A Asociación fotográfica O Potiños, en colaboración co concello do Carballiño, convoca para o próximo domingo, 29 de maio, unha nova edición do Festival “Pon unha foto na rúa”.
Este evento ten por obxecto secundar unha iniciativa internacional, á que se adheriu España no ano 2009, dirixida a promover a arte fotográfica en todo o mundo.
O Potiños celebra a terceira edición, e consiste na exhibición de fotografías cedidas polos veciños, que se colocan en paneis ou pendurando dunhas cordas nos soportais e na Praza Maior.
Por isto, o presidente da asociación, Manuel Blanco, que realizou a presentación xunto co concelleiro de Cultura, Diego Fernández, pediu a colaboración veciñal para que aquelas persoas que o desexen acudan á Praza Maior do Carballiño coas súas fotografías para que poidan ser expostas e contempladas polos demáis veciños.
As fotografías poden ser de calquera temática, estilo e tamaño, sempre que midan máis de 10 cm. Este festival fotográfico desenvolverase o domingo, 29 de maio, dende as dez da mañá ata as oito da tarde, ininterrumpidamente, pois contará en todo momento coa presencia dos membros da asociación O Potiños.
Como unha actividade complementaria, esta asociación vai montar unha carpa cedida polo Centro Comercial Aberto, na que instalará un estudio fotográfico completo para realizar retratos artísticos a todas as persoas que o desexen. Estes retratos formarán parte dunha exposición que se realizará nun local da rúa do Paseo. Ao mesmo tempo, nesta carpa, os membros da asociación continuarán recollendo fotografías antigas para formar parte dun fondo fotográfico do Carballiño.
As fotografías serán escaneadas e devoltas aos seus donos no momento. Manuel Blanco asegurou que a colaboración dos carballiñeses coas actividades da asociación era sempre moi importante e que esperaba unha gran participación nestas iniciativas que se desenvolverán o domingo na Praza Maior e nos soportais na rúa do Paseo. Pola súa parte, Diego Fernández agradeceu o traballo que desenvolve esta asociación a prol da fotografía e resaltou que a súa actividade complementa e enriquece a programación cultural do concello, e que por iso hai una mútua colaboración.
O concello do Carballiño convoca ao sector hostaleiro a unha reunión que terá lugar este martes, 24 de maio, ás 17,00 h., no salón de plenos, co obxectivo de incentivar a súa participación na programación dos festexosmáis importantes do verán, fundamentalmente, do Carnaval de Verán, da Festa do Pulpo e das festas patronais do mes de setembro.
A convocatoria parte da concellería de Turismo e Festexos, pero tamén da de Medio Ambiente, pois búscase a implicación deste sector para que colabore na campaña de difusión de boas prácticas na xestión dos residuos urbanos e reciclaxe, posta en marcha hai unas semanas.
Nesta campaña, que xa conta coa colaboración do Centro Comercial Aberto, o sector hostaleiro é unha peza clave, xa que produce unha gran cantidade de residuos de todo tipo e, ademáis, son lugares de encontro da veciñanza e poden axudar a difundir os folletos e carteis da campaña.
Así, pois, a esta reunión acudirán os concelleiros de Turismo e Festexos, José Manuel Dacal; a concelleira de Medio Ambiente, Erika Paz, e o concelleiro de Cultura, Diego Fernández.
Cando falta menos dun mes para o comezo da tempada de verán e coobxectivo de sumar incentivos, dende o concello quérese conseguir a maior implicación posible do sector hostaleiro, e por iso nesta reunión do martes proporase a edición dunha guía turística do verán con información das festas e dos eventos culturáis e de lecer, dos lugares de interese e da oferta hoteleira e de restauración.
Asemade, a proposta de varios hostaleiros, trataranse outros temas específicos do sector, como a armonización de prezosd algúns productos de maior consumo nos bares e mesóns.
