Os catro mozos detidos teñen idades comprendidas entre os 21 e os 26 anos, dous son veciños do Carballiño e os outros dous de Maside e Punxín, respectivamente.

A Garda Civil do Carballiño, que bautizou ao operativo como "operación bellota", incautoulles no momento da detención un total de 5 gramos de hachis, 4 gramos de marihuana e 300 euros en diñeiro en efectivo. Foron detidos como presuntos autores dun delito de tráfico de drogas, ao dedicarse "á venda de droga ao menudeo", según a nota informativa difundida pola Garda Civil.

Tras prestar declaración no cuartel da Garda Civil do Carballiño foron postos en liberdade, a disposición do Xulgado nº 2 do Carballiño.

O Concelleiro  Socialista do Irixo presentou un escrito no Concello solicitando a inmediata convocatoria do pleno ordinario correspondente ao mes de febreiro, tal e como quedou establecido ao comezo do actúal mandato municipal.

 O portavoz, Javier Rodríguez, considera “unha vergonza que para suspender o pleno o alcalde se escude na redacción dos orzamentos e na previsión de supostos incidentes durante a súa celebración”.

“Ao alcalde fáltalle a valentía de afrontar ante os veciños as súas decisións respecto da incineradora nun pleno onde por fin ía debaterse esta cuestión”, afirma. Así, o edil socialista advirte que de non cumprir coa lei e o regulamento polo que os plenos ordinarios deben celebrarse cada dous meses, o segundo xoves de cada mes, se remitirá a documentación pertinente á Fiscalía Provincial para que se tomen as medidas oportunas.

Lembra que ao non convocarse os plenos ordinarios estanse vulnerando dereitos fundamentais dos concelleiros na súa labor de control ao Goberno Municipal.

O Arenteiro empatou en Ramirás no tempo de desconto un partido que comezou gañando e que despois chegou a ir pendendo por 3-1. Ao final, o fútbol foi xusto e os carballiñeses regresan cun valioso punto conseguido un campo moi dificil, e ante un rival directo na clasificación.

Partido emocionante para o espectador, tal como foi desenvolvendose no marcador. O Arenteiro adiantouse no marcador cun gol de Iglesias e asi rematou a primeira parte, con ventaxa carballiñesa. No primeiro periodo, e incluso nos primeiros compases da segunda o Arenteiro xogou máis e mellor que o seu rival, e incluso tivo algunha ocasión para ampliar a súa renta no marcador, pero todo cambeo tralo primeiro cuarto da segunda parte. O árbitro deixa ao Arenteiro con 10 xogadores ao expulsar con doble amarela a Prada, aos poucos minutos chegaría o gol do empate do Ramirás nunha volea sobre a portería de Pachi, éste quedase como unha estatua e o Ramirás atópase cun empate que non merecía ata eses momentos. O gol deu alas aos locais e desconcertou por completo aos carballiñeses, sobre todo en defensa, tal foi asi que en duas chegadas do Ramirás á área carballiñeses chegarían o segundo e terceiro gol do equipo local, e asi pasamos do 0-1 ao 3-1 en pleno descorcento do equipo de Dacosta.

Todo parecía perdido, e tamén que o resultado fose demasiádo premio para os locais, cando Gele acortou distancias para o Arenteiro. Os carballiñeses volvían meterse no partido e xa no tempo de desconto aparecia providencial Kennedy para empatar o partido. Xa non había tempo para máis.  

Os Socialistas consideran que o Alcalde "realizou gran cantidade de chamadas de índole persoal aproveitando a liña telefónica que pagamos todos" e o rexedor municipal respondelle que "teñen que aprender a ler unha factura".

O grupo municipal do PSdG de San Amaro asegura que "nestas facturas aparecen cargos de aplicacións e música para telefonía móbil que non teñen ningún sentido nun teléfono oficial, pero o máis preocupante dase noutro feito de máis gravidade, xa que nun análises pormenorizado das chamadas, nos atopamos con números de paises tan diversos como República Dominicana, Arxentina, México, Francia ou Portugal", afirmando que algunhas das facturas acadaron importes de preto dos 500 euros.

