Alumnos dos dous institutos do Carballiño viaxaron este xoves rumbo a Irlanda, para formalizar así o primeiro intercambio entre estudantes dos dous países.

En total son 12 estudantes do Carballiño e unha estudante de Boborás, xa que son estes dous concellos son os que organizaron o intercambio e o futuro irmandamento coa localidade irlandesa de Oranmore.

Os rapaces e rapazas do Carballiño pasarán 7 días en Irlanda, aloxadas en casas familiares, compartindo e descubrindo asconstumbres e o idioma das súas familias de adopción, así como a cultura e as tradicións irlandesas.

Pola súa banda os alumnos irlandeses devolverán a visita aos seus compañeiros do Carballiño e Boborás, durante a primeira semana de agosto, onde descubrirán a cultura galega, nosas tradicións e poderán gozar de algo único e inigualable como é a Festa do Polbo.

Este intercambio xurdiu a finais do pasado ano, cando a senadora irlandesa Fidelma Healy, visitou O Carballiño e Boborás, invitada pola fundación Antón Losada.

Así dende os dous concellos se remitiron escritos para os alumnos de todos os centros educativos da vila que imparten a ESO, para que os interesados se inscribisen neste proxecto.

Finalmente, e tras a selección realizada, foron 13 os alumnos que viaxan a Irlanda, dende este xoves 19 de xuño ata o 26 do mesmo mes. Partiron ás 13:00 horas, dende a praza maior do Carballiño, onde foron despedidos polo alcalde carballiñés, o seu homologo de Boborás, a edil de Educación e o tenente alcalde do Carballiño.

A maior parte dos xogadores da pasada tempada continuarán xogando no Club Deportivo Arenteiro o ano que ven. Ademáis, no transcurso dos últimos dias, o club cerrou a fichaxe de varios fútbolistas que veñen a cubrir as baixas xa confirmadas. As novas incorporacións son o porteiro Marcos Nieto e o centrocampista Dafonte, ambos procedentes da U.D. Barbadás de 3ª División. O defensa Cote, que xogou este ano no Verín, os dianteiros Gele e Dani Vázquez, que xogaron en preferente co Melias. Do equipo xuvenil da EMF Arenteiro incorporase ao primeiro equipo Alex Santiago.

O club ofreceu a renovación a maioria da plantilla desta recén rematada tempada e comunicou as baixas que decidíu a dirección técnica, que son as de Perdiz, Martín e Omar. Ademáis, deixan o club Prada, que se vai coa súa beca Erasmus a Alemania, e Alex, por incompatibilidades horarias co seu traballo profesional.

Asamblea de Socios na Sala de Xuntas do Estadio de Espiñedo

A Xunta Directiva convocou para as 21 horas deste venres dia 20 de Xuño a Asamblea Xeral de Socios, que se celebrará na sala de xuntas do Estadio de Espiñedo. Nesta asamblea, a Xunta Directiva presentará aos socios o balance económico da tempada 2013/14, que é a primeira na que o actúal grupo directivo asumiu a responsabilidade na xestión do club.  Repasará a actividade desenvolvida no ámbito social e deportivo e tamén se presentará a asamblea o proxecto económico, social e deportivo cara a próxima tempada.

O que fora máximo responsable da organización da festa na etapa do goberno bipartido da Xunta botou man da retranca para recordar que "no seu momento PP e PSOE esixiran a miña dimisión, espero que agora fagan un pleno monográfico e pidan a dimisión da conselleira".

Chema Ferreiro referíase a polémica vivida cando exercía como delegado da Xunta "daquela acordarase organizar unhas xuntanzas en cada provincia, pero esta do Carballliño seguía sendo a de referencia para toda Galicia, os medios falaban dunha afluencia de 60.000 persoas, podese comparar co desastre deste pasado sábado, con todo o que elo siñifica para a hostelería do Carballiño, é necesario abrir un debate e formular iniciativas que recuperen o explendor da festa", remarcou. 

