Os Sacerdotes e as comunidades parroquiais que forman o Arciprestazgo do Carballiño-Orcellon, que integran a totalidade das parroquias dos concellos do Irixo, Boborás e O Carballiño, veñen de tomar unha postura pública na declaran que "nos unimos a maioria dos veciños desta bisbarra e pobos limítrofes que se opoñen a que se instale esta incineradora".

Xosé Benito Sieiro, Arcipreste e Párroco do Carballiño, explicou en COPE O Carballiño que "non podemos permanecer impasibles, e facémolo polos graves problemas que pode causar esta incineradora ás persoas, e tamén aos animais, á agricultura e ao medio ambiente".

O máximo responsable da Igrexa Católica no Arciprestazgo do Carballiño-Orcellón tamén manifestou no transcurso da súa intervención radiofónica "lamentar moito que non se nos informe con obxetividade dos danos que esta incineradora pode causarnos, por eso estamos contra o dano físico e moral e unímonos á vontade popular que está ampliamente contra esta incineradora, dividindo aos veciños desta bisbarra", manifestou.

Os 3 grupos políticos que integran a corporación aprobaron en pleno un acordo no que fixan a postura institucional do Concello do Carballiño en relación á instalación da incineradora do Irixo.

O acordo recollese en cinco puntos, no primeiro manifestase "a oposición do Concello do Carballiño á nova planta de tratamento de residuos no sur de Galicia na actúal ubicación que fixou a empresa Estéla Eólica no municipio do Irixo". No segundo punto declarase que "o concello do Carballiño aposta pola implantación da compostaxe, a reducción, a reciclaxe e a reutilización como base do tratamento de residuos e aminorización da incineración atá conseguir a súa desaparición". O acordo será comunicado ao Concello do Irixo, á Xunta Rectora do monte comunal de Menáz, Casares, Filgueira, O Cardedo e Orosa, á Xunta de Galicia, asi como a empresa Estéla Eólica e os demáis concellos da Comarca, fíxase no terceiro punto.

Tamén se acorda - asi se recolle no cuarto punto da declaración- a creación dunha comisión de seguimento deste proxecto para que o concello se persoe nas actuacións oportunas que se consideren necesarias. Esta comisión estará presidida polo Alcalde, e na mesma tamén se integrarán o concelleiro de medio ambiente e un representante por cada grupo político. Finalmente, e a petición do grupo socialista, tamén se reflicte no acordo que o mesmo será comunicado á Deputación de Ourense, e que o mesmo sexa tratado polo pleno da entidade provincial.

Por parte dos grupos da oposición fixeronse varios reproches ao Partido Popular, que non obstante non impediron que o acordo se aprobase por unanimidade. Desde o BNG, Aúrea Francisco botoulle en cara a Marnotes que non defendese esta mesma postura no pleno que dias atrás celeborou a Corporación. Desde o consello local do BNG, Diego Valeiras facía un chamamento a toda a cidadanía para acudir á manifestación convocada para este sábado "para amosar unha postura firme fornte a ambigüedade do Partido Popular". Mentres, desde o PSdeG, manifestabase nas horas previas á celebración plenaria que "non é compresible a tardanza coa que o Alcalde do Carballiño trata de chegar a un acordo, tendo en conta que neste tempo xa se deron  pasos de importancia para o inicio deste proxecto que consideramos sería un auténtico desastre para O Carballiño e Comarca".

Os feitos aconteceron na noite deste pasado martes e nun intervalo de tempo de apenas 15 minutos, seis colectores resultaron destruidos polo lume e outros varios con grandes desperfectos, que os deixan inutilizados.

Os danos materias son bastante cuantiosos, xa que cada colector ten un prezo que oscila entre os 500 e os 700 euros. Ademáis, non é a primeira vez que esto acontece nos últimos meses no Carballiño. Desta vez, o autor ou autores do suceso,  prenderon lume a un colector na rúa Monxardín, a Policia Local recibíu unha chamada dando conta da incidencia ás 22,40 horas. Cando os efectivos do GRUMIR estaban controlando o lume neste lugar, inmediatamente foron requeridos para atallar outros lumes en colectorres de Conde Vallellano, e posteriormente nas rúas Calvo Sotelo, Julio Rguez Soto e a Avda do Balneario.

