No audio adxunto podes escoitar a entrevista de Xan Pinal  a Carlos Nemesio e Rocio Valiñas, integrantes desta Plataforma Cidadán, que leva recollidas máis de 3.000 sinaturas de apoio nunhos poucos dias, en demanda de que se repoña o servizo de pediatría que atende no centro de saúde do Carballiño a preto de 2.000 nenos e nenas da comarca en idade pediátrica. Tamén demandan servizo de pediatría en horario de tarde.

O Grupo municipal do BNG no concello de San Cristovo de Cea lamenta que a maioria do Partido Popular rexeitase no pleno da corporación deste concello as súas inciativas, en concreto para a contratación dun novo conserxe para o colexio de Cea. O grupo nacionalista posicionouse en contra do orzamento presentado polo grupo de goberno, e presentou varias preguntas e un rogo á alcaldía, que agarda sexa atendido.

1-Proposta do PP: orzamentos para 2024 (por un total de 2.100.000 €)
O portavoz do BNG sinalou que no propio informe de intervención sobre do cumprimento da estabilidade orzamentaria se indica que o concello non cumpre as condicións de endebedamento para 2023, así como que nas bases de execución non se aclaran as condicións para a concesión de axudas, subvencións e premios ás distintas organizacións, asociacións ou clubes (orzamentadas en 6.000 €). Reducen a 2.400 € as axudas á natalidade, que a 600 € por neno só cubrirían ata 4 nenos.
O BNG resalta a cantidade destinada a persoal (1.136.000 €) que supón más do 54% do orzamento, mentres para inversións reais só se prevén 254.000 €. Todas as inversións obedecen a criterio exclusivo da alcaldía. Contemplan ademais outros 248.500 € para amortización de débeda.
Considera tamén desacertado que se manteña o continuísmo de anos pasados, sen buscar perspectivas de mellora, cando a situación vai a peor. Inclúen un salario elevado para un concelleiro do grupo de goberno, pero non a posible contratación dun conserxe para o grupo escolar. Seguen orientado os orzamentos a manter a inmensa estrutura que se foi creando entorno ao concello, sen novidades sobre o necesario desenvolvemento do polígono. Para a alcaldía, son uns orzamentos realistas e axeitados para o concello. Aprobada cos votos do PP (8) e voto en contra do BNG (3).

2- Moción do BNG para a contratación dun conserxe para o grupo escolar.
O grupo escolar está sen conserxe desde fai tempo, polo que non serven escusas, nin mirar para outro lado. Sobre todo se queremos manter a actual consideración dde “excelencia” para o grupo, se pensamos nas persoas que dirixirán o futuro inmediato ou nos beneficios dunha educación de calidade. A proposta solicitaba que o concello asuma a súa responsabilidade, xunto con Piñor, para contratar xa unha persoa, sexa con medios propios, sexa con axudas da Xunta.
A alcaldía para nada quixo saber deste asunto, manifestando que os custes do grupo son moi elevados para o concello e que non ía asumilos en ningún caso.
Rexeitada cos voto dos PP (8) e favorables do BNG (3)

ROGO do BNG para a modificación das bandas redutoras de velocidade instaladas en Cea.
Instaladas recentemente, sen sinalización axeitada, provocan impacto brusco nos automóviles. O BNG, estando sempre de acordo en mellorar a seguridade dos peóns, roga que se modifiquen para facer algo similar ao que vemos noutros concellos: elevacións sinaladas nos pasos de peóns, etc., que incrementan a seguridade peonil, sen provocar danos nos vehículos.

PREGUNTAS do BNG
Sobre as rozas solicitadas en Viduedo (Eira dos Ferreños) e Vilaseco (Os Carrís), recuperación da fonte da Lama, futuro paso dos vehículos sobre a Ponte Mandrás, restauración do seu forno, se ten pensado arranxar o problema das inundacións na casa sita na rúa Santo Cristo de Cea, actualización da páxina web do concello e apertura dese espazo á publicación dos plenos, propostas, acordos e máis información de interese para a veciñanza.

Na exposición de motivos desta moción, maniféstase que "xa hai tempo abondo que son moi habituais as queixas de pais e nais do noso concello usuarios dos parques infantís". E mesmo fan referencia aos incidentes acontecidos no recén inaugurado de Toscaña por deficiencias no tobogán "que tiñan que ter sido subsanadas antes da súa apertura, non fixeron máis que aumentar o malestar xeral a este respecto".

Desde Espazo Común consideran que "todos deberíamos ser conscientes do sensible que hai que ser con estes espazos no tocante á seguridade e polo tanto de que a obriga desta administración é vixiar co máximo coidado cada detalle, os nenos máis pequenos non entenden de precaución e se non se observan tódalas medidas posibles, os riscos de ter que lamentar algún día unha desgraza elevanse considerablemente".

Tamén sinalan deficiencias no parque da Alameda "onde conviven nunha perigosa combinación nenos de tódalas idades cun excesivo número de vehículos que transita polo entorno non sempre ás velocidades axeitadas. Algunhas das estruturas desta instalación tamén presentan serias dúbidas sobre se garanten a seguridade dos pequenos".

Para Espazo Común tampouco aproban nas súas prestacións "o do Parque Municipal ou os do rural que están direitamente en estado de abandono absoluto ou o dos Catro Camiños que se queda bastante escaso para a demanda existente na principal zona de expansión do noso pobo".

Finalmente e despóis de concluir que é preciso tomar medidas urxentes "para garantir a tranquilidade das moitas familias que empregan estes lugares para o seu lecer e para o crecemento social, intelectual e físico dos seus fillos", a moción que Espazo Común defenderá no pleno municipal desta semana pide o acordo da corporación para que o concello do Carballiño leve a cabo unha auditoria de seguridade nos parques infantís do municipio.

MAGOSTO DOS NENOS E NENAS, na Insua dos Poetas, festa tradicional para toda a familia e con especial protagonismo para os cativos e rapaces, que poderán gozar dunha tarde de xogos, música, sorteos de lotes de libros, castañas asadas, bolos preñados e outras larpeiradas, e todo elo nun entorno único na comarca como é o parque cultural e natural ubicado na inmediacións da Esgueva-Madarnás. Domingo 26 a partir das 16:30 horas. Gratuíto.

DAR TRELA .  A agrupación teatral carballiñesa estrea novo espectáculo "Cabaret Dar Trela", unha creación colectiva dirixida por Fernando González. No auditorio do Carballiño, sábado 25 ás 20:30 e domingo 26 ás 19:00 horas. Entrada 5 euros.

CINE. O Novocine de Leiro estrea "Napoleón", do vernes 24 ao domingo 26 en pases diarios ás 17:00 e as 20:00 horas.

MUSICA. A Banda de Música de Boborás celebra a festividade da patrona da música Sta Cecía, cun concerto este sábado 25 ás 20:30 horas. Igrexa parroquial de Moldes.

TEATRO MUSICAL "A fada que non sabía ser fada" con Trémola Teatro, o sábado 25 ás 17:00 horas no Centro Social da Albarona, organizado polo concello de Piñor.

VIDEA FEST 2013. Un festival cultural que marida gastronomía, cultura, arte música e sendeirismo, e tendo como protagonista ao pintor Xosé Vilamoure. Sábado 25 en Vilamoure (Punxín) Toda a información en podes encontrala en http://www.videafest.com/

TROFEO VILA DO CARBALLIÑO DE PATINAXE. O Club Aehde reúne no Paco Chao a 154 patinadoras da modalidade libre de toda Galicia. Sábado 25, de 9:00 a 21:00 horas.