O obxetivo primordial da nova asociación é colaborar co Banco de Alimentos no ámbito municipal do concello de Boborás.

A Sociedade Solidaria de Boborás contará ademáis coa colaboración do concello, que cedeu a esta nova asociación un local no consistorio. O alcalde, Cipriano Caamaño, confirmou nesta emisora de radio "o compromiso do concello para colaborar con esta sociedade", aínda que aclarou "trátase dunha iniciativa que nace ao marxe do concello, pola nosa parte cedemos e acondicionamoslle un local e agora asinarémos un convenio para regular esa colaboración".

Caamaño aproveitou a súa intervención radiofónica para "informar a todas as familias de Boborás que sintan que non poden atender necesidades básicas de alimentación, sobre todo a aquelas familias que teñan fillos menores e estean en dificultades, para que soliciten estas axudas".

A entrega de alimentos faráse con periodicidade mensual, e o primeiro reparto destes lotes procedentes do Banco de Alimentos faráse durante os próximos dias.

O grupo socialista anuncia a presentación dunha moción ante ao pleno da corporación municipal na expón "a gravidade desta problematica" e urxe medidas urxentes.

"Xa no mes de xullo e cunha climatoloxía propia deste tempo vemos como todas as zonas rurais están absorbidas pola vexetación, que inza estradas, camiños e zonas de ocio e esparcemento", afirman os socialistas.

Manifestan, ademáis, que "non e xa cuestión de estética ou de incomodidade para os veciños, senón que é unha custión de seguridade, está máis que claro que a xestión é nula e a insconsciencia do noso alcalde acada límites perigosos".

Dende o grupo socialista califican como de "despropósito" tanto a falla de prevención como a escasez de medios humanos para facer fronte aos incendios "coa selección de brigadistas para a extinción de lumes sen facer, coa situación laboral dos Grumir sen resolver e sabendo que o parque de bombeiros non ía estar rematado".

Os socialistas aseguran que os pagos foron aprobados mediante decreto do propio alcalde "pese ós informes de reparo expresados por Intervención".

Según a documentación que aportan os socialistas, en xaneiro deste ano abonouse unha factura en concepto de hotel para 3 persoas por importe de 3.864,50 euros. O gasto tería que ver coa organización dunha proba de motociclismo celebrada no Irixo.

Ademáis, no mes de abril, aboraronse outras tres facturas, por importe de 2.604,40 euros, duás desas facturas corresponden as presentadas por restaurantes en concepto de comidas pola celebración doutro evento deportivo.

O portavoz socialista, Xabier Rodríguez, considera que "mentres temos necesidades básicas sen atender e nos tempos que corren, parécenos unha falta de sensibilidade e respecto a todos os veciños que se gfaste diñeiro público en gastos de hotel e comidas".

Os novos responsables do club apostan por un adestrador moi xoven, 31 anos de idade, e con apenas dous anos de experiencia nos bancos nos que dirixíu ao C.D. Ramirás en 1ª autonómica.

A sala de trofeos do club, no municipal de Espiñedo, acolleu o acto de presentación de Miki López como técnico do C.D. Arenteiro para esta nova etapa que agora comeza, aínda sen saber en que competición participará, se en Preferente ou 1ª autonómica, a expensas do que fagan os equipos galegos na eliminatoria final de ascenso a 2ª B.

A elección de Miki López foi presentada polo Presidente Xan Pinal como "unha aposta decidida pola xente nova, e se nova é esta etapa, decidimonos por un adestrador xoven, con gañas de traballar e progresar, e comprometido con este novo proxecto que pasa por poñer en valor a identidade do Arenteiro e do Carballiño",

"Estou na miña casa, eu considerome do Carballiño" foron as primeiras palabras do novo adestrador do C.D Arenteiro, carballiñés pola súa familia materna, que comprometeu "traballo e máis traballo, son consciente que veño a un club histórico do fútbol galego e a un dos máis importantes da provincia, asi que esto para min é un reto persoal que espero superar con boa nota", suliñou.

Preto de 30 alumnas e alumnos da Escola de Danza, acompañados coas súas nais, protagonizaron unha protesta no consistorio que culminou cunha reunión co concelleiro de cultura e o alcalde carballiñés.

O colectivo mostrou o seu disgusto polo deficiente funcionamento do equipo de son do auditorio municipal, que motivou a suspensión do festival de fin de curso da Escola Municipal de Danza, programado para este pasado sábado dia 22.

A baixa afluencia de público no evento festivo celebrado o pasado sábado no parque municipal fai que goberno e oposición coincidan nas críticas á Xunta por deixar esmorecer unha xuntanza que se celebra no Carballiño dende finais dos anos setenta.

