Unha representación do alumnado dos centros de ensinanza do Carballiño participaron no acto institucional do 25 de novembro como dia internacional contra a violencia de xénero.

A este acto, celebrado na Praza Maior, non asistiron os socialistas, que explicaron a súa ausencia polas discrepancias que manteñen co Partido Popular, tanto a nivel local como cos gobernos do Estado e autonómico. O PSdeG considera "unha hipocresia estes actos nos que só se procura o consenso para o propio", manifestan.

Efectivo partido dos carballñeses  que endosaron ao líder Nogueira de Ramuín a primeira derrota da tempada no seu campo da Tella, o  que lle permite ao C.D. Arenteiro continuar coa súa racha de imbatibilidade nas últimas 9 xornadas de liga, sumando 2 empates e 7 victorias. 

C.D. Arenteiro: Pachi, Carlos, Diego López, Lois, Oscar, Omar, Bardelás, V. Gallego, Quiroga, Martín e Prada. No último cuarto de partido tamén xogaron Canexón, Manu, Núñez e M. Sotelo.

Goles: 

0-1. Minuto 50. Diego Quiroga executa maxistralmente unha falta enviando o balón á escuadra da portería local.

0-2. Minuto 71. Walter Martín, de cabeza, ao máis puro estilo Carlos Santillana. 

0-3. Minuto 84. Outro libre directo sobre a portería local, desta vez é Manu quen protagoniza un magnífico lanzamento, salvando a barreira e enviando o balón axustado o pau.

O Partido: Con dúas partes moi diferentes, a primeira na que o líder dominou e a segunda na que o Arenteiro sentenciou con solvencia. O momento clave do partido pudo ser o minuto 39, cando o Nogueira quedouse con 10 xogadores no campo por expulsión de Meleiro, que víu doble cartón amararelo. Atá ese momento o Nogueira controlaba o partido cunha presión no medio do campo que impedía aos carballiñeses poder progresar cara a área local. Na segunda parte, o partido mudou sustancialmente, sendo entón o Arenteiro o que pasou a controlar o partido e a gozar das mellores ocasións, e froito delas chegou a victoria.

O congreso local do Partido Popular do Irixo desenvolveuse según o guión previsto, o actúal alcalde -único candidato- foi reelixido por unanimidade como presidente local.

Manuel Penedo agradeceu a renovación da confianza depositada nel e no seu equipo, e avanzou que “os nosos obxectivos para este mandato son facer do Irixo, un lugar que aparte de ser grande en extensión tamén o sexa en ilusión, e sobre todo en ilusión no seu futuro. Temos que apoiar a puxanza comercial e industrial do noso pobo, volcándonos nos sectores productivos de especial transcendencia. E tamén é  indispensable aprobar canto antes o Plan Xeral de Ordenación, para a posta en marcha do futuro polígono industrial, porque sen empresas e moi difícil fixar poboación. Se conseguimos fixar poboación conseguiríamos darle traballo a todas as pequeñas empresas e autónomos que temos no noso concello, en especial os do sector da construcción que son o colectivo máis abundante”, manifestou ante o medio centenar de persoas, entre afiliados e invitados, que acudiron a este congreso local celebrado no restaurante Abanico.

Tamén falou o presidente local das potencialidades do municipio: “O noso concello  ten atractivos de gran interés cunha natureza de beleza impresionante, asi como un patrimonio cultural que xunto ca beleza paisaxistica debemos aproveitar para darle un impulso o turismo rural  para dar a coñecer as nosas riquezas máis alo dos limites comarcais. Outra das nosas grandes riquezas son os sectores agrarios e forestais, os cales tamen debemos recuperar para explotar a través da producción de carne de gran calidade, tanto de ganado vacuno como como ovino, de gran tradición nos nosos pobos. O sector forestal debemos aproveitalo  en  colaboración coas distintas comunidades de montes, para xerar riqueza e postos de traballo, debido a súa gran extensión e as súas grandes potencialidades, tanto no tema da madeira, como de caza, de explotación agrarias", subliñou o actúal alcalde do Irixo ante os compromisarios e invitados.

Asi o recolle a conta xeral de 2012 do concello do Irixo, 656.247 euros en concepto de recibos de impostos e taxas municipais pendientes de dubidoso cobramento, unha cantidade que aproximase ao orzamento anual, cifrado en 794.000 euros.

Non é o único dato que sorprendeu a Manuel Iglesias, veciño da parroquia do Campo, que o comentou nesta emisora de radio "é unha mostra da desidia destes gobernantes que temos no Irixo, esto en calquera administración ou empresa siñificaría a quebra, e resulta que aquí dín que teñen superavit".

Hai outros aspectos sigñificativos  que tamén chamaron a atención deste veciño "como son as cifras sempre redondas de moitos capítulos, como os 90.000 que se destinaron a gastos diversos ou os 30.000 euros a gastos de material de oficina nun ano", subliñou.

