Os socialistas falan de "revanchismo por causas ideolóxicas e nulo apoio dende o concello con entidades como o Casino, que tanto leva apostando pola organización de actividades culturais nos últimos tempos".

Adolfo Nogueira tamén se referíu no transcurso da súa intervención nesta emisora de radio "ó boicot que está a sufrir o Cine Club, e que eles mesmos denunciaron,  desde que se negaron a organizar as Xociviga, por desavenencias co propio concello". O concelleiro socialista recordou "incumprimentos de promesas como a feita ós grupos musicais sobre a construcción dun local de ensaios" e de forma expresa denunciou "o abandono da biblioteca municipal, onde son incapaces de cambiar unhas bombillas fundidas nos aseos, sen calefacción e co mobiliario roto".

"A palabra desmantelamento está no ADN deste goberno do Partido Popular", afirmou o concelleiro socialista "e non so falo de cultura, senón que tamén podía facélo dos distintos servizos municipais, esta mesma mañá varios pais da Escola de Fútbol mostrabanme a súa preocupación pola situación que están vivindo de nulo interés por parte do concello, está claro cal é a súa intención", subliñou.

Chegaba o líder a Espiñedo, que presentou unha boa entrada de público para un partido de 1ª Autónómica, máis de 400 espectadores. Si o fútbol se xogase aos puntos, o Arenteiro sería o gañador do encontro, pero no fútbol mandan os goles, e ningún dos dous equipos foron capaces de marcalos.

C. D. Arenteiro: Perdiz, Carlos, Lois, Dabarca, Diego López, Alex, Canexón, Victor Gallego, Prada, Bardelás e Quiroga. Tamén xogaron Marcos Sotelo, Cancelas, Omar e Oscar.

Verín C.F: Jorge, Padin, Ginzo, Xurxo, Mario, Luis Vilachá, Iglesias, Hugo, Pablo García, Quini Cotarelo e Eloy García. Tamén xogaron Saúl, Iago e Cote.

O Partido: Unha primeira parte igualada na que ambos equipos se trataron con moito respecto, e unha segunda parte para o Arenteiro, que xenerou neste periodo as mellores ocasións de gol do partido, pero atá en dúas ocasións as magnificas intervencións do meta visitante evitaron o gol, mentres que noutra Victor Gallego non chegou de cabeza cando xa se cantaba o gol. O Verín tan so foi capaz de crear perigo nun par xogadas de estratexia, nunha delas Carlos sacou un balón cando se colaba na portería local. Bo partido en xeral de todo o equipo carballiñés ao que, acaso, faltou o arrreón final para gañar o partido.

O xogador poderá xogar este domingo o partido que o Club Deportivo Arenteiro desputará en Espiñedo -17 horas- fronte ó Verin C.F., correspondente á octava xornada de liga.

O Club carballiñés presentou un recurso ante o Comité de Apelación da Federación Galega de Fútbol, contra o acordo do Comité de Competición de sancionar con dous partidos de suspensión ao centrocampista do C.D. Arenteiro. 

A última hora da tarde do venres, o Club recibíu a notificación  do Comité de Apelación, que acorda estimar a medida cautelar de suspensión, quedando pendiente de resolución o recurso, polo tanto Victor Gallego poderá desputar o partido ante os verinenses. O Club considera inxusta a sanción ao xogador tras a súa expulsión do pasado domingo en Xinzo de Limia, e espera que o Comité de Apelación deixe sen efecto a citada sanción.

O Comité de Competición sanciona con dous partidos de suspensión ao centrocampista do Arenteiro tras a súa expulsión no partido do pasado domingo en Xinzo de Limia.

O Comité desestima asi as alegacións presentadas polo Club Deportivo Arenteiro. Victor Gallego perderáse o partido ante o líder Verín deste domingo en Espiñedo, e o correspondente á seguinte xornada en Velle. 

No partido ante o Boado C.F. tamén foi expulsado o adestrador do Arenteiro Miki López, sancionado cun partido de suspensión.

O Partido Popular de Piñor asegura que a concelleira leva varios meses fora do municipio "e unha persoa que está no extranxeiro non pode traballar polos intereses dos seus veciños", respondelle o alcalde Francisco Fraga culpando da ausencia ao PP "vese na obriga de emigrar, como o resto da mocidade galega, para procurar fora o que este goberno do PP lles nega en Galicia".

Dende o Partido Popular manfestan que " o alcalde de Piñor ten a obriga moral  cos seus veciños de darlles unha explicación e de tomar as medidas oportunas para regularizar a actual situación do goberno municipal do concello de Piñor". Engaden "o respecto á decisión desta concelleira, cadaquén é libre de decidir e buscarse o seu medio de vida cómo e onde queira, pero non podemos consentir nin estamos de acordo no abandono das súas responsabilidades como concelleira e como tenente de alcalde, de non poder cumplir coas súas obrigas, debería demitir", concluen.

O rexedor responde que "non todos teñen a sorte de que os enchufen na Deputación ou de que os coloquen a dedo como asesores  en postos bicoca pagados cos impostos de todos". Fraga asegura que "a ausencia temporal da tenente de alcalde non impide o normal funcionamento do concello de Piñor in suón custe algún xa que non recibe ningunha retribución do concello".

A Área de Deportes considera "un éxito total" esta actividade, que conseguíu un novo record da participación, ao superar os 600 ciclistas inscritos.