A Policia Local do Carballiño ten aberta unha investigación para aclarar a autoria dos feitos. En declaracións a COPE O Carballiño o Xefe da Policia Carballiñesa Francisco Valeiras suliñou que "pola maneira de actúar descartamos que se trate dunha banda organizada".

O Alcalde, acompañado da maioria dos concelleiros e concelleiras que integran o grupo de goberno do Partido Popular, comparecían esta mañá na casa do concello do Carballiño para facer pública unha declaración en contra da instalación da planta de residuos do Irixo.

Nunha posterior intervención en COPE O Carballiño, o Rexidor Municipal recordou como desde o momento no que se deu a coñecer a elección do municipio do Irixo para ubicar esta planta "dixen que había que ter cautela e ver os pros e contras e darse un tempo para tomar unha decisión, e aínda non ceñecemos ese proxecto, pero sí fumos recollendo información e, sobre todo, o sentir de moita xente que nos achegou a súa inquietude e preocupación e por eso consideramos que chegou o momento de fixar a nosa posición como grupo de goberno, porque sabemos que tamén é moita xente a que estaba esperando este posicionamento".

Argimiro Marnotes explicou que "sen entrar no debate sobre o sistema máis apropiado para o tratamento do lixo, sobre o que non hai acordo e moitas contradiccións entre todos os partidos políticos, nós, temos que ser coherentes, o Partido Popular do Carballiño é coherente, e da mesma maneira que non nos gustaba que se fixera unha planta no Ribeiro, menos aínda nos gusta que esto se faga no Irixo, pola súa proximidade có Carballiño". Marnotes confesou no transcurso da súa intervención radiofónica que "foi unha decisión moi reflexionada e difícil, porque ofrecense 250 postos de traballo, e eso é moito nos tempos que corren, pero intentarémos que sen a planta de lixo se creen outras oportunidades de traballo, e témolo que facer entre todos, temos posiblidades, no sector turístico, no termalismo, nas polbeiras, no parque empresarial, e por ahí terémos que traballar"

O Alcalde carballiñés informou da reunión celebrada onte pola noite por parte da Xunta Local do Partido Popular do Carballiño "que eu presido, e que está formada por 52 persoas e representa a unha masa de 1.121 afilidados, quizás a maior agrupación do Carballiño, e tras un intercambeo de impresións decidiuse por unanimidade que se rexeite a ubicación que actualmente se manexa para a instalación desta planta".

Marnotes espera agora que no pleno deste xoves se acada unha postura conxunta dos 3 grupos políticos para fixar a posición institucional do Concello do Carballiño. Aclarou tamén que institución municipal non se integrará en ningunha das plataformas xa constituídas e que "se instará tanto a Estéla Eólica, coma ao Concello do Irixo e a Xunta de Galicia "para que reconsideren esta decisión"

O Presidente do C.D. Arenteiro pasou polos micrófonos da COPE para facer balance deportivo e social do desenvolvemento desta tempada. Cadavid amosouse "contento co rendemento deste equipo, incluso cos rapaces máis novos e dos xuvenís dos que foi preciso botar man" aínda que tamén aclarou que "se fose preciso a fichaxe dalgún reforzo tamén chegaría, de feito xa se fixeron contactos con algún xogador, e non descartamos que se fose necesario ficharíase, aínda que eso dependerá dos acontecementos, e Dacosta confia plenamente neste equipo".

O Presidente non tén outra meta na cabeza que non pase polo ascenso á preferente, categoria perdida a tempada anterior, e aínda vai máis alá na súa declaración de intencións  "a nosa idea e levar o Arenteiro á terceira división, pero eso dependerá moito do Carballiño e da nosa afección e tamén das axudas".

O Presidente do Club amosou a súa satisfacción tras a recente entrevista que ven de manter có Alcalde do Carballiño Argimiro Marnotes " díxome que ánimo, que o Arenteiro había que subilo á terceira, e que ahí estaría o Concello para apoiar". De feito, O Rexidor Municipal comprometeuse a mellorar a colaboración municipal co club, facendose cargo da explotación da publicidade estática no campo de Espiñedo, e aumentando con esta fórmula a aportación económica que o Concello fai ao C.D.Arenteiro.

