O actual goberno de Piñor "estableceu como prioridade a mellora do firme das estradas do concello, motivo polo cal, recén chegados ó goberno fixemos unha análise polo miúdo da situación actual das estradas do concello, se valorou e se estableceu unha priorización na sua execución",manifestan dende o concello.

Coas últimas choivas o deterioro agravouse polo que o Alcalde de Piñor, José Luis González, afirma que "todas as obras teñen que ter unha planificación tanto temporal como de execución polo que era necesario a chegada do bo tempo para que deran comezo nas condicións óptimas".

As estradas que o concello de Piñor arranxará durante o verán e ata a entrada do outono serán:
1. Estrada da Eirexe de Torcela ao Outeiro .
2. Estrada de Vilar á Eirexe de Torcela.
3. Estrada de de acceso ó pobo Outeiro de Torcela.
4. Camiño de Coiras a Carbadelliña .
5. Camiño de Outeiro de Loeda que une coa estrada que vai a Carballiño.
6. Reparación do firme da estrada de Piñor a Loeda.
7. Pavimentación das rúas do pobo de A Corna.
8. Pavimentación da estrada de Coiras ó cruce de Sextos.

Segundo o Alcalde de Piñor, José Luis González; “As obras de mellora do firme das estradas están financiadas polo Concello de Piñor, pola Xunta de Galicia e pola Deputación de Ourense; que pon de manifesto que a colaboración entre Administracións é necesaria coa finalidade de levar adiante proxectos nos pequenos concellos do rural. Trátase de obras moi demandadas polos veciños e que sen dúbida permitirán mellorar a súa calidade de vida, e un incremento na seguridade viaria; posto que teñen que pasar por elas diariamente.

O Alcalde afima que é “consciente de que estas non son todas as necesarias pero sí son as máis urxentes e as que afectan a máis poboación; son coñecedor da necesidade do acceso ó pobo de Sextos, da estrada de Senra, e da necesidade de unha boa capa de rodaura para a estrada de Loeda-Piñor que acometeremos o próximo ano; así como outros pequenos camiños que nunca tiveron asfalto e son merecentes delo. Este é o primeiro ano de lexislatura e traballamos para dotar Piñor e os seus pobos de bos accesos que non supoñan unha traba na accesibilidade para os seus veciños”,subliña o alcalde de Piñor.

O director xeral de Orientación e Promoción Laboral da Xunta, Alfonso Marnotes, acompañado da delegada da Xunta en Ourense, Marisol Diaz, anunciou que O Carballiño contará cunha "Lanzadeira de Emprego".

Esta iniciativa consiste nun programa que inclúe asesoramento, orientación e formación para mellorar a procura dun posto de traballo.

O municipios do Carballiño e Ourense son os únicos dous no ámbito provincial que van contar con este programa, do que se van beneficiar 120 persoas.

O proxecto establece unhos obxetivos de inserción laboral dos traballadores que participen nel, tendo que acadar un emprego como mínimo do 25% dos participantes.

Obradoiro de Emprego para os concellos do Carballiño, San Amaro, Boborás e Maside

A Xunta tamén anunciou a concesión dun novo obradoiro de emprego intermunicipal para os concellos do Carballiño, San Amaro, Boborás e Maside.

Ofrecerá formación e emprego a 20 persoas e contará cun orzamento de 180.000 euros.

As brigadas municipais de obras e medio ambiente acondicionan estes días o entorno do Parque no que se vai desenvolver o próximo sábado, 11 de xuño, a Festa dos Maiores. Neste labor tamén colaboran os traballadores de protección civil lavando as rúas centrais e desatascando os sumidoiros con auga a presión.

Ademáis da limpeza xeral, con desbroces, corte de herba e retirada de ramas, procédese á revisión e limpeza das instalacións de aseos, así como das fontes, tomas de corriente e de auga, e a montaxe da infaestrutura de mesas e bancos para o xantar do recinto oficial.

Asemade, ultímase o operativo da policía local e protección civil para cubrir as necesidades de tráfico e seguridade deste evento que reúne cada ano a milleiros de persoas chegadas de toda a provincia e de Galicia para compartir unha xornada de lecer neste marco natural do Carballiño.

Cativeiras previsións de asistencia

Lonxe quedan, fai unhos anos atrás, aquelas edicións multitudinarias nas que a asistencia a esta Festa dos maiores rebasaba as 30.000 persoas.