O alcalde do Carballiño xa trasladou no propio dia da festa a súa preocupación antes os responsables da Xunta "manifesteino públicamente no mesmo discurso do sábado no parque, que non se deixe morrer esta festa, éste non é o camiño a seguir, hai que manter a xuntanza porque é importante para O Carballiño, éste ano os participantes tiñan que pagar o autobús e só ese feito botou a moitos para atrás, dende o concello xa manifestamos a nosa preocupación e confiamos en que esta dinámica cambie cara o ano que ven", subliñou Marnotes.

Dende o PSdG poñen de manifesto o fracaso que a convocatoria supuxo para a hostelería local e apuntan "o perxuizo incalculable infrinxido a pulpeiros e hostaleiros instalados no parque municipal". Os socialistas culpan do fracaso á Xunta e o concello, que son "responsables desa estratexia conxunta que parecer ter orquestada a Xunta de Galicia e o noso señor alcalde Marnotes para afundir na miseria as poucas ilusións e esperanzas de sair adiante ou cando menos aforntan a actual situación de crise".

Como exemplo da falta de planificación e ausencia total de promoción, os socialistas poñen o feito "de que moitos veciños da vila descoñeceran por completo a actuación do grupo A Roda".

Pola súa parte, o BNG lamenta "que se deixe fundir unha festa que tanto representa para O Carballiño, e pola que tanto se traballou dende o BNG cando tivo responsabilidades de goberno".

Finalmente, dende A NOVA afirman que "a Xunta cargase a festa dos maiores, a edición deste ano foi con moito a pior dende a súa creación, constanos que hai demanda, o que falta é vontade política, de seguir asi e con esta ineficacia do grupo de goberno van conducir O Carballiño a un futuro moi oscuro, con istes gobernantes imos de mal en pior", proclaman dende a formación nacionalista.

A sesión plenaria corresponde celebrarse este xoves 27 de xuño, en vésperas das festas patronais de San Pedro na vila de Leiro.

O voceiro socialista no Concello , Manuel Rodriguez Vazquez , anuncia que a primeira das mocions esta relacionada a que se reconsidere a subida do IVE para Bens e Servizos Culturais polo Goberno de España, para que establezca o tipo reducido do IVE para as actividades culturais, como tamen propoñer e defender no seo das institucións da Union Europea, o establecemento dun IVE para a Cultura con tipo máximo por baixo do 10%. Proba de elo -manifesta Rodriguez- vese afectado por esta medida da suba do IVE  "o referente das Comarcas do Carballiño e o Ribeiro no tocante o cinema como non pode ser de outra maneira o Novo Cine de Leiro, e por eso presentamos esta mocion xa que e o maximo exponente publicitario a todos os niveis do noso Concello,  xa que despois da mala xestión levada a cabo polo goberno Municipal do Partido Popular tanto co Camping como tamen o Balneario de Beran, polo que eran os principáis motores economicos, e o Cine o que nos queda".

Tamen adiantan  desde o Grupo Municipal Socialista, outra das mocions,  relativa ás pensións no extranxeiro  "xa que moitos veciños vironse na obriga, tras os requerimentos da Axencia Tributaria a fin de acreditar as cantidades percebidas desde o ano 2008 ata este mesmo ano 2013, en concepto de pensións do extranxeiro, os socialistas de Leiro, solicitamos da Axencia Tributaria, que se exima dos exptes sancionadores as persoas afectadas, como tamen instamos o Goberno da Xunta aclaración sobre a obrigatoriedade de cotizar polas pensións do extranxeiro".

 Outra das mocions que traladan que propoñen trasladar ao debate plenario é a privatización do Rexistro Civil, "xa que suporía graves consecuencias tanto economicas como de outro tipo para os nosos veciños/as, xa que de pasar de ser gratuito unha partida de nacemento, matrimonio ou defunción, pasaria a costar como minimo entre 20 euros ou 30, e os máis grave e que desaparecería do noso Concello, e tendriamos que ir a capitalidade de Ourense, cos conseguintes gastos extras".

O Conselleiro de Medio Ambiente, Territorio e Infraestructuras entregou ao concello do Carballiño unha obra na que a Xunta investíu 1,2 millóns de euros.

Hernández destacou o esforzo realizado polo Goberno autonómico para executar unhas actuacións que teñen por obxectivo o realzamento de este templo de gran valor arquitectónico. Engadiu que un proxecto como este, do arquitecto Antonio Palacios, necesitaba unha contorna á súa medida. “Á vista do resultado, hoxe pódese afirmar que O Carballiño ve finalizado o proxecto máis esperado da última década”, afirmou.

