Aforo completo nos restaurantes do Carballiño para este domingo no Carballiño, unhos 2.300 comensais, a maioría deles xa coas reservas completas desde fai varias semanas, e nas rúas do Carballiño -con permiso do tempo, xa verémos- máis de 1.200 comparsistas participarán nos dous desfiles de carnaval que están programados para esta xornada festiva e gastronómica.

O programa de animación da 29 edición da Festa da Cachucha comezará ás 11.30 horas deste domingo 25 de febreiro co Desfile de Folións, Comparsas e Charangas no que participarán:

-Comparsas de Parada de Amoeiro -Comparsas de Cea -Comparsas de Pontevedra -Comparsas de Poio -Folións de Petín -Folións de Tameirón -Os Liborianos do Carballiño

Ás 14.00 horas dará inicio o Xantar dá Cachucha nos restaurantes do Carballiño, unhos 2.300 comensais, coa amenización musical cargo de: -Charanga Doutor Anchoa -Charanga CLK -Charanga Castro Belo -Grupo Tokaide

Pola tarde, ás 17:30 horas será o gran desfile de folións, comparsas, carrozas e charangas, coa participacións das seguintes agrupacións: -Os da Caña de Marín -Os Solfamidas de Campo Lameiro -As Sonecas de Campelo -Os Rexoubeiros de Ourense -O Son da Pedra de Pontevedra -Comparsas de Amoeiro -Comparsas de Cea -Folións de Petín -Folións de Tameirón -Foliónsde Chandrexa de Queixa -Comparsas do entroido da comarca do Carballiño.

O fin de festa será a partir das 19:30 horas cun baile na Praza Maior do Carballiño coa orquestra América de Vigo, como colofón a xornada festiva desde domingo no Carballiño.

ENTROIDO DOS NENOS E NENAS NA INSUA DOS POETAS

Desde as 16:30 deste sábado dia 24 no parque natural e cultural da ïnsua dos Poetas, con concurso de disfraces infantil, con premios e agasallos, música, xogos, maxia e unha merenda con viandas típicas do noso entroido. Todas as actividades son gratuítas.

Un veciño do Carballiño, que traballa de camaneiro nun local da hostalaría local, foi obxeto este pasado mércores dia 21 de febreiro dunha estafa de 500 euros a través de chamadas telefónicas, nunha delas os estafadores poderían ter utilizado a IA para clonar a voz e asi enganar á vítima desta estafa.

Contámoscho no audio adxunto na entrevista de COPE O Carballiño.

Oito empresas optan a facerse coa redacción do plan estruturante de ordenación de solo empresarial (PEOSE) e instrumentos de desenvolvemento e execución do parque empresarial do Carballiño-Maside,finalmente unha vez que se pechou o prazo para a presentación de ofertas foron oito as empresas que participaron neste procedemente de licitación feita polo Instituto Galego da Vivenda e o Solo na Plataforma de contratos públicos de Galicia.

A Xunta licitou este procecto cun orzamento base de 504.540,96 euros, ive incluído. O parque empresarial previsto pola Xunta de Galicia constituirá a ampliación do xa existente na Uceira e emprazarase tanto nos concellos de Maside como no do Carballiño.

Inicialmente prevese que o parque empresarial ocupe unha superficie total de máis de 1,2 millóns de metros cadrados dos que algo máis de 230.000 metros cadrados estarán no concello do Carballiño e preto de 990.000 metros cadrados corresponden ao concello de Maside.

A Xunta de Galicia, a través da Consellería do Medio Rural, destinará 42.350 euros para, en colaboración co Concello de Leiro, a realización de actuacións encamiñadas á procura da rehabilitación socio-cultural da contorna de Pena Corneira, para poñer de relevo o seu valor patrimonial.

As accións a implementar estarán vencelladas co estudo da potencialidade arqueolóxica da zona, así como con obras de escavación na propia torre de Pena Corneira, que forma parte dos restos do Castelo de Pena Corneira. Os traballos que se levarán a cabo dentro desta iniciativa inclúen a limpeza e roza vexetación da zona de actuación e a súa contorna máis inmediata.

No marco deste convenio realizarase unha escavación que permitirá exhumar os restos arqueolóxicos e estruturais da fortificación. Esta actuación tamén facilitará a diagnose e consolidación das estruturas exhumadas; así como a documentación fotográfica e planimétrica das actuacións e a divulgación entre a comunidade local. Cabe sinalar que todas as accións se realizarán baixo un exhaustivo control arqueolóxico, co fin de protexer e preservar todas as achegas atopadas.

