Prácido partido para o Arenteiro na súa visita ao campo da Moreira de Xinzo de Limia, os carballiñeses dominaron o partido de principio a fin, e suman unha nova victoria a domicilio que lles permite colocarse como líder da liga na 1ª autonómica.

C.D. Arenteiro: Pachi, Escudero, Lois, Diego Lopez, Dabarca, Omar, Bardelás, Gallego, Quiroga, Martín e Prada. Omar, lesionado no m. 17, tivo que deixar o campo e no seu lugar entrou Alex. No último tramo do partido tamén xogaron Canexón, Oscar e M. Sotelo.

Goles: 

0-1: Minuto 7. Martín, a pase de Bardelás.

0-2: Minuto 59. Penalti sobre Victor Gallego que transforma Dabarca.

1-2. Minuto 69. Penalti cometido por Lois, marca Samu para os locais.

1-3: Minuto 71. Centro medido de Quiroga que remacha Martín.

1-4. Minuto 92. Balón que sirve Gallego sobre Quiroga que marca a porta baleira.

O Partido: De moi pouca historia debido a abrumadora superioridade do C.D. Arenteiro nunha tarde na que os verdes poideron acadar unha goleada moito máis ampla, xa que tanto na primeira como na segunda parte Martín e Quiroga dispuxeron de ocasións moi claras para incrementar a renda de goles. 

O Hotel Monumento de San Clodio acolleu o Congreso Local do Partido Popular en Leiro.  

Os compromisarios amosaron o seu apoio unánime á candidatura única, liderada por Francisco José Fernández Pérez, que revalidou deste xeito a confianza dos militantes populares.

O recén reelixido presidente local transmitiu no seu discurso que “dende Leiro e dende tódolos gobernos municipais do Partido Popular se traballa a reo, aínda que moitas veces non se visualice ese esforzo. Por eso debemos asumir como reto a necesidade de explicarlle ben aos noso veciños todo o que estamos a facer e que, sobre todo, sabemos facer as cousas ben”. Puxo como exemplo Francisco José Fernández Pérez a situación económica do Concello de Leiro, que él preside como alcalde: “Temos un Concello saneado e con superávit, cando no resto da comarca do Ribeiro a meirande parte dos municipios están endebedados”.

Outro dos retos que sinalou o responsable local dos populares é o relanzamento das Novas Xeracións do PP en Leiro. “Hai anos que xa estaban creadas, pero é o momento de relanzalas e darlle un pulo para que os máis novos do municipio se impliquen en política”, dixo.

 Trala intervención do presidente local electo, tomou a palabra o secretario xeral do PPdeG, Alfonso Rueda, quen felicitou á candidatura e a todo o Partido Popular de Ourense, tanto polo seu intenso traballo, como polo proceso de renovación das xuntas locais que está en marcha. Neste senso, alabou o compromiso feito público polo presidente provincial, consistente en que estarán renovadas 40 das 92 xuntas locais da provincia antes das Eleccións Europeas de 2014.

O presidente provincial, Manuel Baltar, foi o encargado de clausurar o Congreso Local dos populares en Leiro. Agradeceu na súa intervención a Francisco José Fernández o compromiso amosado cos máis novos, sinalando que “a xuventude é o futuro do PP e, como tal, debemos potenciar aos xóvenes para que se impliquen en política”. Ademáis, no tocante ao compromiso adquirido polo presidente local de explicar o traballo realizado polos populares, Manuel Baltar incidiu "nas tres ces: comunicación, coordinación e cooperación. As tres claves fundamentais para manter e incrementar a confianza nas políticas postas en marcha polos populares".

O concello do Carballiño elaborará unhas bases "claras e concisas que van regular estas axudas ás familias carbaliñesas en situación de emerxencia social", anunciou o alcalde.

Marnotes tamén avanzou que os grupos políticos municipais verán recortada a súa asignación económica para o ano que ven, pasando dos 20.000 euros que tiñan aos 17.000 euros "a razón de mil euros por concelleiro, e destinaremos ese diñeiro a aumentar o capítulo destinado a axudas de emerxencia social, para que as familias carballiñesas que están nesta situación poidan facer fronte a gastos tales como a luz, auga, comida ou un aluguer", subliñou.

