O Partido Popular rompeu esta mañá o silencio que mantiña en relación ó proceso negociador que manteñen PSOE e BNG para asinar un pacto municipal de goberno no Concello do Carballiño. Nunha comparecencia ante os medios, Argimiro Marnotes pedíu publicamente a unhos e outros que "clarifiquen dunha vez por todas as súas negociacións"e poñan fin á parálise que -entende o PP- vive o Concello do Carballiño desde que comezaron as conversas entre socialistas e nacionalistas. O portavoz dos populares manifestou que o equipo de goberno está "esgotado, noqueado e dividido" e tamén que o único que busca Carlos Montes con este pacto é aprobar unhos orzamentos "que lle permitan manter a rede clientelar do PSOE no Concello do Carballiño".

En canto ó BNG, Marnotes recordou que Manuel Amil pudo ser Alcalde e non quixo, e tamén lle recordou a promesa electoral coando afrimou que non pactaría a non ser que fose para ser Alcalde. Finalmente, desde o Partido Popular entedese que xa está esgotado o prazo destas negociacións porque o Concello do Carballiño non se pode permitir por maís tempo esta situación de indefinición política, e por eso, desde o Partido Popular pídeselle tanto a PSOE coma a BNG que se aclaren. E pase o que pase, o Partido Popular trasladará a unha mensaxe á cidadanía: o PP seguirá no que queda de mandato onde o situaron os votos "nunha oposición sen complexos, sen ataduras e con moita responsablidade"

Lo siento tu navegador necesita flash para ver este contenido

Declaracións Argimiro Marnotes voceiro do PP en Carballiño

A Garda Civil buscaba a última hora da tarde o autor dun novo roubo cometido hoxe nun céntrico piso do Carballiño, tras producirse a denuncia, parece ser que o autor do roubo -un home novo- foi localizado polos axentes pero logrou escapar ó cerco policial, antes que pudese procederse á súa detención. Desde as sete da tarde en adiante, axentes da Garda Civil peinaban o paseo fluvial do río Arenteiro e as súas inmediacións, xa que foi cara esta zona onde se dirixiu o individuo. Xa de noiite, e provistos de linternas, os axentes da Garda Civil seguian a búsqueda. O de hoxe foi o terceiro roubo nun piso do Carballiño que se denuncia no que levamos do mes de outubro.

O Alcalde do Carballiño trata hoxe de reconducir o proceso de negociacións có BNG para acadar un pacto de goberno municipal entre ambas formacións políticas. Unhas negociacións que estaban bastante adiantadas, de tal maneira que o acordo dábase por feito antes de que Montes marchase de vacacións fai quince dias atrás, pero un acordo que se complicou na súa ausencia, sobre todo ante as reticencias dos socialistas, tanto no propio grupo muncipal como noutros sectores do PSOE, e reticencias que aumentaron o coñecerse as demandas dos nacionalistas que reclaman para a súa xestión a área de obras e urbanismo, e servizos sociais. Carlos Montes encontrouse tras o seu regreso vacacional con moitas suspicacias no seu partido a ceder parte do poder municipal no Concello do Carballiño. Neste contexto, Montes trata de reconducir a situación ante os seus propios compañeiros de partido, e co obxetivo de buscar un consenso que de monteo non tén, antes de volver reunirse có BNG, e nunha semana que se agrda sexa clave e definitiva na resolución deste proceso negociador que, unhos e outros, entenden que se está alongando no tempo maís do que sería aconsellable.

O Arenteiro volve ser o lider da categoria tras a traballada victoria conseguida hoxe polos verdes no campo da Lomba de Vilagarcia, onde se impuxo ó Arousa por 1-2, con goles de Oliveira e Martín. O Arenteiro controlou en todo momento o partido. Tras unha primeira parte na que os carballiñeses estiveron mellor asentados que o seu rival no terreo de xogo chegaríase o dencanso sen que se movese o marcador. Na reanudación, ós poucos minutos chegaría o gol do Arousa que se adiantaba no marcador no lanzamento dunha falta e nun clamoroso fallo da barreira verde. Tras o gol, o Arousa pasou a facerse momentáneamente co control do partido, pero só por unhos minutos, porque sería novamente o Arenteiro quen pasou a dominar o xogo e crear as mellores ocasións de gol ante a portrería do Arousa. Aínda co 1-0 no marcador o árbitro escamoteou un claro penalti cometido sobre Nicol, antes de que chegaran os dous goles de Oliveira e Martín que finalmente farían xustiza no marcador. O mesmo Martín e Nicol terían dúas boas oportunidades para incrementar a ventaxa carballiñesa, mentres que o Arousa apenas chegou a crear perigo ante a porteria defendida hoxe por Iván. O Arenteiro foi máis equipo que o Arousa e polo tanto xusto vencedor.