Pais, fillos e avós, como o caso do participante de máis idade -de 82 anos- participaron neste paseo de 10 kilómetros polo Carballiño e arredores, nun ambiente lúdico e familiar. Tamén con algúns participantes chegados de fora do Carballiño, entre eles un turista de Nova Zelandia. 

A proba servíu, ademáis como inicio da campaña "1,5", coa que se recorda a a todos os conductores a obrigación de deixar esa distancia cando se adianta a un ciclista, asi como o resto da normativa de tráfico.

O Arenteiro suma outros tres puntos tras a súa visita a Xinzo de Limia, eso si, cunha segunda parte dos verdes difícil de explicar, complicandose un partido que gañaban aos 11 minutos por 0-3, e por 0-4 aos 47 minutos. 

C.D. Arenteiro: Perdiz, Carlos, Diego López, Dabarca, Oscar, Alex, Victor Gallego, Bardelás, Canexón, Martín e Quiroga. Tamén xogaron no transcurso da segunda parte, Omar, Prada, M. Sotelo e Manu.

Goles:

0-1. Minuto 4, Canexón.

0-2. Minuto 9, Victor Gallego.

0-3. Minuto 11, Victor Gallego.

0-4. Minuto 47, Quiroga.

1-4. Minuto 57, Pablo.

2-4. Minuto 58, Camilo Vila.

3-4. Minuto, Javier Vispo.

O Partido: Pasoulle en Celanova fai quince dias e volveulle pasar esta tarde en Xinzo de Limia, o Arenteiro domina claramente no marcador e en poucos minutos parece irse do partido propiciando a reacción rival. Pudo o Arenteiro acadar unha goleada escandalosa ao seu favor e acaba pedindo a hora, algo que so pode explicar a falta de concentración de algúns xogadores, un defecto que debería correxirse cara futuros partidos. Para máis inri, o árbitro (Alejandro Castro, do Colexio de Pontevedra, moi desafortunado, tragouse un clarísimo penalti na área do Boado e perdonou a expulsión do meta local ) expulsou con vermella directa ao adestrador do Arenteiro Miki López  e a Victor Gallego, ao interpretar que deu un codazo a un contrario, perderáse o partido ante o Verín. 

O servizo prestaráse no local de "Bo Dia Familia", na rúa Calvo Sotelo. A inciativa "nace da política transversal das concellerías de Benestar e Educación" manifestou o alcalde Marnotes.

A este comedor poderán acudir como usuarios do mesmo os escolares carballiñeses entre os 3 e os 12 anos de idade, e terá un coste diario de 3,62 euros ao dia. Está pensado "para aqueles escolares que se quedaron sen praza no comedor do colexio público ou para todos aqueles que queiran utilizalo, desta maneira o concello pon a disposición das familias un servizo para axudarlle a conciliar a vida laboral e familiar", subliñou o rexedor municipal.

A empresa "Visama" encargaráse de ofrecer "menús equilibrados, que farán cociñeiros e nutricionistas e adaptados ás idades dos nenos". O prazo para incribirse está aberto ata o dia 20 deste mes de Outubro e comezará a funcionar a partir do mes de Novembro.

O Grupo Municipal Socialista denuncia a falta de rigor na contratación do persoal para  o concello de Leiro .

O Portavoz, Manuel Rodríguez  "ten constancia de dende o pasado luns nas brigadas de Cooperación hai un traballador que se censou fai dous meses no concello de Leiro,  e que ante a petición de explicacións do grupo municipal o alcalde escudouse en que o servizo Galego de Colocación foi quen lle enviou os candidatos pero quen fai a selección e o  propio concello", dixo.

Dende o Grupo Municipal Socialista esixínlle ao alcalde "que faga unhas bases de contratación que garanticen os principios de igualdade mérito e capacidade e que non quede en entredito que no concello de Leiro se contrata sin máis criterio que o de a amizade, e favores...cando  moitos veciños están en situación de desemprego e non se lles da ningunha opción para traballar no mesmo", manifesta Rodríguez.

Según o PSdG o concello do Carballiño perdeu  "en torno os 10.000 euros" ao ser denegada unha liña de axuda que sería destinada aos programas de de fomento da conciliación, mentres que a concelleira de Benestar Social considera que a información socialista é "errónea e malintencionada".

Os socialistas afirman que a subvención foi denegada por un defecto na tramitación da solicitude ao "non declarar os ingresos xerados polos cobramento de cotas, taxas ou similares por participación na actividade". Engaden ademáis que "non é a primeira vez que nos atopamos con que na concellería de Benestar Social se perde unha axuda necesaria, debido, supoñemos, á ineptitude coa que se dirixe esta área, recordamos que dende que está o PP no goberno municipal xa se perdera unha axuda destinada ao CIM", remarcan.

Versión ben distinta é a da concelleira. Purificación Alberte asegura que "vimos de recibir unha axuda para as actividades do CIM de 28.800 euros, é lamentable que o Partido Socialista intente confundir os veciños e veciñas do Carballiño con este tipo de críticas, e máis cando eles saben que o CIM creouse o ano 2007 gobernado eles e ata o ano 2001 foron incapaces de xestionar subvención algunha, polo que o coste do servizo sempre foi a cargo do concello ata que chegamos nos". En relación á liña de axuda rexeitada, a concelleira manfestou que "foron catro as liñas de axuda solicitadas, e delas unha denegada, que agora temos un mes para recurrir".