Los socialistas de Leiro a través de su portavoz municipal Manuel Rodríguez Vázquez mantuvimos una reunión con un grupo de vecinos del pueblo de Vieite en el Ayuntamiento de Leiro, los vecin@s de la calle Cruceiro que nos trasladaron una inquietud grave, por una casa que está en estado de ruina.
Según nos comentaron los vecinos que desde el Ayuntamiento no se están a tomar medida alguna para garantizar la seguridad de la zona ya que dicha casa está en estado ruinoso e incluso nos comentan que presentaron un escrito por registro, poniendo en conocimiento de las autoridades municipales la peligrosidad de la construcción por la caída de cascotes a la vía pública con los consecuentes peligros para la integridad física de los vecin@s que pasan a diario por ella, un dato importante y que nos reseñaron es que hace cuatro años que viene sucediendo y a día de hoy no recibieron contestación del Ayuntamiento, por eso se dirigieron a nosotros como representantes suyos, para ver que medidas se podían adoptar.
El Grupo Municipal Socialista les anima a presentar otro escrito, incidiendo en lo mismo y si las autoridades municipales no toman medidas urgentes, proceder a una recogida de firmas por todo el pueblo de Vieite e incluso en el conjunto del Ayuntamiento, ya que los vecinos están dispuestos a tomar todas las medidas necesarias, dicen: “estar hartos por la pasividad mostrada desde la Alcaldía”, el problema cada día que pasa es mayor, y el deterioro de la casa se acrecienta cada vez más con el paso del tiempo y por factores como la climatología , si pasara algo grave a algún vecino del lugar por la caída de cascotes, que dirán después las autoridades, por eso queremos una solución ya, de una manera o de otra.
Dúas das orquestras de moda e con máis tirón popular na actualidade en Galicia, "La Fórmula" e "El Combo Dominicano" (Na foto) forman a programación musical estelar destas festas de Santa Rita 2016 que se celebran en Dacón do sábado 21 ao lúns 23.
As actividades programadas pola comisión de festas comezan ás 6 da tarde do sábado cunha festa infantil animada polo paiaso Tanito e o seu espectáculo "Sonrisas máxicas". Pola noite, celebraráse unha cea-xuntaza popular, que estará amenizada polo Showman Carlos Padrón e o pregón festivo, a cargo de Manuel Dominguez, chef estrela Michelín. Un folión de lucería completará a programación sabatina.
O dia de Santa Rita, o domingo 22, iniciaránse as misas na igrexa parroquial ás 7,30 da mañá, e sucederánse durante toda a xornada matinal ata que ás 12:30 do mediodia sairá a procesión, seguida de misa solemne. Ofrecerá pasarrúas e concertos a banda de música de Vilanova dos Infantes. Para a festa e a verbena estarán "La Fórmula" e Disco Móvil co DJ Charlie.
Xa finalmente, o lúns 23 haberá alborada coa charanga Castro Bello e o grupo de gaitas "Os achegados". Pola noite, amenizarán a verbena o DJ Lino e actuación estelar de "El Combo Dominicano"
Levamos días sen que o sr. alcalde de Maside diga nada dos "postos de traballo" que se prevían nese concello co gallo da fábrica de "reciclaxe limpa" de neumáticos. E unha mágoa porque somos moitos os que, guiados polas suas verbas e polas suas promesas sempre o apoiamos, votamos, e contábamos con que agora tivésemos unha oportunidade de acadar un posto de traballo dese grande invento de reciclar neumáticos que xa existe en Seseña y en varias localidades de Galicia. http://www.laregion.es/articulo/galicia/cementerio-90-000-neumaticos-ala...
O portavoz do Partido Popular no concello do Carballiño presentou o contido dunha moción que tratará no próximo pleno a Deputación de Ourense e para a que os populares agardan o apoio unánime do resto dos grupos políticos.
A iniciativa ten por obxecto instar á Xunta de Galicia e ao Goberno de España á mellora, con carácter inmediato, dos servizos públicos de transporte entre O Carballiño e a capital ourensá, aínda que tamén se solicita de modo xeral a revisión da situación das outras vilas máis poboadas da provincia.
