla, recoñecemento de especies, micorrización e cociñado de cogumelos. Para a elaboración da cociña micolóxica é preciso unha instalación na que contemos cunha cociña con cabida para tódolos discentes. Este feito contribuirá a que os discentes teñan un coñecemento básico sobre os recursos micolóxicos de cultivo e do monte e poidan tomar decisións na realización de novos cultivos, de tarefas selvícolas ou na plantación de novas especies no monte, así como no seu aproveitamento futuro.

O coñecemento micolóxico contribúe directamente a que se mellore a xestión dos montes, xa que o propietario afecionado e concienciado procura a realización das correctas técnicas silvícolas (podas, rozas do mato e limpeza do soutobosque, plantación de árbores micorrizados,...) para desfrutar deste recurso. As prácticas realizaranse na aula e no monte. Ademáis levaráse a cabo un obradoiro de cociña no último día do curso, aprendendo a cociñar, degustar e conservar os cogumelos silvestres. Esta actividade realizaráse nun local habilitado polo concello para que todos os asistentes poidan cociñar os cogomelos.

Na visita ao monte realizaráse unha práctica de micorrización,recoñecemento de especies de cogomelos e explicaránse as técnicas de apañado de cogomelos, emprego de utensilios e clave dicotómica para o correcto recoñecemento das especies de cogomelos.

Os asistentes a esta saída poñerán en práctica os coñecementos adquiridos na clase teórica, supoñendo unha primeira toma de contacto coas especies de cogomelos atopadas, sendo guiados en todo momento polo formador presente na saída.

Venres 21de Outubro

Horario: 19.00h-22.00h “Introducción ó mundo dos cogomelos silvestres” “Principais especies de cogomelos comestibles e tóxicos de Galicia”

Sábado 22 de Outubro

10.00h a 16.00 h 10.00 h a 13.00 h “Visita ao viveiro de Hifas da Terra. Práctica de micorrización con Boletus edulis en castiñeiro ou carballo” “Saída ao monte para apañado de cogomelos, material e técnicas empregadas. Uso da clave dicotómica” 13.00 h a 16.00 h “Obradoiro de cociña micolóxica”

Venres 4 de Novembro

Horario: 19.00h-22.00h “A micorrización. A plantación de árbores micorrizadas, un exemplo de multifuncionalidade. O castiñeiro micorrizado. As novas plantacións: elección de planta, marcos, tarefas,...”

Sábado 5 de Novembro

Horario: 11.00h-14.00h “O cultivo de cogumelos na casa” Práctica de cultivo: “Elaboración dun saquiño productor de cogumelos (Pleurotus ostreatus)”

O alcalde do Carballiño, Francisco Fumega, e o concelleiro de Personal, Adolfo Nogueira, asinaron cos representantes sindicais de CCOO, CSIF e SPPME un convenio que define os criterios de concesión do complemento de produtividade aos traballadores e traballadoras do concello.

O acordo adoutouse por maioría sindical, e establece criterios de carácter obxectivo para a percepción deste complemento, entre os que figuran a asistencia, a puntualidade así como a especial dedicación e o esforzo no desempeño do posto de traballo.

Este convenio é froito das conversas que se veñen mantendo dende a concellería de Persoal coa representación sindical dos empregados municipais, co obxectivo de definir e consensuar as relacións laborais na institución municipal, e que se deberán plasmar en documentos como a Relación de Postos de Traballo, as Bases para a Contratación de Persoal ou o Convenio Colectivo, que se negocian actualmente entre o concello e os sindicatos.

Neste senso, o convenio é un primeiro paso para avanzar na resolución destas cuestións que hai anos que están pendentes de facerse mediante un acordo entre o concello e os sindicatos.

A directora da Axencia de Doazón de Órganos e Sangue (ADOS), Marisa López García, fixo entrega dun galardón ao alcalde do Carballiño, Francisco Fumega, en recoñecemento pola colaboración dos veciños e veciñas do municipio como doantes de sangue nos últimos 21 anos.

Esta distinción levouse a cabo ao comezo dun acto convocado pola concellalía de Sanidade e a ADOS para informar sobre a doazón de médula.

