A iniciativa está organizada pola Agrupación Cultural Avantar, desenvolveráse durante os meses de maio e xuño, ofrecendo unha variada programación de actividades culturais: música, poesia, cine, conferencias, obradoiros ou o xa tradicional "Roteiro de Manuel Maria" integran este ano a oferta do festival.

Prema no arquivo adxunto para ver a programación completa.

A punto estivo de complicarse a vida o Arenteiro no partido matinal xogado no campo de Oira, e que xa gañaban os carballiñeses ao descanso por 0-2. Non obstante, as xogadas a balón parado deron vida aos locais que, aínda xogando a maior parte do partido en inferioridade numérica, chegaron a empatar a 3 goles.

Prada adiantou aos carballiñeses ao aproveitar un rexeitamento do porteiro local cando se completaba o primeiro cuarto de partido. Á media hora, o árbitro -que estivo rematadamente mal durante todo o partido perxudicando por igual a ambos equipos-  deixou aos locais con 10 xogadores. Curiosamente, a expulsión expoleou ao Ponte Ourense, atá ese momento superado polo Arenteiro, que curiosamente malia quedarse con superioridade numérica no campo, comezou a ceder terreo en favor dos locais.

Xa a piques de rematar a primeira parte, claro penalti sobre o dianteiro carballiñés Cancelas, que transformaría Igleisas.  Outro penalti, esta vez na área do Arenteiro, e dúas xogadas a balón parado  farían cambiar o rumbo do partido . Sen embargo, o Arenteiro  volvería ampliar o resultado ao seu favor co saque dun corner que Iglesias cabecea ao fondo da portería local. E apenas en 10 minutos, o Ponte Ourense empataba o partido. Ambas xogadas foron calcadas, falta do Arenteiro preto da área grande, e por duas veces balón que salva a barreira carballiñesa e cólase polo pau que cubría o porteiro Samuel.

Quedaba aínda moito partido e cando o nerviosismo parecía apoderarse dos carballiñeses, afortunadamente aparecía Pana en misión ofensiva, conectaba un zurdazo que siñificaría o gol da victoria para o Arenteiro. O marcador xa non se movería aínda que algunha ocasión máis terían os carballiñeses paa ampliar a súa renda.

3 puntos de ouro para o Arenteiro que chegan líder á última xornada ante o Barbadás B, con posiblidades de proclamarse campión e conseguir o ascenso á preferente.

O Carballiño abandonara a entidade intermunicipal o 1 de xaneiro de 2004,  tras decidilo o goberno municipal socialista presidido por Pachi Vázquez. Contra aquela decisión votaran en contra BNG e Partido Popular.

O actúal Presidente da Mancomunidade Manuel Prado e o Alcalde Carballiñés Argimiro Marnotes anuncian agora o inicio do proceso para a reincorporación do concello carballiñés á entidade intermunicipal, e fixan como data para oficializar ese reingreso o 1 de xaneiro de 2013.

A volta do Carballiño á Mancomunidade era ún dos obxetivos do actúal grupo municipal de goberno do Partido Popular. Para o Alcalde, Argimiro Marnotes "a integración novamente neste organismo vai permitir mellorar e abaratar servizos, e ao mesmo tempo manter unha liña de traballo máis profesional, ademáis, non é lóxico que o municipio cabeceira de Comarca non estivera dentro da Mancomunidade que leva precisamente o seu nome".

Os contactos entre os representantes do concello carballiñés e da Mancomunidade continuarán nos próximos meses e nos mesmos "avanzaráse nos distintos trámites para chegar a un acordo definitivo entre ambas partes, entre os puntos a negociar están algunhas modificacións nos estatutos da Mancomunidade, para lograr unha maior pluralidade e representatividade dos concellos que a forman", manifestou o Alcalde carballiñés.

As cinco novas emisoras sumaránse ás tres que xa emiten na actualidade no ámbito das duas Comarcas. As novas frecuencias ubicaránse nas localidades de O Carballiño e Ribadavia, duas novas emisoras en cada municipio, e unha no concello de Avión.

A Xunta de Galicia deberá resolver próximamente o concurso público  de outorgamento de licenzas para a prestación de servizos radiofónicos de carácter comercial en F.M., en total 84 frecuencias no territorio galego contempladas no plan técnico nacional de 2006, delas 5 para as comarcas do Carballiño e O Ribeiro. A administración autonómica puxo en marcha fai un ano o proceso do concurso para a adxudicación das novas frecuencias, e acordou no mes de setembro unha prórroga para a súa resolución, tendo en conta o elevado numero de solicitudes presentadas.

