O corpo do home, xa falecido, foi localizado polos bombeiros do distrito forestal, durante os traballos de extinción dun pequeno incendio forestal na parroquia de Nieva, no concello de Avión.

Os efectivos do distrito forestal encontráno morto sobre as seis da tarde deste xoves, comunicandolle de inmediato á Garda Civil. Unha vez identificado o cadáver, comprobouse que o mesmo correspóndese cun veciño do lugar que realizaba unha queima forestal, para a que contaba coa preceptiva autorización adminstrativa, nunha parcela da súa propiedade.

A Policia Xudicial abríu unha investigación para determinar as circustancias e causas da morte deste home.

Unha muller resultou ferida esta mañá nunha vivenda da rúa Conde Vallellano do Carballiño, foi traslada en ambulancia ao Centro de Saúde do Carballiño, onde foi atendida de varias feridas en brazos e pernas provocadas por arma branca ou obxeto punzante.

O suceso tivo lugar minutos despóis das 11:30 horas desta mañá de xoves, e a Policia Local do Carballiño detivo momentos despóis a presunta agresora cando se dirixía a Ourense despóis de contratar o servizo dun taxista do Carballiño. A dotacion da Policia Local do Carballiño interceptou ao taxi na AG-54 á altura de Maside, procedendo a súa detención.

No audio podes escoitar o testimonio da veciña que foi a primeira en auxiliar á víctima.

Será en horario tarde-noite nos venres dias 12, 19 e 26 deste mes de abril no que andamos cando teñamos ocasión de participar nunha nova entrega da Ruta das tapas do Carballiño, desta vez edición primavera 2024.

Por 3 euros, seis locais da hostalaría local ofrecerán as súas creacións culinarias, unha iniciativa impulsada pola concellería de turismo do Carballiño, e na que ademáis poderémos gañar bos premios.

"Rollitos de primavera", ensalada templada de gulas con aguacate e fresas, salpicón de marisco , tallarines con langostinos e tostones de plátano, polbo en tempura con puré de patacas, ou unha tosta de queixo da Arzua con piquillo confitado e anchoa, son algunhas das exquisiteces que poderémos degustar nesta ruta gastrónomica da que participan O Pituxo, Soldado, O Caserío, Praza viños e tapas, Fuchela e Ernesto Patio Bar.

A alcaldesa de Boborás repasou con Xan Pinal en COPE O Carballiño a actualidade municipal neste concello da comarca. 

Patricia Torres anunciou diversas obras e proxectos que se van executar próximamente, tanto de carácter municipal como en colaboración con outras administraccións.

Ademáis, na quenda de preguntas da audiencia de COPE O Carballiño, a alcaldesa sae ao paso unha vez máis dos rumores que sitúan o seu pòsible futuro politico fora do concello de Boborás.

Podes escoitar a entrevista no PODCAST adxunto.

A viaxe de volta da expedición do Arenteiro desde Barcelona convertíuse nunha odisea, cando ás dúas da madrugrada o autocar sufría unha avaría no sistema de ventilación. Tras permanecer ata as seis e media da mañá a expedición foi trasladada en autocar ata a estación madrileña de Chamartín, desde a que completaron o regreso a O Carballiño en tren a primeira hora desta tarde de lúns.

O accidentado desprazamento para xogar ante o Barça Atletic no Johan Cruiyff, onde o Arenteiro obtivo un meritorio empate a un gol, tivo a súa outra noticia negativa na lesión do gardameta Diego García, que podería sufrir a rotura do tendón de Aquiles.

Escoita aquí a entrevista de Xan Pinal ao director deportivo do Club Deportivo Arenteiro, Alex Vázquez.

A Deputación de Ourense e os balnearios da provincia poñerán en marcha unha campaña de promoción e coñecemento do termalismo, pola que se habilitarán 500 prazas de acceso ás piscinas e instalacións termais durante os sábados e domingos de abril, desde o día 13, en diferentes horarios e a un prezo único para calquera centro: 5 euros.

Esta iniciativa dáse a coñecer coincidindo coa celebración, o 7 de abril, do Día Mundial da Saúde, data na que se lembra a necesidade de promover iniciativas que axuden a incrementar hábitos saudables de vida e afrontar os retos sanitarios actuais e futuros.

Con esta campaña, a Deputación de Ourense pretende que un número cada vez maior de persoas residentes na provincia coñezan e valoren todas as posibilidades que os balnearios ofrecen para mellorar a saúde física e mental.

Termalismo Social
Esta é unha acción máis que enmárcase na liña de cooperación que a Deputación e os balnearios ourensáns veñen mantendo desde hai anos en diferentes ámbitos, sendo o máis importante o Programa de Termalismo Social que se desenvolve desde 2013 e que constitúe todo un exemplo de cooperación público-privada no ámbito da saúde e o envellecemento activo.

A través deste programa anual, miles de persoas poden beneficiarse de diferentes modalidades balnearias centradas no uso terapéutico das augas mineiro medicinais.

Neste sentido destaca por innovadora a recente aposta para configurar os centros termais da provincia como ferramentas contra a soidade non desexada entre os maiores, un problema de saúde pública tal e como advertiu a Organización Mundial da Saúde. Grazas a esta modalidade, ao redor de 200 maiores que viven sós terán acceso este ano a terapias termais en grupos dun máximo de 20 persoas, axuntando a experiencia social cos beneficios da auga mineromedicinal.
Información en WhatsApp

Ademais dos medios habituais de información, a área de Benestar da Deputación acaba de estrear unha “Canle Termal” en WhatsApp, que será o primeiro en explicar o procedemento para participar nesta campaña. A través deste sistema, que en poucas horas ten xa preto de 600 seguidores, os usuarios tamén poderán atopar noticias sobre o Programa de Termalismo Social (inicio, solicitudes, novas prazas, ofertas..) e sobre aspectos de saúde e lecer relacionados cos balnearios. Todos os detalles sobre esta canle e a forma de facerse seguidor están dispoñibles en termalismourense.com/canal

As prazas poderán reservarse a partir do próximo mércores, día 10, ás 9:00 horas. Tamén se poderán consultar os detalles deste plan no teléfono da área de Benestar -988 317 760- e en termalismourense.com

Adeus ás exquisitas e únicas "puntillas" de chipirón da Cubana, adeus a tantas e tantas exquisiteces da súa cociña tradional, ao cordeiro asado, as carnes, os peixes frescos, as súas larpeiradas, adeus a unha cociña que gardaba a esencia dunha casa de comidas de sempre, adeus a tantas horas de mesa compartida e animadas sobremesas, adeus a 85 anos de historia gastronómica e historia do Carballiño.

Pechou "La Cubana", unha historia de restaurante familiar de tres xeneracións, sendo un referente na hostalaría local desde a súa apertura en 1939, por eso era a casa de comidas máis antiga do Carballiño aberta ata este ano 2024 cando apaga os fogóns.

Despídense comunicando que "pechamos de forma permanente e queremos agradecer aos nosos clientes e grandes amigos por todos estos anos de confianza e momentos felices, cerramos esta etapa co corazón cheo e orgullosos do noso traballo". 

No PODCATS de COPE O Carballiño podes escoitar a historia de "LA CUBANA" contada por Loli Ameijeiras, terceira xeneración desta saga da restauración carballiñesa.

José Antonio Barge, Maria Luisa Rodríguez, Sebas Lamazares e Fátima Gómez comparten coa audiencia de COPE O Carballiño a tertulia deste venres dia 5 de abril de 2024.