O Alcalde explica que as chamadas internacionais son consecuencia das súas viaxes a aos citados países "correspondense con chamadas que se fan desde España ao extranxeiro, todos sabemos como funcionan estas chamadas, cando te chaman tí pagas parte desa chamada, e cando me chama un veciño ou desde un organismo oficial, eu teño que atender as chamadas".

Ernesto Pérez recoñeceu que é certo que nalgún momento se produciron descargas de música "pero eso correxiuse de inmediato tan pronto se advertíron os primeiros cargos" e asegurou que o importe desas facturas pagadas polo Concello de San Amaro "están nunha media que non chegan aos 150 euros ao mes".

Este é, finalmente, o importe total das facturas pendentes de pago aos proveedores que o Concello do Carballiño enviou ao Mininsteiro de Facenda  1.602.000 euros, as facturas que cumplian os requisitos para acollerse o plan de Facenda  para o pagamento aos provedores.

A cantidade total das facturas pendentes de pagamento por parte do concello carballiñés con data do pasado 31 de decembro de 2011 ascende a 2.616.000 euros. Non obstante, parte importante das mesmas non foron incluidas no expediente remitido polo Concello do Carballiño, xa que na relación non figuran aquelas facturas relativas á organizacións festivas, espectáculos ou comidas, e tampouco aquelas doutras adminsitraccións, como é o caso da Deputación, ou de empresas públicas, como SOGAMA, coas que o concello carballiñés ten pagamentos pendentes.

Agora, o Concello do Carballiño, dispón ata o 31 deste mes de marzo para remitir ao Ministerio de Facenda un plan de viabilidade para devolver ao Estado o diñeiro que éste pagará a partir do vindeiro 1 de maio aos proveedores.

Será necesario, como mínimo, reunir 15.000 firmas para tramitar ante o Parlamento de Galicia esta Iniciativa Lexislativa Popular, que terá como obxetivo paralizar a instalación da incineradora.

A Asociación Medioambiental Incineradora no Deza Non, que xunto as plataformas constituídas no Irixo e O Carballiño, ven distinguindose pola súa súa oposición a este proxecto industrial para o tratamento do lixo, anunciou a posta en marcha dunha campaña de recollida de sinaturas con esta intención, promover unha proposición de lei mediante a presentación dunha Iniciativa Lexislativa Popular. Para elo, ademáis da recollida de firmas -que se extenderá a toda Galicia- tamén prevé a constitución dunha comisión redactora e a apertura dun calendario de negociacións cos grupos políticos do Parlamento de Galicia.

CONCERTOS MUSICAIS "CONTRA A INCINERACIÓN"

Para o vindeiro mes de abril a Asociación Medioambiental Incineradora no Deza Non e a Coordenadora Veciñal Incineradora no Irixo Non, traballarán na organización de concertos musicais "contra a incineración", cos que pretenden seguir concienciando á poboación sobre a problemática que representa a incineración como modelo para o tratamento do lixo.

Os concertos, nos que participarán varios grupos musicais das comarcas do Carballiño e O Deza, celebraránse os sábados 14 e 21 do vindeiro mes de abril, o primeiro no Irixo e o segundo en Lalín.

 A unhos dias da apertura da tempada de pesca, o Concelleiro Nacionalista, Luis Pérez Estévez "Ficol" ven de denunciar "a mortandade de troitas e outras especies no rio Avia" ao seu paso polo municipio de Leiro.

O representante do BNG na Corporación de Leiro amosa "publicamente o malestar pola gran cantidade de troitas mortas que están aparecendo no últimos dias no rio Avia ao seu paso por Leiro" e traslada esta preocupación tanto ao Alcalde de Leiro como tamén á Consellería de Medio Ambiente e a Confederación Hidrográfica" para que invstiguen as causas desta alta mortandade e "a contaminación que a está provocando".