As primeiras chuvias intensas do outono, as da pasada semana, causaron considerables estragos en varios treitos do paseo do río Arenteiro, inaugurado fai apenas seis meses. O lamentable estado no que quedou o camiño pode verse en varios lugares, como acontece na zona do Cornuval, no Cuco o nas inmediacións da pasarela metálica, ónde se produciron os danos maiores. A deficitaria recollida das augas pluviais nestas zonas provocou o arrastre de terra nunhos casos, e unha desfeita do camiño noutros, debido a gran cantidade de auga que tivo que soportar nestas zonas de desnivel, nas que non se contemplou debidamente esta circunstancia cando se executou a obra. Ademáis, cando se presentara inicialmente o proxecto, anunciárase que o camiño levaría zahorra, pero finalmente fíxose tan só a base de terra, de maneira que en dias de chuvia o firme ablándase e provoca bastante lama. Mentres, dias atrás iniciaronse as obras de construcción do tramo que restaba para completar este novo paseo do Arenteiro, o que vai desde a ponte de Toscaña atá a antiga depuradora, dunhos 300 mentros de lonxitude. Inicialmente, este treito estaba considerado como refuxio de fauna e no mesmo non estaba previsto actúar, aínda que tras as alegacións presentatadas tanto por veciños da zona como polo Concello Carballiñés, a Confederación Hidrográfica reconsiderou a súa postura e autorizou esta actuación que financia a Consellería de Medio Ambiente. A diferencia do resto do paseo, neste traxecto o camiño faráse a base dunha pasarela de madeira co fin de evitar os humedais existentes nesta zona. Unha vez rematada esta derradeira fase do proxecto, que inclue ademáis unha pasarela peonil sobre o río á altura da piscifactoria, completaráse este paseo perimetral sobre o río Arenteiro, dun percorrido arredor dos seis kilómetros polas dúas beiras.

O adestrador carballiñés prepara unha revolución no equipo titular que o Arenteiro presentará este domingo dia 11 de outubro, desde as cinco da tarde, no campo da Lomba de Vilagarcia, ónde agarda o líder da categoria, o Arousa. Seguramente, o once que comezará o partido presentará varias novidades, unhas por necesidade debido a lesións ou a ausencias obrigadas coma a de Xurxo, sancionado, e outras por disposición táctica. Asi, con Zafra na portería, para os laterais contase de inicio con Gil e Padín, e con Nacho Currás e Valeiras para o centro da zaga, serían pois tres novidades na liña defensiva que atá agora viña sendo habitual. Outro dos cámbeos estará na demarcación que pasará a ocupar Diego Soto, que volverá o seu posto do ano pasado no centro do campo, xunto a Iago, Nicol e Alfredo. E tamèn haberá novidades na dianteira, xa que Marquitos apostará desta vez por dous dianteiros, optando por Oliveira para acompañar ó pichichi Martín. Con este equipo, o Arenteiro tratará de sorprender ó Arousa, se consigue a victoria, os carballiñeses volverán recuperar o liderato na clasificación da preferente autonómica, que perderon o pasado domingo en Espiñedo trala derrota ante o Barbadás.

