Deportes

Un gol de penalti transformado por Renan Zanelli valeu ao Arenteiro para doblegar aos lucenses e deixalos a 8 puntos de diferencia na loita polo ascenso directo á Segunda RFEF, un triunfo clave nas aspiracións dos verdes cando restan 4 partidos para completar esta segunda e decisiva fase na terceira división.

Había moito respecto en Espiñedo ao Polvorín-Lugo B, un equipo plagado de xóvenes futbolistas -varios deles debutaron xa co primeiro equipo- que chegaba a O Carballiño cun único partido perdido nos últimos 16, e varias semanas sen encaixar gol. Pero enfronte estaba este Arenteiro, e esto son palabras maiores.

Tanto os afeccionados que vibraron co equipo en Espiñedo, como os que poideron facélos a través das cámaras da Televisión de Galicia, que retransmitíu en directos, poideron ver un moi intenso partido de fútbol, con dous grandes equipos, que sabían o moito que se xogaban. Cun Arenteiro que levou o peso do partido e infranqueable que, igual que a pasada xornada en Somozas, anulou ao rival sen concederlle oportunidades ante a portería de Diego García, que tan so tivo que aparecer xa preto do final para que os 3 puntos quedasen no casilleiro do Arenteiro.

A xogada clave da tarde chegou no minuto 44, penalti na área lucense que Renan Zanelli executa con solvencia para marcar o 1-0 que xa sería definitivo. Despois, unha polémica decisión arbitral, anulando por suposto fora de xogo o que pudo ser o gol da tranquilidade para o Arenteiro. Pero as vitorias con sufrimento saben moito mellor.

Para ver a ficha do partido sigue a ligazón: http://www.futgal.es/pnfg/NPcd/NFG_CmpPartido?cod_primaria=1000120&CodAc...

O partido está fixado para as cinco da tarde deste sábado dia 10 de Abril, correspondente á segunda xornada de terceira división da fase de ascenso directo á 2ª división RFEF, e enfrontará en Espiñedo a Arenteiro e Lugo B-Polvorín, con aforo reducido a 500 espectadores e coas cámaras en directo da G2.

O Arenteiro chega a esta segunda xornada como segundo clasificado e 50 puntos, tras gañar en Somozas. O Lugo B é terceiro con 45 puntos, tras vencer ao Arousa. Xóganse tres puntos de vital importancia para o que pode ser o desenlace final nesta decisiva fase da competición.

O Arenteiro viaxaba para iniciar a segunda fase da competición no grupo do ascenso directo á 2ª RFEF ao campo do equipo máximo realizador entre os 24 do grupo 1 da terceira división, O Somozas, un equipo de marcada vocación ofensiva e plagado de bos xogadores con moita experiencia tanto en Segunda B como en Terceira, pero o Arenteiro non lle concedeu opcións en 95 minutos de partido, tras unha gran lección defensiva dos verdes.

Xogando con balón, pero sobre todo sen balón, o Arenteiro fixo un partido redondo, anulando todo o enorme potencial ofensivo do Somozas e agardando a súa oportunidade. Chegou mediada a segunda parte, tras un dos tamén contados erros defensivos dos locais, Marquitos adentrouse na área para servir un balón que rematou Naveira chegando no segundo pau. E aínda pudo ampliar a vataxe no marcador o Arenteiro noutra boa xogada que culminou Alex Ferández, o balón petou no poste e nas costas do gardameta local e foise fora.

Outros tres puntos de ouro para o Arenteiro, que continúa asi sgundo  a 1 punto do Bergantiños e con 5 de vantaxe sobre o terceiro, o Lugo B, precisamente o próximo rival da vindeira fin de semana en Espiñedo. Un partido que podería ter que adiantarse ao sábado por imperativo da TVG.

Para ver a ficha do partido sigue a ligazón: http://www.futgal.es/pnfg/NPcd/NFG_CmpPartido?cod_primaria=1000120&CodAc...

O sorteo celebrado na RFGF quixo que o Arenteiro inicie a fase de ascenso directo á 2ª RFEF en Ferrol Terra, no campo Manuel Candocia de As Somozas, onde xogará ante os locatarios o primeiro dos seis partidos desta segunda fase da competición, o proximo domingo dia 4 de Abril.