Marisa López dixo que O Carballiño ten actualmente un censo de 1.800 veciños doantes de sangue, e que a ratio de doazóns é de 50/1.000, situándose como a terceira poboación provincial de doazóns, tras a capital e Verín. Asemade, recordou que a primeira visita da unidade móbil da ADOS foi no ano 95 e que, dende entón, acudiu ao Carballiño 267 veces. Precisamente, nunha das últimas produciuse a doazón número 14.000, polo que se facía entrega deste galardón ao alcalde en agradecemento ao labor solidaria dos carballiñeses.

Francisco Fumega dixo que en 21 anos O Carballiño tivo moitos alcaldes e que, polo tanto, todos tiñan amosado o seu apoio ás campañas de doazón, pero destacou, sobre todo, o mérito dos veciños e veciñas que fan posible este labor solidario e totalmente altruista. Asemade, recolleu o galardón en nome de toda a corporación e da veciñanza.

A continuación, a concelleira de Sanidade, Marina Ortega, presentou a charla sobre doazón de médula, que foi impartida pola directora da Axencia de Doazón de Órganos e Sangue co obxectivo de concienciar á sociedade para a doazón de médula.

Un grupo de 5 traballadoras, apoiadas polo sindicato da CIG e o concelleiro de Alternativa Veciñal Bernardo García, fixeron pública a súa protesta contra o alcalde do Carballeiro e o concelleiro de persoal, aos que fan responsables de quedarse sen traballo.

As traballadoras estaban contratadas por unha empresa adxudicataria do contrato municipal para a limpeza dos centros escolares públicos do Carballiño, un contrato que non foi renovado polo concello carballiñés ao decidir remunicipalizar o servizo e polo tanto realizar os traballos de limpeza con personal contratado directamente polo propio concello.

Nati Álvarez, do sindicato da CIG, manifestou que "as traballadoras síntense engañadas" polos responsables municipais, "nos estamos a favor da xestión pública dos servizos, pero o que se lles pedía é que estar traballadoras seguisen nos seus postos de traballo mentres non se convoca o concurso para cubrir as prazas", dixo.

Pola súa parte, dende o goberno municipal carballiñés, Adolfo Nogueira asegura que "o que se está fecendo é cumplir o acordo do pleno de remunicipalizar servizos, e neste caso se subrogamos a estas traballadoras despóis do informe de Secretaría estariámos prevaricando, e esto xa se lles explicou a estas traballadoras", polo que para o concelleiro é difícil de entender a protesta.

Os responsables da Mancomunidade turística Terras do Avia, que agrupa aos concellos de Leiro, Ribadavia, O Carballiño e Boborás, presentaron novas iniciativas coa idea de mellorar e promocionar os recursos turísticos dos citados catro municipios.

O presidente da entidade e alcalde de Leiro, Francisco José Fernández, deu conta a implantación de códigos QR tanto en formato en alumiño, para exteriores, como para interiores en plástico para locais e establecentos.

En total, serán 500 códigos QR os que inicialmene se van repartir no ámbito dos catro concellos e que "permitirán que estando nun dos concellos imos estar á vez nos catro con toda a información almacenada nestes códigos aos que podemos acceder a través dunha aplicación no teléfono móbil",subliñou Fernández.

Ademáis, tamén anunciou o máximo responsable da entidade a intención de renovar a homologación dos 67 kilómetros de sendeiros cos que conta a mancomunidade turística no ámbito dos catro municipios.

Pola súa parte, o alcalde do Carballiño manifestou "o total compromiso do concello carballiñés coa Mancomunidade Turística, recoñecendo unha labor e unha experiencia que acumula xa 16 anos, e que agora imos tratar de trasladar de forma puntual a outros concellos da comarca", manifestou Fumega.

Este acto desenvolvido na casa do concello de Leiro, e ao que tamèn acudiu a tenente alcaldesa de Boborás Rosa González Doporto e o concelleiro carballiñés de turismo, Manolo Dacal, tamèn servíu para presentar os paneis ilustrativos nos que cada un dos catro concellos mostra as súas festas gastronómicas e acontecementos máis representativos.