Noutro partido máis demostrase que ata o rabo todo é touro. Do 2-0 do Arenteiro sobre o Pontellas no minuto 90, pasamos ao 3-1 final no marcador, con dous goles no tempo de desconto, un para cada equipo. Segunda victoria consecutiva dos verdes en Espiñedo na preferente autonómica.

C.D. Arenteiro: Marcos Nieto, Carlos Escudero (Gele, m. 57), Diego López, Lois, Pana, Dafonte, Sanginés (Cote, m. 73), Victor Gallego, Dani Vázquez, Bardelás (Manu, m. 70) e Marcos Sotelo (Alex Santiago, m.81).

Goles:

1-0. Minuto 29. Dani Vázquez, libre de marca, cabecea a placer tras recibir o balón rexeitado dun defensa do Pontellas.

2-0. Minuto 45. Sanginés envia un centro ao que non acerta a rematar Dani Vázquez, pero sí Marcos Sotelo que chega coa caña preparada para marcar o segundo da tarde para o Arenteiro.

2-1. Minuto 91. José reduce distancias aproveitando a confianza da retagarda local.

3-1. Minuto 93. Gran xogada personal de Pana que pon un balón de ouro a Victor Gallego, que finiquita o encontro.

O Partido: Comezou mellor para o Pontellas que aos 6 minutos pudo adiantarse no marcador ao cometer a defensa verde un absurdo penalti, pero a pena máxima era neutralizada nunha magnífica intervención polo meta local Marcos Nieto enviando o balón a córner. Non se desconpuxo o cadro visitante, mentres o Arenteiro xogaba bastante precipitado. Asi ata o primeiro gol local, que cambeou o ritmo do partido ata o intermedio. Trala reanudación, o Pontellas tratou de achegarse á área local, aínda que sen lograr levar perigo real. Xa na recta final do partido, o Arenteiro pudo sentenciar en dúas accións de Dani Vázquez e Manu, encontrandose con sendas boas intervenciós do porteiro do Pontellas, Israel. Cando o tempo estaba cumplido chegarían os outros dous goles, un para cada equipo, e tres puntos que suman os verdes no seu casilleiro.

A casa da cultura do Carballiño acolleu o acto de presentación dos candidatos do Partido Popular para os comicios municipais do mes de maio de 2015.

Os actuais alcaldes de Beariz -Manuel Prado-, Boborás -Cipriano Caamaño-, O Carballiño -Argimiro Marnotes-, San Cristovo de Cea -José Luis Valladares-, Punxín -Manuel Vázquez-, O Irixo -Manuel Penedo-, e San Amaro -Ernesto Pérez- optarán a reelección nos seus respectivos concellos.

Tamén repite como candidato dos populares en Piñor, Luis González, que xa foi cabeza de cartel neste municipio en 2011.

A cara nova dos populares nestas vindeiras eleccións municipais é a de Alejandro González como candidato á alcaldia de Maside, tralo falecemento durante o actúal mandato municipal do que fora cabeza de lista do PP no concello de Maside en 2011, Casimiro Campo.

A oficina municipal de turismo situada na praza da Alameda pechou esta semana, unha vez que finalizou o período subvencionado pola Axencia de Turismo de Galicia, contabilizando durante estes meses máis de 2.000 visitas solicitando información turística da vila, a comarca e Galicia en xeral.

No informe realizado polas dúas técnicas de turismo que estiveron á fronte da oficina, destaca que a procedencia dos visitantes ao Carballiño durante os meses de verán eran, maioritariamente, de Galicia, aínda que se observou un aumento de visitantes procedentes doutras comunidades como Madrid ou Cataluña. Este número non é o total dos visitantes que tivo O Carballiño durante estes meses, xa que doadamente puideron ser máis do dobre, son soamente os que pasaron pola oficina municipal a solicitar información.

Neste sentido, a procedencia dos visitantes nacionais foi, en primeiro lugar Galicia, en segundo lugar Madrid e en terceiro lugar Cataluña. Logo, outras comunidades das que viñeron visitantes foron País Vasco, Andalucía, Valencia, Castela e León, Asturias, Castela a Mancha, Navarra, Murcia, La Rioja, Extremadura, Cantabria, Canarias, Baleares, e Aragón.