 Optaba á reelección como presidente local do Partido Popular e acadou o 100% de apoio dos compromisarios que depositaron os seus votos.

O congreso local dos populares celebrouse no local social da Canda, na localidade de Cotelas. Durante a súa intervención, José Luis González lembrou o intenso traballo que conlevou a reestructuración do PP en Piñor “para volver a rexurdir o Partido Popular de Piñor e crear ilusión entre os máis novos, e confianza entre os máis lonxevos. Os resultados deste traballo foron reflexándose nos apoios acadados ó longo das diversas convocatorias de eleccións”.

 O reelixido presidente local dos populares manifestou tamén que “quero presidir e formar parte dun partido grande, entendido como a máxima expresión da palabra; dun partido unido, dun partido para todos, no que a mocidade aporte novas ideas e os máis veteranos a experiencia de moitos anos traballando por o noso pobo, Piñor”.

 Por último, José Luis González sinalou que “dende mañá mesmo poñerémonos a traballar para solucionar os problemas dos nosos veciños, para facerlles ver a nefasta xestión que está facendo  o PSOE no noso Concello e para que depositen en nós a confianza necesaria para que o Partido Popular gañe as eleccións municipais de maio de 2015, e Piñor e os seus veciños; teñan o que se merece: unha xestión municipal eficiente para todos. Ese é o noso obxectivo, polo que insisto: co esforzo e o traballo de todos o éxito está asegurado”, algo no que tamén abundou o vicesecretario do PPdeG, Agustín Hernández, que tomou a palabra para agradecer "o intenso traballo levado a cabo no Partido Popular de Ourense, e que se ve refrendado en todas e cada unha das citas electorais".

Para o Partido Popular tratase de axustar as taxas para "favorecer ás familias carballiñesas con rendas máis baixas", para o PSdeG representa "unha nova mostra da despiada política" do goberno de Marnotes.

O goberno popular aprobou, cos votos en contra do grupo socialista, o expediente de modificación das ordenanzas fiscais para o ano 2014 no concello carballiñés. Á sesión da corporación municipal non asistíu a concelleira do BNG, Áurea Francisco.

Según a proposta do grupo de goberno, vai experimentar un incremento do 12% a taxa da recollida do lixo "para facer fronte á subida do coste do canon de SOGAMA, ainda que inicialmente estaba previsto conxelar esta taxa, vémonos na obriga de aplicar este aumento , de maneira que un domicilio que viña pagando 64,37 euros ó ano pasará a pagar 72,10 ó ano, polo tanto 7,33 euros a maiores no caso daqueles domicilios con recollida diaria", explicou o alcalde Argimiro Marnotes.

Tamén se incrementan aquelas taxas que están afectadas polo plan de axuste, a auga terá un incremento do 1% no recibo, 2,5% nas licenzas urbanísticas, 15% nas escolas deportivas e 20% no Conservatorio e Escola de Música. Non experimentarán incrementos o resto das taxas, ata un total de 23, asi como o IBI.

"Por vez primeira no concello do Carballiño aplicararánse bonificacacións  para as familias con menos recursos económicos", destacou Marnotes, das que se benificiarán aquelas familias con ingresos mesnuais inferiores a 1.065 euros mensuais, con rebaixaas que van entre o 10 e o 30%, que chegarán atá o 75% para aquelas familias acreditadas en situación de emerxencia social.

Para o portavoz socialista Paco Fumega "chove sobre mollado, fai unhos meses este mesmo alcalde anunciaba que se conxelarían as taxas e agora volve faltar a súa palabra, o que xa estamos moi acostumados, nos estamos radicamente en contra deste incremento nas taxas porque os veciños do Carballiño xa soportan unha excesiva carga fiscal, esto é unha extorsión en toda regla ós veciños do Carballliño coa que para nada estamos dacordo", manifestou Fumega nesta emisora de radio.

Outros tres puntos para o casilleiro do C.D. Arenteiro, que suma desta maneira oito partidos consecutivos imbatido en liga, con dous empates e seis victorias nas últimas oito xornadas. Ante o Polígono San Cibrao os carballiñeses volveron sufrir, sobre todo ao  xogar a última media hora de partido con 10 xogadores por expulsión de Alex.

C.D. Arenteiro: Pachi, Carlos, Diego López, Lois, Oscar, Alex, Bardelás, Núñez, Quiroga, Martín e Prada. Tamén xogaron Canexón, Omar, M. Sotelo e Dabarca.

Goles:

1-0. Minuto 1. Internada de Prada pola banda que o propio xogador culmina cun tiro raso.

2-0. Minuto 46. Outra vez Prada aparece para aproveitar un rexeite do meta visitante Alberto.