Para as duas emisoras ofertadas para O Carballiño optan a maioria dos grandes grupos de comunicación, e en menor medida para as localidades de Ribadavia e Avión.

As futuras emisoras ampliarán a actúal oferta de radio local nas duas comarcas, nas que na actualidade emiten COPE O Carballiño, Onda Cero O Carballiño, e Radio Ribeiro Cadena SER, dándose a circustancia que nos 3 casos as licenzas coas que emiten son de titularidade de empresas locais que manteñen alianzas coas 3 grandes cadeas de radio estatais.

O CONCELLO DO CARBALLIÑO PECHA A RADIO MUNICIPAL

A Corporación do Carballño acordou no pleno celebrado esta semana o peche da emisora municipal de radio, que viña funcionando desde o ano 2.000. O Grupo de Goberno do Partido Popular decidiu o seu peche e prescindir deste servizo de radiodifusión ao considerar que non cumplía a función social para a que fora creada, e tendo en conta ademáis o elevado coste económico para o concello carballiñés.

 Por parte dos grupos da oposición, BNG e PSdG PSOE pediuse que o concello conservase a frecuencia con vistas a súa posible reapertura no futuro. Non  obstante, a emisora tan so contaba cunha adxudicación provisional da frecuencia, xa que durante os 12 anos do seu funcionamento o concello do Carballiño nunca completou o proceso técnico nin administrativo para contar cunha licenza definitiva.

O motivo que leva aos socialistas a facer estas afirmacións é a presentación dos orzamentos municipais de 2012 " antes ante ós medios de comunicación que entregados aos grupos da oposición".

"A actitude de Marnotes é propia dun político de fai moitos anos, concretamente de antes do ano 1975", afirman desde o grupo municipal socialista. Engaden que "Argimiro Marnotes ven demostrando desde o principio do seu mandato que o feito de ter maioria absoluta pensa que lle permite unha patente de corso para facer e desfacer ao seu antollo e saltarse todos os cauces mínimos da normalidade institucional".

Os Socialistas consideran que "a guinda" da política do Partido Popular chega agora cos orzamentos cos "dous soldos para dous concelleiros do seu grupo, que pagarémos todos co encarecemento da contribución, o conservatorio, familias madrugadoras, as escolas deportivas, a auga e algunha xenialidade máis que se lle ocurra ao que xa é o considerado por moitos veciños como o Alcalde con menos capacidade para xestionar o concello da historia da democracia", manifestan.

O Grupo Municipal Socialista de Leiro afirma que os orzamentos  presentados polo PP supoñen unha decepción para os veciños, “porque nin teñen o carácter social necesario en tempos de crise, nin establecen ningún plan de reestructuración ou aforro”.

 O portavoz socialista, Manuel Rodríguez, considera que son uns orzamentos continuístas que carecen de criterio político e económico.

“Non son realistas, nin equilibrados, nin transparentes, nin pretenden unha maior eficiencia dos servizos ou unha optimización dos recursos”, sinala.

Os socialistas critican que “un ano máis” recibiron os orzamentos dous días antes do pleno, faltando o alcalde á súa palabra, xa que o ano pasado prometera entregalos unha semana antes para poder analizalos detidamente.

 Ademais denuncian que non todas as parroquias son tratadas da mesma forma, pese a que os veciños pagan os mesmos impostos, e que aplican o criterio da rendabilidade electoral, “investindo alí onde teñen graneiros de votos”.

No pleno, Rodríguez criticou a paga do tenente de alcalde, 7.499,94 euros netos ao ano, e a do tenente alcalde, que ascende a 535,71 euros brutos/mes máis pagas extras “por unha hora diaria no Concello”.

Tamén denunciou o alto custe que supón para os veciños de Leiro pertencer á Mancomunidade do Ribeiro, deseñada para doce concellos dos que só quedan cinco. Neste punto dixo que a partida de 2011 contemplaba 165.000 euros que pasaron a 194.000 euros no peche do exercicio, o que sumado á continua perda de poboación fai que o custe dos servizos mancomunados sexa “esaxerado”, e que ben podería ser a Deputación unha mellor solución.

Os socialistas esixen unha redución dos gastos en dietas e asignacións dos membros da corporación, un maior control do gasto corriente, bonificación nas diferentes taxas de recadación, máis inversións en servizos básicos (saneamento, alcantarillado, etc.), fomento do emprego, do turismo, de medidas medio-ambientais, “e só así serían uns orzamentos útiles para os veciños que recibirían o apoio do noso grupo”, conclúen.