Salientou o traballo e colaboración de todas as administracións implicadas, xa que se conseguiu harmonizar as distintas sensibilidades para acadar un resultado óptimo, que contribuirá a poñer en valor un dos principais referentes turísticos do Carballiño.

Hernández recordou que este proxecto foi posible grazas á súa inclusión dentro do Plan Hurbe, co que o goberno galego puido levar a cabo máis de 60 actuacións noutros tantos concellos galegos e que se traducen nun investimento de 86 millóns de euros para os municipios.

O conselleiro manifestou que estas cifras só teñen importancia na medida en que responden ao obxectivo de recuperar os espazos de encontro para mellorar as posibilidades de lecer dos cidadáns e contribuír ao reequilibrio territorial fixando poboación no medio rural.

O alcade do Carballiño, que recibíu a obra en representación do concello, salientou que "non a recibimos nos, senón todos os veciños porque este entorno é deles".

Marnotes dixo que era un dia grande para O Carballiño "é un deses días dos que se pode asegurar que quedará escrito e reseñado na historia do noso pobo, pois o que aquí se simboliza non é mais que a realidade do que todos os veciñós e veciñas do Carballiño, tíñamos desexado dende fai 20 anos".

Na súa intervención, o rexedor municipal agradeceu a implicación do conselleiro con esta obra, tamén tivo Marnotes recoñecementos para a Asociación Adro Novo "por recoller as sensibilidades do pobo e a todos os concelleiros e concellieiras que durante os distintos mandatos municipais puxereon o seu grao de area para que fose realidade o dia de hoxe".

Urbanización executada
Os traballos executados melloraron unha área de máis de 8.000 m2, que consistiu na pavimentación e implantación dos servizos urbanísticos de abastecemento e saneamento, enerxía eléctrica, alumeado público e telefonía.

Cómpre recordar que na actuación final se tiveron en conta as propostas de colectivos veciñais, do Concello e da Igrexa como a conservación integral da zona axardinada existente ao sur do templo ou do trazado actual do muro que delimita os xardíns pola rúa dos Canteiros.

Este proxecto de urbanización e pavimentación tamén implicou a rectificación do trazado dos pavimentos das beirarrúas da rúa dos Canteiros, adaptado ao muro de perpiaños citado no punto anterior. Tamén se reservou unha zona para actos públicos na confluencia da rúa dos Canteiros con Antonio Palacios, aproveitando o desnivel con escalinatas a modo de chanzos.

Construíuse unha nova rampla de acceso ao templo, con pendentes adaptadas, e levouse a cabo a mellora do contorno da mesma: enlousado de pedra nos pavimentos da rampla e das zonas de conexión coa rúa Evaristo Vaamonde e demolición dun muro de formigón. Realizouse unha redución do ancho do viario de conexión entre a rúa Vaamonde e a praza de San Ramón, de dimensión máxima de 8 metros, incluíndo beirarrúas e pavimento lastrado.

Asi o anunciou nesta emisora de radio o portavoz do Partido Popular, Martín Nogueira, que ademáis enviou un recado aos socialistas "o problema non é que desaparezan agora 100 prazas no entorno da Veracruz, senón as 900 que supriron eles nos 16 anos de goberno socialista".

Contestaba asi o portavoz popular ás criticas do grupo socialista, que viña de denunciar como "no proxecto de urbanización da Veracruz eleminaronse máis de 50 aparcamentos previstos polo anterior goberno, na desastrosa e incomprensible reforma-desaparición da Praza de San Ramón desapareceron outras 17, e na última e improvisada feita para Curros Enríquez, a reserva de prazas para residentes restará outras 43, en total máis de 100 prazas desaparecidas e o peor, sen aportar solucións alternativas de ningún tipo", denunciaron os socialistas.

Martín Nogueira lamentou "a hipocresia destes socialistas, que durante anos suprimiron prazas e máis prazas de aparcamento, e non teño moi claro por qué motivo ou intereses", manifestou.

O portavoz do goberno municipal adiantou que "estamos traballando coa Policía Local nun proxecto co que esperamos crear arredor de 250 novas prazas de aparcamento, pensamos que podemos conseguilo co aparcamento en batería que esperamos implantar en algunhas rúas", asegurou.

O veterano deportista proclamouse campión galego en 100 e 200 metros lisos, no campionato celebrado en Santa Uxía de Riveira.

Chema Ferreiro sigue en forma, e colleitando éxitos, aínda que agora non son políticos senón deportivos. Proba delo foi o seu triunfo nas finais das carreiras de 100 e 200 metros lisos, na categoria reservada para maiores de 60 anos.