Sobre os visitantes procedentes de fóra do territorio nacional, Francia segue sendo o de maior número de visitantes, xunto con Portugal, seguidos de Alemaña e Arxentina. No que se refire á idade media dos visitantes, os maiores de 50 anos foron os que máis acudiron á vila, seguido da franxa de idade entre 40 e 50 anos, do que se detecta que é o turismo familiar o que máis atrae O Carballiño.

A maioría destes turistas chegaron ao carballiño en coches particulares, aloxándose principalmente na Residencia de Tempo Libre, nos hoteis e hostais da vila, e no cámping municipal.

No que se refire á información solicitada por estes turistas, a Veracruz segue sendo un dos puntos de atracción máis importante, e polo que máis preguntan todas as persoas que visitan O Carballiño, seguido moi de preto da solicitude de información sobre a Festa doPulpo, o Parque Municipal, e o museo etnográfico. Cabe destacar tamén o interese mostrado pola maioría dos visitantes, na tradición gastronómica da zona (con especial referencia ao polbo á feira).

Por último, do informe presentado, recóllese tamén que o número de visitantes que descubriron O Carballiño grazas ás novas tecnoloxías, internet principalmente, aumenta considerablemente, sendo as páxinas da Festa do Pulpo e do propio concello, as que máis turistas atraeron durante este verán.

Con todos estes datos, os responsables de turismo do concello doCarballiño, comproban que a expansión deste sector na vila pasa por manter as accións cara a aumentar e fixar o turismo familiar, acudindo ás feiras e certames onde este sector sexa o principal destinatario. Así mesmo acrecentar a información e difusión dos monumentos carballiñeses, principalmente o templo da Veracruz, para o que se está a estudar a posibilidade de colocar carteis informativos sobre esta obra de Pazos e, polo seu posto, seguir impulsando a Festa do Pulpo e o polbo a feira, como principal atractivo para os visitantes, e perfecto embaixador do Carballiño dentro e fóra do territorio español.

Así mesmo, e á vista deste informe, continuar a campaña de difusión da Residencia de Tempo Libre, sen abandonar o apoio aos hoteis e hostais da vila en cantas accións desenvolvan como colectivo ou a título particular.

Tratase dun curso práctico que "responde á demanda recollida na área da muller e especialmente dirixido a mulleres xóvenes de cara previr situacións de risco", apuntou a concelleira de Igualdade e Benestar Social Purificación Alberte.

O curso terá unha duración de 12 horas, desenvolveráse os sábados, e no mesmo ensinaránse técnicas doadas de aprender e executar ante as agresións máis comúns, en base á practica do HAP-KI DO "que non é un deporte de combate, é puramente defensa persoal", aclarou a concelleira. As incripcións poden facerse no local de Servizos Sociais, na rúa Faustino Santalices.

Doutra parte, este mesmo departamento municipal organiza un "curso de capacitación política e técnica para o persoal do concello" que ten como finalidade desenvolver as capacidades básicas para detectar a existencia de desigualdades na sociedade, e asi ir incorporando a igualdade de oportunidades entre mulleres e homes no ámbito das competencias municipais.

A sesión, convocada a instancias dos socialistas, propiciou o debate e tratamento plenario da problemática que afecta ás traballadoras do servizo municipal de axuda a domicilio e o conflicto laboral que manteñen coa empresa concesionaria do mesmo. O grupo socialista requeríu, sen éxito, ao goberno municipal para que se comprometera "na procura dunha saída e que retire a concesión á empresa ante os seus reiterados incumprimentos, que levaron ás traballadoras incluso á folga".

Outra das demandas á que puxeron voz os socialistas foi a relativa á reapertura do matadoiro, o concelleiro Adolfo Nogueira criticou "as continuas e falsas promesas incumplidas" que despois de dous anos manteñen inactivas estas instalacións. O alcalde carballiñés confirmou que a Xunta de Galicia xa autorizou ao concello para que poida convocar o concurso público que adxudicará a explotación destas instalacións, aínda que sigue pendiente a autorización de sanidade.

