Preto de mil fogares da comarca estiveron varias horas sen suministro eléctrico, os ventos provocaron a caída de árbores en moitas estradas, desplazaron colectores da recollida do lixo, e causaron danos tanto en vivendas como en edificios públicos. A organización do Belén Viviente de Dacón decidíu suspender a súa celebración prevista para o dia do nadal.

No Carballiño, rexistraronse inundacións na Avda. de Compostela e cortouse ao tráfico a Avda. do Arenteiro. Os danos no tellado do auditorio son considerables e o persoal municipal e de emerxencia traballou para evitar que a auga entre no interior. Os responsables municipais decidirán este xoves a necesidade ou non de suspender as actividades programadas para estas vindeiras datas nestas instalacións do auditorio.

En Beariz, os fortes ventos provocaron danos no tellado e un lateral do polideportivo municipal, e os servizos de Protección Civil non deron abasto para atender a todas as emerxencias, de feito a empresa Montañesa tivo que susepnder o servizo Doade-O Carballiño, o estar a estrada atrancada por árbores caídos sobre a calzada.

O Belén Viviente de Dacón trasládase ao domingo 29

As lamentables condicións nas que quedou a carballeira da Garrida, onde se celebra este acontecemento, asi como as previsións de chuvia para o dia de nadal, levou a Asociación de Veciños de Dacón a trasladar ao vindeiro domingo a celebración desta representación na que está prevista a participación de cen veciños da localidade.

Os alaricanos, que demostraron ser un bo equipo, adiantaronse cun gol aos 8 minutos e o Arenteiro, que afrontaba o partido con varias baixas, contestou con resposta de líder dándolle a volta ao marcador antes do descanso. Os carballiñeses despiden o ano como líderes, con 41 puntos.

C.D. Arenteiro: Pachi, Carlos, Diego López, Dabarca, Óscar ( Lois, m. 64 ), Alex, Bardelás ( Canexón, m. 72 ), Victor Gallego, Quiroga, Manu ( Tomás, m. 81 ), e Marcos Sotelo ( Esteban, m. 84 ).

Goles:

1-0. Minuto 8. Magíífica xogada de toque da dianteira local, Pachi rexeita en primeira instancia, pero Beto marca a porta vacía.

1-1: Minuto 31. Combinación entre V. Gallego, Manu e Bardelás que éste último culmina dun chut colacado ao pau.

1-1. Minuto 39. O golazo da tarde. Carlos Escudero recolle o balón a unha distancia de 30 metros e saca un chupinazo que se cola por toda a escadra.

O Partido: Tras un inicio no que o Allariz marcou o seu gol, logo conseguiría o Arenteiro asentarse no campo, dominando tanto na posesión do balón como o tempo do partido ata que chegou o descanso. Na reanudación, os locais volveron saír máis entonados, mentres que o Arenteiro buscaba á contra  o gol da sentencia, que a punto estiveron de lograr ata en tres ocasións noutros tantos disparos a portería de Quiroga, M. Sotelo e V. Gallego. Sen embargo, sería o Allariz o que pudo empatar xa no tempo de desconto - o árbitro prolongou o partido 8 minutos- pero o meta carballiñés Pachi, que estivo sensacional con dúas intervencións nos minutos 91 e 96, salvou os 3 puntos para o Arenteiro.

A responsable do centro de saúde de Piñor dirixíu un escrito ao alcalde deste concello no que pon "no seu coñecemento que reiteradamente sufrimos cortes de suministro eléctrico", tamén recorda ao alcalde de Piñor outras deficiencias no edificio.

Hortensia Álvarez advirte ao rexedor municipal que a situación "está interferindo no traballo diario" que se desenvolve neste centro sanitario, manifesta no escrito como "no dia de hoxe a hora da apertura encontramonos cun plafón do sumistro de luz da consulta médica estaba desprendido do teito e con desprendimento do material de escaiola".