Na segunda xornada recibirá, o domingo 11 de Abril, ao Lugo B en Espiñedo, para completar a primeira volta desta segunda fase desplazandose a Carballo para enfrontarse ao Bergantiños, o domingo dia 18 de Abril.

En consecuencia, na segunda volta o Arenteiro recibirá en Espiñedo ao Somozas, logo viaxa a Lugo e rematará en Espiñedo co Bergantiños. Suben directos os dous primeiros clasificados, e os outros catro teñen unha segunda oportunidade no que terán que xogar eliminatoria a partido único.

Unha vez reunidos os dous grupos, a clasificación coa que se inicia a competeción é a seguinte: 1.Bergantiños (48 puntos) 2.Arenteiro (47) 3.Lugo B (42) 4.Arousa (41) 5.Somozas (41) 6. Alondras (37)

Por 3-1 venceu en Espiñedo ao Ribadumia, nun partido no que os do Salnés purxeronse por diante no marcador e obrigaron ao Arenteiro a remontar, desta maneira o equipo dirixido por Fran Justo accede á fase polo ascenso directo como campión do grupo 1B con 47 puntos en 22 partidos, dos que gañou 13, empatou 8 e perdeu tan so 1.

No partido desta tarde os verdes encontráronse cun bo Ribadumia que, ademáis encontrouse coa fortuna en forma de gol materializado polo seu veterano dianteiro Hugo Soto cando ía un cuarto de hora de partido. Tocaba remontada, que comezou a fraguarse cun centro medido de Alex Fernández ao segundo pau, e alí, de certeiro testarazo Javi Pazos cruzou o balón inalcanzable para o gardameta visitante, chega o empate no minuto 42, e apenas 3 despóis chegou a fantasía da tarde en Espiñedo: Victor Eimil recolle un balón en campo propio, regatea aos rivais que lle saen ao paso e dende o vértice da área grande lanza un misil que se cola por toda a escadra. Para enmarcar.

A segunda parte comezou co Arenteiro decidido a sentenciar pola vía rápida, e tras unha boa tringulación, o gardameta do Ribadumia rexeitou apuradamente o remate de Presas, pero ao rexeite chegou Renan para facer o terceiro gol local da tarde. Despois, o Arenteiro gozou de varias ocasión para ampliar a diferencia no marcador, que xa non se movería, mesmo o Ribadumia tamén tivo dúas boas ocasións para vovler meterse no partido pero encontrouse cun moi seguro Diego García. A nota negativa da tarde foi a lesión de Cissé, que tivo que retirarse do terreo de xogo lesionado.

Agora, os verdes quedan pendientes do sorteo que se celebrará este lúns dia 29 na sede da RFGF, para esta fase polo ascenso directo no que o Arenteiro xogará a doble volta con Bergantiños, Lugo B e Somozas, os clasificados do grupo 1A. O primeiro partido será xa o próximo domingo.

Par ver a ficah do partido sigue a ligazón. http://futgal.es/pnfg/NPcd/NFG_CmpPartido?cod_primaria=1000120&CodActa=7...

Un domingo como os de antes, de fortes emocións e de carrusel de partidos, todos á mesma hora. A primeira fase da Terceira División conclúe oficialmente esta próxima fin de semana coa disputa da última xornada nos dous grupos e a emoción está asegurada, debido a que aínda quedan moitas cousas por decidir.

Sabemos que Bergantiños e Arenteiro xa son oficialmente os campións de senllos grupos, e que no Grupo B, xunto co propio Arenteiro, Alondras e Arosa xogarán polo ascenso directo. O desenlace, este domingo 28 de marzo a partir das 17 horas.

O CD Arenteiro proclamouse esta pasada fin de semana campión de grupo. Arosa SC e Alondras CF acompañarán aos do Carballiño na Fase de Ascenso directo. Aínda que o Arenteiro xa está clasificado dende fai tres xornadas para disputar a fase do ascenso directo, sigue sendo de moita importancia acceder a esta segunda fase coa maior puntuación posible, polo que de gañar ao Ribadumia este domingo en Espiñedo accedería con 47 puntos.

