Nunha mañá de duro e puro tempo invernal, preto de 400 atletas desafiaron á meteoroloxía para convertir nun novo éxito de particpación estas probas deportivas organizadas polo concello de Boborás na matinal deste domingo 18 de Xaneiro.

O cross popular de Boborás chegaba este ano a súa 15ª edición, e o gañador na categoria absoluta foi o atléta ourensano Javier Paredes.

O vencedor absoluto na competición senior de canicros foi Victor Conejo, do Club Deportivo San Paio, de Santiago de Compostela.

Os verdes prolongan a súa racha negativa de resultados tras perder o primeiro partido da segunda volta do campionato de liga en Baiona, nun encontro no que moi pronto- minuto 3- púxolle de cara para o Arenteiro tras adiantarse no marcador por medio dun penalti transformado por Sanginés. O árbitro pontevedrés Vilar Álvarez perxudicou ao Arenteiro con dous graves erros na segunda parte.

CD Arenteiro: Pachi, Gele, D. López, D. Arbo, Pana, Dafonte, Ocampo, Bardelás, Sanginés, D. Vázquez e D. Quiroga. Tamén xogaron Martín Pérez, Brais e Marcos Sotelo.

Goles:

0-1. Minuto 3. Penalti sobre D. Vázquez que executa Sanginés.

1-1. Minuto 46. O mellor xogador do encontro, Zamo, supera á defensa verde e bate sen problemas a Pachi.

2-1. Minuto 81. Erro de marcaxe da defensa do Arenteiro que aproveita Migui.

O Partido: Comezou ben o Arenteiro no primeiro tramo do partido, pero logo cedeu a iniciativa en favor dos locais, que chegaban con demasiada facilidade á area dos carballiñeses. Asi e todo, co empate no taboleiro dúas decisisións arbitrais condicionaron o partido, a primeira un clamoroso penalti sobre Sanginés cometido polo porteiro local, o árbitro  pontevdrés Vilar Álvarez non quixo pitalo, o que ademáis siñificaría a expulsión do meta local. A segunda, un gol anulado a Martín Pérez por suposto fora de xogo, despois dunha falta lanzada por D. Arbo, o balón pega nun defensor local e vaise ao poste, e logo Martín Pérez remata ao fondo da portería. Á marxe da actuación arbitral, o Arenteiro non interpretou ben o partido, deixandose contaxiar co xogo vertical do Erizana, que empregando as súas armas e virtudes gañou tres puntos que sacan aos de Baiona do descenso directo. 

A Fiscalía da Comunidade Autónoma de Galicia pide que "se interese  o procesamento de Manuel Vázquez Fernández como autor (artículo 28 párrafo primeiro do Código Penal) dun delito de prevaricación continuada (artículos 404 e 74 do Cödigo Penal)".

Desta maneira, o fiscal contesta á petición do maxistrado do Tribunal Superior de Xustiza de Galicia que semanas atrás instaba ás partes implicadas a presentar as súas alegacións, ao mesmo tempo que solicitaba o posicionamento sobre o procesamento do exalcalde carballiñés.

No  escrito no que pide o procesamento, a fiscalía reitera a súa argumentación, incidindo nas irregularidades cometidas nas contratacións de traballadores municipais no concello do Carballiño durante os anos nos que Pachi Vázquez exerceu como alcalde do Carballiño.

 Comunicado de prensa de Pachi Vázquez

En relación coa causa que se instrue no TSXG por prevaricación administrativa en razón dunha querella interpostapola Fiscalía, así como das propias alegacións efectuadas por esta Fiscalía, quero precisar o seguinte:

 A contratación de persoal no concello do Carballiño durante a miña etapa como alcalde realizousesempre no marco da legalidade, e así se demostracunha serie de documentos que se adxuntane polasdeclaracións efectuadas polos técnicos municipaisno TSXG

 Das declaracións realizadas por estestécnicos do concello do Carballiño ante o TSXG infírese que en absoluto se produciu ninguna ilegalidade na contratación de persoal do concello durante o meumandato como alcalde.