Estaba previsto, ou polo menos asi se anunciara, que sería a principios deste ano cando se formalizase este acordo, non obstante COPE O Carballiño pudo saber que ese trámite adiantouse e xa foi asinado no transcurso da pasada semana.

Fontes consultadas da propia Consellería de Medio Ambiente confirmaron a esta emisora de radio que Estéla Eólica e a comunidade de montes veciñais en man común de Menáz, Orosa, O Cardedo, Figueira e Casares, xa rexistraron o pasado dia 30 de decembro un protocólo de intencións no que se recolle o compromiso de ambas partes para o aluguer por un periodo de 30 anos das 50 hectáreas de propiedade comunal para a instalación da planta de residuos.

Nese protocólo de intencións tamén se recolle que o contrato definitivo deberá asinarse antes do dia 31 de marzo de 2012, e que será á sinatura dese documento cando a comunidade de comuneiros recibirá xa o primeiro pago do canón anual que a empresa abonará, a razón de 75.000 euros que se iran incrementando cada ano có Indice de Prezos ao Consumo.

O Partido Popular do Carballiño, que ostenta o Goberno Municipal no Concello Carballiñés, posicionaráse en contra da ubicación elexida para ubicar esta planta de residuos no municipio do Irixo.

O Partido Popular carballiñes non se mostrará en contra de este proxecto industrial pero sí da ubicación  elexida. Polo menos, esa é a postura maioritaria entre a Executiva Local do Partido Popular e tamén dentro do Grupo Municipal que goberna na actualidade o Concello do Carballiño.

O posicionamento aínda non é oficial, de feito, o Presidente da Executiva Local do Partido Popular e Alcalde do Carballiño, Argimiro Marnotes, declarou a esta emisora de radio que "o martes da semana que ven farémos pública a nosa postura". Non obstante, COPE O Carballiño, pudo saber que a opinión entre os populares carballiñeses é a de rexeitar que a planta incineradora se instale nos montes comunais de Casares, Orosa, Figueira, O Cardedo e Menaz, tralo acordo o que xa chegaron os comuneiros desta comunidade de montes veciñais en man común e a empresa Estéla Eólica, promotora do proxecto.

Un total de 18 traballadores do Concello Carballiñés recibiron nas últimas semanas a carta na que se lles comunica a extición do contrato laboral que mantiñan coa institución municipal, perdendo esa condición contratual a partir do 31 deste mes de decembro.

No transcurso dos últimos meses, e tralo cámbeo político no goberno municipal, foron moitas as conxeturas que se fixeron sobre o futuro da política laboral do Partido Popular. Non obstante, atá o de agora non se produciron apenas variacións na composición do cadro de persoal e funcionamento dos distintos departamentos municipais.

As primeiras novidades chegan agora co despedimento de 18 traballadores. Os departamentos afectados son o de Servizos Sociais, onde se prescinde de 7 traballadores adscritos ao servizo de axuda a domicilio. Os responsables municipais teñen previsto contratar a prestación deste servizo a unha empresa privada. Ademáis, comunicouselle a extinción do contrato a dous técnicos de medio ambiente e obras, 1 educador e 1 peón de limpeza. A lista de traballadores aos que remataba o contrato e non se lle renovará, ampliase a un informático, o Coordenador das escolas deportivas. o Xerente do Campig Municipal, un auxiliar administrativo, un monitor e unha limpadora. 

Cun marcado carácter lúdico e humorístico, no contexto da festividade dos Santos Inocentes, arredor de 150 persoas participaron na primeira convocatoria de protesta da Coordenadora Veciñal contra a instalación da incineradora.

Os manifestantes concentraronse a partir do mediodia na Praza do Concello da localidade, onde depositaron bolsas de lixo e representaron "o funeral polo concello do Irixo". Despois, dirixironse atá o domicilio do Alcalde Manuel Penedo ao que lle recordaron que "O Irixo está en loita, Penedo escoita" e "no Irixo non queremos lixo":

Desde a "Coordenadora Veciñal Incineradora no Irixo Non", o Portavoz da mesma, Alberto González, consideraba ao rematar a manifestación que "o acto de hoxe anunciámolo con tan só 4 dias de antelación e simplemente veu a xente co boca a boca, pero aínda asi veu moita xente, calculamos que máis de 150 persoas, tranquilamente aquí reunironse 200 persoas e para un Concello pequeno como O Irixo é unha participación moi alta", suliñou.