"Os políticos deben saber dar un golpe na mesa cando é preciso na defensa do pobo de un, e daquela fixose asi, compre ousadia política, pero desafortunadamente para O Carballiño este grupo de goberno está desaparecido", manifestou Ferrreiro,  que en círculos do BNG sitáun como candidato a alcaldia desta formación política cara as eleccións municipais de 2015.

Doutra parte,o PSdeG responsabilizou ao Grupo de Goberno do Concello do Carballiño e á Xunta de deixar esmorecer a Xuntanza de Maiores, que contou este ano cunha baixísima participación.

Os socialistas criticaron que o PP, tanto na Xunta como no Concello, “está a condenar a Xuntanza de Maiores á súa desaparición” e critican que non se faga un esforzo para fomentar a participación nesta festa, que tradicionalmente contaba cunha gran afluencia de público.

Lembran que a Xuntanza  "chegou a congregar no Carballiño a máis de 20.000 persoas, mentres que na edición deste ano apenas chegaron ás 5.000".

Critican así que ante o desinterese da Xunta por esta celebración, o goberno municipal non sexa quen de tirar por un evento que ano tras ano atraía milleiros de visitantes ao Carballiño, favorecendo o consumo e convertendo ese sábado nunha xornada positiva para o pequeno comercio e a hostalaría.

Os socialistas agardan que o vindeiro ano a Xuntanza dos Maiores teña unha nova oportunidade para volver a ser o que era. “Estamos convencidos de que Marnotes, debido á súa pésima xestión, xa non estará na alcaldía, e entón teremos a oportunidade de devolverlle á festa o seu prestixio”.

O conselleiro de Cultura, Educación e Ordenación Universitaria, Xesús Vázquez Abad, participou no acto de entrega das distincións relativos á XXIX edición dos premios Antón Losada Diéguez, que se desenvolveu no pazo de Moldes no concello ourensá de Boborás. No acto tamén estivo presente o secretario xeral de Cultura, Anxo Lorenzo.

O premio Antón Losada Diéguez convócase anualmente desde o ano 1985 polos Concellos de Boborás e O Carballiño, co patrocinio da Deputación de Ourense, e a súa dotación é a máis alta dun premio literario en Galicia con 12.000 euros, 6.000 euros por categoría. O xurado estivo composto por representantes das Universidades de A Coruña e Vigo, do Consello da Cultura Galega, do Museo do Pobo Galego e da Deputación. Tanto en creación literaria como en investigación e ensaio o xurado destacou a gran cantidade de obras presentadas que foron 15 e 13 respectivamente.

O titular de Cultura e Educación subliñou na súa intervención o significado que ten para Galicia a convocatoria destes premios, representativa polo “calado que ten no noso desenvolvemento como comunidade cuns valores identitarios propios, orgullosa do seu pasado e disposta a descubrir o seu potencial no presente e no futuro”. Vázquez Abad tamén destacou que a figura de Losada Diéguez “remítenos á construción da galeguidade, xa que nel se mesturaron soños visionarios con concepcións pragmáticas da nova realidade; estivo en momentos clave, nos que as Irmandades da Fala e a Xeración Nós procuraban novos modelos para unha Galicia xa decidida a recoñecerse a si mesma”.

Os gañadores
Nesta edición Cesáreo Sánchez Iglesias foi o gañador na modalidade de creación literaria coa obra ‘Caderno do Nilo’. Unha obra da que o xurado valorou os novos estilísticos que afronta o poeta, ao tempo que revisa as súas experiencias e o seu propio discurso. Todo elo sen deixar de afondar nas claves da propia vida e da propia creación poética, especialmente vincula á idea do recurso do río.

O outro premiado, Antón Cortiza, foi recoñecido na categoría de investigación e ensaio coa obra ‘Tastarabás. Enciclopedia de brinquedos tradicionais’. O xurado considerou que se trata dunha indagación extraordinaria, elaborada durante moitos anos sobre unha parte moi importante do patrimonio cultural, ameazada de desaparición debido aos cambios que nas últimas décadas se produciron en Galicia. Valorou ademais que o autor fixo un traballo exhautivo, rigoroso, singular, en definitiva, e que vai a ser de utilidade para o público, en xeral, e de forma moi especial para as novas xeracións.