Nas últimas edicións celebradas constátse o declive desta convocatoria festiva, de feito as previsións para este ano apuntan a apenas 40 autocares que están reservados para achegar aos participantes ata O Carballiño, procedentes de diversas localidades galegas

O concello do Carballiño renuncia á contratación de brigadas de prevención e extinción de incendios forestais, "por entender que se trata dunha competencia autonómica que debería asumir directamente a Xunta de Galicia, e porque non pode asumir o custo adicional que representa este servizo para as arcas municipais, nin contar coas instalacións adecuadas para albergar aos brigadistas".

Neste senso, as condicións que se establecen para realizar esta contratación -manifestan dende o concellos- resultan de difícil cumprimento para o concello, xa que esíxense 50 hectáreas de desbroce de monte por cada brigada e resultan difíciles de realizar e certificar.

O motivo principal "é que se leva ás brigadas a camiños e a montes de difícil acceso onde non poden entrar maquinaria pesada, como os tractores, e así resulta imposible acometer o traballo e cubrir os obxectivos", subliñan.

Por outra parte, considérase mais idóneo o desbroce daquelas zonas forestais próximas ás vivendas, que pudieran poñer en perigo bens e persoas, e isto non se contempla. No fondo -indican dende o goberno municipal- existe unha clara discriminación con respecto ás prioridades e ao papel que deben xogar os concellos nesta cuestión, quedando relegados a un segundo plano na toma de decisións pero debendo asumir a responsabilidade dun servizo para o que non é competente nin para o que non conta cos recursos necesarios e suficientes.

Por todo isto, o concello do Carballiño vese na obriga de renunciar á contratación destas brigadas, que é un servizo de ámbito autonómico e que, como tal, debe asumir directamente a Xunta de Galicia.

O Partido Popular lamenta "a deixadez, irresponsabilidade e vagancia" do grupo municipal de goberno.

Para acceder ao comunicado do Partido Popular prema no arquivo adxunto:

O Alcalde de Piñor, José Luis González Rodríguez, acompañado de concelleiros e membros da organización do Rallymix de Piñor plantaron no día de hoxe 32 árbores autóctonas na parroquia de Torcela e no campo da festa do Arenteiro, coincidindo co Día Mundial do Medio Ambiente.

O concello de Piñor celebrou o pasado mes de abril o I Rallymix e comprometeuse a plantar na zona do trazado unha árbore por cada piloto inscrito na proba, como acto simbólico para minimizar o impacto medioambiental ocasionado polos coches participantes.

Ás árbores son de especies características da zona e plantáronse na súa maioría na área recreativa da Eirexe de Torcela e no campo da festa do Arenteiro.

As especies foron cedidas pola Xunta de Galicia ó Concello de Piñor coa finalidade de contribuír á posta en valor do medio ambiente no rural galego, dos recursos naturais e da sostibilidade medioambiental.

A Festa das Parroquias cubriu todas as expectativas e congregou a numeroso público que se achegou dende todas as aldeas do municipio do Carballiño ata Arcos, parroquia anfitriona desta vixésimo cuarta edición.

Para o xantar, a asociación de veciños de Arcos, organizadora do evento, tivo que ampliar o número de pratos previstos inicialmente ante o incremento de comensais, a última hora.

Xunto con arredor de trescentas persoas, entre as que estaban os representantes das asociacións de veciños de todo o municipio, asistiron ao xantar o alcalde, Francisco Fumega; concelleiras e concelleiros do grupo de goberno e do PP, así como o portavoz deste grupo, Argimiro Marnotes.

Tanto o alcalde como a concelleira de Medio Rural, Rosario González, subliñaron a excelente organización da asociación de veciños de Arcos e a alta participación do resto das asociacións veciñais, contribuindo ao éxito da festa, que é, segundo dixeron, unha mostra da implicación e da importancia do mundo rural como parte esencial do Carballiño.

Antes tivo lugar unha misa e un concerto da banda escola de música do Carballiño. Tras o xantar, comezou a animación musical e o baile a cargo do Dúo Master. Tamén se entregou o ramo á Federación de Asociacións de Veciños, que se encargará de organizar o 25 aniversario desta Festa das Parroquias, que se celebrará o próximo ano no Parque Municipal do Carballiño.