 Todas as testemuñas realizadas corrobororaron que en ningún caso propuxen directa ou indirectamente a contratación de ningunha das persoas relacionadas na querella.

 As demáistestificais practicadas taméncorroboraron a existencia de expedientes de contratación, incluso as que nalgún momento sembraron algunhadúbida, pero que finalmente admiten a súa existencia.

 Para corroborar o procedemento administrativo seguido na contratación de persoal, se remite ao TSXG unha serie de documentos que demostran as convocatorias públicas de empregolevadas a cabo entre os anos 2001 e 2005, así como os informes de que non consta reparo de legalidade algún,correspondentesaos anos 2003, 2004 e 2005.

 Por todo isto, se solicita o archivo do procedemento, en base a que non hai indicios de ciminalidade e non cabe abrir un proceso.

Asemade, con respecto ás alegacións presentadas pola Fiscalía, resalta que, no seu informe, se especifique que “no caso de que se chegue á fase procesal ad hoc, non formulará petición de responsabilidade civil e sópodería interesar a nulidade das resolución e decretos asinados polo Sr. Vázquez, senmáis consecuencias ulteriores”.

De todos modos, quero reiterar a miña confianza na xustiza, que estou seguro tomará en consideración a miña petición de archivar a causa, sobre todo, a raíz das declaraciónstotalmente aclaratorias efectuadas polas personas que tiveron a responsabilidade da Secretaría e Intervención do concello do Carballiño durante o meu mandato como alcalde.

Os verdes despiden a primeira volta da liga en Preferente cunha derrota na súa visita ao Marcón Atlético pontevedrés, probablemente no partido a domicilo máis flouxo do Arenteiro no que vai de campionato.

CD Arenteiro: Pachi, Gele, Carlos, D. Arbo, Pana, Dafonte, V. Gallego, Bardelás, Sanginés, Martín Pérez e M. Sotelo. No intermedio D. Quiroga saíu no lugar de M. Sotelo, e no minuto 77 triple cámbeo, Ocampo, D. López e Brais sustituiron a Sanginés, Dafonte e D. Arbo.

Goles:

1-0. Minuto 22. Desaxuste entre liñas do Arenteiro e Sapi entra sen oposición na área do Arenteiro para marcar a placer.

2-0. Minuto 75. Xogada idéntica a do primeiro gol, perde o balón o Arenteiro no medio do campo e nun único pase o Marcón At. desborda a defensa verde e Gelillo bate a Pachi.

3--0. Minuto 89. En pleno festival local Martín fai o terceiro.

3-1. Minuto 92. Victor Gallego maquilla o resultado cun tiro raso e axustado ao pau que bate ao porteiro ruso do Marcón At., Vladimir.

O Partido: A fulgurante saída dos locais encontraría pronto o seu premio, ante un decepcionante Arenteiro que non parecía o mesmo equipo doutras tardes, desdibuxado e impreciso. Tralo descanso, no inicio da segunda parte o Arenteiro xogou os únicios minutos aproveitables do partido, con varias aproximiacións ante a portería local pero sen chegar a crear perigo real, mentres que o Marcón At. dedicabase a esperar os momentos propicios para saír á contra, e asi foi como aproveitandose dos fallos no centro do campo dos verdes redondearon unha merecida e xusta victoria. Para colmo de males, na última xogada do partido o árbitro ensinaba o segundo cartón amarelo a V. Gallego, que desta maneira perderáse a próxima cita co Erizana en Baiona, no inicio da segunda volta do campionato.

Nota da prensa do Grupo Municipal Socialista

O portavoz do Grupo Municipal do PSdeG, Paco Fumega, cualificou o 2014 como “un ano perdido” para O Carballiño, no que a ineptitude, desidia e política de brazos caídos que levou a cabo Marnotes só trouxo aos cidadáns máis paro, máis impostos, máis débeda pública e menos desenvolvemento económico. Fumega lembrou que os cidadáns están a sufrir as políticas de recorte do PP dende o Goberno central, a Xunta e o Concello, ao que se engade a pésima xestión de Marnotes, que non está a traballar para mellorar a calidade de vida dos carballiñeses.