O PSdG tamén trasladou ao grupo de goberno "o gran descontento por un PXOM que non só condena ao rural á súa desaparición, senón que ademáis carece de claridade na aplicación dos criterios técnicos". Por elo, pediron ao goberno municipal que proceda á retirada deste proxecto. Dende o PP recordaron "que foron precisamente os socialistas os que encargaron a reforma deste plan" e o alcalde Marnotes anunciou un reaxuste nos prazos para a presentación inicial do futuro planeamento urbanístico, que se amplia agora ata finais de 2015.

As protestas contra o incremento de taxas no conservatorio profesional de música do Carbaliño e nas escolas deportivas foron outros argumentos que utilizaron os socialistas neste pleno para criticar a xestión do goberno municipal do Partido Popular.

Igual que o domingo anterior en Valadares, tamén en Gondomar, o Arenteiro volvía perder o partido co tempo cumplido. Coas táboas no marcador, Quiroga enviou un balón ao longueiro. Antes, o Gondomar marcara de penalti e empatara Dani Arbo para o Arenteiro, que volveu sufrir a arbitraxe escandalosamente caseira do árbitro pontevedrés José Piñeiro, que expulsou con vermella directa a Canexón- no banquiño- e Dani Arbo. 

CD Arenteiro: Marcos Nieto, Ocampo, Diego López, Dani Arbo, Pana, Dafonte, Victor Gallego, Bardelás, Sanginés, Dani Vázquez e Marcos Sotelo. Tamén xogaron Alex Santiago, Gele e Quiroga.

Goles:

1-0. Minuto 62. Suposto penalti na área local que transforma en gol Alex Rei.

1-1. Minuto 72. Libre directo sobre a portería local, Dani Arbo cun tiro raso e potente logra o empate.

2-1. Minuto 92. Tras unha boa intervención de Marcos Nieto, que rexeita en primeira instancia, o balón chega a Dani Hermida que axusta o segundo pau e marca o gol da victoria para o Gondomar.

O Partido: Con dúas partes ben diferenciadas, unha primeira de claro cor verde, o Arenteiro xogou máis e mellor que o seu rival, pero non logrou adiantarse no marcador. Na segunda parte, o Gondomar foi impoñendo o seu xogo, aínda que sen crear perigo ante a portería carballiñesa. Pola contra, o Arenteiro, unha vez que logrou o empate, pudo adiantarse por dúas veces, primeiro nun man a man co porteiro de M. Sotelo, que resolveu ben o cancerbeiro local, e despois cun cabezazo de Quiroga que petou no longueiro e foise fora. Á marxe do infortunio, e dalgúns detalles negativos -como a expulsión de Arbo-, a cara positiva é a dun equipo que polo visto esta tarde en Gondomar sigue indo a máis.    

A Casa da Cultura de O Carballiño,  acolleu o Congreso Local do Partido Popular do Carballiño.

A única candidatura que se presentou foi a encabezada por Argimiro Marnotes Fernández, que acadou o 97,73% de apoio dos compromisarios que depositaron os seus votos no proceso electoral interno dos populares.

Durante a súa intervención, o recén reelixido presidente local non quixo deixar pasar a oportunidade de agradecer a todos os asistentes ao congreso local o apoio amosado cara a candidatura que preside. De feito, avanzou que a nova Xunta Local do PP de O Carballiño está integrada por 48 persoas, “un equipo amplo e heteroxéneo onde aunamos diferentes perspectivas, inquedanzas e sensibilidades, co cal abarcamos un certero reflexo do que precisa a cidadanía desta vila”.

Tamén lembrou Argimiro Marnotes, reelixido como presidente local, que a primeira vez que presidiu o PP local, en 2010, “tamén constituimos un equipo amplo e fumos encadenando victorias electorais en todos e cada un dos procesos aos que concurrimos”. Por iso mesmo, o obxectivo a curto prazo “é seguir traballando en facer partido, fortalecer o noso equipo e apuntalar a nosa hexemonía no que a preferencias políticas dos cidadáns de O Carballiño se refire”.