O Alcalde do Carballiño, acompañado de varios membros do goberno municipal do Partido Popular, presentou un avance dos orzamentos municipais para o exercicio de 2012, que se someterán ao debate do pleno da corporación nunha sesión extraordinaria que probablemente convocaráse para a semana vindeira.

"Son uns orzamentos nos que se apreciará un maior control no gasto asi como unha previsión de ingresos á baixa, nos que estamos obrigados a axustar economicamente este concello, pola débeda deixada por outros e pola mala recadación feita durante anos", suliñou o Rexedor Municipal.

O documento elaborado polo grupo de goberno estima unhos ingresos para o presente ano de 8.262.968,11 euros, o que supón unha rebaixa de 1.549.385,28 euros en relación ao anterior orzamento municipal do concello carballiñés, o que representa un 15,79% menos se o comparamos co último aprobado.

Marnotes incidiu en que "a base a previsión de ingresos, e nin un euro máis será o teito de gasto para o 2012, e repartiráse atendendo as necesidades básicas deste concello, unha mellor organización do capital humano, un capítulo de inversións reais e non inflado, e unha obligación coas entidades financieiras para o pago da débeda".

633.310,04 EUROS PARA INVESTIMENTOS

No capítulo de investimentos para 2012, incluense as aportacións municipais as obras do plano provincial e as que se acometerán dentro do plan INEGA, tamén a obra de remodelación do parque infantil da Alameda, a aportación municipal para unha nova Galiña Azul e a reposición de infraestructuras muncipais. Neste mesmo capítulo están as actuacións que se levarán a cabo para distintos equipamentos e mobiliario urbano e para o camping municipal. Non obstante, a maior contía en investimentos será para a aportación do concello carballiñés ao parque intercomarcal de bombeiros, un total de 151.900 euros.

O Alcalde do Carballiño puntualizou como "no anterior orzamento determinabase unha inversión de 1.709.965 euros, dos que resultaba unha inversión real de 537.000 euros, pois este capítulo estaba inflado en algo máis de 1.170.000 euros, polo que podemos afirmar que cun orzamento menor como é o deste ano, conseguimos un incremento do 18% en inversións reais".

Recollese a previsión de concesións de subvencións para gasto corrente cunha partida total de 237.000 eruos, un 14,66% menos que no exercicio anterior, que se poden outorgar "a colectivos, asociacións, para o fomento do turismo, o emprego, a cultura e o deporte, asi como as aportacións a outras entidades e organismos, tales como a Mancomunidade Turística, o Eixo Atlántico o o Padroado de Turismo, que amplia as súas competencias pasando de 36.000 a 60.000 euros", manifestou o máximo responsable municipal.

3.266.144 EUROS EN GASTOS DE PERSOAL

O gasto en persoal reducese en 625.000 euros, según os datos aportados polo rexedor municipal, un 16% inferior ao anterior orzamento, que leva ao Alcalde a manifestar que "despois de moitos anos o capítulo de persoal non é o máis elevado do orzamento, o que se debe  á optimización dos recursos humanos".

Contemplase neste capítulo un total de 47.800 euros para o pago de indemnizacións a varios traballadores "que tiveron o remate da súa relación laboral co concello, e non obstante elo suporá un aforro para as arcas municipais, xa para este ano e aínda máis para os vindeiros", asegurou Marnotes.

Incorporanse dúas dedicacións parciais ao equipo municipal de goberno. A asignación económica prevista será de 600 euros ao mes maís seguridade social, dedicacións parciais que ocuparán o Concelleiro de Obras Magín Daparte e a Concelleira de Benestar Social, Purificación Alberte.

En total, están orzamentados 158 postos de traballo, dos que na actualidade están ocupados 144, no cadro de persoal funcionario, persoal laboral fixo e indefinido, e persoal laboral temporal.

3.382.104 EUROS EN BENS E SERVIZOS CORRENTES

O maior  gasto para 2012 será o deste capítulo "no que se fixo un minucioso estudio dos costes dos distintos servizos municipais, unha novidade salientable é que non se contempla dotación para a festa do pulpo, xa que a súa xestión corresponderá ao Padroado de Turismo, asi como tamén se tivo en conta a externalización de distintos servizos, tales como o da recollida do lixo, parte do servizo de limpeza dos edificios municipais ou o servizo de axuda a domicilio", manifestou o Alcalde Carballiñes.

Plácido partido do Arenteiro, que dominou de principio a fin, cómodo triunfo dos carballiñeses que neste sprint final da liga dan un paso adiante para lograr o ascenso, mentres que para os masidaos a derrota en Espiñedo complica as súas aspiracións para manterse na categoria.

