Durante 2013 a apertura reduciuse a tan so catro meses, agora a cámara autonómica acorda que a partir de 2014 sexan oito meses ao ano.

A comisión quinta do parlamento de Galicia adoptou este acordo tralo debate no que o PSdG defendeu a apertura os 12 meses do ano, finalmente aprobouse a proposta do Partido Popular que optaba pola apertura durante oito meses. O acordo parlamentar chega tras unha campaña dos traballadores, sindicatos e PSdG na que demandaban e defendian o funcionamento das instalacións, que son de titularidade autonómica.

Tras coñecer o acordo, o concello do Carballiño emitíu un comunicado no que anuncia que "o alcalde do Carballiño retomará agora o traballo de difusión destas instalacións dentro e fora do territorio galego, asi como a grupos e colectivos que poidan estar interesados, éstas accións xa se iniciaran a través de conversas dos responsables da Residencia, quedando pendientes ata que se debatise o futuro da mesma no parlamento".

O conselleiro de Medio Ambiente, Territorio e Infraestruturas, Agustín Hernández, e o alcalde de Boborás, Cipriano José Caamaño Castro, asinaron un convenio de colaboración para acondicionar e mellorar o camiño de acceso ao cemiterio da parroquia de Pazos de Arenteiro. O importe deste convenio, aportado ao 100% pola Xunta de Galicia, elévase a 51.512 euros.

Trátase dun conxunto histórico-artístico declarado ben de interese cultural, polo que debe acondicionarse o contorno no que se ubica, ao tempo que as obras deben producir o mínimo impacto posible.

As actuacións consistirán na mellora do trazado e no ensanche da vía en dous tramos diferenciados. No treito I (os 15 metros do camiño máis achegados ao núcleo de Pazos de Arenteiro) executarase un novo trazado para eliminar unha gran curva e diminuír a pendente. Será necesario trasladar e reconstruír noutra ubicación uns muros de contención existentes no paso do novo trazado.

No segundo treito II (nos restantes 85 metros do camiño teñen un ancho de entre 2,1 e 2,5 metros (salvo nos últimos 15 metros, que o ancho é de 6,5 metros por rematar en explanada de entrada ao cemiterio), procederase ao ensanche da vía, onde o pavimento do camiño realizarase en formigón, procederase ao soterramento de conducións e entúbarase unha canalización de auga aberta que discorre por un lateral.

Tamén se fará a instalación necesaria para alimentar nun futuro a un punto de luz no cemiterio e, por último, executarase uns muros de contención de pedra ao redor do cemiterio.

En relación coas obrigas, o departamento que dirixe Agustín Hernández encargarase de contratar, executar, dirixir, controlar e recibir as obras; mentres que a Administración local deberá redactar o documento técnico de definición da obra, obter os permisos, licencias e autorizacións, poñer a disposición da Xunta os terreos libres de cargas e asumir a explotación e conservación das obras.

O conselleiro manifestoulle ao alcalde de Boborás que non se trata dunha obra cun orzamento elevado, pero puxo en valor a importancia desta actuación xa que responde ao obxectivo de recuperar os espazos de encontro para mellorar as posibilidades de lecer dos cidadáns e contribuír ao reequilibrio territorial fixando poboación no media rural.

Os dias 18 e 19 de Setembro quedanse este ano baixo mínimos en canto á programación festiva, que se inicia un dia antes do que ven sendo tradicional, farao o venres dia 13.

A comisión de festas, este  ano a cargo da Asociación de Hostelería do Carballiño, manexa un orzamento que ronda os 90.000 euros "a mesma cantidade do ano pasado", subliñou o responsable do colectivo, César Nóvoa. O concello reduce a súa aportación económica, que pasa dos 33.000 euros do ano 2012 aos 26.000 euros deste ano.

Animarán as verbenas do San Cibrao carballiñés as orquestras Metrópolis, Madeira, La Oca, Sintonía de Vigo e Panorama. Polo dia, actuarán as bandas de música do Carballiño e A Lira de Ribadavia, e a charanga Castro Bello. O domingo 15 actuará o músico dominicano Henry Méndez. Os gaiteros Orcellón acompañará diariamente á comparsa de Xigantes e Cabezóns.

A comisión de festas non se esquece dos nenos, que terán actividades diarias nestas festas ás catro e media da tarde na pista roxa e unha "Olimpiada infantil" o dia 16 no parque dos Catro Camiños.

A nova praza da Veracruz será o escenario das tradicionais sesións de fogo artístico, o dia 16 coa Pirotecnia Abad e o martes 17, festivo local, a cargo da Pirotecnia Penide.