Neste senso tamén se pronunciou o secretario xeral do PP de Galicia, Alfonso Rueda, quen agradeceu "o intenso traballo que realizan os populares da Vila do Arenteiro".

Xa no discurso de clausura do Congreso Local de O Carballiño, o presidente provincial dos populares ourensáns, Manuel Baltar, destacou "a fortaleza do PP a nivel local presidido por Argimiro Marnotes" e recalcou que o PP "é unha garantía de éxito para acadar melloras na calidade de vida no Carballiño, onde a cooperación, o traballo, a xestión e as ideas son o básico deste proxecto”.

A entidade cineclubista carballiñesa inicia a nova tempada con varias novidades. Entre elas,a ampliación do equipo directivo de Cineclub Carballiño, sendo esto de vital importancia, xa que supón a chegada de xente xove con ideas frescas que, de seguro, van contribuír a unha mellor e máis variada programación e a unha maior capacidade para facer actividades ao longo do ano.

Ademáis, os responsables do Cine Club afirman contar "cun maior e decidido apoio por parte do Concello do Carballiño, que esperamos continúe e incluso se incremente no futuro. Este apoio danos unha estabilidade e seguridade que cremos imprescindible á hora de desenvolver os nosos proxectos".

Cara o público, outra das novidades para a nova tempada é que este ano "so podemos vender bonos de socio ou entradas para cada sesión.NON haberá bonos anuais nin mensuais, debido a que nolo esixe o ICAA (Instituto do Cine e das Artes Audiovisuais), dependente do Ministerio de Cultura, que nos obriga a ter un cómputo de entradas en cada sesión mediante un sistema de taquilla no que non ten cabida a existencia de bonos", aseguran.

Os prezos das entradas seguirán sendo "moderados", 5 € para traballadores,. 3 € para parados, xubilados e estudantes.Este ano seguirán vendendo durante as sesións, libros e películas, pero tamén camisetas e mochilas cun deseño especial que inclúe o logo do Cineclube. Tamén farán rifas para entrar no sorteo de lotes de libros, películas en DVD e Blu - Ray, camisetas e outros materiais relacionados có cine. Coa súa venda pretendese recadar fondos e tamén dar publicidade e visibilidade ao  traballo que desenvolve o Cine Club.

Finalmente, trataráse de potenciar o cine infantil e xuvenil.  Estes dias atrás programouse un ciclo que tivo lugar nas festas do setembro en colaboración coa comisión de festas, ao que asistiron 314 espectadores en catro sesións, "o cal foi un resultado satisfactorio para nós. A nosa intención é que poida haber polo menos unha sesión ao mes durante o outono e o inverno, e tamén algún ciclo máis coincidindo coas épocas de vacacións dos rapaces e rapazas", informan dende a entidade cineclubista.

A nova tempada abrese este venres no auditorio do Carballiño coa proxección da película "NYMPHOMANIAC ll", en sesións ás 20 e 23 horas.

A Comisión de Festas sae ao paso de algunhas queixas veciñais,  o PSdG-PSOE critica "a improvisación e escasa planificación do goberno de Marnotes", mentres dende o concello agradecen e valoran o traballo desenvolvido pola comisión organizadora.

Comunicado da Comisión de Festas

La comisión de Festas de San Cibrao 2014 quiere señalar, ante las críticas aparecidas en algunos sectores de la villa, que todos los integrantes de esta comisión trabajamos 24 horas al día para ofrecer unas fiestas como esta villa se merece, y no solo durante las mismas, sino meses antes.

En cuanto a criticas puntuales como la suspensión de los fuegos artificiales de la noche del 16 de septiembre queremos decir que hubiera sido imposible suspenderlos, o mejor dicho, pasarlos a otro día, ya que para realizar una tirada de fuegos como la que tuvimos es necesario un trámite burocrático que no se podría haber realizado de un día para otro, ya que los permisos deben solicitarse en la subdelegación de gobierno, acompañado de un intenso informe del lugar y las medidas de seguridad para dicha actividad.

