A víctima, de 72 anos de idade, sufre queimaduras de segundo grao no 30% das costas e foi evacuada nun helicóptero do 112.

O sinistro ocurríu minutos despois das dez da mañá e según o relato que fixo en COPE O Carballiño o xefe de Protección Civil "a explosión debeuse a unha acumulación de gas na cociña da vivenda, a muller ten o 30% da espalda con queimaduras, e estaba consciente no momento da súa evacuación", que foi nunha ambulancia ata un descampado nas inmediacións do pobo de Sobredo, no municipio de Boborás, onde foi recollida por un helicóptero do 112, que a trasladou ao hospital POVISA de Vigo.

Os danos materiais na vivenda son bastante importantes, ata o lugar do sinistro desplazáronse os bombeiros de Protección Civil do Carballiño, con 3 efectivos, así como os medios do 061 e Emerxencias 112.

“A mañá de COPE O Carballiño” trasladou o seu estudo móbil ata o concello de San Amaro, para presentar o programa especial dos venres de verán.

 ( Redacción. Estefanía Bernárdez ) Nun momento da súa intervención radiofónica o alcalde de San Amaro, Ernesto Pérez, lamentou o retraso na apertura do Centro de Interpretación da Cultura Castrexa, en San Cibrán de Lás. O rexedor municipal dixo que “a xoia da coroa estásenos oxidando” e “trátase dun proxecto de vital importancia para a comarca que xa é hora de poñelo en valor, non estaría xustificado ningún retraso máis na súa posta en marcha”. Explicou que tanto o proxecto de electrificación como a urbanización da contorna, agora xa licitada por parte da Xunta, foron os últimos motivos que retrasaron a apertura do centro no que ten “postas moitas esperanzas, porque como xa teño dito noutras ocasións, pode ser a nova locomotora que tire da comarca”.

En canto a viabilidade e futuro do Concello recordábanos que San Amaro data de 1845 e que naceu dunha fusión co Concello de Salamonde. Coma todos, nestes tempos ten dificultades pero cree que a fusión de Concellos non é a solución. “Por agora ninguén se atreveu a presentar unhos números concretos para a fusión”, e tamén defendía o papel da institución: “O Concello é necesario para estar cerca da xente”. A idea das fusións nace de modelos europeos pero “España ten que resolver o seu problema administrativo pensando en España, non noutros países”.

Por outra parte, espera que as festas locais que se celebrarán o 14, 15 e 16 de xullo  teñan o éxito que se merecen e agradeceu expresamente o esforzo que fan dende a comisión de festas, tanto na organización da Festa da Cabra como na parroquia de San Amaro.

Paula Fernández Estévez, da comisión de festas de San Amaro, explicábanos que cada día actuará unha orquesta, pero o prato forte estará no domingo, coa actuación da París de Noia.

Na Festa da Cabra de Anllo, os organizadores esperan superar os 500 comensais que sentaron á mesa na edición do ano pasado. Serviráse carne de cabra guisada e ao caldeiro.

Rubén García, do mesón Lembranza, que tamén participou no programa de radio, espera que estas festas sexan un bo empuxón para a hostelería local.

A Asociación Acción Ambiental presentou en Maside o Proxecto CEUS (Camiñando Cara Unha Europa Sostible) para restaurar o espazo natural "Puzo do Lago".

Lucas Lamelas, presidente de Acción Ambiental, xunto con Celso Fernández, alcalde de Maside, foron os encargados de presentar este programa enmarcado dentro de "La Juventud en Acción". O proxecto cosntará de tres fases: unha primeira consistente en charlas participativas que xa se desenvolveron no mes de xuño; unha segunda na que comenzarán os voluntariados de restauración no humidal "Puzo do Lago". Estos voluntariados realizaranse en dúas quendas durante os días 12 e 13 de xullo e 19 e 20 xullo. Os grupos estarán formados por 15 persoas.

A terceira fase do proxecto serán visitas guiadas ao "Puzo do Lago" en setembro. Terán como finalidade mostrar a importancia da educación ambiental e dar a coñecer o contorno á poboación.

Os obxectivos que presenta o proxecto CEUS son fomentar a implicación e participación cidadá en educación ambiental, e contribuír á conservación dos espazos naturais. Para isto, algunhas actividades que se realizarán son seguimento de fauna mediante fototrampeo, recollida de residuos, a creación dun refuxio para réptiles, entre outras moitas.