Respecto de ambos gañadores Váquez Abad salientou que son “dous homes entregados nas súas traxectorias respectivas a construír coa palabra unha Galicia capaz de expresar o seu potencial e de xerar o recoñecemento que lle corresponde, como cultura sobranceira en Europa”.

A Federación de AA.VV. do concello do Carballiño ponse á fronte da protesta cidadán contra o peche dos xulgados prevista no Anteproxecto lei do Consello Xeral do Poder Xudicial.

Os tres grupos políticos con representación municipal, PP, PSdG e BNG, xa confirmaron o seu apoio á iniciativa veciñal, que espera a adhesión de todo tipo de asociacións e colectivos para conformar unha ampla fronte unitaria da sociedade carballiñesa na defensa da continuidade do partido xudicial. Tamén se agarda o apoio institucional dos concellos da comarca.

Este lúns dia 16, coincidindo coa xornada de feira, recolleránse sinaturas de apoio a esta demanda cidadán. Ademáis, celebraráse unha reunión de traballo na que se abordarán as actuacións que se van levar a cabo, entre elas, a convotaria dunha manifestación.

O Xurado Provincial de Montes Veciñais en Man Común ven de clasificar a favor dos comuneiros destes dous pobos o monte da Cidade, de 26 hectáreas.

A nova Xunta rectora anuncia que esixirá da Xunta unha compensación económica pola ocupación de 1,4 hectareas do Parque Arqueolóxico da Cultura Castrexa, recentemente inaugurado.

Ademáis, a singularidade desta propiedade comunal consiste en que outra parte do monte, case cinco hectáreas, corresponden ao xacemento arqueolóxico do castro da Cidade.

No seu momento, o concello de San Amaro cedera á Xunta de Galicia unha parte do monte, con vistas á construcción do centro de interpretación da cultura castrexa, un proxecto no que se investiron 10 millóns de euros.

O presidente da recén constituida Xunta Rectora do Monte Veciñal en Man Común manifestou en Cope O Carballiño que esixirán unha compensación económica pola ocupación dos terreos nos que a Xunta construíu o edificio do parque arqueolóxico "non queremos obras, queremos diñeiro contante e sonante, non queremos problemas con ninguén, pero que ninguén trate de pasar por enriba de nos", manifestou nesta emisora de radio o presidente dos comuneiros, José Modesto Rodríguez.

Dende a Federación Veciñal presentan unha relación de peticións que están pendientes de atender por parte da alcaldia e reclaman a súa execución.