O partido co Ribadumia será de novo con aforo limitado en Espiñedo a 500 espectadores, con preferencia para os socios, e coa posiblidade de acceso ao público ata completar aforo.

A última xornada da primeira fase decidirá as prazas de 4º, 5º e 6º clasificado, xa que Ourense C F, Estradense, CD Choco e Rápido de Bouzas teñen 28 puntos,  CD Barco ten 27 puntos, o CD Ribadumia ten 26 e a UD Ourense ten 25 puntos, polo que todo pode pasar nesta última xornada. A última xornada da primeira fase na Terceira División disputarase o próximo domingo 28 de marzo ás 17 horas en horario unificado.

A segunda fase da Terceira División arrincará oficialmente a fin de semana do 3-4 de abril. Cómpre salientar que o descanso previsto entre fases eliminouse polo parón necesario que se fixo no seu día para recuperar partidos.

O próximo luns coñeceremos tamén o calendario desta segunda fase, na que CD Arenteiro loitará polo ascenso á 2ª RFEF.

O empate do Arenteiro no Baltasar Pujales de Bouzas e o pinchazo do Arousa en Ribadumia fan que os verdes se proclamen campións do grupo 1B de terceira división a falta de xogarse un partido para completar a primeira fase do campionato, o que desputará o proximo domingo dende as 17 horas en Espiñedo precisamente ante o Ribadumia.

No partido xogado na matinal deste domingo á beira da ría de Vigo o Arenteiro deixou escapar dous puntos nunha desafortunada xogada, que ademáis foi a derradeira do encontro cando ían 97 minutos de xogo, un disparo sen aparente perigo sobre a portería de Diego García fixo que o balón pegase en Renan, que non pudo evitar marcar en propia porteria. 

Apenas ían 2 minutos de xogo cando o árbitro sinalou un penalti sobre Javi Pazos que o especialista Renan transformou no 0-1. O temperan gol propiciou que o Arenteiro cedese o balón ao Rapido, nun dominio bastante ficticio que non se traducía en perigo real sobre a portería do Arenteiro, pola contra a mellor ocasión desta primeira parte foi para o Arenteiro nun testarazo de Joni que acertou a despexar por dúas veces o exarenterio Rui, agora defendendo a meta do equipo boucense.

O partido púxose de cara xa na segunda parte cando un centro de Eimil foi rematado de cabeza por Javi Pazos, desta vez Rui non pudo evitar o 0-2. Pero todo se torceu no minuto 67, cando o árbitro interpretou mans de Portela dentro da área, foi a xogada clave da mañá, porque ademáis de meter ao Rapido no partido (1-2) siñificou a expulsión de Portela por segundo cartón amarelo, deixando ao Arenteiro en inferioridade e con moito partido por diante. Tocaba sufrir, Alex Fernández retrasou a súa posición á defensa e o Arenteiro aguantou ata ceder o empate no último suspiro do partido. 

Para ver a ficha do partido sigue a ligazón: http://futgal.es/pnfg/NPcd/NFG_CmpPartido?cod_primaria=1000120&CodActa=7...

O Arenteiro venceu 2-1 ao Pontellas nun partido no que regresaba a Espiñedo e no que os pupilos de Fran Justo víronse obrigados a remontar o marcador xa que o equipo do Porriño adiantouse cun gol de penalti no minuto 20, con esta nova victoria o Arenteiro segue líder e suma xa 43 puntos no grupo 1B de terceira divisíón.

Vista a táboa de clasificación moitos poderían pensar que era un partido fácil, enfrontábase o líder co colista, pero esto é terceira división e o Pontellas mostrouse como un equipo con orgullo, correoso e aguerrido, e ademáis encontrouse cun penalti ao seu favor que facilitou o seu guión de partido á defensiva. Non obstante, o Arenteiro unhos minutos antes do descanso, Renan lanza dende o córner e Germán Pérez -hoxe titular- conecta un cabezazo que empata o partido.