2-1. Minuto 76. Gustavo, de cabeza, bate a portería de Pachi.

O Partido: O mellor, o resultado. Ao Arenteiro cóstalle sacar adiante os partidos en Espiñedo, desta vez pudo facélo aproveitando os dous goles "sicolóxicos" marcados no minuto un de cada periodo, pero volveu estar moi espeso no seu xogo. A atenuante, que xogou dende o minuto 62 en inferioridade pola expulsión de Alex, que víu dúas tarxetas en apenas 10 segundos, a segunda por protestar.

José Luis Valladares nega por medio dunha nota de prensa as acusacións feitas polo empresario que promoveu a construcción do polígono industrial do Fondo de Cea.

José Manuel Costas, o empresario de "Las 5 Jotas", involucrado na actualidade nunha trama de fraude fiscal que investiga a xustiza, acusou ao alcalde de Cea no xulgado vigués que leva o caso "de pedirlle diñeiro en efectivo a cámbeo de xestións", según o que trascendeu desa declaración e recollen distintos medios de comunicación.

O rexedor municipal remitíu a esta emisora de radio unha nota de prensa na que nega as acusacións e anuncia accións legais para defenderse do que considera "un infundio".

Prerma no arquivo adxunto para ver a nota de prensa do alcade de Cea:

Unha xogada "delicatessen" da dianteira verde culminada por Victor Gallego deu os tres puntos ao C.D. Arenteiro  no campo dos Carrís ante o Barbadás B nun partido no que se xogaban algo máis que 3 puntos e no que o equipo carballiñés cumplíu, e con boa nota, xa que xogou un dos partidos mais serios no que vai de liga.

C.D. Arenteiro: Pachi, Carlos, Diego López, Lois, Oscar, Alex, Bardelás, V. Gallego, Quiroga, Martín e Prada. Tamén xogaron Canexón, Cancelas, A. Núñez e Omar.

Goles:

0-1. Minuto 21. Xogada de tiralíneas da dianteira do Arenteiro que inicia un centro de Prada que Martín deixa pasar, logo toca sutilmente o balón Quiroga e finalmente Victor Gallego golpea ao fondo da portería.

O Partido: Controlado de principio a fin polo Arenteiro, que pudo lograr na parte final do encontro incrementar o marcador ao seu favor, xogado con moita intensidade por ambos equipos, gañou o que tivo máis ocasións e fixo méritos suficientes para quedarse cos 3 puntos, calaquera outro resultado houbese sido inxusto. O  Arenteiro estivo moi serio en defensa, lixeiramente adiantada, ben no medio do campo e incisivo en ataque.

Veciños lindantes denunciaran o aumento de volume na edificación e o Tribunal Superior de Xustiza de Galicia deulles a razón e ordenou ao concello que repoñese a legalidade urbanística.

Tratase do edificio sito entre a Praza dos Irmáns Prieto e a Avenida Julio Rodríguez Soto, popularmente coñecido como o edificio do "Hotel Rogelia", xa que a nova construcción edificouse no solar que ocupaba o famoso hotel carballiñés aberto ata os anos oitenta do século pasado.

O TSXG ordenanara o derrubo de 6 áticos e 36 rochos, e o concello do Carballiño solicitara que se considerase inexecutable a sentencia, tendo en conta o perxuizo social e económico que causaría a execución da sentencia, tan so o proxecto de derrubo e as indemnizacións superarían os dous millóns de euros, pero o alto tribunal denegara a petición presentada durante o mandato do ex-alcalde Carlos Montes, ao considerar que non se xustificara debidamente o recurso de súplica.

Xa durante o actúal mandato municipal, o alcalde Argimiro Marnotes volveu solicitar do TSXG que se considerase inexecutable a sentencia, alegando mediante a presentación dun informe feito por unha empresa especializada que o derrubamento faría perigar a estructura do edificio. Finalmente, o tribunal acepta agora a petición do concello e declara como inexecutable o derrubo e contempla tan so o pago de indemnizacións que o concello deberá acordar cos demandantes.

Os Socialistas alegranse da noticia e recordan "que foi Carlos Montes quen puxo en marcha esta solución"

O grupo municipal de PSdeG manifesta que é "unha boa noticia, alegregámonos pero temos que recordarlle á opinión pública que foi o anterior goberno socialista quen iniciou as xestións par buscar unha solución o menos perxudicial para o concello do Carballiño, foi Carlos Montes quen iniciou este proceso que agora culmina ante o TSXG, e incluso lle custou cartos do seu bolsillo, tivera que pagar multas para evitar o derrubo", remarcan dende o PSdeG.

Finalmente, os socialistas lamentan que "unha falcatruada de Marnotes pai lévelle costado tanto diñeiro ó concello do Carballiño, por eso non entendemos este intento do actúal alcalde de intentar apuntarse un tanto con todo esto".