Comunicado da Federación de AA.VV. do Concello do Carballiño

"Esta federacion quere poñer en coñecemento da veciñanza do Carballiño o siguinte:Como e sabido ,esta federacion no mes de febreiro sacou unha nota de prensa informando das peticionsq ue se fixeron a Alcaldia,e que das vinte que demandabamos ningunha se levara a cabo,poloque amosabamos o noso descontento,xa o que se fixo foi dar boas palabras incluso con datas de execucion. Pero feitos cero.
A raiz de sair nos medios o Sr.Alcalde apresurouse a emitir un amplo comunicado ,dicindo pouco menos que o que denunviaba a Federacion era mentira.
Como no dito comunicado entre outras que convocaria a directiva da federacion para limar asperezas,e fixo mesmo que cas demandas feitas por a Federacion,quedan en palabras,
Por elo con esta fecha solicitamos entrevista co Sr.Alcalde para aclarar a situacion e tamen queremos aclarar o seu comunicado.
Mostrabase "sorprendido" por a nota de prensa,pode que con razon ,despois de tres anos de haber feito as deumandas por parte da Federacion e o Alcalde non lle facer nin caso,seguro pensou que con palabras era suficiente.
Que os veciños xulguen,di no comunicado que xestionou coa Deputacion subvencions,certo que lle pedimos a xestion, e contestou :neste caso non teño mais que ofrecermepara pedir unha cita co Presidente para ver que posivilidade existiria de colabora coa federacion, avisarase o presidente da Federacion para a cita na Deputacion,acompañado do Alcalde.asi se fixo.
En canto a que por parte do Concello presta apoyo economico e loxistico a federacion,o que fai no economico e subvencionar a festa das parroquias e loxistico e deixarnos os salons municipais para a reunions ,nos anos que leva este goberno a federacion non recibeu un so euro e as a mais grande parte das Asociacions Veciñais.
Das vinte peticions feitas ,nombra o perimetro de proteccion nos nucleos rurales contra incendios forestais,xa no ano 2012 e 2013 nos decia que iba a redactar unha ordenanza para con ela lebar a cabo o demandado,aghora di ten encargado un proxecto,seguro que a partires de hoxe dira que se une a iniciativa da Deputacion de facer o cinturon verde arredor das parroquias,pero os pobos siguen indefensos ante a grave amaza dos lumes.
En canto o asfaltado, votaballe aculpa a climatoloxia,que xa estaban concretados e presupostados,estes dias di o concelleiro que teñen que esperar a que lle cedan a titularidade das ruas ou xestionar que asfalte a Conselleria correspondente,de coña!!!.
Tamen queremos aclarar que, desde esta Federacion nunca se intentou que non se atendera a veciñanza no concello,faltaria mais,o que non lle gusta a esta federacion e que se fagan obras pedidas por amigos para favorecer a amigos,e non se fagan as obras que solicitan as Asociacions que son para ben da comunidade.
Estas son peticions pendentes ,das cales algunha lle puxo fecha de execucion.
Subvencion as distintas AA.VV.,Posta en funcionamento do consello de participacion cidadana,Locais para as distintas AA.,pasos peonis nas Ruas de Ribadavia e Avda.Compostela,Beirarruas na carretera do Irixo ,(cuartel e piscina),rotonda cruce piscina /Mudelos,seguridade peonil no cruce de Toscaña/ Crt de Pontevedra,perimetro seguridade incendios forestais no rural,Publicitar/Señalizar lugares de interes turisticos do Concello,Proteccion contra caidas no Balneario e en Aquilino Sanchez(esta en fase execucion),Facer o posible por evitar os escrementos de cans nas calles,Solucionar o problema dos puzos abandonados. Sobor de todo no rural,Evitar a reparacion e almacenaxe de vehiculos na rua,Levar adiante o compromiso de ter servicio veterinario os festivos en epoca de matanza,Restablecer o servicio de taxis noturno,solucionar de unha vez o tema Grumir ou Ges.
Estas son parte das nosas inquedanzas,que cremos xustas,pero que parece que a outros non lle gustan".

Afirman que en "Semana Santa o Concello non programou ningunha actividade ou oferta de cara ao turismo de feito a presencia de autocaravanas no camping foi practicamente nula".

"O mesmo aconteceu coa Oficina de Turismo da Alameda, que nin sequera abriu durante eses días, o que fixo que os escasos visitantes cos que contou a vila chegaran incluso a queixarse na Policía Local pola falla de información", subliñan..

Coa chegada do bo tempo, novamente preséntase unha tempada favorable para o turismo, pero a día 1 de xuño (o pasado domingo) as instalacións e a recepción do camping permanecían pechadas.

Apuntan que a tempada turística vai de maio a setembro, polo que estas instalacións deberían estar en perfectas condicións e abertas ao público dende hai un mes. “Moito nos tememos que as instalacións non se atopen en perfecto estado para o seu uso, e por iso se manteñan pechadas”, afirma o PSdeG.

“O Camping e o Museo Etnográfico poderían ser un gran motor económico do Carballiño, sempre e cando se promocionen axeitadamente”, engaden.

Poñen como exemplo o Concello de Ribadavia, que ven de desenvolver un programa de colaboración cos hoteis de Vigo, mediante uns convenios innovadores, para atraer o turismo á vila.