O servizo Xantar na Casa comezará a prestarse nos concellos de Boborás, O Irixo, e Piñor en virtude dos convenios asinados polos alcaldes destas localidades e a conselleira de Traballo e Benestar, Beatriz Mato, na Delegación Territorial da Xunta de Galicia en Ourense. Un total de 76 veciños destes concellos beneficiaranse polo momento do servizo que ten xa 1.031 usuarios repartidos entre as catro provincias galegas, persoas ás que se lles garante unha alimentación equilibrada e de calidade adaptada ás súas necesidades.O obxectivo principal de Xantar na Casa é mellorar o nivel de benestar e de calidade de vida de moitas persoas maiores e/ou dependentes, e tamén das súas familias, manténdoas no seu contorno familiar e comunitario e retardando ou evitando a institucionalización. Ao mesmo tempo, facilitase un respiro ás familias e aos coidadores e un seguimento e acompañamento de cada persoa beneficiaria do servizo por parte dos profesionais que acoden aos domicilios.Benefícianse deste programa persoas maiores de 60 anos cunha autonomía persoal limitada, dependentes que carecen de apoio familiar e persoas menores de 60 anos en situación de exclusión social dos concellos do Consorcio Galego de Servizos de Igualdade e Benestar. En canto ao funcionamento, o transporte dos menús realízase en vehículos adaptados mantendo a temperatura e a refrixeración imprescindible. Os xantares se entregan nun único día á semana nos domicilios das persoas beneficiarias, que reciben sete bandexas diferentes co xantar para cada día. O prezo do menú diario é de 6,93 euros, dos que a Xunta, a través do Consorcio, aporta 3,23, mentres que o Concello e o usuario poñen, cada un, 1,85 euros ó día..

A colaboración cidadán e a rápida intervención da Policia Local do Carballiño resultaron decisivas para auxiliar a unha veciña do Carballiño que estaba sendo obxeto dun roubo na súa vivenda, no edificio Fraguas. Os feitos sucederonse esta pasada tarde, cando veciños dos pisos colindantes cós da víctima escoitaron berros e golpes, chamando entón á Policia Local do Carballiño e comunicandolle o que estaba acontecendo. Ós poucos minutos, axentes da Policia Carballiñesa accederon atá a vivenda e procederon á detención do asaltante, que resultou ser C.R.R., de 31 anos de idade e veciño da localidade coruñesa de Rianxo. Posteriormente, foi trasladado ás dependencias da Garda Civil para a súa custodia atá ser posto a disposición xudicial. A muller, víctima deste incidente, sufríu varios golpes ó tratar de opoñerse ó asaltante.

Desde o Concello do Carballiño asegurase que fai seis meses desde que se puxeron en coñecemento da Dirección Xeral de Comunicación da Xunta de Galicia as deficientes condicións de recepción da televisión dixital terrestre tanto no ámbito urbano coma no rural no municipio carballiñés, xa que son frecuentes as queixas que se presentan no propio Concello por parte dos usuarios da TDT "que no poden ver correctamente varias canles, entre elas a da TVG, unha das queixas máis repetidas ven motivada pola imposiblidade de ver os partidos da liga europea, que son emitidos pola TVG dixital". No comunicado de protesta emitido desde o Concello Carballiñes tamén se pón de manifesto que "todo apunta a que o problema radica na existencia dunhos eólicos preto da zona dos emisores, ubicados no monte da Medela. Os técnicos da Xunta aseguraron que o problema quedaría arranxado ca reubicación destes emisores, pero aínda non fixeron este traballo, co conseguinte trastorno para os veciños do Carballiño". Tamén se aegura desde a Entidade Municipal que xa se está a traballar para a instalación dos equipos reemisores necesarios para dar cobertura total na TDT a todo o territorio muncipal, antes do apagón analóxico, concretamente estímase necesaria a colocación de seis micro-reemisores nas localidades de O Penedo, Pol, Señorín, Mesego, Porto de Eguas e Godás, para que a cobertura sexa do 100% no Concello do Carballiño. A instalación deste equipamento tamén foi xa solicitada a Dirección Xeral de Comunicación.

O sinistro ocorreu arredor das oito da tarde deste pasado sábado á altura do kilómetro 30,5 da estrada N-541 nas inmediacións entre o cruce de Moldes e a localidade de Sande, no Concello de Boborás. Por causas descoñecidas, o vehículo Lancia Fiat que conducía Sara Fortes Ogando, de 53 anos de idade, saíuse da calzada e despeñouse por un barranco dunhos 10 metros de desnivel, quedando a unhos 20 metros da estrada e coas catro ocupantes atrapadas no habitáculo do automóbil, de maneira que foi necesaria a intervención do equipo de excarcelación da Agrupación de Protección Civil do Carballiño para rescatar as catro mulleres. Unha delas, Lucinda Ogando Barros, de 85 anos, falecía no  mesmo lugar do accidente, mentres que a conductora e as outras dúas ocupantes , de 60 e 88 anos de idade, foron trasladadas en ambulancia ó Complexo Hospitalario de Ourense, ónde ingresaron con feridas graves. As catro son veciñas das localidades de Brués e Feás, no Concello de Boborás, aínda que nos últimos anos residian na vila do Carballiño.