O proxecto queda aberto a calquera persoa maior de idade. Terán que contactar ben na páxina do programa www.proyectoceus.es, ou ben mediante correo electrónico contacto@proyectoceus.es ou accionambiental@hotmail.es.

( Redacción. Estefanía Bernárdez ) O alcalde , Argimiro Marnotes, presentou a Festa do pulpo do Carballiño como marca rexistrada. Marnotes, acompañado de Julián Garriga, presidente da asociación de comerciantes, e Pilar Caride, concelleira de Turismo, confirmaron tamén o rexistro da imaxe da festa, o pulpo Octavio.

Argimiro Marnotes trasladaba os beneficios que terá este rexistro da marca como "unha proxección moito máis ordenada e profesional do que viña sendo". Ademáis, explicaba Marnotes, rexistrouse "Festa do pulpo do Carballiño" porque o concepto xenérico de festa do pulpo xa se atopaba patentada. A consecución da marca permitirá un control absoluto das sociedades e do merchandising por parte do Concello, xa que todo terá que ter a súa autorización. O alcalde do Carballiño tamén suliñaba que "é unha nova fonte de ingresos, un trámite que se tería que ter feito fai tempo".

Tamén se sumou o rexistro da imaxe de Octavio. Este obxectivo súmase ao conseguido o ano pasado, cando foi declarada Festa de Interese turístico nacional.

Na mesma presentación amosáronse dous manuais para o correcto manexo das marcas. Normas ás que se terán que ceñir as sociedades ou comerciantes que as queiran comercializar. Avanzouse que se colaborará co Centro Comercial Aberto para que os colectivos dos comerciantes do Carballiño poidan distribuir dita marca.

Julián Garriga, presidente dos comerciantes, felicitaba ao Concello polo conseguimento e declaraba que "é un feito importantísimo e tamén unha nova oportunidade de compra no Carballiño". O luns presentarán a súa campaña de verán, a cal levará a Octavio como a súa imaxe.

Coa incorporación da última fichaxe, o dianteiro Diego Quiroga, a nova Xunta Directiva da practicamente por cerrado o plantel de efectivos cos que contará o adestrador Miki López para competir na Primeira Autonómica, tras consumarse o descenso de categoria do club carballiñés.

En relación ao plantel de Preferente do ano pasado causan baixa no club 8 xogadores: Iago Garrido e Xurxo que retornan ao Verín, Macia que vaise ao C.D. Barco, Soares que regresa ao Lalín, Pablo Piñeiro que se vai á súa terra como novo xogador do Ribadumia, Tazos, que comunicou o club que se vai o fútbol danés, Gabriel que fichou no Ourense B, e Kennedy, de momento sen equipo.

O club renovou a 7 xogadores da anterior tempada en Preferente: Pachi, Prada, Marcos Sotelo, Pablo Dabarca, Escudero, Bardelás e Walter Martín. Tamén se lle ofreceu a renovación a Tacón, aínda que por motivos de traballo o xogador non poderá incorporarse ata avanzada a tempada.

As altas que durante os últimos dias se foron confirmando son as seguintes: Lois, Canexón e Perdiz(  AT. Barbantes ) e Adrián Cancelas, que regresa ao Arenteiro despois do seu paso polo Ourense B. Tamén volve ao C.D. Arenteiro Alex, procedente do Melias. Do equipo xuvenil da E.M. F. incorporanse Omar e Manu, e ademáis farán a pretempada Joel, Rubén, Franki, e Miguel. Ademáis, o club tamén levou a cabo contactos para a reincoporación dos ex-Arenteiro Pana e Samuel, pero ambos xa estaban comprometidos con outros equipos.

Finalmente, confirmanse tamén a fichaxe de outros catro xogadores: Meji ( Club Lemos ), Luis Chamo e Adrián Núñez ( C.D. Velle )  Victor Gallego ( Verín C.F. ) e Diego Quiroga ( Club Lemos ).

Como segundo adestrador e preparador físico o club contará cos servizos de Borja Quintas.

ASEMBLEA DE SOCIOS O VENRES DIA 12 ÁS 21 HORAS

A nova Xunta Directiva expoñerá ante os socios o novo proxecto deportivo, económico e social para a vindeira tempada. A convocatoria está fixada para o venres dia 12 de xullo ás 21 horas no salón de actos da casa do concello do Carballiño.

Tratase dun total de 37 contratos de persoal laboral temporal que posteriormente por decreto do excalde Carlos Montes convertiu en indefinidos a 22 deles, a fiscalía advirte indicios de posible responsabiliade penal e abre dilixencias informativas.