Aos 5 minutos da reanudación Sylla con outro extraordinario testarazo fai o segundo gol do Arenteiro, que sería xa o definitivo, aínda que os verdes tiveron varias ocasións para ampliar o marcador ao seu favor, como en sendos remates de cabeza de Javi Pazos -que se foi fora- e outra vez Sylla, que obrigou a lucirse ao gardameta do Pontellas. Tamén Joni tivo outra moi clara xa no tramo final do partido. Nesta segunda parte o árbitro non quixo ver dous claros penaltis na área do Pontellas, ambos cometidos sobre Sylla, pero non era a tarde do trio arbitral, que ademáis errou en varias ocasións na aplicación da regla do fora de xogo.

Sylla e Adrián Pol viron cartón amarelo e cumplirán ciclo de amonestación na difícil visita do próximo domingo ao Baltasar Pujales, onde agarda o Rápido de Bouzas. Sumaránse a baixa de Manu Mariña e pendientes da evolución de Cissé, que sufre unha distensión muscular.

Para ver a ficha do partido sigue a ligazón: http://futgal.es/pnfg/NPcd/NFG_CmpPartido?cod_primaria=1000120&CodActa=7...

A falta de 9 puntos en xogo para completar a primeira fase do campionato de liga en terceira división, o Arenteiro consigue a clasificación matemática para o grupo de equipos que na segunda fase loitarán polo ascenso de categoria á Segunda-b, un fito na historia do club que non se vive dende fai 28 anos.

No partido desta en Calabagueiros, os verdes tiveron que xogar ante o Barco en inferioridade de xogadores no campo a última media hora de partido pola expusión de Naveira, que víu doble cartón amarelo. O Arenteiro entrou mellor no partido que os locais, aínda que ata o minuto 30 non logrou adiantarse no marcador. Foi nun fallo defensivo do equipo de Valdeorras cometido sobre Rubén Arce que encargouse de transformar Renan Zanelli.

Tras o paso por vestiarios, o Arenteiro volveu levar perigo ante a portería local e controlou ben o partido ata que no minuto 62 chegou a xogada clave coa expulsión de Naveira. O Barco foise con toda a súa artillería ofensiva sobre a portería de Diego García, pero so foi capaz de marcar nunha xogada a balón parado, nun corner que non acertou a defender o Arenteiro.

Para ver a ficha do partido sigue a ligazón: http://futgal.es/pnfg/NPcd/NFG_CmpPartido?cod_primaria=1000120&CodActa=7...

Tarde primaveral na Regueiriña de Barbantes, e triunfo dos verdes ante a UD Ourense por 1-0 que achega ao Arenteiro un pasiño máis ao obxetivo de meterse na pelexa polo ascenso, a falta de 4 partidos para completar a primeria fase da competición o Arenteiro suma 39 puntos, con 5 de ventaxe sobre o Arousa.

No partido desta tarde o Arenteiro pudo deixado practicamente sentenciado na primeira parte, na que gozou de boas ocasións para marcar, pero non foi así, e tivo que agardar ao minuto 83 ata conseguílo. Foi un saque dende o recuncho no que Alex Fernández case fai gol olímpico, o balón foi repelido polo segundo pau da porteiría ourensanísta e Victor Eimil, moi oportuno, golpeouno o suficiente para que rebasase a liña de gol.

Na primeira parte, o Arenteiro foi mellor que o seu rival,  e dos verdes foron todas as ocasións, incluída a doble ocasión que tivo Joni tras unha internada de Eimil que serviu un balón sobre a área pequena na que Joni rematou pero o meta ourensanísta despexou con apuros, na mesma xogada o propio Joni á media volta fixo un bó remate pero o balón foise fora por pouco. Javi Pazos e Cissé tiveron as súas. O Ourense pouco máis fixo que aguantar as acometidas carballiñesas.

Non obstante, o intermedio sentóulle ben aos capitalinos, que conseguiron nivelar o encontro e mesmo dispuxeron dunha ocasión nas botas do lateral Varo, que resolveu ben Diego García. Nos últimos 20 minutos o Arenteiro volveu á carga, e de novo tivo unha inmellorable ocasión para marcar nun balón colgado sobre a área visitante por Pol ao que por milímetros non chegou Rubén Arce. Parecía que o gol podía chegar en calquera momento, e finalmente o premio chegou. Agora a pensar en Calabagueiros, próxima estación.

Para ver a ficha do partido, sigue a ligazón: http://www.futgal.es/pnfg/NPcd/NFG_CmpPartido?cod_primaria=1000120&CodAc...