“Non podemos permitir que contando con vías de altas prestacións e estando a 15 minutos de Ourense sexan os propios servizos públicos de transporte os que nos estean a alonxar do mundo”, afirmou o voceiro do PP no Carballiño na súa intervención, na que agredeceu a sensibilidade amosada polo presidente da Deputación, Manuel Baltar, “cunha vila e comarca na que residen 30.000 ourensáns”.
Marnotes puntualizou que todos os grupos políticos con representación no Concello do Carballiño, ademais de toda a veciñanza, están unidos na demanda dun mellor transporte público, unanimidade que tamén reclamou aos grupos políticos na Deputación xa que, segundo dixo, “esta moción so debe ser enriquecida, nunca rexeitada, e moito menos motivo de desunión na nosa provincia”.
O voceiro popular no Carballiño foi máis aló ao sinalar que a reunión da semana pasada entre o presidente da Deputación e os representantes políticos municipais carballiñeses “non só axudou a ver a problemática que o transporte público está a xerar no noso territorio, senón que amosou que é un problema fácilmente trasladable a outros lugares da provincia”.
Argimiro Marnotes engadiu que con esta moción dase inicio “a unha aposta firme, a prol dun transporte público provincial e de calidade”, lembrando que así figura no Plan 15-19 da Deputación, xunto con outras iniciativas como o servizo de transporte á demanda ou o metro de superficie.
O alcalde do Carballiño, Francisco Fumega, publicou un bando municipal para render homenaxe á lingua galega, a Manuel María e ao Cantigueiro de Orcellón.
Asemade, convida á veciñanza a participar mañá nos actos do Día das Letras Galegas. Neste bando, amósase orgullo e gratitude hacia Manuel María por terlle dedicado ao Carballiño e á comarca unha escolma de cantigas sobre os lugares máis senlleiros, os persoeiros e os oficios tradicionais, e lémbranse as iniciativas desenvolvidas polo concello en homenaxe ao poeta e á súa obra dende o pasado mes de abril.
Así, recóllese a reedición do Cantigueiro de Orcellón e o acto de presentación do mesmo; unha exposición e a lectura de cantigas e poemas o Día Internacional do Libro; unha pintura mural na Praza Maior; a edición dun marcapáxinas e o nomeamento de Fillo Adoptivo da Vila do Carballiño. Por outra parte, xa está instalada, a carón da fonte de Flores, unha nova placa no monolito coa cantiga que Manuel María lle dedicou a esta fonte e que estaba completamente deteriorada por causa de actos incívicos.
Así, o itinerario do Cantigueiro de Orcellón, creado no ano 2005, volta a recuperar o seu aspecto orixinal. En concreto, son sete os monolitos instalados: Praza Maior, Fonte do Concello, Fonte de Flores, Eira de Flores, A Feira (na praza das Galiñas), o Templo da Veracruz e a Pena dos Namorados. Este itinerario vai ser o protagonista dos actos organizados polo concello para festexar mañá o Día das Letras Galegas.
Comezará ás 12,30 h., e desenvolverase na Praza Maior. Neste acto colabora Aspadisi, que será protagonista da homenaxe a Manuel María e ao Cantigueiro de Orcellón. Asemade, está previsto realizar a continuación un percorrido por este itinerario do Cantigueiro de Orcellón.