Considera que "un dos motivos desta situación pode ser o feito de que no tellado existen desprazamentos de tellas que permiten as filtracións de auga". Tamén mostra a súa preocupación polo sistema de calefacción "que é radial e pode comportar resicos para a integridade física de usuarios e persoal sanitario".

Finalmente, solicita unha "avaliación sobre a situación do centro de saúde de Piñor en materia de suministro eléctrico garantindo que non representa un risco laboral".

A Productora "Vía Láctea" aceptou a proposta dos responsables municipais do Carballiño e farán da residencia carballiñesa o centro de operacións para a rodaxe da longametraxe.

Os traballlos de producción e rodaxe da Esmorga, dirixida por Igancio Vilar, están previstos para os meses de Xeneiro, Febreiro e Marzo de 2014, en distintas paraxes da provincia de Ourense. O Alcalde, Argimrio Marnotes, e a concelleira de Turismo viñan realizando xestións coa productora dende o pasado mes de setembro, según manifestou o rexedor esta mañá.

Marnotes indicou "que ata o de agora non podiamos dar a coñecer esta iniciativa, porque non sabiamos se fructificaría ou non, pero desta maneira cumplimos o compromiso que xa manifestamos no último pleno da corporación, dende o goberno do concello do Carballiño estamos traballando para facer pola residencia de tempo libre o que antes non fixo ningún outro goberno municipal".

O Centro poderá ser beneficiario da totalidade das accións dos Programas  Europeos para a Formación. Fundamentalmente, do programa ERASMUS+, evolución dos anteriores LEONARDO e ERASMUS, dirixidos específicamente á Formación Profesional e ós estudios universitarios. 

 Aquelas institucións, que como o IES. Manuel Chamoso Lamas, acadasen a Carta, poderán participar en accións de mobilidade para a aprendizaxe, de xeito que alumnos de Formación Profesional do Centro poderán realizar prácticas de traballo nunha empresa de calquera estado membro da Unión Europea durante un período de tres meses, contando ademáis co apoio dunha Beca Erasmus da propia UE.

 Ademáis, o outorgamento da Carta Erasmus tamén permite a realización de actuacións de mobilidade para o profesorado, a través de programas de intercambio, estancias temporais noutros países, ou foros para compartir as experiencias educativas docentes, de xeito que será una realidade atopar a profesores franceses, portugueses ou alemáns impartindo clases no Centro.

 Asemesmo, tamén se poderán establecer asociacións educativas de calquera tipo con Centros de toda Europa para a realización de proxectos docentes conxuntos.

 En definitiva, non deixa de ser una boa nova para os alumnos dos Ciclos Formativos Medios e Superiores do IES. Manuel Chamoso Lamas, xa que poderán vivir en primeira persoa a experiencia de coñecer outo país, outra lingua e outra cultura mentras realizan as súas prácticas de traballo no estranxeiro, tendo en conta ademáis que na actual convocatoria só se lle presentará esta oportunidade en toda a provincia de Ourense ós estudantes de tres Centros Integrados de Formación Profesional e doutros tres Institutos de Ensino Secundario, entre os que se atopa o Manuel Chamoso Lamas.

Asociacións e Plataformas de varias comarcas galegas manifestaronse contra a que califican como de "persecución política da Axencia Tributaria", polos requirimentos e sancións pola non declaración das pensións do extranxeiro.

Os manifestantes reunironse na Praza Maior do Carballiño e camiñaron ata a Delegación da Axencia Tributaria, que lles reclamou as obrigas tributarias dende o ano 2008, "somos persoas de idade avanzada e cando regresamos consultamos coa Axencia Tributaria sobre as nosas obrigas fiscais e dixerannos que non estabamos obrigador a declarar poque estaban exentas, e agora sen aviso impoñennos sanciós", manifestaron a esta emisora de radio.