“Ningún cidadán do Carballiño vive hoxe mellor que cando Marnotes chegou á alcaldía” sinalou Fumega, que cualificou a Marnotes como un “pésimo alcalde, que está a levar ao Carballiño ao desastre”.

Fumega lembrou que o programa electoral de Marnotes incluía o emprego e a promoción económica como as súas principais prioridades, con propostas como a creación dun centro municipal de formación para o emprego e dunha liña de apoio a iniciativas emprendedoras, a xeración de máis solo empresarial, creación do centro de negocios, relanzamento da praza de abastos, e promoción do Carballiño como lugar para vivir. “Destas propostas, non levou a cabo ningunha. É mais, a situación do tecido comercial, económico, turístico e empresarial empeorou dende que chegou á alcaldía”, apuntou.

O portavoz socialista lembrou o peche de numerosos negocios históricos do Carballiño e a falla de oportunidades laborais debido ao escaso desenvolvemento e promoción de sectores tan importantes como o turismo, a hostalería e o comercio. A ineficaz xestión de Marnotes reflíctese nas cifras do desemprego, xa que se en Novembro tres persoas foron ao paro cada día; en Decembro O Carballiño foi o concello no que mais subiu a cifra de parados de toda a provincia de Ourense.

Así, nun mes que normalmente é positivo para o emprego, na Comarca do Carballiño rexistráronse 40 persoas mais no paro, das cales 32  pertencen ao Concello do Carballiño, que pechou o ano con 1.415 parados.Fumega lembrou que cada vez mais xente ten que emigrar dunha vila que esmorece día a día, e que Marnotes, que incluía no seu programa electoral o proxecto de Carballiño como lugar para vivir “está a converter esta vila nun lugar para fuxir”.

“Cada vez hai menos servizos públicos e máis taxas municipais. Non temos prazas nas garderías, e despois de dous anos dende que se aprobou o proxecto de Galiza Azul non temos nin siquera o ovo”, apuntou, e ademais “as familias pagan cada vez mais impostos e as escolas de fútbol ou o conservatorio de música, cada vez teñen prezos mais abusivos”.

Ademais lembrou os proxectos anunciados por Marnotes para 2014 que quedaron polo camiño, entre eles o Parque de Bombeiros do que nada sabemos a pesar do compromiso de Marnotes e do conselleiro da Presidencia. O alcalde tampouco foi quen de dar unha solución aos traballadores do matadoiro, que levan dous anos de promesas incumpridas; nin para a Residencia do Cornuval,  na que a Xunta investiu 7 millóns de euros e que leva 5 anos parada. “O único que se fixo foi poñerlle un parche cunha privatización que permitirá ofertar 20 prazas das 80 das que estaban previstas”.

Un dos principais potenciais que ten O Carballiño que é o turismo está totalmente abandonado polo goberno municipal. Marnotes comprometeuse  á posta en marcha do Instituto Termal, impulso do Padroado de turismo, apertura da residencia do tempo libre todo o ano, área de estacionamento de autocaravanas no camping, potenciación dos sectores hoteleiro e hostaleiro, e impulso do termalismo. E o que vemos é que actualmente o camping está abandonado, o proxecto para as autocaravanas, esquencido; do Instituto Termal nada se sabe, e o único impulso en materia de termalismo é o investimento de 25.000 euros da Deputación para o Bañiño de Arcos. Mentres, o patrimonio natural como o parque e o museo etnográfico, sen ningún tipo de coidado, promoción e impulso por parte do goberno local.

Fumega tamén denunciou que Marnotes se comprometera a poñer en marcha un sistema efectivo de limpeza de rúas, “e o que vemos é que cada vez as rúas están mais deterioradas, cheas de bache e con mais suciedade. Pagamos mais polo servizo do lixo dende que o alcalde asinou o convenio coa Deputación, xa que pasamos dos 340.000 euros aos 650.000 euros, mentres e que as rúas están máis sucias”. O convenio para a recollida do lixo coa Deputación foi un derroche de diñeiro, xunto co gastado en avogados, en facer unha pista de padel, en intereses polo plan de axuste e en pagar ao equipo redactor do PXOM. “En total, un millón de euros tirados, co que podería terse feito políticas de dinamización económica municipal”, sinalou Fumega. 