O Grupo Municipal Socialista no Concello de San Amaro, faise eco dunha denuncia veciñal da Asociación de Veciños das Neves de Grixoa, respecto do desfrute do local multiusos da parroquia. Os veciños/as das Neves, a través da súa Asociación, canalizaron unhas queixas dirixidas ao Concello de San Amaro, polo trato recibido respecto ao uso do mencionado local que está a ser remodelado para destinalo a Velorio da parroquia. Tal como relatan no escrito, dende hai máis dun ano, os veciños e veciñas das Neves de Grixoa, recibiron autorización expresa do Alcalde do Concello, Ernesto Pérez, para facer uso do local para as súas actividades, con chave incluída para poder acceder. Cando estaban desenvolvendo a súa actividade de ximnasia, o pasado martes de 10 de maio, como cada martes e xoves, outro grupo de veciños/as da citada parroquia, persoouse no local e comunicaron que con motivo da habilitación do local para usalo como Velorio, tiñan que retirar os seus obxectos de ximnasia e outros útiles de alí, para que os obreiros puideran traballar. O Presidente da Asociación, non amosou, en ningún momento, a súa oposición á petición realizada, se ben, comunícoulles que non podería facelo ata o xoves 12, por motivos laborais. Cal non é a súa sorpresa, cando chega ao local e atopa a fechadura cambiada, imposibilitando o seu acceso e todos os enseres da Asociación, ciscados na entrada. Ata os propios obreiros que andaban a facer a adaptación do local, dixeron que non molestaban en absoluto.
Os membros desta asociación non entende como, despois de amosar a súa disposición a retirar os enseres, se lles trata deste xeito, sen notificarlles nin a retirada nin o cambio de fechadura, cando sempre tiveron autorización para usar o local, sempre sen problemas. Postos en contacto co Alcalde de San Amaro, para pedirlle as explicacións oportunas e que se persoase no local para ver o que estaba a acontecer, en troques, só recibiron por resposta que el non sabía nada do cambio de fechadura e que estaba canso do tema e non quería saber nada. Interpelado por se consideraba os feitos coma algo normal, a súa única contestación foi que el non era quen para valorar a normalidade ou anormalidade dos feitos relatados polos veciños/as. Ante tal deixadez de funcións, os veciños/as da asociación, procederon a rexistrar o escrito do que se da conta neste comunicado do Partido Socialista, porque atopan inxusto o trato recibido. Os membros da Asociación de Veciños das Neves de Grixoa, xamais amosaron oposición algunha á habilitación do local para velorio, se ben nunca foron consultados pola Asociación de nova creación, impulsada polo señor Alcalde, para asinar ou contribuir coa cota veciñal para acometer tal obra. En todo momento, a nova Asociación deixou fóra aos veciños/as que facían uso do local ata o de agora. A inoperancia, irresponsabilidade e deixadez de funcións do Alcalde, chegou ata o punto de non facerse cargo da situación e non tentar, alomenos, a mediación entre uns veciños e outros.
Así pois as cousas, os veciños e veciñas da Asociación de Veciños das Neves de Grixoa, ven no trato recibido por parte do Concello, unha clara discriminación en favor doutra Asociación. Non saben se están en pé de igualdade á hora de usar o novo Velorio que se está a facer nin se están considerados veciños da parroquia con todos os dereitos, vistos os acontecementos. Así mesmo, pediron, no seu momento, explicacións ao Alcalde sobre a pertinente licenza de obras para acometer reformas no local, sendo respostados que non se lles ía dar permiso por escrito algún, que podían comezar as obras cando quixeran, desentendéndose, novamente, das súas responsabilidades. Polo que, vistos estos antecedentes, os veciños/as da AAVV Neves de Grixoa, esixe saber se a nova Asociación conta cos permisos municipais oportunos para acometer as obras que xa comezaron e esixen do Concello, as medidas oportunas para sancionar os actos levados a cabo (cambio de fechadura e retirada de enseres sen permiso nin supervisión).
Os veciños e veciñas da AAVV Neves de Grixoa, considera que ten que ser dende a xestión municipal, dende onde se actúe e se medie para establecer o uso compartido dun local multiusos que pertence a todos os veciños e veciñas da parroquia e non só a uns cantos. Reiteran que o local da para moitas actividades, máis aló do Velorio e que se pode garantir un uso compartido, regrado e civilizado. Así mesmo, solicitan do Concello que lles acheguen as copias da licenza de obra e planos da habilitación do local en velorio así coma a pertinente sanción a quen fixo un uso privativo das instalacións.
Páxinas
- « primeira
- ‹ anterior
- …
- 569
- 570
- 571
- 572
- 573
- 574
- 575
- 576
- 577
- …
- seguinte ›
- última »