O C.D. Arenteiro sigue lanzado na recta final da primeira volta do campionato de liga na 1ª auotonómica, desta vez os verdes fraguaron a victoria ante o Monterrei nunha intensa primeira media hora de partido na que o equipo carballiñés foi un autentico vendaval de xogo ante a portería visitante. 

C.D. Arenteiro: Pachi, Carlos, Diego López, Dabarca, Oscar, Alex,  Bardelás ( Canexón, m. 61 ), Victor Gallego ( Alex Santiago), m. 69, Diego Quiroga ( M. Sotelo) , Walter Martín ( Manu ) e Prada. 

Goles:

1-0: Minuto 10: Corner que saca Quiroga e acrobático remate de Walter Martín.

2-0: minuto 13. Pase en profundidade de Quiroga sobre Prada, tapa o porteiro pero o rexeite é aproveitado polo propio Prada para marcar dende 30 metros cun chut suave e colocado.

3-0. Minuto 28: Golazo de Quiroga, que aproveita un gran centro de Prada para, tal como viña o balón, golpealo á escuadra.

3-1. Minuto 47. Regalo da defensa verde e Seoane marca a placer.

4-1. Minuto 77. Corner que saca Marcos Sotelo e Manu, de cabeza, fai o cuarto da tarde.

5-1. Minuto 90. Outro golazo de Manu tras un gran pase de Alex.

O Partido: Saíu o Arenteiro decido a resolver o partido pola vía rápida, exercendo unha abafante presión que apenas deixaba tocar o balón aos xogadores do Monterrei, con varias ocasións durante o primeiro periodo para irse ao descanso cun marcador aínda máis favorable. Xa con 3-0 a favor dos carballiñeses no minuto 35, o porteiro visitante Siero -o mellor do seu equipo ata que foi expulsado- detivo un penalti lanzado por Dabarca. Na segunda parte, os carballiñeses non sairon coa mesma intensidade, ainda que o partido quedaba practicamente visto para sentencia no minuto 65 pola expulsión do meta visitante, que tocou o balón coa man fora da área cortando unha manifesta ocasión de gol para Iago Canexón.

Ademáis de teatro, a maxia e  as actividades infantís completan a programación de nadal do concello carballiñés.

Trala inauguración da iluminación artística nas rúas e prazas carballiñesas, e a a celebración dunha festa infantil na Praza Maior na tarde do venres, o teatro acapara o protagonismo do fin de semana.

O sábado 14 ás 20,30 horas actuará no auditorio a compañía asturiana "Teatro del Norte" coa súa versión de "Mariana Pineda", de F. García Lorca. O domingo 15 ás 19 horas e con entrada gratuíta ata completar o aforo do auditorio, a cita é con "Sarabela Teatro" co seu espectáculo "Viaxe a ningunha parte". A partir do lúns 16, de 17,30 a 19 horas, sesións de contacontos e obradoiros de nadal na Biblioteca Pública Municipal, con agasallos para os participantes.

Nadal Máxico

A maxia terá un destacado protagonismo na programación da concellería de cultura para estas datas festivas. Asi, pasarán polo Carballiño os ilusionistas e magos Pedro Volta _sábado 21 ás 20,30 horas-, Magos do Ribeiro -lúns 23 ás 18 horas na casa da cultura-, O Mago Teto -sábado 28 ás 20,30 horas-, Luis Boyano -o domingo 29 ás 17,30 horas no auditorio-. Ademáis o venres 27 dende as 20,30 horas terá lugar un circuíto de maxia en varios locais da hostelería local e o xoves 26 desenvolveráse un obradoiro infantil de máxia.

O sábado 21 na Praza de San Ramón e Curros Enríquez, dende as 6 da tarde terémos a visita de Papá Noel en Carroza.