CHEO NA CASA DA CULTURA DO CARBALLIÑO

A Casa da cultura do Carballiño rexistrou un cheo no seu aforo para escoitar os especialistas traidos a este acto pola "Plataforma Incineradora Non".

Na disertación participaron, Serafín González Prieto, biólogo e membro da Sociedade Galega de Historia Natural e Anxo Saborido, da Federación Ecoloxista Galega. Os técnicos confirmaron que “non hai razóns técnicas, nin económicas, nin enerxéticas, nin loxísticas, nin ambientais para instalar unha incineradora no término municipal do Irixo”. Ambos insistiron en que o modelo de Sogama, é un erro, e que xa no ano 1997 a SGHN afirmaba que a incineración para o tratamento de residuos non era a máis axeitada.

Durante a súa intervención, o biólogo Serafín González, sinalou que o Irixo está afastado dos principais centros de produción de lixo no Sur de Galicia, concretando as distancias por ferrocarril (entre 140 e 180 quilómetros) e por estrada (entre 80 e 100 km). Ademais, lembrou que os residuos en Galicia Sur proceden entre o 70 e o 75% da provincia de Pontevedra, e o 25-30% restante de Ourense, xa que ten “3 veces máis poboación, 4 veces máis industria e máis lixo por habitante que a provincia ourensá”.

Os técnicos lembraron que o Plan de Xestión de Residuos Urbanos alude á proximidade e suficiencia, xa que este favorece que a xestión dos residuos se faga en instalacións próximas ás zonas de xeración. Ademais incidiron en que o propio Plan recolle que “os custos relativos á xestión dos residuos terán que correr a cargo do produtor inicial de residuos”, situación que non se estará dando no caso do Irixo.

Ao final da charla, membros de distintos colectivos da comarca manifestaron a súa preocupación ante a instalación e posta en marcha da incineradora no Irixo, e confirmaron que seguirán fomentando accións conxuntas para facer chegar á Administración o desencanto de moitos cidadáns ante esta arbitraria decisión da Xunta  menosprezando os habitantes do interior de Galicia, rematando así coas posibilidades de desenvolvemento desta zona.

As Xociviga 2011 presentan un novo ciclo nesta derradeira semana do ano, desta vez dedicado ao cine galego de estrea.

Entre os días 28 e 30 de decembro poderanse ver no Carballiño 11 produccións diferentes distribuídas en 14 proxeccións que se levarán a cabo tanto no Auditorio como na Casa da Cultura, onde a entrada será libre. Tamén será gratuíta a gala de inauguración coa proxección de Sinbad,  o mércores 28  ás 23:00 horas no auditorio, contando coa presenza do director da película para a súa presentación. Farase outro pase o día 29 ás 18:00 horas adicado máis ao público infantil e xuvenil.

 A programación da Casa da Cultura está adicada ao cine documental, cun ciclo sobre a obra do director galego Lois Patiño, onde se proxectará una escolma da súa producción máis recente, contando coa súa presenza o día 28, mércores. O 29 proxectarase As silenciadas, con música en directo a cargo do compositor da banda sonora, Pilo Sierra, e coa asistencia do director Pablo Ces e a guionista, Aurora Marco. Pecharase a programación o venres 30 coa proxección de Non che doe?. Loreto Costa, a súa directora, falaranos da labor de axuda humanitaria e médica que leva a cabo Solidariedade galega e que se ve reflectida na película.

     No auditorio proxectaranase as últimas producción galegas, aparte da xa mencionada Sinbad. Tralas luces, presentada no último festival de San Sebastián con éxito de crítica e público contará o xoves pola noite coa presenza da súa directora, Sandra Sánchez. Tamén poderemos ver Anos despois, una producción galego-mexicana que aínda non se estreou comercialmente en España, dirixida pola neta do ourensán Carlos Velo, Laura Gárdos Velo. Por último Todos vós sodes capitáns, de Oliver Laxe, premiada no festival de Cannes do 2010, que todavía non se vira no Carballiño. As entradas terán un prezo de 4 euros para o Auditorio, excepto Sinbad, que como dixemos será de entrada gratuíta.