Para o dia 18 tan so está programada a actuación dun DJ que amenizará unha festa infantil na Praza Maior, e para o dia 19 a comisión, se o permite o orzamento, contrataría a unha orquestra para despedir as festas do setembro.

Culpan da situación ao alcalde do Carballiño "que en 365 dias non é capaz de resolver un pequeno inconvinte que tería que solucionarse nun par de semanas".

O grupo socialista recorda como "fai xusto un ano que se producíu o peche do matadoiro municipal, por causa da explosión accidental da caldeira de auga quente" e como "Marnotes convertese nunha desgracia para todos os traballadores desta instalación e para moitos carniceiros desta comarca e para a toda a cidadanía que ve como un máis dos servizos cos que contaba se vai a pique pola ineficacia e incapacidade do Partido Popular".

Tamén afirman os socialistas que "xa son cinco as datas anunciadas públicamente polo rexedor para a reapertura desta instalación, e como queda claro, moitas mentiras, unha continua fuxida adiante pero nin unha só solución real". Finalmente, anuncian unha reunión con todos os afectados "para revertir" esta situación.

Tralo paso das Xociviga tocalle o turno ao teatro, que ten o seu protagonismo atá o venres dia 6 de setembro con dous espectáculos diarios, maxia e talleres de malabares e instrumentos.

O Festival está organizado pola asociación FETEGA, coa colaboración de varias entidades privadas, asi como de AGADIC, Deputación Ourense e Concello do Carballiño.

"Mofa e Befa" abrirá as representaicóns no auditorio ás dez e media da noite deste martes dia 3 coa comedia "Románticos", cun reparto a cargo de Evaristo Calvo, Victor Mosqueira, Quico Cadaval e Piti Sanz. Antes, ás seis e media da tarde na pista roxa, a compañía Fantoches Baj presentará o espectáculo infantil "Velocíclopes".

O mércores 4, os actores Luis Iglesia e Xabier Deive presentan o drama "Gaivotas Subterráneas", e na sesión infantil da tarde Teatro Babaluva representa "Babacontos".

O xoves 5, chega á programación do festival a compañía "Talía Teatro" cunha obra de intriga " O método Gronholm", e para os nenos "A casa dos xogos" da ludoteca Xiramundos.

O venres 6, entrega dos premios FETEGA, no transcurso dunha gala que animará Carlos Blanco co seu espectáculo " Ao vivo...de momento". Na pista roxa repetirá actuación a ludoteca Xiramundos.

Ademáis, a diario en horario de 11 a 13,30 e de 17 a 19 horas, terá lugar un taller de malabares e instrumentos, e nas tardes do xoves e o venres haberá actuacións de máxia nos establecentos colaboradores.

Comezou a liga nun Espiñedo cun remozado aspecto na súas intalacións, incluido o terreo de xogo, que presentaba un magnifíco aspécto. Os verdes, que comezaban o campionato coas baixas dos dianteiros Cancelas, Diego Quiroga e Walter Martín, lograron tres goles que lle valen a primeira victoria na 1ª autonómica.

C.D. Arenteiro : Pachi, Carlos, Diego López, Dabarca, Lois ( Oscar Portos ), Omar ( Alex ) , Victor Gallego, Adrián Núñez ( Bardelás ), Canexón, Manu e Marcos Sotelo ( Prada ).

Goles: 

1--0. Minuto 43, Adrián Núñez.

2-0. Minuto 46, Victor Gallego.

3-0. Minuto 89. Manu.

O Partido: Tardou o Arenteiro en facerse co control do partido e crear perigo na portería da S.D.C. Arrabaldo, ata que mediada a primeira media hora o adestrador local Miki López fixo unha variación táctica e situou de segundo dianteiro a Adrián Núñez, que sería precisamente o autor do primeiro gol local. Na segunda parte, o C.D. Arenteiro fíxose co control absoluto do partido e chegaron as ocasións na área rival, sobre todo nos últimos 20 minutos, cando o Arenteiro pudo incrementar aínda máis o marcador ao seu favor.

O acordo foi ratificado no pleno da corporación municipal cos votos favorables do Partido Popular, BNG e do concelleiro non adscrito, abtivose o grupo MOVE.

O alcalde Cipriano Caamaño avanzou nesta emisora de radio que o contrato resolvese "de mútuo acordo entre concello e empresa, ao considerar ambas partes que non se deron as condicións necesarias para poder cumplir a finalidade que figuraba no contrato, que era a explotación das casas como hotel rural".