O alcalde carballiñés anuncio que aumentará a aportación municipal para atender casos de emerxencia social, dos 2.000 euros deste ano aos 10.000 euros que se contemplarán nos orzamentos de 2014.

Marnotes tamén recordou "que por primeira vez no concello do Carballiño, fixaronse bonificacións nas taxas municipais das que se beneficiarán as familias en situación de emerxencia social" que entrarán en vigor o ano que ven.

O anuncio do concello carballiñés chega tras o acordo entre Xunta e Fegamp para aplazar o incremento do 34% que Sogama tiña previsto aplicar no canon aos concellos a partir do vindeiro 1 de Xaneiro.

Tras o principio de acordo anunciado o pasado venres, Sogama non fará efectivo o incremento ata o mes de xullo. Tras aprobar unha subida de 7,33 euros na taxa municipal para o ano 2014, o concello do Carballiño fixo pública unha nota de prensa na que aclara que "conxelarase a taxa da recollida do lixo durante o primeiro semestre de 2014, desta maneira os veciños do Carballiño non terá que asumir a subida do 12% nos recibos da recollida do lixo, polo menos ata o mes de Xullo de 2014, confirmandose asi en parte o desexo do alcalde de conxelar esta taxa municipal", manifestan.

Outra sufrida victoria dos verdes en Espiñedo, desta vez ante un bo Covadonga. O Arenteiro quedouse dende os inicios da segunda parte con 10 xogadores no campo tras ver cartón vermello directo Manu ao tocar o balón coa man para evitar o gol visitante. Pachi detivo o penalti e a partir de ahí o Arenteiro aguantou ben o resultado.

C.D. Arenteiro: Pachi, Carlos, Lois, Dabarca, Oscar, Omar, Manu, Gallego, Quiroga, Martín e Prada. Tamén xogaron Canexón, Alex, Sotelo e Cancelas.

Goles:

1-0. Minuto 10. Internada de Prada pola banda que se planta ante o porteiro do Covadonga e sirve o balón en bandexa a Manu, que marca.

2-0. Minuto 78. Desta vez é Marcos Sotelo quen coloca a pelota na área, Victor Gallego toca o xusto para que Quiroga remate ao fondo da portería.

O Partido: Vistoso e entretido no primeiro periodo con ocasións en ambas porterías. Na reanudación, e tras a expulsión de Manu o Covadonga desaproveitou a oportunidade de empatar o partido o despexar Pachi o balón no penalti lanzado por Toni. A partir de ahí, o Arenteiro, sabedor da súa inferioridade numérica pola expulsión de Manu, defendeu con acerto a exigua ventaxa no marcador ata que chegou o gol da sentencia xa na parte final do partido. O árbitro Iván González anulou dous goles, ao Arenteiro no minuto 12 e ao Covadonga no 84, en ambos casos por suposto fora de xogo.

Adiante na Copa Deputación

Os carballiñeses superaron sen problemas a eliminatoria de oitavos ante o At. Vilariño, ao que volveron derrotar en Espiñedo co mesmo resultado que no partido de ida, 2-1.

Tratase do galardón creado polo "Aparthotel Arenteiro" para recoñecer a traxectoria e valores de persoas e institucións das comarcas do Ribeiro e O Carballiño.

Os premios teñen dúas modalidades, cultura e ciencia, e deportes. Os galardóns son concedidos por un xurado que preside o historiador Xosé Lois Sobrado, e consiste na entrega dunha escultura de Acisclo Novo.

Na modalidade de cultura e ciencia a II Edición da Arenteira correspondeu ao carballiñés Miguel Anxo Fernández, do que o xurado valora " a súa longa dedicación, formación, e a súa traxectoria profesional e a súa aportación e implicación persoal co mundo da cultura carballiñesa e galega, especialmente co mundo do cine".