Sobre las quejas de algunos comerciantes de la calle Curros Enríquez, decir que estamos con ellos, como saben perfectamente, ya que todos los días pasamos por esa calle tanto los integrantes de la comisión como la Policía Local, para evitar que les perjudicar esa actividad en su calle, pero a día de hoy fue imposible que todo se desarrollara como pedíamos cada día, atendiendo precisamente a esos comerciantes.

Por último, y sobre el supuesto caos circulatorio durante las fiestas, decir que sí, si existió algún problema con el tráfico, pero queremos formular una  pregunta. ¿en qué pueblo, ciudad o aldea, no se produce algún problema con el tráfico con la celebración de sus fiestas?, lo que está claro es que la inmensa mayoría de los vecinos de O Carballiño con los que hablamos, y fueron miles, estaban encantados de la ubicación de este año de las atracciones y los puestos de venta. Ubicación que también aplaudió el 90% de la hostelería.

Aprovechamos este escrito para agradecer especialmente a la hostelería por su apoyo, pese a que la climatología impidió que muchos de ellos pudieran desarrollar sus actividades tal y como todos hubiéramos querido.

Para terminar solo agradecer a todos los vecinos, comerciantes y hosteleros que, con sus aportaciones económicas y críticas constructivas, nos ayudaron a celebrar unaño más las fiestas de septiembre.

Comunicado do grupo municipal do PSdG

O Grupo Municipal do PSdeG do Carballiño criticou hoxe a improvisación e escasa planificación do goberno de Marnotes nas festas do setembro, que provocou queixas polos problemas de acceso a establecementos comerciais, circulación e aparcamento, entre outros.

Pese ao esforzo e capacidade de traballo amosado pola Comisión de Festas para ofrecer unha boa programación, o goberno municipal non estivo á altura, amosando unha vez máis o seu nulo compromiso cunhas festas que sempre foron un referente na vila e que dende a chegada de Marnotes ao goberno van esmorecendo cada ano.

Así, os comerciantes da rúa Curros Enríquez sufriron durante toda a semana as molestias causadas pola ubicación dos postos ambulantes que cubrían practicamente a entrada de todos os establecementos, e que causaron tamén problemas de paso para os viandantes, xa que a rúa quedaba moi estreita.

Tamén os pais e nais de alumnos do Sagrado Corazón amosaron o seu malestar porque a porta do colexio quedou case bloqueada polas atraccións situadas na praza, cando xa esta semana comezaron as clases.

Os veciños sufriron tamén o caos circulatorio provocado por unha mala planificación dos espazos para situar as atraccións. Así, aos problemas habituais de aparcamento sumouse o peche ao tráfico de rúas de acceso ao párking e de outras como a Julio Rodríguez Soto, na que se suprimiron varios aparcamentos para poñer tan só un par de atraccións.

Esta falla de organización puido ser aínda máis grave no caso de producirse algunha emerxencia, xa que a meirande parte das rúas que conectan co centro da vila estaban ocupadas e con moi pouco espazo de paso para vehículos en caso de producirse algunha continxencia.

Así, a responsabilidade na organización e planificación que compete ao Concello foi nula, xa que tampouco foron quen de, ante a previsión de choiva, colocar unha carpa para as actuacións das orquestras, como si se fixo en eventos moito máis pequenos en outras ocasións.

O mesmo aconteceu coa tirada do fogo, que quedou reducida a un único día e que puido cambiarse de data ante as fortes choivas dese día. Botouse tamén de menos a animación na rúa, actuacións de gaiteiros ou bandas de música, que foron moi reducidas.

Dado que o tempo non acompañou, houbese sido positivo aceptar a proposta dos feirantes de contratar unha orquestra para o sábado 20, xa que coincidiu en fin de semana e foi un día con bastante xente nas rúas ao non chover.