Trala resolución do contrato, o concello de Boborás buscará agora posibles opcións para o aproveitamento das casas con finalidade turística "pudera ser implicando ós propios veciños de Pazos, por medio dalgún empesario do sector ou incluso que sexa o concello, se non se consigue, outra posiblidade podía ser a venda das propiedades, en todo caso o obxetivo que se marcou o concello no seu dia, o de recuperar o patrimonio, xa se cumplíu", subliñou Caamaño.

As catro casas foran rehabilitadas polo concello de Boborás a través dun obradoiro de emprego.

O conselleiro de Medio Ambiente, Territorio e Infraestruturas, Agustín Hernández, e o alcalde de San Amaro, Ernesto Pérez González, asinaron esta mañá un convenio de colaboración polo que se executará a adecuación da travesía na localidade do Castro, na parroquia de Salamonde

Trátase dunha obra enmarcada dentro do Plan hUrbe, que implica un investimento de 94.882,46 euros, que será aportada ao 100% pola Secretaría Xeral de Ordenación do Territorio e Urbanismo.

Na actualidade no núcleo rural do Castro apreciouse un incremento do número de vehículos como consecuencia da súa ubicación na vía que comunica á estrada OU-0303, que enlaza co ramal de acceso á autovía de Carballiño, e a OU-0410, que enlaza co Castro de San Ciprián de Lás, a unha altura que evita chegar ao enlace das dúas estradas no núcleo do Cruceiro que son varios quilómetros de recorrido.

Ambos mandatarios recoñeceron que a necesidade desta obra cobra máis forza tendo en conta que a zona na que se actuará (travesía do núcleo do Castro) sitúase moi próxima ao Centro de Interpretación da cultura castrexa no Castro de San Ciprián de Las. Este feito conlevará que o tráfico da autovía incremente considerablemente.

Coa execución destas obras nunha zona da 2.800 m2 de solo público, otando ao núcleo do Castro de beirrarúas, co fin de mellorar os itinerarios peonil e rodado, para o que se ampliará o ancho da estrada principal para que poidan coincidir dous vehículos non mesmo punto e en diferente sentido de circulación. O conselleiro Hernández destacou o alto valor patrimonial deste núcleo, que se caracteriza pola existencia dun número importante de hórreos dispersos ao longo do mesmo, así como a existencia dun lavadoiro cuberto; polo que a intervención non deberá alterar os elementos etnográficos.

Coa sinatura deste convenio, a Consellería de Medio Ambiente comprométese a financiar as obras; mentres que o Concello de San Amaro deberá redactar os documentos técnicos, realizar as xestións para a obtención dos permisos, licencias e autorizacións e, por último, levar a cabo a contratación, execución, dirección, control e recepción das obras.

Entende que non é a ubicación apropiada e "pide ao alcalde do Carballiño que informe do proxecto".

No pasado mes de abril o concello do Carballiño someteu a informaicón pública "a actividade de tanatorio" tras a solicitude de licenza municipal presentada pola empresa Ambulancias de Carballiño no número 26-baixo da rúa Evaristo Vaamonde. Durante o periodo de exposición presentaronse 12 alegacións, todas elas desestimadas pola Xunta de Goberno.

Anova do Carballiño "comparte a inquedanza veciñal pola construcción deste tanatorio e esixe do alcalde do Carballiño que compareza públicamente e dea conta deste proxecto".

O grupo socialista presentou unha moción na que defenderá ante a corporación carballiñesa que "o que se constrúe con cartos públicos non vaia a mans privadas".

"Ese parque de bombeiros que non se da rematdo nin se da posto a funcionar e que costou miles de euros de cartos públicos, e que agora será equipado tamén financiado co erario público, e que posteriormente como se fixo na meirande parte de Galicia  pasará a súa xestión a unha empresa privada, a que por suposto procurará obter  o máximo beneficio desa xestión e lucrarse", critican dende o Partido Socialista.

Non lles vale aos socialistas a xustificación que se da dende o Partido Popular sobre "a excusa da crise e a austeridade para privatizar todo", e como exemplo poñen o caso do parque de bombeiros do Deza, o único -afirman- de xestión pública "no que se pode comprobar que o gasto é moito menor ao ser xestioando públicamente".

O grupo municipal do PSdG_PSOE defende que "o parque de bombeiros do Carballiño sexa de xestión pública, dando asi mellor servizo e xerando emrpregos de calidade". Demandan do alcalde Argimiro Marnotes que "defenda os intereses do noso pobo e non do seu partido, e que demostre ter o peso político que ata agora non demostrou".