A concelleira do grupo municipal popular asumíu no goberno bipartito entre populares e socialistas as responsablidades das áreas de Medio Ambiente e Termalismo.
No PODCAST de COPE O Carballiño podes escoitar a entrevista a Elvira Torres.
A Consellería do Medio Rural informa de que o incendio forestal rexistrado no concello de San Cristovo de Cea, parroquia de Oseira, quedou controlado ás 23,55 horas de onte.
O lume iniciábase o martes, día 20, ás 16,24 horas e segundo as últimas medicións afecta unha superficie de 55 hectáreas, todas elas de monte arborado. Para o seu control mobilizáronse, ata o de agora, 5 técnicos, 31 axentes, 49 brigadas, 33 motobombas, 4 pas, 8 avións e 8 helicópteros.
Entre as brigadas mobilizadas, participaron tamén nos labores de extinción dous equipos de bombeiros de Estonia, que se atopan de estadía en Galicia no marco do mecanismo europeo de protección civil.
Escoita no PODCAST a entrevista ao concelleiro de comunicación de San Cristovo de Cea, José Dalama:
Títeres no Carballiño xa sabia que habia, sen necesidade de programa , e ....
O PROGRAMA DAS FESTAS DO SETEMBRO?
Porque xa estamos a nada, ou sae as visperas, como sempre
Toca titeres...
A alcaldesa do Irixo fíxolles un chamamento público a través da radio "porque Juan Manuel tenme bloqueada no seu teléfono e Manuel Cerdeira ten chamadas miñas perdidas", e despóis ambos non acudisen a unha reunión informativa sobre o proxecto de orzamentos municipais para este ano 2024 no concello do Irixo.
O portavoz popular Manuel Cerdeira manifestarase en desacordo coas formas da convocatoria da alcaldesa "en 24 horas convocanos a unha reunión e non sabemos para qué". Juan Manuel Villanueva, que forma parte do grupo da alcadesa, coa que rompeu relacións tras o pleno no que se rexeitou a proposta de orzamentos presentada ante o pleno, garda agora silencio.
A rexedora municipal, Susana Iglesias, pídelles a ambos que "miren polo Irixo" e faciliten a aprobación do orzamento, unhas declaracións que fixo a alcaldesa nesta intervención radiofónica na que avanzou a compra por parte do concello e aprobeitando unha subvención da Deputación da chamada "Casa do Zapateiro", na que pretende ubicarse nun futuro a biblioteca municipal do Irixo.
Podes escoitála no PODCAST de COPE O Carballiño:
Despois da tapa de polbo do "récord universal", o actual equipo de goberno do Concello do Carballiño toma de novo a iniciativa e pon en marcha unha potente e arriscada proposta que vai supoñer a envexa do resto do país e un impulso definitivo aos atractivos turísticos que ofrece a vila do Arenteiro e que vai deixar risible á "Vilamorta" da pobriña Dona Emilia.
Trátase, nin máis nin menos, que a "ruta do lixo". Nela poderanse apreciar os destacados tonos, tirando a negro, dos lamparóns que ao longo e ancho das rúas céntricas e nas mugrientas papeleiras, que ambientan e compiten entre si para acadar o estado máis noxento posible, e, deste xeito, poderá ser valorada pola veciñanza e forasteiros.
Esta ruta será guiada polo Sr. Alcalde e o resto de concelleiros do goberno municipal. O éxito dáse por descontado. Será un puntazo para atraer á morea de xente que o AVE está a traer a Ourense e que, de seguro, vai a aproveitar tan espectacular e orixinal idea para achegarse á vila carballiñesa e gozar de tan saudable e aromático ambiente.
Non fai falta ir moi lonxe do concello para atoparnos cun espectáculo similar ao da rúa Julio Rodríguez Soto e á da Praza de abastos, xa que nesta rúa céntrica os contenedores que se atopan diante do efificio Cheda desprenden un forte e desagradable cheiro e, ademais, neles se acumula o lixo tanto por fóra coma por enriba dos contenedores, pois levan bastante tempo sen ser vaciados...¿Estarán de folga ou de vacacións os/as encargados/as do servizo de limpeza?. Coido que é hora que un/unha responsable municipal dé a cara para dar explicacións.
Así están todas as ruas de Carballiño onde están os contenedores de lixo, levan sin lavalos non se sabe canto
Senon que lle pregunten os veciños da avenida do Balneario, que tamen existe. Non falemos xa dos sumidoiros que cómo caían catro gotas aparece de todo na calle.
DELÚ é unha nova marca de cosmética sólida, vegana, natural e unixex, especializada en productos de hixiene persoal para o coidado diario da pel.
Un proxecto nacido na nosa comarca, entre Boborás e Maside, de carácter artesanal, que fabrica lotes pequenos e personalizables para hoteis, casas rurais ou calquera evento.
Productos destacados DELÚ son, os xabóns sólidos soponificados en frío 100% naturais, xabóns de afeitado, champús solidos para diferentes necesidades capilares, hidratantes e aceites corporais e faciais.
DELÚ vende online e atende pedidos no teléfono 668 524 656.
No PODCAST de COPE O Carballiño podes escoitar a entrevista a Maria Luisa Rodríguez, unha das promotoras de DELÚ.
A Mesa de Contratación do Concello do Carballiño resolveu o concurso de licitación de obras de humanización e mellora de dúas rúas urbanas e de pistas do rural por importe de 236.167 euros. As melloras levaranse a cabo nas rúas Serra Martiñá e Testieiro e en vías interiores do pobo de Longoseiros e nos accesos aos pobos de Paradela e Larouce.
A actuación que se levará a cabo na rúa Serra Martiñá consistirá na renovación da rede de saneamento e abastecemento no tramo inicial próximo aos catro camiños e o asfaltado da totalidade da mesma ata a urbanización de Corzos. A empresa adxudicataria é Oresa e adxudicouse por 82.602 euros.
As obras que se levarán a cabo na rúa Testiero inclúen a renovación e substitución da rede de saneamento existente, na actualidade en moi mal estado e a rede de abastecemento, que presenta problemas de roturas. Unha vez rematados estes traballos procederase á renovación do firme da estrada na súa totalidade con aglomerado en quente A empresa adxudicataria é Etelvino e Julio e optou á actuación cunha oferta de 98.792 euros.
No pobo de Longoseiros levarase a cabo a renovación de rúas interiores con formigón pulido, rebaixando a cota do cemento existente e botando unha nova capa que permitirá mellorar o uso dos camiños. A empresa adxudicataria da obra é Etelvino e Julio e o importe da licitación ascende a 23.750 euros.
Por último, a Mesa de Contratación adxudicou os traballos de mellora con asfalto aglomerado dos accesos aos pobos de Paradela e Larouce, sendo a empresa adxudicataria Leonardo Migueles por un importe de 31.023 euros.
Os traballos están financiados pola Deputación de Ourense, no marco do plan único para os concellos da provincia. Os traballos levaranse a cabo nos próximos meses e o Concello prevé que estean reparados na súa totalidade antes do próximo inverno.
Páxinas
- « primeira
- ‹ anterior
- …
- 38
- 39
- 40
- 41
- 42
- 43
- 44
- 45
- 46
- …
- seguinte ›
- última »