 A  isto hai que engadir que Marnotes non foi capaz de reducir a débeda pública, de 4,2 millóns de euros, a pesar de subir as taxas de case todos os servizos públicos e de privatizar a xestión de outros, como o de axuda no fogar. “O resumo deste ano é que a xestión de Marnotes foi desastrosa, que dende que  chegou a alcaldía O Carballiño está moito peor pola súa ineficacia, que a súa contribución ao desenvolvemento económico e á dinamización do emprego foi nula, e que con Marnotes como alcalde O Carballiño pasou de ser unha vila punteira desta provincia nun auténtico desastre”, concluíu o portavoz socialista.

Nota de prensa da alcaldía do Carballiño

 O alcalde do Carballiño cualifica as declaracións do PsdeG PSOE doCarballiño como electoralistas "cunha intención de confundir os veciños só para un futuro proveito nas próximas eleccións municipais". Estas declaracións do máximo edil carballiñés fundaméntanse en varios puntos. En primeiro lugar, e sobre critícaa da oposición en referencia ao paro parécenos pouco menos que temerario usar este argumento, co que socialmente leva consigo, sobre todo cando podemos observar nos datos estatísticos que durante todo o ano o paro no Carballiño descendeu, en contra da tendencia nacional e, malia que en novembro e decembro subiu esta cifra, séguese mantendo nas cifras do 2011. Dende que iniciamos este mandato realizamos numerosas accións para fomentar a contratación dos nosos veciños, como un número considerable deles poden afirmar. Iso é precisamente o que nos importa, eses veciños que conseguiron traballo grazas ás xestións realizadas dende este grupo de goberno (destacar a xestión con empresas de ámbito internacional que se instalaron no último ano no Carballiño e ofertaron postos de traballo local).

Sobre a política municipal en termalismo Argimiro Marnotesrecordaba que "o termalismo no Carballiño está en mans privadas. Malia iso dende o grupo de goberno aprobamos unhas bonificacións fiscais para potenciar a construción do novo balneario de Partovia, que esperamos que estea rematado en setembro, por non contar as xestións que tivemos que realizar para retomar as boas relacións cos propietarios do Gran Balneario, relacións que se romperon en pasados mandatos socialistas," así mesmo recorda Marnotes eses anuncios de expropiacións "irrealizables" anunciados dende o goberno do PSOE, que só valeron para entorpecer o futuro termal carballiñés.

Por último, sobre o tema das obras realizadas durante este mandato, Argimiro sinala que non é cuestión de enumerar todas elas, pero é curioso que o PSOE non recoñecese aínda a grande obra do ámbito da Veracruz que tivemos que rescatar ante o nefasto proxecto que eles pretendían executar e que colocaba a nosa xoia arquitectónica entre muros de cemento. Pero se falamos de obras non podemos esquecer o tempo e lle diñeiro gastado en arranxar o que herdamos de anteriores gobernos socialistas, como a súa "grande obra" do Arenteiro, que deixaron os colectores sen conectar, e que nós tivemos que executar, por non falar dos 3.500.000 de euros que tivemos pagar para devolver os impostos de obra cobrados, de forma un tanto ilegal, aos promotores en épocas socialistas". Tamén recorda proxectos de impulso como apeatonalización de zonas comerciais da vila ou o tempo que nos está a ocupar resolver un problema como o da Fábrica de Papel, que segundo o anterior alcalde, estaba todo resolto, tanto que mesmo a Xunta investiu diñeiro e tempo nunha propiedade que nin xiqueira é municipal".

Argimiro Marnotes finaliza asegurando que "aínda queda moito por facer para seguir impulsando o noso municipio, pero é difícil avanzar cando tivemos tanto que arranxar dos desastres realizados polos anteriores gobernos socialistas do Carballiño".

A menos de cinco meses das eleccions municipais de 2015, a concelleira do grupo socialista Maria Josefa del Carmen Pérez ven de presentar a súa renuncia como integrante da corporación carballiñesa.