Lonxe dos clásicos partidos de rivalidade Arenteiro-Maside, nos que case sempre dominaba a igualdade, nesta ocasión o Arenteiro foi amo e señor no terreo de xogo, froito da superioridade física e táctica que demostraron os carballiñeses.

Aos 5 minutos de partido chegaba o primeiro gol do Arenteiro, ao aproveitarse Iglesias dun rexeitamento do porteiro visitante, que non foi capaz de atrapar o balón e propiciou que o dianteiro carballiñés se aproveitase da circustancia. Aos 36 minutos, outra vez Iglesias, recibe un balón ante a pasividade da defensa masidá e envia mansamente ao fondo da portería. Unhos minutos antes o árbitro anulou un gol ao Maside por fora de xogo. O terceiro gol do Arenteiro chegou no minuto 38 de partido, tras unha gran xogada persoal de Cancelas pola dereita que envia a Kennedy e éste marca a placer no segundo pau.

Na reaunudación, no minuto 48 de partido,  lograba o seu gol o Maside, que parecía meterse asi no partido. Non obstante, resultou ser un espellismo porque aos 53 minutos Kennedy cun tiro raso desde o borde da área poñía o 4-1 no marcador, resultado que xa sería definitivo, aínda que o Arenteiro tería varias ocasións no resto do partido para incrementar a súa ventaxa.

Tras esta victoria ante o Maside e a derrota do Nogueira de Ramuín en Ramirás, o Arenteiro aupase ao liderato da clasificación a tan so dous partidos para rematar o campionato. Eso si, Covadonga e Allariz non aflouxan e resolveron ao seu favor os seus respectivos partidos, asi que igual que o Nogueira de Ramuín situanse os tres equipos a 2 puntos do Arenteiro, que ten por diante duas auténticas finais, a primeira a vindeira fin de semana en Oira ante a Ponte e no derradeiro partido de liga en Espiñedo ante o Barbadás B.

Unhos dias despois de facer pública a convocatoria a través da rede social Facebook e outros medios, os seus promotores deciden suspendela ao entender que a súa celebración contribuiría a aumentar a crispación social no Irixo.

A concentración estaba anunciada para o sábado 5 de Maio na Praza do Concello do Irixo. Non obstante, a mesma sunpendese según manifestan os propios convocantes porque "despois de reunirnos co Alcalde Manuel Penedo e atendendo a súa petición expresa, decidimos suspender a convocatoria do dia 5 de maio, en pos de non seguir fomentando a división e crispación social que está a vivirse no noso concello, e que cada dia vai a máis", manifestan.

Aclaran, ademáis, que "tan so se trata dun aplazamento, polo que en datas posteriores farémos a convocatoria". Finalmente, agradecen "todas as numerosas mostras de apoio recibidas durantes os últimos dias".

O clima de crispación social que vive O Irixo púxose de manifesto no pleno da Corporación, entre o numeroso público que asistíu a sesión e que se repartía entre os partidarios do Sí e o Non á incineradora.

O Alcalde trasladou a celebración do pleno ao antigo salón de actos, na planta baixa da casa do concello, según o rexedor municipal "para facilitar a comodidade dos asistentes", unha decisión que foi criticada por algunhos dos veciños "polas reducidas dimensións da sala".

O grupo de goberno rexeitou a moción presentada polo concelleiro socialista na que se pedía "rexeitar a implantación do futuro complexo de Residuos Sólidos Urbanos do Sur de Galicia no concello do Irixo".  A moción foi rexeitada sen apenas entrar en debate, aínda que o Alcalde Manuel Penedo aproveitou o momento para dirixirse ao concelleiro socialista Javier Rodríguez e espetarlle ¿cántos anos traballou vostede en Cerceda? a sorpresiva pregunta foi acompañada con aplausos por unha parte do público. O socialista respondeulle decindo que "eu en Cerceda non traballei, eu dedicabame ao vidro e donde tiña o meu posto de traballo era en Verín, se estuven en Cerceda foi como un comerciante calquera". Penedo contestoulle entón " sí que traballaches e vendo o aspecto saudable que tes non che foi tan mal".

Diante da batería de preguntas presentada polo representante socialista en relación á polémica pola instalación da incineradora, que dixo trasladar ao pleno no  nome dos veciños, o Rexedor Municipal manifestou que "contestaréi por escrito ou no próximo pleno".

Ao rematar a sesión, vivironse momentos de tensión entre os veciños entre acudiron a este pleno, xa fora do salón de actos os enfrontamentos verbais entre unhos e outros a punto estiveron de xerar incidentes maiores. Algunos dos veciños tiveron que mediar para calmar os ánimos, e a tensión vivida provocou que alguna persoa abandonase a casa do concello con bágoas nos ollos.