O Servizo para a Internalización Educativa (SEPIE) ven de facer pública a relación de Centros Educativos que contarán con bolsas ERASMUS+ Acción K102 para que alumn@s de Formación Profesional realicen prácticas formativas en empresas de la Unión Europea.

Por cuarto ano consecutivo o proxecto O CARBALLIÑO EN EUROPA do IES MANUEL CHAMOSO LAMAS foi seleccionado. Contará con 4 Mobilidades para o curso 2.016/17, sendo un dos dous Centros da provincia de Ourense con proxecto propio, non necesitando polo tanto participar no Consorcio da Xunta de Galicia para ofertar tales mobilidades.

Só 14 Centros Educativos da Comunidade foron elexidos directamente pola SEPIE, e entre eles o IES MANUEL CHAMOSO LAMAS que terá mobilidades para prácticas nos Ciclos Medios. Tamén dende o curso actual o IES Chamoso Lamas leva a cabo un proxecto conxunto coa Escola Profissional de Braga, chamado Contabilidade em duas linguas na que o alumnado de Administrativo de ambos centros poidan coñecer a través dun aula virtual as diferencias e semellanzas entre os sistemas fiscais, contables e laborais de España e Portugal.

Nestes tres anos ata 18 alumn@s do Chamoso dos Ciclos de Administración, Electromecánica de vehículos e Electricidade fixeron mobilidades de case tres meses en Italia (Perugia, Venosa e Bari), Portugal (Braga e Vila do Conde) e Malta. Esta experiencia permitiúlles mellorar as súas competencia profesionais en empresas doutros países cun impacto favorable na súa empregabilidade, así como coñecer unha lingua estranxeira, outra cultura e facer amistade con xente doutros países.

En definitiva, non deixa de ser una boa nova para os alumnos dos Ciclos Formativos Medios e Superiores, xa que poderán vivir en primeira persoa a experiencia de coñecer outo país, outra lingua e outra cultura mentras realizan as súas prácticas de traballo no estranxeiro, tendo en conta ademáis que na actual convocatoria só se lle presentará esta oportunidade en toda a provincia de Ourense ós estudantes do IES Manuel Chamoso Lamas.

A I Feira Medieval do Carballiño terá como lema “A Liorta”, e representa o conflicto xurdido entre as distintas xurisdiccións de finais do século XV polo traslado da feira de Cea ao Carballiño e os dereitos da mesma. De aí que se deseñase un anagrama coa Cruz de Malta da Ode de San Xoán; a cruz San Matiño Pinario e a pegada dun oso, como símbolo de Oseira.

A I Feira Medieval do Carballiño celebrarase do 8 ao 10 de xullo e contará cun mercadiño de arredor de 80 postos, actividades de animación de rúa, exposicións temáticas, zona de xogos infantís, representacións teatrais, malabares, cetrería, combates a cabalo, música e pirotecnia pola noite.

A feira extenderase dende a Praza dos Liborianos ata a praza da Veracruz, pasando pola Praza Emilia Pardo Bazán, Praza Maior, Praza Irmáns Prieto e rúa do Paseo, cunha conexión entre todas, e terá unha ambientación e decoración acorde coa época que representa.

O acto de presentación contou coa asistencia do concelleiro de Cultura, Diego Fernández; o concelleiro de Turismo, Manuel Dacal, e un representante da empresa “Rivendel Mercados Temáticos”, Pablo Llorente.

Fernández dixo que o concello do Carballiño tiña moita ilusión neste evento novidoso para a vila, e que esperaba que a experiencia fose positiva para a hostalería e o turismo.

Asemade, anunciou unha representación teatralizada dos feitos que provocaron “A Liorta” a finais do século XV.

Pablo Llorente, pola súa parte, asegurou que a montaxe do mercadiño e a realización de actividades contan co aval de compañías de eventos moi contrastadas e con moita experiencia, polo que se garanten uns bos espectáculos e unha feira dun gran atractivo turístico.

O Cartaz anunciador desta edición da festa reproduce ducias de rabos de pulpo e trata de ser unha alegoría que fai o autor do mesmo, Xesus Carballido "un efecto multiplicador deste símbolo da gastronomía do Carballiño, como é o pulpo á feira", subliñou o alcalde no acto de presentación na casa do concello.