Pena Corneira
Cómpre lembrar que Pena Corneira é o monumento natural con maior extensión de toda a comunidade, xa que abrangue unha superficie dunhas 998 hectáreas e un cumio de 674 metros de altura. Trátase dun macizo granítico cun gran valor arqueolóxico, forestal e patrimonial.

Abrindo o arquivo adxunto podes comprobar o resultado electoral no colexio electoral no que depositaron o seu voto nestas eleccións 18F no concello do Carballiño, tanto nas 14 mesas do ámbito urbano, incluidas as dúas da Uceira, nas que ademáis votan os electores da parroquia de Seoane e parte da de Arcos, asi como nas mesas da zona rural, sitas en Costoia, Veiga, Mesego, Partovia e Señorín.

A Comarca do Carballiño deu a Alfonso Rueda un dos apoios porcentuais maís altos entre todas as comarcas do territorio galego, tan so igualado por A Baixa Limia, Xallas e Deza, superando o 60% dos votos escrutados nas eleccións deste 18F, según os datos provisionais.

O Partido Popular obtivo 9.038 votos na suma dos 9 concellos da comarca carballiñesa para Alfonso Rueda, son 400 votos máis que os que tivo o Partido Popular na comarca do Carballiño con Feijóo fai catro anos. 

O BNG de Ana Pontón alcanzou, tamén na comarca, o mellor resultado histórico para a formación nacionalista nunhas eleccións, ao sumar un total de 2.904 votos, mentres que os socialistas tamén tiveron outro resultado histórico, o pior que recorda o PSOE, con apenas 1.484 votos no cómputo comarcal, sempre según os datos provisionais.

Democracia Ourensana, con 523 votos e Espazo Común Galeguista, con 357 sufraxios, completan o ranking comarcal nas cinco primeiras posicións nestas eleccións autonómicas de 2024.

Por concellos, os mellores resultados para os populares foron en Beariz co 83,86% do voto emitido e Boborás, onde sumaron o 73,44% das papeletas depositadas este dominto nas urnas. E onde menos apoio tiveron os populares, aínda que en ambos casos con maioria absoluta, fornon Maside co 55,88 e Punxín, co 53,43%.

No concello do Carballiño, o Partido Popular consigue máis votos que fai catro anos con Feijóo, xa que nestas eleccións os populares obtiveron 4.168 votos para sumar á maioria absoluta de Alfonso Rueda.

Tras o PP, que foi arrasou en todos os concellos, a segunda candidatura con máis votos en todos os municipios foi o BNG, cunha excepción, a de Maside, o único concello da comarca onde os socialistas foron segundos, aínda que podemos falar de empate técnico, xa que o PSOE tivo 293 votos por 291 do BNG, apenas 2 votos de diferencia.

O Arenteiro continúa metendo millo no cabaceiro para conseguir o seu obxetivo da permanencia na Primeira RFEF derrotando en Espiñedo a un bo Osasuna Promesas cunha gran xogada en ataque que culminou Álvaro Ramón cun "chupinazo" pola mesma escadra da portería pamplonica que puxo en pe ao graderío de Espiñedo.

Os verdes repetiron triunfo co mesmo resultado que sete dias antes coa Cultural Leonesa, mantendo a portería a cero e facendo de Espiñedo un fortín ante unha afección entregada cun equipo que continúa coa frecha cara arriba e durme nun colchón de 12 puntos sobre o descenso, e a tan so 3 puntos da promoción de ascenso.

Os navarros -que nos útimos tres partidos a domicilio viñan de empatan nos campos da Real Sociedad, Nastic de Tarragona e Lugo- demostraron o por qué son un equipo moi dificial de gañarlle, ben plantado, cunha defensa de 5 e un xogo moi vertical, complicaronlle ao Arenteiro un partido que, aínda asi, soubo madurar e tras dúas ocasións consecutivas, conseguir o gol do triunfo no minuto 83.

Resumen do partido na TVG e golazo de Álvaro Ramón:

https://www.g24.gal/-/alvaro-ramon-derruba-a-resistencia-do-osasuna-b-e-...

Cronica do partido en La Voz de Galicia: 

https://www.lavozdegalicia.es/noticia/ourense/2024/02/18/arenteiro-derri...