Na modalidade de deportes, a Arenteira 2013 é para o deportista paralímpico José Manuel Prado, que formou parte do equipo español de boccia nas pasadas paralimpiadas de Londres, o xurado tivo en consideración "os valores de superación diaria, do seu esforzo, do sacrificio e da súa constancia no so na actividade deportiva senón tamén na súa vida cotiá".

No acto de entrega celebrado no salón central do "Apartarthotel Arenteiro" deronse cita unha numerosa representación da sociedade carballiñesa, que acompañaron aos dous premiados.

O grupo municipal socialista ve con preocupación "que o nome do Carballiño apareza relacionado con este tipo de conductas" e considera que "o alcalde ten a obriga moral de convocar un pleno e dar explicacións".

As petición dos socialistas chega tras as últimas novidades do caso Pokémon, e tras dividir a xuíza a instrucción en 9 pezas. Precisamente, en dúas delas aparece como imputado o alcalde carballiñés.

"A xuiza afirmase nas acusacións en base aos datos obtidos de intervencións telefónicas, análise de expedientes oficiais e as declaracións prestadas, reiterando as sospeitas contra o alcalde do Carballiño en relación coas actividades da empresa VENDEX e a adxudicación de contratas para desbroces de camiños rurais", afirman os socialistas.

O portavoz municipal Paco Fumega, que compareceu en compañía de varios concelleiros do grupo municipal, fixo referencia "á preocupación que vemos entre a cidadanía do Carballiño, nos representamos ao 40 por cento desa cidadanía e queremos manifestar a profunda preocupación por esta situaicón e suxerir a necesidade de que o alcalde dimita e deixe paso a outro concelleiro do seu grupo no timón da xestión municipal".

O espeso fume que saía pola cheminea levou a un veciño a dar a voz de alarma, foi providencial para que non se propagase o lume.

Os Servizos de Emerxencias do Concello do Carballiño recibiron o aviso sobre a unha da tarde e en poucos minutos conseguiron controlar a situación. Ao parecer, o lume prendeu no illante do tiro da cheminea nesta vivenda habitada, na rúa Caravel, no barrio de Flores. Tan so se produciron danos materiais, sen consecuncia algunha para os veciños.

O alcalde de Cea anunciou a presentación dunha querella criminal contra o empresario de "Las 5 Jotas" polas acusacións de soborno "non teño nada que ver con eso" asegurou no pleno ante a petición de explicacións da oposición.

"A xente de Cea vai saber todo, detalle por detalle" manifestou o alcalde de Cea á demanda de "tranparencia" dende a oposición, tanto por parte da nacionalista Elvira Fernández como do socialista Guillermo Dopazo.

O empresario, José Manuel Costas, investigado pola maior trama de fraude fiscal en Galicia, apuntou nas súas declaracións nun xulgado de Vigo a "todos os partidos" como receptores de diñeiro negro, aínda que de forma expresa citou ao alcalde de Cea e un funcionario, aos que acusou de soborno nunha operación que tería que ver coa compra dos terreos destinados ao polígono industrial de Cea.

Dopazo, tras afirmar que o asunto provocou unha gran alarma social no municipio, solicitou ao alcalde que publique na páxina Web do concello os bens patrimoniais dende o ano 2005, Valladares respostoulle manifestando que "xa os ten pulbicados na Deputación, cando estiven de deputado".

"Teño a conciencia moi tranquila, se tivera dúbidas dalgún trámite non durmiría tranquilo, pero durmo tranquilo estes dias, mellor que nunca", sentenciou o alcalde de San Cristovo de Cea.

Unha representación do alumnado dos centros de ensinanza do Carballiño participaron no acto institucional do 25 de novembro como dia internacional contra a violencia de xénero.

A este acto, celebrado na Praza Maior, non asistiron os socialistas, que explicaron a súa ausencia polas discrepancias que manteñen co Partido Popular, tanto a nivel local como cos gobernos do Estado e autonómico. O PSdeG considera "unha hipocresia estes actos nos que só se procura o consenso para o propio", manifestan.