Os contratos que motivan esta investigación da Fiscalía remontanse a xaneiro de 2006 e tiñan unha duración de 12 meses, ata o 31 de decembro dese mesmo ano. Non obstante, unhos dias antes de que vencesen os contratos, outro decreto da alcaldía convertíu en indefinidos a 22 traballadores. 

Agora, a Fiscalía cuestiona o procedemento e ven de requerir ao concello do Carballiño a documentación relativa a este caso, que xa no seu momento fora cuestionado pola oposición municipal, daquela formada por Partido Popular e BNG.

A Fiscalía de Ourense tivo agora coñecemento destes contratos de forma casual, ao aportarlos como proba no xulgado unha traballadora municipal que recurríu ante a xustiza a rescisión do seu contrato, xa agora durante o actúal mandato do Partido Popular.

O portavoz do grupo municipal socialista denunciou a pe de rúa o calamitoso estado deste vial,  recollendo "as reiteradas queixas de veciños e automobilistas".

A obra de acondicionamento da calzada fora contratada polo concello do Carballiño a unha empresa, un proxecto que según os socialistas "tivera un coste de 40.000 euros, e que foi recepcionada polo alcalde aínda tendo en conta un informe negativo do arquitécto municipal", asegurou Paco Fumega.

No transcurso dos últimos meses, acometeronse traballos para correxir a problematica, con varios asfaltados sucesivos. Non obstante, a problemática persirste "esto é absolutamente terceiromundista, temos un problema moi serio, estas son as chapuzadas deste concello, é a sexta vez que denunciamos esto, xa o fixemos no pleno, en comisións e na prensa, e agora volvemolo facer", sentenciou Fumega.

O anuncio por parte dos responsables municipais de separar a actividade semanal do que é a competición dos fines de semana abre unha nova etapa na Escola Municipal de Fútbol Arenteiro.

Neste contexto, o Sporting Carballiño, club de fútbol que milita na 3ª autonómica, traballa nunha proposta aos pais e nais de alumnos, que se presentará ó lúns dia 8 de Xullo ás 21 horas na Sala de Exposicións do Casino do Carballiño, na rúa Tomás Maria Mosquera.

"A Mañá de COPE O Carballiño" trasladou a emisión deste venres ata a vila de Cea, nun programa no que se repasou tanto a actividade para este domingo como para o resto do verán neste concello.

O presidente do Consello Regulador fixo fincapé nos agradecementos a todos os forneiros implicados na festa, así como no apoio prestado polas administracións públicas, Xunta de Galicia, Deputación de Ourense e Concello de San Cristovo de Cea, aos 23 Consellos Reguladores, que ceden os seus produtos para poder ofrecer as degustacións no Campo da Saleta e aos 20 expositores que estarán na carballeira da Saleta.

Segundo explicou Carlos Manuel Rodríguez nesta edición agardan seguir superando o número de persoas que ano a ano danse cita en Cea o primeiro domingo do mes de xullo. A previsión é mesmo chegar ás 20.000 posto que o ano pasado estiveron arredor das 17.000 persoas. Para iso a Festa de Exaltación conta cun completo de programa e cuns pregoeiros de luxo, as Cantareiras de Ardebullo, que seguro han facer as delicias dos asistentes. Ademais, os fornos amparados producirán para esa data 2.500 pezas que acompañán aos produtos que se poderán degustar durante toda a xornada.

 Programa de actividades

 A festa comezará ás 10:00 horas coa apertura dos postos na carballeira, seguido de pasarrúas a cargo de charangas e das pandereteiras de Cea. Ás 12:30 horas terá lugar a recepción de autoridades no campo da Saleta. Media hora máis tarde, ás 13:00 horas, as Cantareiras de Ardebullo tomarán o relevo co seu humor. Como ven sendo habitual, ás 14:30 terá lugar un xantar organizado a base destes productos acollidos a denominación de orixe. Xa pola tarde, ás 18:00 horas volverá a música da man das pandereteiras de Cea. Tampouco faltará a tradicional degustación de balde de Pan de Cea e chourizos ao viño, doados por Embutidos Tradicionais “Castro Bello” e por Señorío de Beade-A Portela. A festa rematará cun baile popular a partires das 20.30 horas.