Mediante un escrito asinado pola concelleira e presentado no rexistro municipal do concello carballiñés alude a "motivos persoais, que me impiden atender aos deberes propios do cargo de concelleira coa adicación que tal responsabilidade conleva, véxome na obriga de presentar a miña renuncia ao cargo de concelleira, de tal forma que asi o comunico perante esta corporación municipal do Carballiño".

Maria Josefa del Carmen Pérez exercera como concelleira de medio ambiente no último goberno socialista presidido por Carlos Montes. Precisamente,  como responsable da canceira da Medela, encontrase inmersa nun proceso xudicial en relación ás mortes violentas e masivas de cans nestas instalacións municipais durante o ano 2009, feitos polos que a Audiencia Provincial resolveu abrir Xuizo Oral.

A vacante que deixa na corporación carballliñesa corresponde ocupála a Remedios Castro, nº 8 na candidatura socialista nas eleccións de 2011.

O portavoz do Grupo Municipal do PSdeG, Paco Fumega, e o concelleiro Adolfo Nogueira, mantiveron unha xuntanza con representantes dos extraballadores do matadoiro do Carballiño "a fin de tratar sobre a súa situación e traballar nas fórmulas para a súa solución", apuntan.

Recordan os socialistas que "os traballadores levan xa máis de dous anos agardando a que Marnotes cumpra co seu compromiso de retomar a actividade do matadoiro. Neste tempo o único que recibiron foron promesas que quedaron en nada e escusas para deixar pasar o tempo" e remarcan como "nestes dous anos a situación dos traballadores volveuse aínda máis preocupante xa que remataron as súas prestacións por desemprego, co cal teñen dificultades económicas nas que de nada valen as promesas, polo que esixen feitos e canto antes".

O portavoz do Grupo Municipal do PSdeG, Paco Fumega, comprometeuse neste encontro "a reactivar o matadoiro do Carballiño cando chegue á alcaldía, pensando non só nos traballadores senón tamén nos carniceiros e nos veciños que precisan deste servizo".

Esta xuntanza enmárcase nos encontros que o PSdeG está a realizar con diversos colectivos da vila para coñecer de primeira man as súas principais necesidades e artellar así propostas concretas no seu programa de cara as vindeiras eleccións municipais

O equipo da Estrada levouse de Espiñedo o premio dos tres puntos ao marcar no minuto 92 nun partido típico de Preferente, moi trabado e marcado pola igualdade no terreo de xogo. O resultado cortalle ao Arenteiro unha racha de dous meses imbatido.

CD Arenteiro: Marcos Nieto, Gele, Lois, D. López, Dani Arbo, Ocampo, Sanginés (Escudero, m.80) , V. Gallego, Martín Pérez (Brais, m. 80), Bardelás (D. Vázquez, m. 76) e Pana (D.Quiroga, m.73).

Goles:

0-1. Minuto 92. Jorge marca para o Estradense no tempo de desconto, un gol de ouro que vale tres puntos.

O Partido: Cunha parte para cada equipo, a primeira para o Estradense, un equipo dos equipos máis poderío físico da categoria, aínda que na segunda parte o Arenteiro pasou a dominar o partido e mesmo pudo adiantarse no marcador por medio dun remate de V.Gallego que se foi fora por pouco ou un cabezazo de Dani Arbo que se foi o poste, pero foi o Estradense -ao que antes anularan un gol- o que se levou os tres puntos cun gol nas postrimerias do partido. Mellorou na segunda parte o Arenteiro, que estivo bastante gris nos primeiros corenta e cinco minutos, por debaixo dos últimos partidos.

No procedemento electoral participaron 97 persoas que forman parte da Asamblea Cidadán de Podemos O Carballiño, que votaron a través de Internet. 

Eduardo Ordoñez acadou 50 votos, o 51,55%, proclamandose polo tanto como o primeiro Secretario Local desta formación política no municipio carballiñés.

Os outros dous candidatos que otaban a este cargo, Francisco Javier Obenza e kevin Valcárcel, obtiveron  42 e 5 votos, respectivamente.