A Carreira Solidaria do Arenteiro, para todas as categorias, está programada para a matinal do domingo 29. Completan esta programación de nadal do concello carballiñés os concertos que ofrecerán a Coral Polifónica do Casino e o Orfeón do Carballiño, asi como a gran Cabalgata de Reis, o domingo dia 5 de xaneiro. 

A corporación carballiñesa celebrou unha bronca sesión, convocada con carácter extraordinario por iniciativa do grupo socialista, na que se tratou o presente e futuro da Residencia de Tempo Libre do Carballiño.

As traballadoras ocuparon o salón de plenos portando carteis con lemas como "necesitamos traballar máis tempo" ou "4 meses non dan para comer", mostrando o apoio á mociòn presentada polo grupo socialista na que demandaban distintas actuacións que terían que facerse dende a institución municipal para manter a residencia aberta todo o ano, e despois de que a Xunta anunciase que durante durante 2014 abrirá oito meses en vez dos 4 que tivo de actividade este ano "sempre que haxa demanda". Precisamente, esta "condicionante" foi calificada como "unha trampa" por parte da concelleira do BNG Áurea Francisco "so se necesita vontade política", manifestou.

O Partido Socialista, por medio do concelleiro Adolfo Nogueira, acusou ao Partido Popular de non cumprir o seu programa electoral. Os socialistas calculan que O Carballiño perde máis dun millón de euros ao ano pola non apertura da residencia os doce meses do ano, e criticou a deficiente promoción que se fai da residencia na páxina Web do concello, que o socialista puxo como exemplo do pouco interés municipal por conseguir dinamizar o uso desta instalacións.

Dende o goberno municipal, Martín Nogueira lamentou a utilización política dunhos traballadores, dos que despois o alcalde subliñou que "so 9 dos 29 son do Carballiño, temos que ser cuidadosos coa promoción que se faga da residencia porque tamén debemos apoiar e promocionar ao conxunto de hoteis e hostais do Carballiño, que tamén dan emprego a traballadores que sin residen no Carballiño", manifestou Marnotes. O alcalde proclamou que "fixemos máis dende este goberno municipal pola residencia en dous anos e medio do que fixeron vostedes en 16 anos no concello", referindose aos socialistas.

Finalmente, o alcalde indicou a posiblidade de que "o concello e a hostelería local poidan participar na xestión da Residencia de Tempo Libre, tal como se demandaba dende a oposición.

Os axentes da Policia Local solicitaron a axuda da Garda Civil para proceder a detención de dous mozos que protagonizaron un altercado nun pub da Praza do Emigrante.

Tras recibir varios avisos a través do teléfono da Policia Local, os dous axentes de garda na madrugada do domingo achegaronse ata o lugar dos feitos "comprobando que no exterior do local estaban congregadas un número importante de persoas, entre eles dous varóns xóvenes en actitude moi violenta, un deles sangrando unha man, varias persoas advertiron aos axentes da agresividade destas dúas persoas, que xa protagonizaran altercados no interior do local", relata a Policia Local.

Tras o intento dos axentes de identificar a ambos xóvenes, éstes negaronse a ser identificados, golpeando aos policias, que nese momento optaron por pedir o apoio da Garda Civil, "unha vez reducidos intentaron autolesionarse dándose cabezazos contra os cristais do coche patrulla, ambas persoas foron detidas, imputandolle un delito de desobediencia grave, resistencia e atentado contra axentes da autoridade".

A Policia Local informa que "durante estes sucesos, unha terceira persoa dedicouse a alentar ao resto  das persoas contra os policias, esta persoa xa foi identificada e será denunciada por estes feitos, resultando ser un veciño de O Carballiño".

Durante a súa intervención os dous policias resultaron lesionados necesitando asistencia no PAC do Carballiño e posteriormente no Complexo Hospitalario de Ourense.

Os dous xóvenes protagonistas dos incidentes, de 19 e 22 anos de idade e con veciñanza en Asturias, pasaban o fin de semana xunto a unhos familiares no Carballiño.