Luis Pérez "Ficol" recorda como "o Avia sempre foi un rio moi troiteiro, viñan pescadores de todos os lugares´, e agora dende fai xa unhos cantos anos atrás non se ve case ninguén, e asi Leiro tampouco pode ter ningún futuro turístico", suliña o concelleiro. Tamén pon de manifesto que leva denunciando "esta problemática desde moitos anos atrás, pero nunca se me fixo caso".

Asi o anunciou hoxe en COPE O Carballiño o Alcalde Argimiro Marnotes "quero que a xente saiba que xa se está a traballar para que calquer veciño poida ver a auditoria na páxina Web do Concello".

Marnotes aclarou que "temos que ser respetuosos e cumplir coa lei de protección de datos, haberá que retirar datos relativos a empresas, pero tan pronto nos sexa posible faráse, porque si se fixo unha auditoria é para que os veciños coñezan a realidade que se manifesta na mesma" e engadíu "os números son os que son, e a débeda é a que se dixo porque asi o poñen de manifesto os auditores".

O Alcalde do Carballiño reafirmouse nos datos que aportou a semana pasada sobre a débeda municipal que se recolle na auditoria "que é de 6,8 millóns, e ademáis hai que explicarlle moi claramente á cidadanía que hai 3 millóns de euros que se viñan arrastrando nos orzamentos de cada ano como cobrables e se temos en conta a realidade contable en xuño de 2011 vemos que o remanente positivo é de 2,68 millóns de euros e estariamos nun deficit aproximado de menos 987.000 euros, e de ahí sae unha diferencia de 3 millós de euros, esa é a liquidez que figuraba nos orzamentos", explicou.

O Concello do Carballiño deberá remitir ao Ministerio de Facenda antes do 31 do actúal mes de marzo un plan de viabilidade para devolver este diñeiro que agora adiantará o Estado, e que as empresas cobrarán directamente nas entidades bancarias.

O concello carballiñés terá 10 anos para devolver este diñeiro, polo que pagará un xuro do 5%. Finalmente, foron 49 facturas, que suman un importe total de 383.575,13 euros. Esta cantidade é notablemente superior á que estaba contemplada inicialmente, ao engrosar este expediente de recoñecemento extraxudicial  aprobado polo pleno corporativo as facturas presentadas pola empresa que xestionou a Recadación Municipal entre os anos 2001 ao 2007, que suman un importe de 182.000 euros.

O expediente, que agora será remitido ao Ministerio de Facenda, foi aprobado cos votos a favor do Partido Popular e PSdG, e a abstención da concelleira do BNG.

Esta é a interpretación que fai o BNG dos datos aportados polos auditores, e asi o asegurou a Concelleira Áurea Francisco, a débeda do Concello do Carballiño non supera a cifra de 1,2 millóns de euros.

A concelleira nacionalista asegurou en COPE O Carballiño que "os datos que nos achegaron os auditores, cos que estivemos reunidos, indicannos que aos proveedores debemos 3,4 millóns de euros, e 3,9 millóns de euros aos bancos, que suman un total de 7,3 millóns, e eso é o que debe o concello, pero tamén hai que contar os recibos pendientes de cobro, sobre 5 millóns e pico, e cartos que hai en caixa 3,2 millóns de euros", tamèn aclarou como os recibos que tería pendentes de cobro o concello do Carballiño "serían unhos 5 millóns e pico de euros, dos que hai que descontar os que xa están prescritos, descontados éstos quedan pendentes 2,9 millóns de euros que sí aínda se poden cobrar", suliñou.

Desta maneira, para a concelleira do BNG "Se os 7,3 millóns lle descontamos os 6,1, obterémos o saldo negativo do Concello do Carballiño, que é de 1,2 millóns de euros".

Tras facer esta lectura da auditoria, Áurea Francisco considera que a realización da mesma era innecesaria e ademáis "demostrase que o grupo de goberno fixo unha utilización política de todo esto, un dia sí e outro tamén membros do equipo de goberno tiñannos nun sin vivir, alarmando á cidadanía, tampouco se pode faltar o traballo que fan os técnicos, filtrando datos sesgados e alarmando de forma inxustificada", remarcou.