O alcalde de Cea, José Luis Valladares, incidíu no transcurso da súa intervención radiofónica na importancia que ten para Cea a industria do pan e o gran acerto que tiveron fai 22 anos cando "acoardamos facer aquela primeira edición da festa do pan de Cea, porque 22 anos despois xa é data sinalada no calendario ceano, ademáis de ser un escaparate tanto para o noso pan como para o pobo de cea". Valladares convidou a toda a audiencia a achegarse a Cea "tanto este domingo como calquera outro dia do ano, que coñezan o noso casco vello, o mosteiro de Oseira ou a Serra da Martiñá, se veñen seguro que repiten".

As piscinas do Lodairo en Cea e A Rañoa en Maside acollen esta actividade que chegará ademáis a outras 14 localidades galegas.

O secretario xeral de Política Lingüística da Consellería de Cultura, Educación e Ordenación Universitaria, Valentín García, presentou esta mañá no Edificio Multiúsos de San Cristovo de Cea, “Augalingua”, a nova actividade estival que estrea o programa de dinamización lingüística “FalaRedes 2013”. A proposta chegará, desde hoxe e durante todo o mes, a 16 concellos pertencentes á Rede de Dinamización Lingüística (RDL) da Xunta de Galicia para dinamizar a lingua galega en piscinas municipais e praias fluviais, por medio de xincanas centradas en xogos de lingua e habilidade, nas que a rapazada de 6 a 12 anos participará guiada por monitorado.

 En palabras de García Gómez, “Augalingua incorpórase ao programa FalaRedes 2013 e chegará a concellos da RDL como unha actividade infantil, lúdica e participativa, propia do verán, e como oportunidade para promovermos o uso da lingua entre os máis novos ligando a imaxe do idioma á diversión e aos xogos”.  

Á rolda de prensa na localidade ceesa asistiron, amais do secretario xeral, o alcalde, José Luis Valladares; o delegado territorial da Xunta en Ourense, Rogelio Martínez, e a responsable da empresa xestora da actividade, Concepción Diéguez (Reverso Comunicación Cultura e Lingua).

16 localidades anfitrioas das xincanas lingüísticas da RDL

"Augalingua" enceta o seu percorrido pola RDL hoxe á tarde, cunha xincana na piscina municipal de Loairo ás 16:30 horas, na que poderán participar, de balde, rapaces e rapazas de entre 6 e 12 anos. Ademais de en San Cristovo de Cea as xincanas lingüísticas farán parada nas localidades ourensás de Maside, Toén, Vilamarín, O Barco de Valdeorras, A Veiga, Sarreaus, A Bola e Muíños; na provincia de Lugo chegarán a Taboada, Monterroso, Guntín, Ribas de Sil e Parada de Sil e tamén recalarán en Ordes (A Coruña) e Lalín (Pontevedra) durante o mes de xullo.

‘FalaRedes 2013’

O programa “FalaRedes 2013” -dentro do que se enmarca a actividade “Augalingua”- é unha das iniciativas impulsadas pola Secretaría Xeral de Política Lingüística destinada aos concellos da RDL para fomentar o uso social do idioma e complementar a programación que para ese fin está a poñer en marcha a propia RDL durante este ano.

Logo do éxito da primeira edición, “FalaRedes” desenvolverá durante 2013 máis dun cento de actividades noutros tantos concellos, qe contribuirán á creación de espazos de uso e de aprendizaxe en galego ligados ao lecer e á cultura moderna unindo a imaxe da lingua propia de Galicia aos valores positivos da sociedade moderna.

O cartel de “FalaRedes 2013” inclúe o concerto familiar “Rosalía Pequeniña”, que percorrerá 40 municipios para dinamizar a lingua por medio da música e da poesía cantada, da man Uxía e de Sérgio Tannus, no ano en que celebramos os 150.º aniversario da publicación de “Cantares Gallegos”.

A música tamén é o fío condutor das outras dúas propostas do programa: “As pombas de Carboeiro”, unha actividade multidisciplinar na que cobran protagonismo as bandas de música municipais e que volverá en outubro, e o musical “A nena e o grilo nun barquiño” que, a cargo de Magín Blanco e do Teatro dos Ghazafelhos, vén de concluír unha xira por 18 localidades da RDL. “FalaRedes 2013” incorporará unha quinta proposta despois do verán, que chegará a outra vintena de concellos.

Toda a información sobre o programa e o seu calendario de actividades estás accesibles no web www.xunta.es/linguagalega/falaredes_2013 e tamén nas redes sociais.