Por todo elo, queda claro que a Marnotes e o seu goberno ou non lles interesa a Festa do San Cibrao, ou non están á altura e non teñen capacidade, porque senón non se entende esta falla de previsión e planificación.

Xa demostraron este desinterese coa Festa do Maior, e neste caso están a deixar que unha celebración que convertía ao Carballiño en referente festivo do mes de setembro perda forza cada ano.

Comunicado do concello do Carballiño

O concello do Carballiño felicita á comisión das festas patronais pola organización e o éxito destas, malia as inclemencias meteorolóxicas. Para os responsables municipais o traballo desenvolvido pola comisión de festas foi encomiable, buscando sempre a satisfacción do maior número de veciños e visitantes, e mesmo preocupándose de cada circunstancia particular que se puideron producir.

Sobre as actuacións o concello do Carballiño considera que a elección da comisión 2014 foi acertada, conseguindo que as mellores orquestras de Galicia actuasen no Carballiño, intercalando tamén grandes actuacións de rúa que animaron, sempre que o tempo o permitía, as xornadas festivas da vila.

Por todo iso os responsables municipais felicitan aos integrantes da comisión de festas 2014, así como a todos os veciños, comerciantes e hostaleiros, que dunha forma un doutra apoiaron esta celebración, permitindo que, un ano máis, O Carballiño fose un referente no calendario festivo da provincia.

 Comunicado do BNG

Para o BNG foron unhas festas que a pesares da climatoloxía que foi totalmente adversa, a cal, lle xogou unha mala pasada os hosteleiros e a tódolos veciñ@s en xeral, temos que lamentar a pouca sensibilidade do Concello coa cultura galega xa que o único salientable do programa ao respecto foi a Festa da Pepa Loba, actividade esta non organizada pola Asociación de Amigos de Flores, ademáis non pensamos que a contratación de orquestras sexa o futuro da propia Festa e por último, dende o BNG pensamos que sería interesante, tendo en conta o actual contexto de crise económica, de abrilo debate ante a cidadanía da posibilidade de  reducción dos días de Festa.

Un gol no tempo de desconto derrotou ao Arenteiro inmerecidamente, xa que os carballiñeses  -antes o meta local rexeitara un penalti lanzado por Ocampo-xogaron acaso o partido máis serio do que vai de campionato no campo da Gándara de Valadares, que rexistrou unha boa entrada con seguidores verdes na grada. Tamén presenciou o partido o alcalde de Vigo, Abel Caballero.

CD Arenteiro: Marcos Nieto, Ocampo (Cote, m.68), Diego López, Lois, pana, Dafonte, Victor Gallego, Gele (Sanginés, m.68), Dani Vázquez, Bardelás ( Alex Santiago, m.80) e Marcos Sotelo  (Canexón, m.80).

Goles: 

1-0. Minuto 37. O goleador local Oscar Pérez controlaba na área e con gran calidade envia o balón ao fondo da portería carballiñesa. Golazo.

1-1. Minuto 89. Zurdazo de Pana que se cola por toda a escadra. Golazo.

2-1. Minuto 94. Libre directo maxistralmente executado por Cacho. Golazo.

O Partido: Comezou moi ben asentado no terreo de xogo o Arenteiro que no primeiro cuarto, por medio de Dani Vázquez e Marcos Sotelo, avisaba que viña a dar a cara ante un dos equipos potentes da categoria. Os locais, que foron nivelando o partido, tan so creaban perigo a balón parado, atá que no tramo final da primeira parte remataron acosando a portería carballiñesa, pero encontraronse coas boas intervecións de Marcos Nieto. Na reanudación, aos 58 minutos, o colexiado trágase un penalti de libro sobre Marcos Sotelo, despois pitaba outro -tamén claro- por mans dun defensor local, pero o meta local adivina a traxectoria e rexeita o balón lanzado por Ocampo. O gol de Pana parecía que ía facer xustiza, pero non foi asi e os verdes caían cun gol no tempo de desconto. Sen dúbida, o mellor partido do Arenteiro no que vai de liga.