Fumega estivo acompañado por representantes de institucións, entidades e patrocinadores da festa carballiñesa, e ante eles anunciou que a edición deste ano estará dedicada ás vilas e cidades galegas e portuguesas que integran a asociación do Eixo Atlántico, da que forma parte o concello carballiñés.

Aínda que esta dedicatoria terá dous rrefrentes principais: a cidade portuguesa de Vilanova de Gaia, dunha poboación de 300.000 habitantes na área metropolitana do Porto, e Pontevedra, como capital das Rías Baixas. Ademáis, tamén se desenvolverán actos promocionais da festa noutras dúas cidades hístoricas portuguesas, como son Braga e Viana do Castelo.

A Festa do Polbo deste ano contará por primeira vez cun tríptico promocional escrito en cinco idiomas: inglés, francés, portugués, castelán e galego, en palabras do alcalde "é un xeito de ir cara a consecución da declaración de Festa de Interese Turístico Internacional".

Nos próximos dias presentaráse a totalidade da programación festiva que se iniciará a principios do mes de agosto e culminará coa gran "pulpada" o domingo 14 no parque municipal.

A programación incluirá máis de cincuenta actividades diferentes, culturais, deportivas, lúdicas e gastronómicas, que se desenvolverán nas dúas primeiras semanas do mes de agosto.

Un convenio asinado polo alcalde do Carballiño, Francisco Fumega, co presidente da Deputación Provincial, José Manuel Baltar, permitirá acondicionar o entorno da área recreativa do Bañiño de Arcos.

O importe deste convenio é de 60.000 euros, aportados integramente pola institución provincial dentro do Plan Termal da Deputación. O proxecto para a mellora deste entorno natural do manantial de auga termal de Arcos será redactado polo arquitecto municipal e contemplará diversos aspectos, entre os que se inclúe a zona de aparcamento para vehículos, o parque da carballeira e a propia fonte e o estanque, sobre todo, para evitar que se encharque, como acontece cando o río vai crecido. Para isto é preciso mellorar o sistema de desague.

A adxudicación e execución do proxecto corresponderalle á Deputación Provincial. O Bañiño de Arcos é unha das fontes termais máis concurridas do Carballiño e incluso da comarca, sobre todo, no verán pero tamén durante o resto do ano. As propiedades míneromediñais da súa auga atraen a centos de persoas que se achegan ata o lugar para encher botellas e garrafas e levalas para as casas.

Non obstante é tamén unha zona recreativa moi axeitada para descansar e un lugar de encontro da veciñanza. Por iso o proxecto que se vai executar co financiamento da Deputación axudará a facer un entorno máis acolledor. Nestes próximos días quedará completada asemade a nova sinalización do Bañino de Arcos que se realiza a través da Secretaría de Turismo.

Os paneis indicativos de dirección sinalarán o Bañiño de Arcos no cruce dos Catro Camiños, e no cruce de acceso á fonte termal, na estrada da Piteira, co obxectivo informar e indicar o acceso aos visitantes que descoñecen a existencia deste lugar ou que nunca estiveron nel. Estes novos indicativos forman parte da campaña de información turística promovida pola Xunta sobre os balnearios e as fontes termais da provincia e, concretamente, nesta zona, das comarcas do Carballiño e do Ribeiro.

Así, aparecen reflexados en paneis de situación e indicativos de dirección os balnearios do Carballiño e de Partovia.

Sendeiro peonil

A deputación provincial xa financiara en 2015 a construcción dun sendeiro peonil de acceso ao Bañiño de Arcos, dende a antiga pisfifactoria ata esta fonte de auga minero-medicinal, que transcurre pola ribeira do río Arenteiro. Para esta actuación, o concello do Carballiño contara cunha aportación económica de 50.000 euros.

O Gran Balneario do Carballiño e a igrexa de Santomé O Novo de Maside, dúas obras emblemáticas do arquitecto Daniel Vázquez-Gulías na comarca do Carballiño, acaparan a atención da primeira actividade que promove o centro cultural que leva o nome do arquitecto nado en Beariz no ano 1869.

O edificio do Gran Balneario foi inaugurado no ano 1900 e a igrexa de Maside en 1910, e ambas construccións son, cada unha no seu estilo, moi significativas na obra da Daniel Vázquez-Gulías.