“Iso chámase traballar, non só figurar”, lembran os socialistas, en alusión ao grupo de goberno do Carballiño “que nos tres anos que leva no Concello non só non foi capaz de presentar unha soa iniciativa para atraer visitantes á vila, senón que nin coida nin potencia os recursos que xa temos. Só pasan por esta zona para ir xantar, o resto pouco lles interesa, e menos á concelleira de turismo, que en tres anos non debeu pasar por alí nin tres veces”.

Mancomunidade Turística

“Non sabemos si é por incapacidade, vagancia ou desleixo, pero o certo é que nestes tres anos Marnotes e o seu equipo non demostraron ningún interese por promocionar ao Carballiño como destino turístico”, afirma o PSdeG.

Por elo, propoñen que a Mancomunidade Turística Terras do Avia, composta polos concellos de Leiro, Boborás, O Carballiño e Ribadavia, organice programas conxuntos de actividades e ofertas turísticas para atraer visitantes.

“Esta sería unha solución para tentar reactivar o turismo, e por tanto a economía, nestes concellos, o que acompañado do coidado axeitado e da promoción das instalacións e patrimonio que temos, pode ser unha boa medida para espertar o interese dos visitantes”.

Agardan que “a Mancomunidade Turística consiga suplir a nula capacidade do actual grupo de goberno para poñer en marcha calquera actividade”.

Non pudo ser, o Arenteiro despide a tempada cunha derrota en Verín no partido de volta das semifinais Copa Deputación, que priva aos verdes de chegar á final do Couto do vindeiro 14 de Xuño, que finalmente desputarán os verinenses e o Ourense B. 

C.D. Arenteiro: Pachi, Prada, D. López, Lois, Dabarca, Alex, Gallego, Bardelás, M. Sotelo, Martín e Óscar. Tamén xogaron Breogán, Manu, Canexón e Caneiro

Goles:

1-0. Minuto 57. Xogada polémica, xogadores e afeccionados do Arenteiro reclaman o clamoroso fora de xogo de Fran, o árbitro e o liña desentendense, e dianteiro do Verín non perdoa.

2-0. Minuto 78. Dun córner a favor do Arenteiro nace o segundo gol local. Patadón sobre o campo do Arenteiro que colle de sorpresa a zaga verde e Pablo García, so e sen oposición, bate a Pachi dun tiro raso.

2-1. Minuto 90. Penalti sobre Manu que tranforma Dabarca.

O Partido: Con dúas partes moi diferenciadas, na primeira o Arenteiro controlaba ben atrás e aproximabase con perigo á portería local, ata en tres ocasións os verdes puderon adiantarse no marcador, pero nin Alex nin D. López -éste por dúas veces- non souberon definir. A falta de pegada volveu condenar ao Arenteiro que xa, tras o descanso viuse claramente superado por un Verín que saíu en tromba e foi claro dominador do partido ata os minutos finais. No cómputo dos 180 minutos de eliminatoria o Verín é xusto gañador e finalista da Copa Deputación 2014.

Peche de tempada

Con este partido de semifinais de Copa Deputación baixa o seu telón deportivo a tempada, e toca xa pensar na 2014-2015. Para o vindeiro dia 20 deste mes de Xuño, convocaráse a Asamblea Xeral de Socios, na que a Xunta Directiva presentará o balance deportivo, social e económico do Club.

Son tres alumnos e unha alumna do IES nº 1 do Carballiño, que conseguiron matrícula de honra neste curso 2013-2104.

Marcos González Martínez, Marc Barreiro Pereira, Lorena Dacoba Conde e Carlos Manuel Corral Casas obtiveron os expedientes máis brillantes da súa promoción. Os seus intereses de futuro apuntan aos estudos de Ciencias Empresariais, Turismo ou Enxeñería Química, aínda que de momento o que toca agora é gozar dunhas merececidas vacacións.

A matrícula de honra concédese a aqueles alumnos que obtiveran no segundo curso de bacharelato unha nota media igual ou superior a nove puntos.