A visita a ambos monumentos será guiada polo arquitecto nado en Maside, Óscar Gónfer.

A visita comezará ás 11,00 h., cunha recepción do alcalde de Maside, Celso Fernández, aos integrantes e convidados do centro cultural desplazados en autobús dende a capital da provincia. A continuación percorrerase a igrexa de Santo Tomé.

Ás 12,00 h., está previta a chegada ao concello do Carballiño, onde serán recibidos polo alcalde, Francisco Fumega. A continuación traladaranse ata o Balneario, onde serán recibidos polo xerente e se percorrerán as instalacións; sobre as 14,00 h., proxectarase un video sobre a vida e a obra de Daniel Vázquez-Gulías no restaurante Comonacasa e, de seguido, haberá un xantar.

Entre os convidados que xa confirmaron a súa asistencia a estes actos figuran o presidente da delegación en Ourense do colexio de arquitectos, Alberto de Paula, e o arquitecto nado no Carballiño Manuel Gallego Jorreto, premio nacional de arquitectura.

Asemade, tamén se espera unha representación institucional do ámbito cultural da Deputación, do concello de Ourense e da Xunta de Galicia.

A presidenta do centro cultural e neta do arquitecto homenaxeado, Lucila Vázquez-Gulías, convida ás asociacións culturáis, ao colectivo profesional da arquitectura e a todas as persoas que teñan interese en coñecer o legado de Daniel Vázquez-Gulías, a participar nestas visitas ao Carballiño e a Maside que marcan o comezo da actividade do centro cultural creado recentemente para promover a vida e a obra deste insigne arquitecto bearicense.

Un numeroso grupo de pais e nais do colexio infantil do antigo Campo da Feira, dependente do Colexio Calvo Sotelo, trasladaron esta mañá a súa preocupación ao concelleiro de educación, Diego Fernández, pola problemática que afecta ás instalacións escolares.

Apuntan á falta de limpeza que está provocando problemas de insalubridade, xa que -aseguran- incluso se detectaron varios casos de cativos afectados por enfermidades provocadas pola presenza de pulgas nas instalacións.

Referíronse a outro tipo de deficiencias, como a falta de mantemento das instalacións exteriores e o deterioro de elementos de xogo, que mesmo poñen en perigo a seguridade dos cativos.

Lamentan, ademáis a actitude da dirección do colexio "que nin xiquera atende os nosos escritos e nin xiquera se digna a recibirnos para que lle traslademos toda a preocupación que sentimos por esta situación", manifestan.

Pola súa parte, o concelleiro de educación Diego Fernández subliñou "que o concello non debería ter competencias nesta materia, pero asi e todo dedicamos perto dos 60.000 euros anuais a limpeza nestes centros escolares". Ademáis, comprometeuse a trasladar estas queixas á Consellería de Educación.

A concellalía de Turismo e os establecementos hostaleiros integrantes da Ruta das Tapas promoverán unha ruta especifica na semana grande da Festa do Pulpo.

Será, por suposto, unha xornada na que os pinchos que se elaboren estarán adicados a este produto, cuxo día de celebración ainda está por decidir.

O concelleiro José Manuel Dacal; o presidente do Centro Comercial Aberto, Julián Garriga, e representantes da hostalería asistiron hoxe no concello ao sorteo dos premios entre os clientes que participaron nesta ruta ao longo da tempada. Asemade, fixose un balance da mesma.

José Manuel Dacal asegurou que a iniciativa foi un éxito e que se repetirá, incluso con máis locais dos inscritos actualmente, que son 29.

Houbo arredor de 2.000 papeletas cubertas para optar aos premios entre os clientes nalgunha ou varias destas edicións da Ruta das Tapas. A única condición que se esixía era que tivesen cada unha o selo de seis establecementos hostaleiros, como minimo.

Os premios consisten en 5 bonos por valor de 200 euros cada un para mercar no comercio do Carballiño, e unha viaxe para dúas persoas por xentileza da bodega Pazo Tizón.

Así pois, realizouse o sorteo e o resultado foi o seguinte:

Premios de 200 euros: Eulogio, Juan Pedro Alonso, José Manuel Sobrado, José Trigás Vázquez e José Fernández Nogueira.
Premio dunha viaxe: Pilar Caballero.

Noraboa aos afortunados e afortunada.